Morgunblaðið - 14.09.2018, Blaðsíða 13

ei hefur áður farið ein á flakk út í
heim en hún kann því einstaklega vel.
„Ég held að maður kynnist fleira
fólki þegar maður er einn að þvælast
því þá gefur maður sig frekar að fólki
sem er kannski líka eitt á ferð. Ég hef
hitt og kynnst alls konar fólki, sumt
af því er mjög skrautlegt og fæst af
því á mínum aldri því það er meira
um ungt fólk á flakki um heiminn,“
segir Gunna og bætir við að einn af
kynlegu kvistunum sem hún hafi hitt
hafi verið bílstjóri rútu sem hún ferð-
aðist með um langan veg.
„Ég fékk óvænt bónorð frá hon-
um. Hann var alla þessa rútuferð að
kalla aftur í hvað hann elskaði mig
mikið og hvort ég vildi nú ekki giftast
honum. Þetta var mjög skemmti-
legt,“ segir Gunna og hlær en bætir
við að hún hafi hryggbrotið manninn.
Hún hefur lent í ýmsum öðrum
óvæntum og ánægjulegum uppá-
komum, til dæmis þegar hún ferðað-
ist með annarri rútu og hjá henni
settist kona frá Ástralíu og í ljós kom
að sú var búin að plana ferð til Ís-
lands um næstu jól.
Báturinn næstum farinn á kaf
Gunna velur ekki þægilegustu
leiðirnar til að ferðast; hún tekur
ódýrar óloftræstar rútur á milli staða
og vill engan lúxus á sínu flakki.
„Ég reyni að kaupa mér aldrei
gistingu sem kostar meira en 800
krónur nóttin, ég gisti oftast á hostel-
um og í heimagistingu og það er bara
frábært. Nú hef ég verið á flakki í sjö
vikur og allt gengið upp en stundum
geri ég vissulega eitthvað sem ég hélt
að yrði öðruvísi. Til dæmis í morgun
þá keypti ég farmiða að ég hélt með
hraðbát hingað yfir á eyjuna en svo
kom í ljós að það var lítilfjörleg flat-
bytna, opinn bátur, og það var ösku-
sjór! Þetta var hrikalegt, báturinn
var næstum farinn á kaf, ég þakkaði
Guði þegar ég var komin á leiðar-
enda,“ segir hún og hlær. „Þegar ég
fór til þorps í Víetnam sem heitir
SaPa hélt ég að ég hefði keypt mér
gistingu þar en hún reyndist vera á
allt öðrum stað. Þá varð ég bara að
bregðast við því. Ég er stundum svo-
lítið fljótfær en það er bara skemmti-
legt.“
Og hið óvænta hittir hana óhjá-
kvæmilega fyrir, hún lenti í svaka-
legri rigningu kvöld eitt í Hanoi í Ví-
etnam. „Það gerði algert úrhelli,
rafmagnið fór af og ég var að flýta
mér til að missa ekki af næturstrætó
sem ég þurfti að ná. Ég vafraði þarna
með mín gleraugu sem ég sá ekkert
út um og ég varð mjög áttavillt í
þessu myrkri og rigningu, allar
þröngu göturnar urðu eins í þessum
aðstæðum. Þetta var rosalegt; ég óð
upp í hné vatnið á götunum. Nokkrir
Bretar sem ég hitti tóku það ráð að
hátta sig og þeir hlupu um á nærbux-
unum. Þetta var mikil upplifun, rétt
eins og þegar maðurinn sem ég hélt
að kæmi á bíl til að keyra mig á rútu-
stöð mætti á mótorhjóli. Ég varð að
skutla mér aftan á hjá honum og eng-
inn hjálmur í boði, hann keyrði á
svakalegum hraða milli bíla á götun-
um svo ég næði rútunni. Mér varð
ekki um sel, en maður verður að láta
vaða, það þýðir ekkert annað. Það er
líka langskemmtilegast.“
Borða, biðja, elska-ferðalag
Gunna segist margoft hafa horft
