Morgunblaðið - 30.10.2018, Side 4

4 FRÉTTIRInnlent
MORGUNBLAÐIÐ ÞRIÐJUDAGUR 30. OKTÓBER 2018
Veður víða um heim 29.10., kl. 18.00
Reykjavík 2 skýjað
Akureyri 2 léttskýjað
Nuuk -2 léttskýjað
Þórshöfn 7 skýjað
Ósló 1 heiðskírt
Kaupmannahöfn 4 súld
Stokkhólmur 2 léttskýjað
Helsinki -1 léttskýjað
Lúxemborg 3 skýjað
Brussel 5 skýjað
Dublin 7 léttskýjað
Glasgow 6 léttskýjað
London 7 skúrir
París 4 rigning
Amsterdam 6 alskýjað
Hamborg 6 skýjað
Berlín 4 súld
Vín 19 skýjað
Moskva -1 snjókoma
Algarve 17 léttskýjað
Madríd 9 skýjað
Barcelona 13 heiðskírt
Mallorca 13 léttskýjað
Róm 17 rigning
Aþena 19 léttskýjað
Winnipeg 4 alskýjað
Montreal 2 rigning
New York 11 alskýjað
Chicago 7 skýjað
 30. október Sólarupprás Sólsetur
REYKJAVÍK 9:05 17:19
ÍSAFJÖRÐUR 9:22 17:12
SIGLUFJÖRÐUR 9:05 16:54
DJÚPIVOGUR 8:38 16:45
VEÐUR KL. 12 Í DAG
Á miðvikudag Austan 5-13 m/s. Dálítil slydda eða
snjókoma NA-til og hiti nálægt frostmarki.
Á fimmtudag og föstudag Norðan og norðvestan
8-15 m/s og slydda eða snjókoma N-lands.
Austlæg eða breytileg átt, 8-15 m/s um hádegi og slydda eða snjókoma með köflum, en hægari
SV-lands og úrkomuminna. Dregur úr úrkomu og rofar til norðanlands. Hiti 0 til 6 stig.
Arnar Þór Ingólfsson
athi@mbl.is
Sigríður Friðjónsdóttir ríkissak-
sóknari sagði í munnlegum málflutn-
ingi sínum í máli Thomasar Møller
Olsen sem fram fór í Landsrétti í
gær, að sönnunargögn málsins
sýndu að enginn skynsamlegur vafi
væri uppi um hvort Thomas hefði
svipt Birnu Brjánsdóttur lífi. Því
bæri Landsrétti að sakfella hann.
Sigríður sagði jafnframt að fram-
burður hans fyrir héraðsdómi, þar
sem reynt hefði verið að varpa sök á
saklausan mann, Nikolaj W. Herluf
Olsen, hafi verið haldlaus.
Sem kunnugt er var Thomas
dæmdur í nítján ára fangelsi í Hér-
aðsdómi Reykjaness fyrir að hafa
myrt Birnu Brjánsdóttur 14. janúar í
fyrra og fyrir stórfellt fíkniefnabrot.
Sigríður fór yfir þau sönnunargögn
sem til staðar eru í málinu, meðal
annars blóði drifinn bílaleigubílinn,
lífsýni úr Thomasi sem voru á skóm
Birnu sem fundust við Hafnarfjarð-
arhöfn, fingrafar Thomasar á öku-
skírteini Birnu sem fannst í rusla-
tunnu um borð í togaranum Polar
Nanoq, auk þess sem Thomas gæti
ekki eða vildi ekki gera grein fyrir
ferðum sínum að morgni laugardags-
ins 14. janúar, jafnvel þegar hann
sæi fram á margra ára fangelsisdóm.
Lýsandi dæmi um rangan fram-
burð Thomasar sagði Sigríður að
birtist í því hvernig hann hefði út-
skýrt það að hafa eytt þónokkurri
stund í að þrífa Kia Rio-bifreiðina
þar sem atlagan að Birnu fór fram.
