Morgunblaðið - Sunnudagur - 19.08.2018, Blaðsíða 8

Í PRÓFÍL
8 MORGUNBLAÐIÐ SUNNUDAGUR 19.8. 2018
Kosta Ríka
Áramótaferð | 28.desember – 10. janúar
Verð frá: 569.900 kr.
VITA | Skógarhlíð 12 | Sími 570 4444 | VITA.IS
og 12.500 Vildarpunktar.
Á mann m.v. 2 í herbergi
Verð án Vildarpunkta: 579.900 kr.
Fararstjóri er Héðinn Svarfdal Björnsson
HJÓNABAND Árið 2010 giftist Blunt banda-
ríska leikaranum John Krasinski og hafa þau ver-
ið saman síðan. Blunt tók upp tvöfalt ríkisfang
og eiga þau Krasinski saman tvær dætur. Hún
átti áður í þriggja ára sambandi við kanadíska
söngvarann Michael Bublé sem lauk árið 2008.
Hjónin léku saman í hryllingsmyndinni A
Quiet Place sem kom út fyrr á árinu en Krasinski
skrifar og leikstýrir myndinni. Hann segir í við-
tali að hann hafi frá upphafi viljað fá Blunt til að
leika á móti sér en verið of smeykur við að
spyrja hana því hann vildi ekki að hún tæki hlut-
verkið að sér sem kvöð en myndin var frumraun
hans sem leikstjóra. Hann bað hana í staðinn að
lesa handritið til að fá álit hennar. Eftir að hún
var búin bað hún hann um að fá að leika hlut-
verkið. Krasinski hafði þá ráðið aðra leikkonu,
vinkonu sína, í hlutverkið en Blunt segist hafa
látið hann hringja í hana og reka hana góðlát-
lega svo hún kæmist sjálf að. Emily Blunt og John Krasinski hafa verið gift í átta ár.
Hljóðlát
hjónakorn
EMILY OLIVIA LEAH BLUNT fæddist árið 1983 í Roehampton-hverfi
London. Hún er annað barn af fjórum, en móðir hennar var leikkona og faðir
hennar var lögmaður. Blunt hóf atvinnuferil sinn á sviði árið 2001 þar sem
hún lék á móti Judi Dench í uppsetningu Peter Hall af The Royal Family.
Sýningin naut mikillar hylli og fékk Blunt mikla athygli fyrir leik sinn og var
valinn besti nýliði í leikhúsi af dagblaðinu Evening Standard. Fyrsta hlut-
verk Blunt á skjánum var í sjónvarpsmyndinni Boudica árið 2003 og fékk hún
í kjölfarið lof fyrir hlutverk sín í myndunum Henry VIII og My Summer
Love. Árið 2007 hlaut hún Golden Globe-verðlaun sem besta leikkona í auka-
hlutverki fyrir leik sinn í myndinni Gideon’s Daughter.
Í gamanmyndinni vinsælu The Devil Wears Prada frá 2006 lék Blunt að-
stoðarkonuna og nöfnu sína Emily. Mörgum gagnrýnendum þótti hún stela
senunni í hvert skipti sem hún var á skjánum, sem verður að teljast gott þar
sem hún lék á móti stórleikkonunum Meryl Streep og Anne Hathaway, og
var hún tilnefnd til Golden Globe- og BAFTA-verðlauna fyrir
leik sinn í myndinni. Í kjölfarið var Blunt aftur tilnefnd til
Golden Globe-verðlauna árið 2009, í þetta skipti sem besta
leikkona í aðalhlutverki, fyrir hlutverk sitt sem Viktoría Bret-
landsdrottning í The Young Victoria sem fjallar um fyrri
hluta stjórnartíðar hennar og brúðkaup hennar og Alberts
prins. Blunt fékk mörg hlutverk á næstu árum, meðal annars
í myndunum Looper og Adjustment Bureau. Henni var einnig
boðið hlutverk Marvel-hetjunnar Svörtu ekkjunnar í Iron Man
2 en hún hafnaði því þar sem hún var upptekin við tökur á
Gulliver’s Travels, svo að hlutverkið fór til Scarlett Johansson.
Árið 2014 lék Blunt á móti Tom Cruise í Edge of Tomorrow,
vísindaskáldskap þar sem persóna Cruise endurupplifir sama
daginn margoft. Í undirbúningi fyrir myndina var Blunt í stíf-
um æfingum í þrjá mánuði þar sem hún stundaði meðal annars
styrktarþjálfun, jóga, fimleika og bardagalistina Krav Maga.
Myndin var mjög vinsæl og æfingar Blunt skiluðu sér, en hún
þótti sannfærandi hörkukvendi.
Á síðustu árum hefur Blunt tekið að sér fjölbreytt aðal-
hlutverk í stórmyndum á borð við Sicario, The Girl on the Tra-
in og A Quiet Place, en næsta hlutverk hennar er sem Mary
Poppins í nýrri mynd um barnfóstruna sem kemur út síðar á
árinu. arnart@mbl.is
GARNAGAUL Anne Hathaway,
mótleikkona Blunt í The Devil
Wears Prada, greindi frá því í
fjölmiðlum að framleiðendur
myndarinnar hefðu sett þær á
stífan megrunarkúr til að
grenna sig fyrir hlutverkin.
Hathaway segir að mataræðið
hafi verið svo erfitt að hún og
Blunt hafi á tímum grátið sök-
um hungurs. Blunt hefur sjálf
sagt að grannt hafi verið fylgst
með mataræði sínu við tökur á
myndinni, en undir lokin hafi
hún tekið upp á að smygla inn
kleinuhringjum til að pirra
framleiðendurna.
Grætandi
mataræði
Hathaway og Blunt í The Devil Wears Prada. Ein eftirminnilegasta lína Blunt úr
myndinni er: „Ég er einni magakveisu frá óskaþyngdinni.“
TALMEIN Á milli sjö og fjórtán ára
aldurs glímdi Blunt við örðugleika í máli,
en hún stamaði svo mikið að hún átti
erfitt með að halda uppi samræðum.
„Ég var gáfað barn sem hafði mikið að
segja, en ég gat ekki sagt það,“ segir
Emily í viðtali við tímaritið W.
Foreldrar hennar sendu hana til
fjölda talmeinafræðinga, sem skilaði
takmörkuðum árangri, en grunnskóla-
kennari hennar stakk þá upp á að hún
prófaði að takast á við vandann með
því að leika í skólaleikritinu þar sem
hún fengi að tala með hreim. Hlut-
verkið hjálpaði Blunt að fjarlægjast
vandann og komst hún að lokum yfir
hann. Þetta voru fyrstu skref hennar í
leiklistinni.
Barnfóstran Mary Poppins svífur aftur á hvíta
tjaldið síðar á árinu.
Leiklistin var
lausnin
Stamandi
hörkutól
Emily Blunt
státar af fjöl-
breyttum ferli.Edge of Tomorrow naut mikilla vinsælda og var væntanlegt framhald tilkynnt fyrr á árinu.
Sem Kate Macer í Sicario.
AFP
’ Ég var gáfað barn semhafði mikið að segja, enég gat ekki sagt það.