Morgunblaðið - 07.11.2018, Side 17

FRÉTTIR 17Erlent
MORGUNBLAÐIÐ MIÐVIKUDAGUR 7. NÓVEMBER 2018
N Ý F O R M
h ú s g a g n a v e r s l u n
Strandgötu 24 | 220 Hafnarfjörður | Sími 565 4100 | nyform.is
Filippa borðstofuhúsgögn
Opið virka daga
11-18
laugardaga
11-15
Komið og skoðið úrvalið
DRAUMAEIGN Á SPÁNI
Nánar á www.spanareignir.is
ÞÚ ERT Í ÖRUGGUMHÖNDUMHJÁ OKKUR
Aðalheiður Karlsdóttir
Löggiltur fasteignasali
adalheidur@spanareignir.is
Sími 893 2495
Ármúla 4-6, Reykjavík
Karl Bernburg
Viðskiptafræðingur
karl@spanareignir.is
Sími 777 4277
Ármúla 4-6, Reykjavík
NÝ OG FLOTT PARHÚS Á FRÁBÆRU VERÐI
í ekta spænsku þorpi, stutt frá Alicante, strönd og golfvelli.
Verð frá: 17.250.000 kr*
• Veitingastaðir og verslanir í göngufæri
• 10 mínútna akstur á Bonalba golfvöllinn
• 10 - 15 mínútna akstur á El Campello ströndina
• Fallegar hjóla- og gönguleiðir
• 30 mínútna akstur til Alicante
• Gott veður allt árið
Los Altos De Alicante
*(125.000 evrur + kostnaður. Gengi: 1 evra = 138 kr.)
Bogi Þór Arason
bogi@mbl.is
Kaupsýslumaðurinn Friedrich Merz
nýtur mests fylgis meðal Þjóðverja
af þremur formannsefnum sem
sækjast eftir því að taka við af An-
gelu Merkel kanslara sem leiðtogi
Kristilegra demókrata. Merz er
gamall keppinautur Merkel og
kveðst vera frjálslyndur umbóta-
sinna í efnahagsmálum en íhalds-
samur í samfélagsmálum.
Baráttan um formannsstólinn
hófst í vikunni sem leið þegar
Merkel skýrði frá því að hún hefði
ákveðið að sækjast ekki eftir endur-
kjöri sem leiðtogi Kristilegra demó-
krata en hygðist gegna kanslara-
embættinu út kjörtímabilið sem
lýkur árið 2021. Flokkurinn hafði þá
goldið afhroð í kosningum til þings
sambandslandsins Hessen og
systurflokkur hans hafði einnig beð-
ið ósigur í kosningum í Bæjaralandi.
Eftirmaður Merkel verður kjörinn á
landsfundi Kristilegra demókrata 7.
og 8. desember.
Könnun sem gerð var fyrir við-
skiptablaðið Handelsblatt bendir til
þess að 23% Þjóðverja styðji Merz.
Um 17% sögðust styðja Annegret
Kramp-Karrenbauer, framkvæmda-
stjóra Kristilegra demókrata, sem
hefur verið kölluð „litla Merkel“
vegna þess að pólitísk viðhorf þeirra
hafa verið áþekk. Þriðja formanns-
efnið, heilbrigðisráðherrann Jens
Spahn, nýtur aðeins stuðnings 7%
Þjóðverja, ef marka má könnunina.
Hann hefur verið þekktastur fyrir að
hvetja til þess að innflytjendalög-
gjöfin verði hert. Ekkert þessara
formannsefna nýtur eins mikils
stuðnings og Merkel sem er enn á
meðal vinsælustu stjórnmálamanna
landsins. Nýleg könnun bendir til
þess að nær helmingur landsmanna
sé ánægður með störf hennar í
kanslaraembættinu.
Þurfti að víkja fyrir Merkel
Formannsefnin þrjú tilkynntu
framboð skömmu eftir að Merkel
skýrði frá ákvörðun sinni og hugsan-
legt er að fleiri bjóði sig fram.
Merz er 62 ára að aldri, lögfræð-
ingur að mennt og var þingmaður á
árunum 1994 til 2009. Hann varð for-
maður þingflokks Kristilegra demó-
krata árið 2000 en missti þá stöðu
tveimur árum síðar til Merkel sem
var þá orðin leiðtogi Kristilegra
demókrata og vildi einnig vera þing-
flokksformaður til að styrkja stöðu
sína í baráttunni um kanslaraemb-
ættið. Hún varð síðan kanslari í
nóvember 2005, fyrst kvenna.
Að sögn þýskra fjölmiðla hefur
Friedrich Merz notið stuðnings
Wolfgangs Schäuble, forseta þings-
ins, sem var leiðtogi Kristilegra
demókrata árið 2000 þegar hann
neyddist til að segja af sér eftir að
flett var ofan af ólöglegri fjár-
mögnun flokksins. Merkel var þá
kjörin leiðtogi flokksins.
Hermt er að Schäuble hafi unnið
vikum saman á bak við tjöldin að því
að tryggja að Merz verði formaður
Kristilegra demókrata. Á meðal
helstu bandamanna Merz er Armin
Laschet, forystumaður flokksins í
sambandslandinu NordrheinWest-
falen. Tæpur þriðjungur fulltrúanna
á landsfundinum kemur þaðan,
þannig að stuðningur Laschet gæti
reynst mjög mikilvægur.
Aftur til upprunans?
