Fréttablaðið - 16.02.2019, Síða 76

Tæki geta verið
misörugg og allt
of oft sem upp koma
öryggisgallar.
Sólveig
Gísladóttir
solveig@frettabladid.is
12 KYNNINGARBLAÐ FÓLK 1 6 . F E B R ÚA R 2 0 1 9 L AU G A R DAG U RHUGBÚNAÐUR
Snjallvæðing heimila var yfir-skrift fyrirlestrar sem Ingvar Guðjónsson, forstöðumaður
rekstrarlausna hjá Opnum kerfum,
hélt á UTmessunni nýverið. Þar
ræddi hann þær lausnir sem eru
í boði og að hverju þurfi að huga
varðandi val á tækjum og öryggi.
„Helstu snjalllausnir sem fólk er
farið að nýta sér á heimilum eru
ljósastýringar, hitastýringar og
svo öryggiskerfi líkt og þau sem
Öryggismiðstöðin og Securitas
eru að bjóða. Þetta er snjallheim-
ilislausn sem er hægt að sníða að
þörfum hvers og eins með glugga-,
hreyfi- og vatnsskynjurum,“ segir
Ingvar en snilldin snýst um að fólk
getur stjórnað eða séð stöðuna á
þessum skynjurum á miðlægum
stað.
Snjöll heimilistæki
Einnig eru komin á markað alls
kyns snjöll heimilistæki á borð
við kaffivélar, eldavélar og ísskápa
sem eru þó ekki enn orðin mjög
algeng á Íslandi. „Ísskáparnir eru
nýlega komnir á markað erlendis
en þeir geta skynjað neysluhegðun
fólks. Ef mjólkin er að klárast
pantar ísskápurinn sjálfkrafa nýja
af Amazon,“ lýsir Ingvar. Einnig
sé hægt að koma sér upp ýmsum
hnöppum um allt hús. „Til dæmis
væri hægt að setja upp hnapp í
þvottahúsinu sem hægt væri að
ýta á ef þvottaefnið klárast. Þá færi
það strax á rafræna innkaupa-
listann.“ Þó þetta hljómi eins og
framtíðardraumar segir Ingvar
okkur sigla hraðbyri í þessa átt.
„Nú þegar eru verslanir farnar að
bjóða upp á að fólk kaupi matvöru
á netinu.“
Fylgst með heimilinu úr
fjarlægð
Ingvar er sjálfur mjög tækni-
sinnaður og búinn að snjallvæða
heimili sitt nokkuð. „Ég hef sett
upp gluggaskynjara til að sjá hvort
þeir eru opnir eða lokaðir, ljósa-
stýringu, ljósmæla, lýsingu undir
stiga og ég get séð hvort fjölskyldu-
meðlimir eru heima eða ekki.“
Spurður að því hvernig hann fari
að því að vita hver er heima segir
hann tvær leiðir færar í því. „Ann-
ars vegar getur snjalltækjalausnin
talað við þráðlausa netið og séð
hvort sími viðkomandi fjölskyldu-
meðlims er tengdur við netið eða
ekki. Hins vegar getur fólk verið
með kubb til dæmis á lyklakipp-
unni sinni og þá er skynjari sem
skynjar hvort kubburinn er innan
íbúðar.“ Kosturinn við þetta fyrir-
komulag segir Ingvar vera að hægt
sé til dæmis að setja kerfi á vörð ef
enginn er skilgreindur heima.
Ingvar er einnig með snjall-
myndavél á heimilinu. „Við
vildum fylgjast með hundinum
okkar og hvernig honum liði
þegar við værum ekki heima. Við
pössum hins vegar að stilla hana
þannig að það slokknar á henni
þegar einhver annar er heima en
hundurinn.
Öryggið er mikilvægt
Ingvar leggur áherslu á að fólk hugi
að öryggi í kringum snjalltæki
og snjalltækjalausnir. „Tæki geta
verið misörugg og allt of oft sem
upp koma öryggisgallar. Því þarf
að lesa sér vel til um tækin sem á
að kaupa, ekki bara um gæði held-
ur líka öryggi þeirra.“ Best sé að
velja tæki frá framleiðendum sem
séu öryggisþenkjandi og þekktir
fyrir stöðuga þróun á hugbúnaði
þannig að tæki fái reglulega upp-
færslu. Ingvar vill ekki nefna neina
sérstaka framleiðendur en bendir
þó á að fólk eigi að forðast ódýr
kínversk merki frá framleiðendum
sem horfi meira á að selja mikið og
hratt en á öryggisatriði.
Verum örugg á snjöllum heimilum
Huga þarf að öryggisþáttum þegar keypt eru snjalltæki og snjalllausnir á heimili. Best er að velja
tæki frá framleiðendum sem þekktir eru fyrir stöðuga hugbúnaðarþróun og uppfærslur.
Ingvar Guðjónsson hélt fyrirlestur um snjöll heimili á UTmessunni.
Helstu snjall-
lausnir sem fólk
er farið að nýta
sér á heimilum
eru ljósastýring-
ar, hitastýringar
og svo öryggis-
kerfi. NORDIC­
PHOTOS/GETTY
En hvað getur gerst?
„Hættan liggur í að óprúttinn aðili
getur tengst tækinu frá netinu og
í gegnum það reynt að tengjast
öðrum tölvum og tækjum heim-
ilisins og komist þannig að per-
sónulegum upplýsingum.“
Hann bendir á að fólk ætti aldrei
að opna frá netinu beint inn á
snjallheimilistæki. „Ef þetta eru
tæki á þráðlausa netinu ættu þau
að vera á sér einangruðu neti sem
nær ekki að tala við önnur tæki á
heimilinu.“
Ingvar segir góða reglu að
slökkva alltaf á myndavélum þegar
fólk er heima hjá sér eða líma yfir
myndavélar á tölvum þegar ekki er
verið að nota þær.
„Ef einhver kemst inn á mynda-
vélina getur hann verið að taka
upp hljóð og mynd,“ segir Ingvar
og telur hættuna mjög raunveru-
lega.
„Staðreyndin er sú að það er
mikið af óværum á netinu og í
lang fæstum tilfellum gerir fólk sér
grein fyrir að það sé komið með
óæskilegan hugbúnað í tölvuna
eða jafnvel símann sinn.“
1
6
-0
2
-2
0
1
9
0
4
:0
7
F
B
1
1
2
s
_
P
0
7
6
K
.p
1
.p
d
f
F
B
1
1
2
s
_
P
0
7
3
K
.p
1
.p
d
f
F
B
1
1
2
s
_
P
0
3
7
K
.p
1
.p
d
f
F
B
1
1
2
s
_
P
0
4
0
K
.p
1
.p
d
f
A
u
to
m
a
tio
n
P
la
te
re
m
a
k
e
: 2
2
5
7
-7
D
2
0
2
2
5
7
-7
B
E
4
2
2
5
7
-7
A
A
8
2
2
5
7
-7
9
6
C
2
7
5
X
4
0
0
.0
0
1
5
A

F
B
1
1
2
s
_
1
5
_
2
_
2
0
1
9
C
M
Y
K