Breiðfirðingur - 01.04.1983, Page 45

BREIÐFIRÐINGUR
43
hringganga. Farið var á Tungustapa og til annarra sögu-
staða í grendinni. Þegar líða tók á mánuðinn fóru að
berast óskir um framlengingu á námskeiðinu og var
slíkt ákveðið eftir að nægar umsóknir höfðu borist.
Fyrsta sundsýning við Sælingsdalslaug fór fram 27.
febrúar og virtist fólk hafa gaman að þeirri nýbreytni.
Þá flutti Jóhann Bjarnason í Búðardal mjög gott erindi.
Eftir að samkomugestir höfðu margir fengið sér
sundsprett í lauginni var hún vatnstæmd og síðan stig-
inn dans á hallandi laugarbotninum. Að sjálfsögðu var
þetta nýtt ævintýri.
Síðara námskeiðið hófst svo 1. mars. Nokkrir af fyrri
nemendum héldu áfram og aðrir bættust við, svo talan
varð 39 á þessu námskeiði, þar af framhaldsnemar 11.
Alls munu 70 manns hafa notið sundkennslu á báðum
þessum námskeiðum.
A þessum tíma var fólki aðallega kennt bringu- og
baksund. Síðan var kennt björgunarsund og hliðarsund.
Lögð var áhersla á stór sundtök og langt skrið. Nokkru
seinna kom fram breyting á þessum sundum, svo og
skriðsund o.fl. Sundnemar voru úr öllum hreppum Dala-
sýslu nema úr Hörðudal. Auk þess lögðu tveir sýsl-
ungar mínir land undir fót til að læra sund. Voru þeir
úr Bitrunni. Undir lok síðara námskeiðsins var haldin
sundsýning og á eftir vönduð skemmtidagskrá. Auk
fjölmargra samkomugesta kom frk. Sigurborg Kristjáns-
dóttir, forstöðukona Staðarfellsskóla með námsmeyjar
sínar, fallegan hóp. Sigurborg las af mikilli snilld upp
ljóðið Saga málarans eftir Guðmund skólaskáld. Jó-
hannes úr Kötlum flutti snjallt erindi um sögu og bók-
menntir. Að lokum var vatni hleypt úr lauginni og stig-
inn dans frameftir nóttu. Að sjálfsögðu gekk ég milli
bæjanna í grenndinni og allt suður í Ljárskóga, þegar
tækifæri gafst. Guðmundur í Ljárskógum tók myndir af
sundfólkinu og gekk frá virðulegu spjaldi eins og um
skóla væri að ræða. Þegar ég rifja upp þetta hálfrar