Morgunblaðið - 10.11.2018, Qupperneq 12
12 DAGLEGT LÍF
MORGUNBLAÐIÐ LAUGARDAGUR 10. NÓVEMBER 2018
H
a
u
ku
r
0
1
.1
6
Viðskiptatækifæri á www.kontakt.is
• Fyrirtæki sem sérhæfir sig í innflutningi, samsetningu og sölu á
heimsþekktum og þrautreyndum vörum sem notaðar eru í
útbyggingar, svalalokanir, glugga, rennihurðir og fleira. Velta 250
mkr. og mikil verkefni framundan.
• Ungt og hratt vaxandi veitingastaður (2 staðir) þar sem áhersla er
lögð á hollan skyndibita í hádeginu og á kvöldin. Veltan í ár áætluð
280 mkr. og EBITDA 20 mkr. Miklir möguleikar á að fjölga stöðum
undir vörumerkinu sem hlotið hefur góðar viðtökur.
• Lítið framleiðslufyrirtæki sem framleiðir sérhæfða vöru fyrir heimili og
fyrirtæki. Velta um 40 mkr. nokkuð stöðug. Afkoma jöfn og góð.
• Arðsamt fyrirtæki með langa reynslu sem flytur inn og selur
véltæknibúnað aðallega tengdum sjávarútvegi, fiskeldi, en einnig
öðrum iðnaði. Velta undanfarin ár hefur verið á bilinu 150-200 mkr.
og EBITDA 25-40 mkr.
• Rótgróið iðnfyrtæki sem sérhæfir sig í framleiðslu á vörum úr plasti.
Ársvelta á bilinu 250-300 mkr.
• Ein þekktasta hárvöruheildverslun landsins með mjög þekkt merki
fyrir fagaðila. Góð velta og afkoma.
• Fyrirtæki sem sérhæfir sig í greiðslulausnum á afmörkuðu en þekktu
sviði leitar eftir auknu hlutafé. Spennandi fjárfestingakostur með
miklum möguleikum á arðsemi, gangi áætlanir eftir.
• Mjög gott fyrirtæki sem sérhæfir sig í lagningu á þakdúk sem það
flytur sjálft inn. Veltan á bilinu 150-200 mkr. og afkoman mjög góð.
Eigendur tilbúnir að vinna áfram eins og þörf krefur.
Guðni Halldórsson
lögfræðingur,
gudni@kontakt.is
Þórarinn Arnar Sævarsson
fasteignaráðgjafi,
thorarinn@kontakt.is
Gunnar Svavarsson
viðskiptafræðingur,
gunnar@kontakt.is
Brynhildur Bergþórsdóttir
rekstrarhagfræðingur,
brynhildur@kontakt.is
Sigurður A. Þóroddsson
hæstaréttarlögmaður,
sigurdur@kontakt.is
Sigurður Bogi Sævarsson
sbs@mbl.is
Þ
jóðminjasafn Íslands á að
vera sýnilegt í þjóðfélag-
inu og endurspegla þróun
og viðhorf hvers tíma,“
segir Margrét Hallgríms-
dóttir þjóðminjavörður. „Við viljum
ná betur en verið hefur til almenn-
ings, þannig að safnið í öllum sínum
fjölbreytileika verði sjálfsagður við-
komustaður þegar fjölskylduna lang-
ar til að sjá eða kynnast einhverju
áhugaverðu.“
Ný ásýnd Þjóðminjasafns Ís-
lands var opinberuð á dögunum.
Kynningarefni þess einkennist nú af
sterkum rauðum lit og því fylgir skýr
tilvísun í þjóðminjar og menningar-
arf. Hin nýja mörkun felur í sér fyr-
irsagnaletur sem er samansett úr
fjórum leturgerðum sem hafa verið
notaðar á Íslandi í gegnum aldirnar,
svo sem í miðaldahandritun og ýms-
um skrautmunum fyrri alda. Þá gildi
einn aðgöngumiði sem árskort þegar
greitt er fullt aðgöngugjald, kr. 2.000.
