Morgunblaðið - 13.11.2018, Blaðsíða 17
FRÉTTIR 17Erlent
MORGUNBLAÐIÐ ÞRIÐJUDAGUR 13. NÓVEMBER 2018
HURÐIR
Tunguháls 10, 110 Reykjavík, sími 567 3440, vagnar@vagnar.is, vagnar.is
• Stuttur afhendingartími
• Hágæða íslensk
framleiðsla
• Val um fjölda lita í
RAL-litakerfinu
• Vindstyrktar hurðir
Bílskúrs- og iðnaðarhurðir
Iðnaðarhurðir
Iðnaðarhurðir með gönguhurð
Bílskúrshurðir
Hurðir í trékarma
Tvískiptar hurðir
Smíðað eftir máli
Fyrsta flokks þjónusta og ráðgjöf
VÍKURVAGNAR EHF.
Víkurvagnar ehf. | Hyrjarhöfða 8 | 110 Reykjavík
Sími 577 1090 | vikurvagnar.is | sala@vikurvagnar.is
Vörulyftur og varahlutir
frá sænska framleiðandanum
Einnig mikið úrval varahluta
í Ifor Williams og aðrar gerðir af kerrum,
ásamt úrvals viðgerðarþjónustu.
Guðmundur Magnússon
gudmundur@mbl.is
Skartgripir sem voru í eigu Maríu
Antoinette , drottningar Frakka,
þegar stjórnarbyltingin var gerð þar
í landi 1789, verða boðnir upp hjá
Sothebys í Genf á morgun. Mikill
áhugi er á uppboðinu meðal efna-
manna og aðalsfólks og áhugamanna
um sögu Frakklands. Djásnin hafa
ekki áður verið sýnd opinberlega.
Hermt er að drottningin hafi sjálf
varið heilu kvöldi í júní 1791 við að
pakka skartgripunum niður meðan
konungsfjölskyldan var í stofufang-
elsi í Tuileries-höll í París. Hún fól
síðan sendiboða að fara með þá til
Brussel þar sem systir hennar María
Kristín hertogaynja sá um að koma
þeim til fjölskyldu þeirra í Austur-
ríki.
Handtekin á flótta frá París
Um sama leyti reyndu konungs-
hjónin, María Antoinette og Lúðvík
16. að laumast úr landi með börn sín,
en voru handtekin. Dómstóll bylting-
armanna kvað upp dauðadóm yfir
drottningunni haustið 1793 og var
hún leidd undir fallöxina illræmdu og
hálshöggvin 16. október það ár, 37
ára gömul. Lúðvík konungur var
einnig tekinn af lífi nokkrum dögum
seinna.
Í skartgripasafninu sem verður
boðið upp eru um eitt hundrað hlutir.
Tíu þeirra voru í eigu Maríu Antoi-
nette, þar á meðal hálsmen og eyrna-
lokkar með dýmætum demöntum og
perlum. Talsmaður Sothebys talar
um „uppboð aldarinnar“ þegar hann
lýsir skartgripum drottningar.
Aðrir frægir eigendur skartgrip-
anna í safninu eru móðir Maríu An-
toinette, María Theresía keisara-
drottning í Austurríki, Karl X.,
konungur Frakklands 1824-1830, og
Franz Jósep I., keisari Austurríkis,
sem lést 1916. Búist er við því að fyrir
gripina fáist mörg hundruð milljónir.
María Antoinette er sögð hafa ver-
ið fögur kona og tíguleg, en hún var
ákaflega umdeild meðan hún var
uppi, hötuð af alþýðufólki og bylting-
arsinnum fyrir hofmóð, hroka og
skeytingarleysi um hag hinna fátæk-
ustu. Henni hafa verið eignuð um-
mælin „Hvers vegna borða þau ekki
bara kökur?“ þegar henni var sagt að
alþýðufólk sylti og hefði ekki efni á
brauði.
Í huga annarra er María Anton-
iette einn af píslarvottum frönsku
byltingarinnar. Um aftöku hennar
orti Hannes Pétursson eftirminnilegt
kvæði um miðja síðustu öld, þar sem
m.a. segir:
Er von hún skilji að allur þessi æsti
óhreini lýður, þetta grimma vopn
sem blikar þarna blóðugt, óseðjandi
sem bölvað skrímsli, sáir dauða og kvöl
sé hvítur draumur hugsuðanna, framtíð
hollari betri og eina völ
en hitt sem nú skal rifið upp með rótum;
hið rotna stjórnarfar og mikla böl
sé hún sem yfir hópinn orðlaus starir
hrein og föl.
