Morgunblaðið - 10.11.2018, Qupperneq 29
UMRÆÐAN 29
MORGUNBLAÐIÐ LAUGARDAGUR 10. NÓVEMBER 2018
Orðspor íslenskrar
knattspyrnu hefur
vaxið mjög á síðustu
árum. Frásagnir af
afrekum landsliðanna
okkar hafa farið víða
og er svo komið að
„fótbolti“ eða „húh!“
er líklega það fyrsta
sem flestir hugsa þeg-
ar þeir heyra nafnið á
landinu okkar. Þessa
stöðu og þennan árangur þurfum
við að nýta til að styrkja stoðir ís-
lenskrar knattspyrnu til langs tíma.
Á þeim rúmum 20 lærdómsríku
mánuðum sem undirritaður hefur
verið formaður KSÍ, hefur margt
verið gert til þess að reyna að
styrkja þessar stoðir. Sumu hefur
þegar verið hrint í framkvæmd og
við sjáum fyrir endann á ýmsum
öðrum verkefnum. Við þurfum
samt að átta okkur á því að þessari
vinnu lýkur aldrei – við þurfum
stöðugt að vinna í því að efla og
styrkja starfsemina. KSÍ er sam-
band aðildarfélaganna og okkar
starf gengur fyrst og fremst út á að
styðja við allt knattspyrnustarf og
öll félög – grasrótina, uppeldisstarf,
afreksstarf, stjórnun og skipulag –
með öllum leiðum sem okkur eru
færar.
Tengsl og samráð við aðild-
arfélögin eru kjarninn í því sem við
gerum dags daglega. Þar eru lín-
urnar lagðar. Á þessu hausti eru
t.a.m. fjölmargir fundir haldnir –
árlegur fundur formanna og fram-
kvæmdastjóra, samráðsfundir með
efstu deildum, heimsóknir stjórn-
armanna KSÍ til félaga og heim-
sóknir starfsmanna markaðsdeildar
KSÍ til félaga í Pepsi og Inkasso-
deildum. Allt sem KSÍ gerir miðar
jú að því að efla íslenska knatt-
spyrnu og styrkja stoðir hennar
hérlendis sem erlendis.
Veigamikill þáttur í þessu er sú
umfangsmikla stefnumótunarvinna
KSÍ sem við erum að ljúka og mun-
um kynna innan fárra vikna. Skýr-
ari sýn og markmið, breytt og skil-
virkara skipulag mun gera
skrifstofuna öflugri en áður – enn
sterkari í því lykilhlutverki sínu að
styðja við starfsemi félaganna og
veita nauðsynlega þjónustu. Meðal
breytinga má nefna nýtt knatt-
spyrnusvið, sem mun gera okkur
kleift að bæta faglega þáttinn í
uppbyggingu íslenskrar knatt-
spyrnu, og nýtt markaðssvið, sem
mun efla okkar markaðsstarf og
hjálpa okkur að finna og byggja
upp nýja tekjustofna auk þess að
styðja enn betur við markaðsstarf
félaga og deilda en áður hefur verið
gert.
Árangur A landsliðs karla á síð-
ustu árum hefur opnað nýjar víddir
fyrir okkur, ekki bara hvað varðar
knattspyrnulegan árangur og orð-
spor á heimsvísu. Stærstur hluti af-
gangstekna af þátttöku Íslands á
EM 2016 og á HM
2018 rann til aðild-
arfélaganna – 75% af
hagnaði vegna þátt-
töku á HM runnu beint
til félaganna. Þetta er
eitthvað sem önnur
knattspyrnusambönd
gera ekki og það skap-
ar ákveðna sérstöðu,
enda eru tengslin milli
KSÍ og aðildarfélag-
anna náin og böndin
innan okkar raða
sterk. Þetta fjármagn og þessar
tekjur eru ekki sjálfsagðar og ekki
víst að Ísland muni eiga lið í loka-
keppni stórmóts í hvert skipti. Við
þurfum að marka langtímastefnu
og vera fjárhagslega undirbúin
þegar til þess kemur að við eigum
ekki lið í lokakeppni. Þess vegna
m.a. er gríðarlega mikilvægt að
styrkja markaðsstarfið, auka sjálfs-
aflafé KSÍ – fjölga tekjuleiðum – og
nýta árangur landsliðanna í það.
Nýr Laugardalsvöllur er hluti af
þessari stefnumörkun og framtíð-
arsýn. Við bindum vonir við að
vinna undirbúningsfélags, sem
ákveða á framtíð leikvangsins, hefj-
ist fyrir árslok. Við þurfum þjóð-
arleikvang sem uppfyllir allar kröf-
ur til leikja í alþjóðlegum mótum og
tryggir okkur sem besta umgjörð
fyrir landsleiki, bikarúrslitaleiki og
Evrópuleiki félagsliða, eins og við
á. Um það erum við öll sammála.
Út frá knattspyrnulegu sjónarmiði
er óhugsandi að heimaleikir ís-
lenskra liða í alþjóðlegum mótum á
vetrardögum verði leiknir utan
landsteinana, en það er þó raun-
verulegur möguleiki. Við verðum að
tryggja að ráðist verði í þetta mik-
ilvæga verkefni og því lokið eins
fljótt og mögulegt er. Við sjáum
tækifæri til að auka tekjur af dag-
legri starfsemi mannvirkisins, t.d.
með tónleikahaldi. Guns & Roses
léku hér á liðnu sumri og Ed Sheer-
an treður upp sumarið 2019. Þetta
eru stórviðburðir sem við bindum
vonir við að framhald verði á. En til
þess verðum við að eiga mannvirki
sem hæfir verkefninu.