Það gildir í heilt ár að öllum sýningum
og viðburðum safnsins í Þjóðminja-
safninu við Suðurgötu og Safnahúsinu
á Hverfisgötu frá fullveldisdeginum 1.
desember næstkomandi til jafn-
lengdar að ári.
Koma aftur og aftur
„Við höfum stundum sagt að
heimsókn á Þjóðminjasafnið sé ferða-
lag sem spannar 1.200 ár,“ segir Mar-
grét. „Innlit hér einu sinni verður því
aldrei nema skemmri skírn af slíkri
vegferð, svo yfirgripsmiklar eru sýn-
ingarnar hér. Ástæða er til að koma
aftur og aftur og til slíks viljum við
hvetja með árskorti. Einnig er til-
gangurinn að ná betur til lands-
manna, enda er hér sögð saga þess
fólks sem hér hefur búið frá land-
námi.“
Margrét vekur jafnframt athygli
á því að mörgu í framsetningu og
áherslum safnsins hafi verið breytt í
gegnum tíðina í samræmi við breytt
viðhorf í samfélaginu. Það má segja
að á 19. öldinni, á tímum sjálfstæð-
isbarátttunar, hafi þjóðernisviðhorf
verið meira áberandi á sýningum og
miðlun safnsins – þar sem rauði þráð-
urinn var að endurspegla líf og sögu
þjóðarinnar. Í dag sé þó ekki síður
horft til þess að safnið starfar í al-
þjóðlegu umhverfi þar sem mannrétt-
inda og fjölhyggju sjái stað og sé það í
samræmi við almennar áherslur í
safnastarfi víða um heim. Megi þar
nefna að á laugardag um næstu helgi
verði lagður „regnbogaþráður“ með
hinsegin leiðsögn um grunnsýningu
Þjóðminjasafnsins.
„Þetta er gert í tilefni af 40 ára
afmæli Samtakanna 78 til þess að
bregða ljósi á hinsegin líf og tilveru í
Íslandssögunni. Þetta sýnir hug-
myndir um kyn og kynhneigð breyt-
ast. Leiðsögn um safnið undir þess-
um formerkjum er hluti af því samtali
þjóðfélagsins sem við viljum taka þátt
í,“ segir þjóðminjavörður.
Hátíðarsýningar á næstunni
Eftir tvær vikur, 24. nóvember,
kl. 14 verða hátíðarsýningar Þjóð-
minjasafns Íslands í Bogasal, Mynda-
sal og á svonefndum Vegg opnaðar af
Lilju Alfreðsdóttur mennta- og
menningarmálaráðherra. Í Bogasal
verður sýningin Kirkjur Íslands:
Skrúði og áhöld. Straumar og stefn-
ur. Á sýningunni er fjallað um kirkju-
gripi og hvernig þeir tengjast
straumum og stefnum í hinni al-
þjóðlegu listasögu. Í Myndasal verð-
ur sýningin Kirkjur Íslands: Með
augum biskups og safnmanna. Á
Vegg verða sýndar myndir Heiðu
Helgadóttur ljósmyndara af trúar-
lífi í samtíma. Tengist þetta því að
nú eru að koma út síðustu bæk-
urnar í ritröðinni Kirkjur Ís-
lands þar sem segir frá öllum
kirkjum landsins, sem margar
eru listasafni líkastar. Alls
verða bækurnar 32 og eru
gefnar út í samvinnu Þjóð-
minjasafns Íslands, Minja-
stofnunar og Biskupsstofu.
Safn og fólk í samtali
Morgunblaðið/Sigurður Bogi
Þjóðmenning Kirkjur Íslands verða í aðalhlutverki á hátíðarsýningum sem opnaðar verða eftir hálfan mánuð.
