Breiðfirðingur - 01.04.1983, Side 40

38
BREIÐFIRÐINGUR
jafnhliða og þeir iðka sundnámið, þá mun ekki líða á
löngu áður en byggingar aukast svo að Laugum, að þar
verður ekki einungis sundskóli, heldur líka héraðsskóli
Dalamanna.“
Hér lýkur tilvitnun í bókina „Skýrslur um nokkrar
framkvæmdir ríkisins 1927-1930“.
Steinsteypa eða gull
Hér á eftir verður aðeins stiklað á stóru að því er
varðar undirbúning og sögu þessarar sundlaugarbygg-
ingar. Það mun hafa verið á útmánuðum veturinn
1910—1911 að fyrsta tillaga að byggingu sundlaugar að
Laugum er borin fram á ungmennafélagsfundi að
Hvammi í Hvammssveit. Flutningsmaður tillögunnar
var ungur vinnumaður í Gerði, Guðbjörn Jakobsson að
nafni. — Tillaga þessi mun bafa þótt all djörf og nýstár-
leg. A þessum árum munu fáar byggingar úr
steinsteypu hafa verið í sýslunni. Var svo víða um land
á þeim tíma. Kom þar hvoru tveggja til — lítil þekking
á þessu byggingarefni og óhægt um aðflutninga efnis.
Því var það á fundi þessum að ýmsum þótti í mikið
ráðist með því að ætla að byggja sundlaug úr
steinsteypu. — Einn fundarmanna viðhafði þau ummæli
í ræðu, að ef byggja skyldi sundlaug úr steypu, þá mætti
alveg eins byggja hana úr gulli. Svo mjög óx mönnum
þessi framkvæmd í augum.
A tímabilinu frá 1910-1929 munu alls 3 nefndir hafa
starfað í sundlaugarmálinu og sýnir það vel hversu
þungt var fyrir fæti með undirbúning þessarar fram-
kvæmdar.
En eins og fyrr segir hófust byggingarframkvæmdir
vorið 1929. Fyrsti yfirsmiður var Jóhann Jónsson frá
Bæ í Hrútafirði. Verkstjóri við framkvæmdir allar var
Guðbjörn Jakobsson, fyrsti upphafsmaður verksins.
Hann var þá orðinn bóndi á Máskeldu í Saurbæ. Er
Guðbjörns minnst á öðrum stað í þessu hefti ritsins.