á myndina Borða, biðja, elska, sem
gerð var eftir samnefndri bók, sem
hún líka las nokkrum sinnum, en þar
segir af konu sem fer til Asíu í leit að
sjálfri sér. „Ég heillaðist af þessu og
þetta varð mér hvatning til að fara í
þetta ferðalag. Þar fyrir utan er svo
gott að kúpla sig út úr öllu hvers-
dagsamstri, maður fer að hugsa
öðruvísi og horfa með öðrum hætti á
sjálfan sig þegar maður er svona
langt í burtu og einn á ferð. Þá er
nægur tími til að hugsa og það er gott
og þroskandi. Svona ævintýri er
ómetanlegt nám í lífsins skóla; ég er
alltaf að læra og bæta við mig á svo
margan hátt í þessu ferðalagi. Ég lít
því á ferðalagið sem mjög gott nám-
skeið fyrir mig og ég tek allan lær-
dóminn með mér heim þegar ég fer
aftur að kenna og stjórna skóla.“
Blogg Guðrúnar:
gunnapeturs.com
instagram og snapp: gunnape
DAGLEGT LÍF 13
MORGUNBLAÐIÐ FÖSTUDAGUR 14. SEPTEMBER 2018
SÆKTU APPIÐ
Sæktu Hreyfils appið - þannig ræður þú ferðinni!
Nú er auðvelt að panta bíl með snjallsímanum
Þú pantar
bíl,
2
3
1
og færð SMS
skilaboð
að bíllinn
sé kominn
fylgist
með
bílnum
í appinu
Hreyfils appið
fyrir iphone og android
á heimasíðu Hreyfils: hreyfill.is
eða í App Store og Google Play
Með Hreyfils appinu er fljótlegt og einfalt að panta leigubíl.
Þú getur líka pantað bíl fram í tímann, á tilteknum tíma næsta
sólarhringinn eða lengra.
Það eina sem þarf, er iPhone eða Android snjallsími.
Þú hleður niður Hreyfils-appi með App Store eða Google Play.
Þú pantar bíl, færð SMS skilaboð þegar bíllinn er mættur á
staðinn. Þú getur fylgst með hvar bíllinn er staddur hverju sinni.
Ef þú ferðast á vegum fyrirtækis getur þú valið viðskiptareikning
og opnað aðgang.
Hreyfils-appið er ókeypis.
Sæktu þér Hreyfils appið
og þú ræður ferðinni.
Tónlistarkonan Daria Marmaluk-
Hajioannou kemur til Íslands á veg-
um Söguhrings kvenna og verður
með vinnustofu fyrir konur um
heimstónlist og þjóðlagatónlist Am-
eríku fyrir landnámstíma. Vinnustof-
an verður í Borgarbókasafninu í Gróf-
inni á morgun, laugardag 15. sept., og
sunnudaginn 16. sept kl. 14-16. Daria
kennir á alls kyns skemmtileg hljóð-
færi; shekere frá Afríku, chapchas frá
Perú og söngskál frá Tíbet. Í tilkynn-
ingu segir að Daria hafi alist upp í
Perú þar sem hún varð vitni að mikl-
um kynþáttafordómum og ofbeldi en
sú reynsla hafði mikil áhrif á þá
ákvörðun hennar að leggja þessa
braut fyrir sig. Hún hefur komið fram
í ýmsum heimshornum, á hátíðum,
söfnum, bókasöfnum, skólum, bæna-
húsum, o.s.frv. Í þetta sinn verður
smiðjan opin konum á öllum aldri
sem vilja koma og prófa skemmtileg
hljóðfæri og fræðast um heimstón-
list. Í smiðjunni læra konur að spila á
skeiðar, þvottabretti, limberjack-
dúkkur og amerískt langspil (dulc-
imer). Allar konur velkomnar á öllum
aldri hvaðanæva úr heiminum. Fer
fram á ensku.
Vinnusmiðja fyrir konur með Dariu á Borgarbókasafninu
Lærið að spila á skeiðar, þvotta-
bretti og limberjack-dúkkur
Tónlistarkona Daria Marmaluk-Hajioannou hin magnaða er frá Perú.