Breiðfirðingur - 01.04.1983, Side 19

BREIÐFIRÐINGUR
17
HafnargerS í Skáleyjutn sumarið 1982. Prammi og dráttarbátur eru frá Þör-
ungavinnslunni á Reykhólum.
minks og annarra vargdýra til að ná þar fótfestu og
yfírráðum. Og við getum sem best haldið að okkur
höndum og látið kylfu ráða kasti um það hver þróunin
verður.
En við getum líka gert annað. Við gætum byggt
eyjarnar á ný. Ekki allar, sem áður voru byggðar, held-
ur bestu jarðirnar en nytjað hinar með. Þá gæti nokkur
hópur fólks lifað góðu lífi á hverri byggðri eyju, ef sam-
félagið tryggir góða þjónustu varðandi samgöngur, síma
og neyðartilfelli. Einangrunin, sem áður þjakaði fólk og
olli óánægju, þegar betri kostir buðust annars staðar,
yrði þá engu meiri í eyjunum en víða annars staðar í
byggðum þessa lands. Um það þykist ég geta dæmt, því
við, sem búum þarna nú höfum smámsaman verið að
fá í hendur hluti, sem gerbreyta högum okkar og
aðstöðu. — Þar má nefna sjálfvirkan síma, viðkomu flóa-
bátsins, bryggjur fyrir hann, þyrluflug, ef vanda ber að
höndum o.s.frv. Allt er þetta ómetanlegt og gefur stað-