Myndskeið sýnir Thomas þrífa bif-
reiðina „afar vandlega“, alveg upp á
þak hennar, sem er sérkennilegt því
að sjálfur lýsti hann því að hann hefði
bara séð einn ælublett í bílnum – og
voru þeir þó mjög greinilegir.
„Í besta falli ólíklegt“
Björgvin Jónsson, skipaður verj-
andi Thomasar Møller Olsen fyrir
Landsrétti, sagði í munnlegum mál-
flutningi sínum að „uppleggið hjá
ákæruvaldinu“ og þeim sem rann-
sökuðu morðið á Birnu Brjánsdóttur
hefði verið að þar sem Thomas hefði
eytt tíma í að þrífa Kia Rio-bílaleigu-
bílinn, hlyti hann að vera sekur.
Hann dró það í efa og sagði það í
„besta falli ólíklegt“, að andlát Birnu
hefði getað orðið með þeim hætti
sem ákæruvaldið vildi meina. Hann
bað dóminn um að hugsa sérstaklega
um það að blóð hefði hvorki fundist á
stýri né gírstöng bílaleigubílsins,
þrátt fyrir að það lægi fyrir í gögnum
málsins að árásarmaðurinn hlyti að
hafa verið blóðugur á annarri hendi,
ef ekki báðum.
„Hvað segir það okkur? Ákærði
getur ekki hafa ráðist að brotaþola.
Árásarmaðurinn getur ekki verið sá
sami og ók bifreiðinni,“ sagði verj-
andinn og hélt áfram að teikna upp
þá mynd að Nikolaj Olsen væri
mögulega og líklega sekur um að
hafa ráðið Birnu bana, eins og sak-
borningurinn Thomas hefur reynt
frá því í ágúst í fyrra er hann gjör-
breytti framburði sínum fyrir Hér-
aðsdómi Reykjaness.
Olsen einn veit um ferðir bílsins
Leifur Halldórsson rannsóknar-
lögreglumaður kom fyrir Landsrétt í
gærmorgun. Fyrir Héraðsdómi
Reykjaness fjallaði Leifur um akstur
rauða Kia Rio-bílaleigubílsins sem
Olsen var með á leigu. Hann greindi
frá athugun lögreglu, sem sýndi
fram á að einungis væri búið að gera
grein fyrir um 130 kílómetrum af
þeim alls 319 kílómetrum sem bíla-
leigubílnum var ekið þann tíma sem
Thomas var með hann á leigu. Því
væru 190 kílómetrar enn óútskýrðir.
Fyrir Héraðsdómi kom fram að
óútskýrður akstur bílsins hefði verið
að minnsta kosti 140-150 kílómetrar,
en nýtt mat lögreglu sýndi að ekki
hefði verið gerð grein fyrir um 190
kílómetrum.
„Það var algjör ágiskun af minni
hálfu á þeim tíma. 319 kílómetrar eru
óumdeildir, en hitt verður alltaf
ágiskun þar sem ákærði kaus að
greina ekki frá því hvernig hann
hefði notað bílinn,“ sagði Leifur.
Björgvin Jónsson, verjandi Thom-
asar, spurði hvort kannað hefði verið
í síma Thomasar hvort hann hefði
notað Google Maps eða álíka forrit til
þess að velja skemmstu leið á milli
staða. Gengið var út frá því í mati
lögreglu að stysta leið hefði verið far-
in, á þá staði sem vitað er að bílnum
var ekið.
Leifur sagði að það hefði ekki ver-
ið kannað, en að það myndi ekki
breyta heildarniðurstöðu matsins,
nema ef til vill um 10-15 kílómetra,
þar sem ekki skipti miklu hvort t.d.
farið væri um Reykjavíkurveg og
Hringbraut eða Reykjanesbraut og
Sæbraut á leiðinni fá Hafnarfjarðar-
höfn og niður í miðborg Reykjavíkur.
