Breiðfirðingur - 01.04.1983, Page 48

46
BREIÐFIRÐINGUR
sveitungum mínum og fræddi þá um atburði er gerst
höfðu þar samkvæmt Laxdælu. Engum Bolla mættum
við og komum síðla kvölds að Asgarði, þar sem við nut-
um hinnar alkunnu gestrisni hjá héraðshöfðingjanum
Bjarna Jenssyni og fólki hans. Þar gistu og einnig Jónas
Jónsson frá Hriflu, fyrv. ráðherra ásamt Guðrúnu konu
sinni og dætrum tveimur, Auði og Gerði. Gaman var
fyrir ungan og óupplýstan mann að fræðast af þessum
vinsæla kennimanni og stjórnmálaskörungi um ýmislegt
úr sögu lands og þjóðar, enda verður þessi kvöldstund
að því leyti alveg ógleymanleg.
Þótt ég hefði ekki dvalið þarna í Hvammssveit nema
röska tvo mánuði veturinn áður, þá voru mér allir bæir
kunnir og það ágæta fólk, er þar bjó. Hlakkaði þess
vegna til þess að geta blandað geði við elskulega nem-
endur mína og aðra kunningja næsta dag.
Sunnudagurinn 24. júlí rann svo upp bjartur og fag-
ur með norðan andvara. A tilsettum tíma hófst svo sam-
koman með því að Markús Torfason í Olafsdal setti há-
tíðina og rakti byggingarsögu sundlaugarinnar, sem var
mjög athyglisverð. Þá flutti Jónas Jónsson vígsluræðuna
og var hún snjöll svo sem vænta mátti. Gat þess m.a.
að nú væru 25 sundlaugar heitar á landinu en 4 með
köldu vatni. Næstu ræðumenn voru Þorsteinn sýslu-
maður Þorsteinsson og svo fulltrúi frá Ungmennafélagi
Islands. Meðan þessir tveir ræðumenn fluttu tölur
sínar, klæddum við okkur í sundskýlur, sex strákar og
tvær stúlkur, en að ræðunum loknum hófst svokölluð
sundsýning, sem var fólgin í því að sýna hinar ýmsu
sundgreinar og stungur af laugarbakka. Þetta urðum
við að endurtaka fimm sinnum þar eð áhorfendarými
á bökkum laugarinnar var svo lítið. Alls var talið að 500
manns hefðu sótt vígsluhátíðina. Eg er ekki alveg viss
um hverjir tóku þátt í þessari sundsýningu auk mín, en
líklegt þykir mér að valið hafi verið sundfærasta fólkið
af námskeiðum vetrarins. Trúlega hafa þeir verið þarna