Þessi pistill yrði ansi langur ef ég
færi yfir allan verkefnalistann. Af
nógu er að taka og mér finnst ég
vera rétt að byrja. Það er nóg af
verkefnum framundan – stórum
jafnt sem smáum. Höldum áfram.
Styrkjum stoðirnar. Verum fram-
sækin og stórhuga.
Eftir Guðna
Bergsson
Guðni Bergsson
» 75% af hagnaði
vegna þátttöku
karlalandsliðsins á HM
runnu beint til félag-
anna. Þetta gera önnur
knattspyrnusambönd
ekki og það skapar KSÍ
sérstöðu.
Höfundur er formaður KSÍ.
Styrkjum stoðirnar
Ég var að lesa í bók
um daginn og það
vakti athygli mína á
fyrstu blaðsíðum
hversu hin dýra veig
var dásömuð og þar
svifið á gullnum
vængjum gleði og ást-
ar. Mér blöskraði of-
urdýrkunin á hinum
gullnu veigum, en hélt
svo áfram að lesa og
allt í einu blasti
skuggahlið afleiðinganna við á síðum
bókarinnar, svo skelfileg sem hún
var og allt í einu var ekki rætt leng-
ur um gullna veig heldur örlagavald
á vit hins hræðilega, alla leið að
dauðans dyrum.
Lesturinn kom mér ekki á óvart,
en um leið fór ég að hugsa um hina
dýru veig í annarri og lakari merk-
ingu, svo dýr sem þessi veig í ýmiss
konar formi hefur reynzt mannkyni
og við höfum um dapurleg dæmi dag
hvern. Því ofurdýr er hún samfélag-
inu og í allri hinni þörfu umræðu um
fátækt á landi hér sem á sér svo
margvíslegar orsakir þá gleymist
þáttur áfengis og annarra eiturefna,
svo geysilega mikill sem hann er.
Sjálf fátæktin byggist
þó fyrst og fremst á því
þjóðskipulagi misskipt-
ingar sem er svo sem
alltaf verið að lappa upp
á en er samt sá grunnur
sem byggt er á.
Þar er gerð sjálfsögð
krafa um arð af ógæf-
uneyzlu fólks, þannig er
kapítalisminn bara, eins
og vinur minn sagði á
dögunum og við lútum
þeim guðum hans hvort
sem eru Mammon eða Bakkus.
Og talandi um dýrar veigar enn og
aftur þá er eins og hinar sláandi töl-
ur sem hrannast að okkur hafi sára-
lítil áhrif, enda svo margir sem mál-
um ráða sem elska hina dýru veig,
en vilja ekki sjá endalokin svo
hræðileg sem þau eru alltof oft.
Ég nefni aðeins þær þúsundir
eldra fólks sem samkvæmt tölum
Vogs eru í vanda með líf sitt vegna
neyzlu og þá oftast ofneyzlu áfengis.
Nefni líka hversu gífurlegar upp-
hæðir myndu sparast í heilbrigð-
iskerfinu og miklu víðar auðvitað ef
neyzlan myndi minnka og enn fleiri
myndu neita sér alfarið um hina
dýru veig, verða bindindismenn á
hvers konar eiturefni.
Því hvert sem litið er í samfélag-
inu má greina hinar ofurdýru afleið-
ingar þessarar neyzlu, sem er þó ef
betur er að gáð sjálfskaparvíti, þar
sem fólk ætti að ráða við að afneita,
vitandi vel um hætturnar, en eins er
vitað um freistingarnar alls staðar,
þar sem gullnar veigar eru vegsam-
aðar og aldrei spurt að leikslokum.
Aðeins í lokin þá held ég að mönnum
væri hollt að hlusta á fólk sem jafn-
vel hefur gert garðinn frægan sem
lýsir því hvernig var að hætta allri
neyzlu og enn frekar því frelsi sem
fylgdi slíku, frelsi undan okinu sem
neyzlan skapaði, nýtt líf, ný tæki-
færi. Það væri líka hollt fyrir það
blessaða fólk sem ætlar að auka
ófögnuðinn og notar Alþingi til þess.
Megi vegur þeirra verða sem allra
minnstur á þeim vettvangi. Hin fok-
dýra veig verði sem allra fæstum
farartálmi í lífinu.
Eftir Helga Seljan
Helgi Seljan
» Því hvert sem litið er
í samfélaginu má
greina hinar ofurdýru
afleiðingar þessarar
neyzlu, sem er þó ef bet-
ur er að gáð sjálfskap-
arvíti, þar sem fólk ætti
að ráða við að afneita.
Höfundur er fv. alþingismaður.
Hin dýra veig
Fagleg og persónuleg húsfélagaþjónusta
Eignarekstur leggur áherslu á að einfalda
og hagræða málin fyrir húsfélög
Traust - Samstaða - Hagkvæmni
eignarekstur@eignarekstur.is • www.eignarekstur.is • Sími 566 5005
Ráðgjöf
Veitum faglega ráðgjöf
til húsfélaga
Bókhald
Höfum umsjón með
bókhaldi fyrir húsfélög
Þjónusta
Veitum persónulega þjónustu
sem er sérsniðin að hverju
og einu húsfélagi
BRYGGJAN BRUGGHÚS
bistro & brewery
REYKJAV ÍK
2015