„Það er mitt mat að það muni það
litlu að þetta sé ekki neitt sem skiptir
máli í raun, 10-15 kílómetrar. „Síðan
sitjum við, ég og þú Björgvin, og
fabúlerum um það hvert bílnum var
ekið á þessum tíma á meðan ákærði
situr þarna og hann er sá eini sem
veit það,“ sagði Leifur.
Staðfesti framburð sinn
Thomas Møller Olsen kom fyrir
Landsrétt í gær og staðfesti þar
þann framburð sem hann veitti fyrir
dómi í héraði. Hann sagðist engu
vilja bæta við, né breyta. Björgvin
Jónsson, skipaður verjandi Thom-
asar, rakti framburð hans í meginat-
riðum og jánkaði sakborningurinn
því að sá framburður sem verjandi
hans þuldi upp og dómtúlkur snaraði
af íslensku yfir á grænlensku, stæð-
ist. Við aðalmeðferð fyrir Héraðs-
dómi Reykjaness bar sakborningur-
inn upp allt annan framburð en þann
sem hann hafði haldið sig við í a.m.k.
átta skýrslutökum hjá lögreglu og
gerði tilraun til þess að koma sök á
skipsfélaga sinn af grænlenska fiski-
skipinu Polar Nanoq, Nikolaj W.
Herluf Olsen. Sakborningurinn
gerði enga tilraun til þess að hylja
andlit sitt er hann kom fyrir dóminn í
morgun, en það gerði hann við aðal-
meðferð málsins í héraðsdómi. Ljós-
myndurum var þó gert erfitt um vik
að ná af honum myndum í gærmorg-
un, dómverðir reyndu að skyggja á
þá, auk þess sem svört tjöld voru
notuð í því skyni.
Þá er sá háttur á að ekki hefur
mátt greina frá skýrslutökum í mál-
inu „í beinni“ eins og tíðkast hefur í
mörgum umtöluðum dómsmálum
undanfarin ár.
Verjandi Thomasar spurði Leif út
í ásakanir sakborningsins á hendur
lögreglu, sem Thomas segir að hafi
verið vond við sig og andstyggileg í
orðavali, auk þess að beita sig þrýst-
ingi við skýrslutökur er hann sat í
gæsluvarðhaldi. Þessar ásakanir
komu fram í framburði Thomasar
fyrir Héraðsdómi Reykjaness.
Því vísaði Leifur á bug og sagði að
verjandi Thomasar hefði fyrir hér-
aðsdómi aldrei talað um þetta og þó
hefði hann verið viðstaddur allar
skýrslutökurnar. Þá væri mynd-
bandsupptökukerfi á fangagangin-
um og að það hefði verið hægur leik-
ur að kalla eftir þeim gögnum, ef
ákærði teldi að á sér hefði verið brot-
ið. Hann sagði þó að vissulega hefði
Thomas verið vakinn og færður til
rannsóknar hjá tæknideild og lækni
skömmu eftir handtöku og svo vak-
inn á ný tvívegis þá sömu nótt til að
fara í skýrslutöku. „Vissulega er ver-
ið að gera honum ónæði, en svona var
þetta bara og tilheyrði rannsókn
málsins,“ sagði Leifur.
Tekist á um sekt Thomasar
Møller Olsen í Landsrétti
 Saksóknari segir engan skynsamlegan vafa á sekt  Verjandi dró atburðarás ákæruvaldsins í efa
Morgunblaðið/Árni Sæberg
Landsréttur Thomas Møller Olsen mætti fyrir Landsrétt og staðfesti framburð sinn fyrir Héraðsdómi Reykjaness.
Morgunblaðið/Eggert
Leitin Jón Ólafsson, dómkvaddur haffræðingur, greindi frá því að
líkama Birnu hefði líklegast verið varpað í Ölfusá af Óseyrarbrú.