Kaþólskir og íhaldssamir karl-
menn frá vestanverðu Þýskalandi
hafa verið mjög áhrifamiklir í flokkn-
um. Merkel er ekki aðeins kona,
heldur einnig mótmælendatrúar, frá
Austur-Þýskalandi og hefur verið
gagnrýnd fyrir að vera of frjálslynd
og hafa fært flokkinn of langt til
vinstri. Merz er kaþólskur íhalds-
maður og fari hann með sigur af
hólmi má segja að hann færi flokkinn
aftur til upprunans.
Kramp-Karrenbauer er 56 ára að
aldri og fyrrverandi forsætisráð-
herra Saarlands, minnsta sam-
bandslandsins. Hún telst til miðju-
manna í flokknum en er álitin heldur
íhaldssamari í samfélagsmálum en
Merkel. Talið er að það geti hamlað
henni í baráttunni um formannsstól-
inn að hún hefur unnið í skugga
kanslarans.
Spahn er yngstur formannsefn-
anna, 38 ára að aldri, og hefur notið
vaxandi stuðnings meðal íhalds-
manna í flokknum. Hann varð fyrst-
ur frammámanna flokksins til að
gagnrýna stefnu Merkel í innflytj-
endamálum eftir að hún ákvað að
halda landamærum Þýskalands opn-
um árið 2015 þegar flóttmanna-
straumurinn frá Sýrlandi og
Norður-Afríku var í hámarki.
Misstu fylgi til Græningja
Talið er að Kristilegir demókratar
og systurflokkur þeirra í Bæjara-
landi, CSU, hafi tapað talsverðu fylgi
til þjóðernisflokksins Annars kosts
fyrir Þýskaland, AfD, sem hefur
gagnrýnt innflytjendastefnu
Merkel. Hann er þó ekki eini flokk-
urinn sem hefur aukið fylgi sitt á
kostnað Kristilegra demókrata og
Sósíaldemókrata því að Græningjar,
sem aðhyllast opin landamæri, hafa
einnig verið í mikilli sókn. Þeir fengu
17,5% atkvæðanna í kosningum í
Bæjaralandi 14. október og urðu
næststærsti flokkurinn. Systur-
flokkur Kristilegra demókrata
missti þá meira fylgi til Græningja
(um 170.000 atkvæði) en til þjóð-
ernisflokksins AfD (160.000 at-
kvæði), samkvæmt könnun rann-
sóknafyrirtækisins Infratest Dimap.
Kristilegir demókratar misstu einn-
ig meiri fylgi til Græningja í kosn-
ingunum 28. október í Hessen
(99.000 atkvæði) en til þjóðernis-
flokksins (96.000 atkvæði).
Forystumenn Græningja rekja
fylgisaukninguna til þess að skýr
stefna flokksins í innflytjendamálum
hafi tryggt honum stuðning margra
miðjumanna sem séu óánægðir með
hringlandahátt Kristilegra demó-
krata og Sósíaldemókrata í þessum
málum. Stjórnmálaskýrendur segja
þó að fleira hafi komið til, meðal ann-
ars óánægja kjósenda með innbyrðis
deilur innan flokkanna tveggja frá
því að þeir mynduðu samsteypu-
stjórn eftir þingkosningarnar í
Þýskalandi á síðasta ári. Á sínum
tíma hafi verið eining meðal Græn-
ingja, sem hafi oft verið þekktari fyr-
ir innanflokksdeilur.
Takast á um formannsstól Merkel
 Gamall keppinautur kanslarans vinsælastur þriggja formannsefna Kristilegra demókrata  Íhalds-
maður etur kappi við „litlu Merkel“  Flokkurinn missti meira fylgi til Græningja en þjóðernissinna
Willy
Brandt
4,5 ár
Helmut
Kohl
16 ár
Helmut
Schmidt
8,5 ár
Kurt Georg
Kiesinger
3 ár
Ludwig
Erhard
3 ár
Konrad
Adenauer
14 ár
Kanslarar Þýskalands
Gerhard
Schröder
7 ár
Angela
Merkel
Tæp
13 ár
1949
1963
1966
1969
1974
1982
1998
2005
2018
2021
CDU/CSU
SPD
Kristilegir demókratar
Sósíaldemókrataflokkurinn
22. nóv.
27. okt
1. okt.
16. maí
15. sept.
16. okt
1. des.
21. okt.
6. maí
AFP
Formannsefnin þrjú Annegret Kramp-Karrenbauer, framkvæmdastjóri
Kristilegra demókrata í Þýskalandi, Jens Spahn, heilbrigðisráðherra
landsins, og kaupsýslumaðurinn og lögfræðingurinn Friedrich Merz.
Peking. AFP. | Fornleifafræðingar
telja sig hafa fundið um það bil tvö
þúsund ára gamalt vín í bronspotti
sem var lokaður og geymdur í gröf
í Henan-héraði í Kína. Í pottinum
voru um 3,5 lítrar af gulum vökva
sem fornleifafræðingarnir segja að
hafi verið með sterka vínlykt.
Vökvinn verður sendur til frekari
rannsókna. Í gröfinni fannst einnig
lampi sem er í laginu eins og gæs,
auk líkamsleifa manna.
Talið er að vínið sé frá valdatíma
Han-ættarinnar sem ríkti á árunum
202 fyrir Krist til 8 eftir Krist. Talið
er að hrísgrjónavín hafi verið mikil-
vægur þáttur í ýmsum helgi-
athöfnum á þessum tíma.
Telja sig hafa fundið 2.000 ára gamalt vín
KÍNA