„Safnið í öllum sínum fjölbreytileika,“ segir Margrét Hallgrímsdóttir, hér við líkan af Skálholtskirkju.
Svipur Rauður er grunnliturinn í nýrri ásýnd Þjóðminjasafns Íslands. Fán-
ar í þeim lit blöktu fagurlega við safnhúsið við Suðurgötu í Reykjavík í gær.
Þjóðminjasafnið verði
sýnilegra. Fjölbreytni og
ný menning. Veglegar
sérsýningar verða
opnaðar bráðlega - og
regnbogaþráður verður
lagður um safnið og
grunnsýningu þess.
Eliza Reid forsetafrú verður til
leiðasagnar um grunnsýningu
Þjóðminjasafnsins á morgun,
sunnudag, klukkan 14. Yfirskrift
frásagnar hennar þar er Fjöl-
menning á Fróni. „Í gegnum ald-
irnar hefur fólk flust búferlum
af ýmsum ástæðum; í leit að
betra lífi eða ævintýrum, vegna
náttúruhamfara eða átaka.
Samskipti við útlönd hafa haft
mikil áhrif á þróun samfélags-
ins hér á landi og fjölmörg
dæmi eru um að útlendingar
hafi sest hér að. Stiklað verður
á stóru í þessari sögu í leið-
sögninni,“ segir í kynningu á
leiðsögn Elísu sem er frá Kan-
ada.
Á 100 ára fullveldisafmæli Ís-
lands í ár hefur Þjóðminjasafnið
staðið fyrir sérstakri dagskrá á
sýningum safnsins á Suður-
götu. Valinkunnir einstaklingar,
sem þekktir eru fyrir störf sín í
þágu samfélagsins, veita
leiðsögn og ræða við
safngesti um hugðar-
efni sín. Í upphafi árs
var Katrín Jakobs-
dóttir forsætisráð-
herra til frásagnar
og í desember
verður það
Lilja Alfreðs-
dóttir
mennta-
málaráð-
herra.
FJÖLMENNING Í BRENNI-
DEPLI Á ÞJÓÐMINJASAFNINU
Í leit að
ævintýrum
Eliza Reid
Veitingastaðurinn
Moss á Retreat, í Bláa
lóninu, er kominn á lista
ferðavefjarins Lonely
Planet yfir bestu nýju
matarupplifunina fyrir
ferðamenn árið 2019.
Í umfjöllun vefjarins
segir að Bláa lónið sé nú
þegar vinsæll staður
meðal ferðamanna sem
sækist eftir því að baða
sig upp úr heitu lóninu.
Nú hafi hins vegar ann-
ar heitur reitur fyrir
matarunnendur bæst
við á svæðinu með opn-
un veitingastaðarins
Moss, inn af nýja Re-
treat-hótelinu. Frá opn-
un staðarins í apríl hafi
verið boðið upp á hefðbundinn íslenskan mat og mælir Lonely Planet með því
að fólk geri vel við sig með sjö rétta smakkmatseðlinum á tíu sæta borði mat-
reiðslumeistarans.
Í umfjöllun segir að matarferðamennska verði vinsælli með hverju árinu þar
sem fólk leiti uppi hverja matarupplifunina á fætur annarri á spennandi stöð-
um. Á lista Lonely Planet yfir bestu nýju matarupplifunina eru staðir út um all-
an heim, þar á meðal í Ástralíu, Perú, Taílandi sem og veitingastaðurinn Noma í
Kaupmannahöfn, sem hefur opnað aftur eftir endurbætur, en hann hefur verið
álitinn einn besti veitingastaður heims.
Heitur reitur fyrir matgæðinga er kominn á kortið
Moss í Bláa lóninu í Lonely
Planet yfir nýja matarupplifun
Veitingahús Hér er hátt til lofts og vítt til veggja og
fjölmargt gott er á matseðli þessa frábæra staðar.
Ljósmynd/Aðsend