Dagblaðið Vísir - DV - 07.09.2018, Síða 47

477. september 2018
Hann færði hins vegar út kvíarnar
og fór að smygla varningi í gegn-
um Vestur-Þýskaland og til Spánar
og Suður-Ameríku. Árið 1959 gerði
lögreglan mikla rassíu og handtók
80 manns sem hlutu sumir langa
dóma. En Hasso komst undan og
flúði til eyjarinnar Mallorca, þar
sem hann var með hluta af sinni
starfsemi. Mallorca var þá smám
saman að breytast í alvöru ferða-
mannastað og Hasso ákvað að nýta
sér það.
Óhóf og vellystingar
Hasso reyndi fyrst fyrir sér með sjó-
skíðaleigu en það gekk illa og árið
1961 opnaði hann loks bílaleigu,
Hasso Rent a Car. Um þetta leyti
kynntist hann Sigurði S. Bjarnasyni,
sem var þá ungur maður í ævin-
týraleit. Sigurður starfaði hjá Hasso
í tvö ár og náði hagstæðum samn-
ingum við stærstu bílaleiguna á
staðnum um að leigja á umboðs-
launum. Sigurður hætti þá störfum
en þeir héldu vinskap eftir það.
Bílaleigan gekk vel og Hasso fitn-
aði eins og púkinn á fjósbitanum.
Hann fékk viðurnefnið „kóngur-
inn af Mallorca“ og lifði samkvæmt
því, í vellystingum og óhófi. Hasso
varð eldri og eldri en eiginkonur
hans voru alltaf á sama aldri. Alls
var hann kvæntur sex sinnum. Eitt
sagði hann: „Konur yfir þrítugt lykta
bara ekki vel.“
Hasso varð milljarðamæringur
og fjárfesti í bönkum í Þýskalandi
og á Spáni. Hann fór að kalla sig
Hasson von Schutzendorf og lét
hanna skjaldarmerki fyrir sig. Hann
safnaði framandi dýrum, stórum
sem smáum og hélt þau í glæsi-
hýsi sínu í Palma. Popparar og
Hollywood-stjörnur voru daglegir
gestir á heimili hans. En Hasso var
einnig gjafmildur og studdi við
ýmiss konar góðgerðarstarfsemi
á eyjunni sem hafði gert hann svo
ríkan.
Hasso elskaði Ísland og kom
hingað til lands margoft í frítíma
sínum. Hann var einn af þeim
heimsfrægu mönnum sem renndu
fyrir lax á Íslandi. Í dagblöðum var
hann titlaður sérstakur Íslands-
vinur og um tíma fengu allir Ís-
lendingar að leigja bíla frítt hjá hon-
um á Mallorca. Einnig bauð hann
Íslendingum á Mallorca að koma
og dvelja hjá sér í vellystingum í
Palma. Árið 1995 stofnaði hann úti-
bú fyrir bílaleigu sína hér á landi
og varð Sigurður, gamli vinur hans,
framkvæmdastjóri.
Á Íslandi með lífvörð
Á efri árum lenti Hasso margoft í
erfiðum málum og uppákomum
tengdum fjölskyldu hans. Í apríl
árið 1994 hvarf tíu ára sonur hans,
Alberto, af heimilinu í Palma og
gerði lögreglan á Spáni og í Þýska-
landi mikla leit að honum. Kom
þá í ljós að móðir drengsins, og
fjórða eiginkona Hasso, Maria del
Carmen, hafði tekið drenginn.
Íslenska útlendingaeftirlitinu var
gert viðvart um málið þar sem talið
var að Maria gæti hafa komið hing-
að með drenginn. Seinna kom í
ljós að Maria hefði átt að hafa um-
sjá með drengnum og fékk hún það
staðfest fyrir rétti.
Árið 1993 giftist Hasso kólu-
mbískri konu að nafni Astrid og
eftir það beindust augu þarlendra
glæpasamtaka að honum. Hótanir
og fjárkúgun fylgdu og í eitt skipt-
ið var brotist inn á heimili hans í
Palma. Í ágústmánuði árið 1996
kom Hasso til Íslands í fylgd með
lífverði en hann hafði aldrei sést
í slíkri fylgd hér áður. Í það skipt-
ið dvaldi hann á Íslandi í mánuð
til að ná upp heilsu eftir lungna-
bólgu. Ítalska mafían hafði einnig
í hótunum við hann vegna þess að
hann neitaði að greiða svokallað
verndargjald.
Árið 2001 réðust tveir grímu-
klæddir menn á Hasso á heimili
hans þar sem hann var í fótanuddi.
Þeir lömdu hann, hótuðu hon-
um og rændu bæði peningum og
skartgripum. Sjálfur taldi Hasso að
þeir hefðu verið á vegum Astrid en
hún var þá tekin saman við lífvörð
Hasso og beið eftir skilnaði. Sam-
bandið var hins vegar ekki verra en
svo að hún var við hlið hans þegar
hann lést ári seinna í Palma. Sirkus
Hasso Schutzendorf var hins vegar
ekki lokið því að erfðadeila milli
Astrid og fjögurra sona Hasso stóð
yfir í mörg ár. n
TÍMAVÉLIN
S. 565 2217 - pappir@pappir.is - Kaplahraun 20 - 220 Hanarfjörður
Breyttu úr plasti
yfir í pappír
Er fyrirtækið þitt
umhverfisvænt ?