Skart Maríu Antoinette á uppboði
Var hálshöggvin
1793 eftir frönsku
byltinguna en kom
djásnunum undan
AFP
Djásn Skartgripir Maríu Antoinette Frakkadrottningar til sýnis í New York áður en þeir verða boðnir upp í hjá Sothebys í Genf á morgun.
Litlar líkur eru á
því að Bretland
og ríki Evrópu-
sambandsins
gangi frá sam-
komulagi um
Brexit-skilmála
fyrir mánaða-
mótin. Michel
Barnier, aðal-
samningamaður ESB, var ekki
bjartsýnn á framvindu málsins þeg-
ar hann greindi fulltrúum aðildar-
ríkjanna frá stöðu viðræðnanna í
gær.
Úrsögn Breta á að taka gildi 29.
mars á næsta ári. Stefnt hefur verið
að því að kalla saman leiðtogafund
ESB í þessum mánuði til að undir-
rita samning um útgöngu Breta úr
bandalaginu. Tillögur Theresu
May, forsætisráðherra Bretlands,
mæta einnig mikilli andstöðu í
Íhaldsflokknum breska.
BRETLAND
Dvínandi vonir um
Brexit-samkomulag
Flugmaður með
langa starfs-
reynslu hjá Air
India var sviptur
réttindum og
vikið úr starfi á
sunnudaginn eft-
ir að hann féll á
áfengisprófi um
borð í Dream-
liner-farþegaflugvél á leið í tíu
tíma flug til Bretlands. Flugmað-
urinn hafði í fyrra verið settur í
þriggja mánaða bann fyrir að víkja
sér undan áfengisprófi.
Um 150 flugmenn indverskra
flugfélaga hafa á síðustu fjórum
árum fallið á áfengisprófum rétt
fyrir brottför vélanna. Reglur
kveða á um að hvorki flugmenn né
aðrir í áhöfn véla megi neyta
áfengis í 12 klukkustundir fyrir
brottför.
INDLAND
Enn einn flugmaður
fellur á áfengisprófi
Illvirkinn sem kom nálum fyrir í
jarðarberjum í Ástralíu í haust er
fundinn. Sá reyndist vera fimmtug
kona, My Ut Trinh að nafni. Hún
hafði starfað við eftirlit á jarðar-
berjabúgarði norður af borginni
Brisbane í Queensland. Að baki bjó
eingöngu illgirni eða hefnigirni.
Stundaði hún þetta í nokkra mánuði
áður en hún náðist. Lögregla segir
að nær 200 tilkynningar um jarðar-
ber með saumnálum hafi borist frá
því í september. Þegar Trinh var
leidd fyrir dómara kom fram að
erfðaefni hennar hefði fundist í jarð-
arberjum í Victoria.
Málið kom fyrst upp þegar maður
var fluttur á sjúkrahús vegna maga-
verkja eftir að hafa borðað jarðarber
og nál kom í ljós. Mikil skelfing greip
um sig hjá almenningi og neyddust
bændur til þess að henda tonnum af
jarðarberjum og matvöruverslanir
hættu að selja þau.
AFP
Jarðarber Margir ástralskir jarðarberjabændur neyddust til að farga upp-
skerunni eftir að nálar fundust í berjum í Queensland.
Illvirkinn reyndist
vera fimmtug kona
Þrír létust og átta særðust þegar
sjálfsvígssprengimaður sprengdi
sig í loft upp í Kabúl, höfuðborg
Afganistans, í gærmorgun. Ódæð-
ismaðurinn ætlaði að fremja
verknaðinn þar sem hópur fólks
hafði safnast saman til að mót-
mæla árásum talíbana á Hazara,
minnihlutahóp síjamúslíma í land-
inu. Hann komst ekki inn fyrir ör-
yggisgirðingu 200 metrum frá
fundarstaðnum og sprengdi sig því
þar upp. Flestir hinna látnu og
særðu eru lögreglumenn og leyni-
þjónustumenn.
Mótmælendur með háskólastúd-
enta í broddi fylkingar hafa að
undanförnu krafist þess að her-
menn verði sendir til tveggja hér-
aða í landinu til verndar Hazara-
fólki sem þar er fjölmennt og sætir
árásum talíbana.
Talíbanar eru sunní-múslimar.
Þeir ofsóttu Hazara meðan þeir
fóru með völd í Afganistan á ár-
unum 1996 til 2001.
Sjálfsvígsárás í Kabúl
beint að Hazara-fólki