Eigum allar
stærðir
Merktu pokana
með þínu merki
Teikningu Muggs stolið og fargað
Í
desember árið 1984 var teikn-
ingu eftir Mugg, einn dáð-
asta myndlistarmann Íslands-
sögunnar, stolið af Listasafni
Alþýðusambandsins. Um var að
ræða teikningu sem hafði mikið
tilfinningalegt gildi fyrir eigand-
ann sem var náfrænka lista-
mannsins. Þjófurinn reyndi að
koma verkinu í verð en þegar það
tókst ekki fargaði hann því.
Smyglaði sér inn á safnið
Árið 1984 var haldin sýn-
ing í Listasafni ASÍ á verkum
Guðmundar Péturs Thorsteins-
sonar, Muggs, sem var einn af
merkustu myndlistarmönn-
um Íslands. Muggur, sem var
frá Bíldudal, lést aðeins 32 ára
gamall árið 1924 úr brjóstveiki
í Danmörku. Muggur var fjöl-
hæfur málari og þekktur fyrir
verk sýn sem hann byggði á ís-
lenskum þjóðsögum. Í dag er
hann þekktastur fyrir að hafa
myndskreytt barnabækurnar Tíu
litlir negrastrákar og Sagan um
Dimmalimm.
Föstudaginn 14. desem-
ber hvarf eitt verkanna af sýn-
ingunni, blýantsteikning frá ár-
inu 1913 sem bar heitið Beta.
Teikningin var af Elísabetu Egils-
son Waage, systurdóttur Muggs,
sofandi þegar hún var þriggja ára
gömul og hún var einnig eigandi
verksins.
Skólahópur var á listasafninu
þennan dag, utan opnunartíma,
til að fræðast um verk Muggs
og með þeim hafði laumast inn
maður sem enginn kunni deili á.
Þegar starfsfólk safnsins tók eftir
því að verkið var horfið var strax
hringt á lögregluna og leit hafin
að manninum.
„Þetta kemur óneitanlega við
mig, myndin var svo persónu-
leg,“ sagði Elísabet í samtali við
Morgunblaðið. Hún hafði fengið
myndina í arf frá ljósmóður sinni,
Þuríði Bárðardóttur. „Þessi mynd
er eini erfðagripurinn sem ég hef
eignast í lífinu. Ég vona bara að
þetta sé ekki einhver ólánsmaður
sem eyðileggur hana.“
Reif teikninguna í smátt
Þriðjudaginn 18. desember hafði
lögregla upp á manninum, sem
var á þrítugsaldri og hafði aldrei
komið við sögu lögreglu áður. Við
yfir heyrslu neitaði hann sök og var
sleppt í kjölfarið. En eftir að nýjar
upplýsingar bárust um málið var
hann handtekinn á ný degi seinna
og játaði hann þá að hafa stolið
Betu.
Sagðist maðurinn hafa stolið
myndinni til þess að selja kunn-
ingja sínum en þegar kunninginn
vildi ekkert með hana hafa þá
hafi hann rifið hana í smátt og
fleygt henni. Kunningi þjófsins
var einnig yfirheyrður vegna máls-
ins. Þórir Oddsson rannsóknarlög-
reglumaður tjáði fjölmiðlum hins
vegar að óvíst væri um sannleiks-
gildi frásagnarinnar og að verk-
ið væri hugsanlega falið einhvers
staðar. Verkið hefur hins vegar
aldrei komið í leitirnar.
Öryggismál Listasafnsins voru
endurskoðuð í kjölfarið á þjófn-
aðinum. Beta var tryggð eins og
önnur verk á sýningunni og voru
sérfróðir matsmenn kvaddir til að
meta verðmætið. n
Í
slendingar eru ljóð- og tón-
elsk þjóð og hafa náð lygilegum
frama á sviði tónlistar á undan
förnum þremur áratugum. Um
aldir kyrjuðu landsmenn saman
á samkundum en fyrsta eiginlega
hljómsveitin var ekki stofnuð fyrr
en árið 1876 og bar hún nafnið
Lúðraþeytarafélag Reykjavíkur.
Lúðraþeytarafélagið var hugar-
fóstur Helga Helgasonar, tré-
smíðameistara og trompetleikara,
en hann stofnaði hljómsveitina
eftir að hann kom heim frá Kaup-
mannahöfn úr söngnámi. Auk
þess að smíða hús gat Helgi sett
saman orgel, fiðlur og harmónikur
listavel og samdi hann tugi laga.
Öxar við ána er eitt hans þekktasta.
Innblásturinn til að stofna
Lúðraþeytarafélagið fékk Helgi frá
danskri sveit sem hingað kom til
að flytja lög á þjóðhátíðinni árið
1874. Sex blásara þjálfaði Helgi
upp og í kringum árið 1880 spil-
uðu þeir á hverjum sunnudegi á
Austurvelli. Síðar bættust fleiri í
hópinn.
Hljómsveitin var starfandi í um
fjörutíu ár en breytti um nafn eftir
aldamótin og hét þá Lúðraflokkur
Reykjavíkur. Lúðrasveitir spruttu
upp eins og gorkúlur, í Hafnar-
firði, Eyrarbakka, Keflavík og víð-
ar. Helgi stofnaði einnig lúðrasveit
í Vestmannaeyjum þar sem hann
bjó um tíma en hann lést árið
1922. n
Íslendingar velkomnir í glæsihýsi Hasso,
Eyjafréttir 31. ágúst 1995
Fyrsta íslenska bandið