Morgunblaðið - 13.11.2018, Blaðsíða 33
MENNING 33
MORGUNBLAÐIÐ ÞRIÐJUDAGUR 13. NÓVEMBER 2018
hafðu það notalegt
handklæðaofnum
Vagnhöfða 11 - 110 Reykjavík - www.ofnasmidja.is - sími 577 5177
Eigum úrval af
ICQC 2018-20
Helgi Snær Sigurðsson
helgisnaer@mbl.is
Prins Póló heldur til byggða um
miðjan næsta mánuð og bregður
sér í hlutverk Prins Jóló á jóla-
tónleikum í Gamla bíói 15. desem-
ber. Verður það án efa hátíðleg
stund. En hvers konar jólatón-
leikar verða þetta og hvernig
týpa er Prins Jóló?
„Tónleikar Prins Jóló verða
skástu lög prinsins í hátíðlegum
hæglætisútgáfum, en Prins Jóló
er vandaðri útgáfa af Prins Póló,
aðeins betur hefluð. Prins Jóló er
heltekinn af heilögum anda og
veltir mikið fyrir sér tilgangi lífs-
ins og þar með jólanna,“ svarar
prinsinn.
Hann segir að tónleikarnir
verði standandi partí en þeir sem
eigi bágt með að standa geti feng-
ið sér þægilegt sæti á svölunum.
Hátíðlegt en ekki
yfirgengilegt
– Verða frumsamin jólalög á
efnisskránni eða gömul og góð?
Og í hvernig búningum?
„Prinsinn er búinn semja ein-
hvern slatta af jólalögum í gegn-
um tíðina einn með sjálfum sér og
í góðra vina hópi. Það var kannski
kominn tími til þess að setja þessi
lög saman í bunka og flytja þau
með góðu fólki.
Annars verða þetta bara frum-
samin jólalög og svo auðvitað
hellingur af öðrum hversdags-
sálmum prinsins í hátíðlegum út-
gáfum.
Við erum talsvert búin að ræða
sjónræna hlutann og ýmislegt
hvað viðkemur búningum og ég á
von á því að það verði mjög hátíð-
legt allt saman án þess að verða
yfirgengilegt,“ svarar prinsinn.
Pláss til að geta í eyðurnar
– Hverjir verða með þér og
verða þetta flippaðar útsetningar?
„Hirðin samanstendur af Bene-
dikt Hermanni Hermannssyni
sem leikur á píanó og tekur
meginábyrgð á útsetningunum.
Svo er Margrét Arnardóttir á
harmonikku, Örn Eldjárn á gítar
og Björn Kristjánsson sér um
slagverk og raddir að ógleymdri
sleðabjöllunni.
Útsetningarnar eru eins langt
frá því að vera flippaðar og hugs-
ast getur. Þær eru mjög miðaldra,
frekar hægar og talsvert pláss
fyrir hlustandann til þess að geta í
eyðurnar,“ svarar prinsinn.
Nauðsynleg helgislepja
– Hvað fær fólk hjá Prins Jóló
sem það fær ekki frá öðrum jóla-
sveinum?
„Ég vona bara að fólk fái alla þá
helgislepju sem það þarfnast á að-
ventunni með því að sækja tón-
leika með Prins Jóló. En þar sem
um er að ræða helgilegar útsetn-
ingar á skástu lögum prinsins
vona ég að fólk fái jafnvel smáfrið
í sálinni með því að hlýða á tón-
leikana og gangi jafnvel út af þeim
með bros á vör.“
– Er prinsinn mikill jólakarl?
„Prinsinn er alveg gríðarlegur
jólakarl og ég gleðst mjög yfir því
tækifæri sem jólin gefa mér sem
listamanni að semja hátíðlega tón-
list og fara út fyrir hversdagsm-
unstrið.“
– Æfingar eru byrjaðar, hvernig
ganga þær?
„Æfingar byrjuðu snemma í
haust; eftir að ég var búinn að
setja saman bandið þá bara gat ég
ekki beðið og æfingarnar ganga
vægast sagt æðislega. Ég vildi að
ég gæti æft með þessu fólki stans-
laust fram að jólum,“ svarar
prinsinn og greinilegt að hann er
kominn í jólaskap.
Ljósmyndir/Rut Sigurðardóttir
Í jólaskapi Prins Jóló og vinir hans stilltu sér upp áður en rennt var í æfingu fyrir jólatónleikana í Gamla bíói.
Einbeittur Björn Kristjánsson sér um slagverk, raddir og sleðabjöllu.
Vandaðri útgáfa af Prins Póló
Prins Jóló heldur jólatónleika í Gamla bíói 15. desember Prinsinn heltekinn af heilögum anda
Jólalög og hversdagssálmar í hátíðlegum útgáfum og útsetningar laga verða miðaldra
Á́ nikkunni Margrét Arnardóttir
harmonikkuleikari á æfingu.
Tilnefningar til Evrópsku kvik-
myndaverðlaunanna liggja nú fyrir
og eru tveir Íslendingar meðal til-
nefndra, leikkonan Halldóra Geir-
harðsdóttir fyrir leik sinn í Kona
fer í stríð og Sverrir Guðnason
fyrir leik sinn í Borg/McEnroe.
Tilnefningarnar voru opinberaðar
á Evrópsku kvikmyndahátíðinni í
Sevilla á Spáni á laugardaginn var,
10. nóvember, en Evrópsku kvik-
myndaverðlaunin verða veitt þar í
borg 15. desember, í 31. sinn.
Aðrar leikkonur sem tilnefndar
eru fyrir besta leik í kvikmynd eru
Marie Bäumer fyrir 3 Tage in
Quiberon, Joanna Kulig fyrir
Zimna Wjna, Bárbara Lennie fyrir
leik sinn í Petra, Eva Melander
fyrir Gräns og Alba Rohrwacher
fyrir Lazzoro felice.
Í flokki karla eru auk Sverris til-
nefndir leikararnir Jakob Ced-
ergren fyrirDen skyldige, Rupert
Everett fyrir The Happy Prince,
Marcello Fonte fyrir Dogman,
Tomasz Kot fyrir Zimna Wjna og
Victor Polster fyrir Girl.
Fimm kvikmyndir tilnefndar
Kvikmyndirnar sem tilnefndar
eru sem þær bestu evrópsku í ár
eru hin sænsk-danska Gräns, Zinoa
wojna sem var framleidd í Póllandi
og Frakklandi, fransk-ítalska kvik-
myndin Dogman, belgísk-hollenska
kvikmyndin Girl og Lazzaro felice
sem framleidd var á Ítalíu, Frakk-
landi, Þýskalandi og Sviss.
Tilnefndir fyrir bestu leikstjórn
eru Ali Abbasi fyrir Gräns, Pawel
Pawlikowski fyrir Zimna wojna,
Matteo Garrone fyrir Dogman,
Samuel Maoz fyrir Foxtrot og
Alice Rohrwacher fyrri Lazzaro
felice.
Heildarlista tilnefninga og ferk-
ari upplýsingar um verðlaunin
3má finna á heimasíðu þeirra á
slóðinni www.europeanfilmaw-
ards.eu.
Halldóra og Sverr-
ir meðal tilnefndra
Evrópsku kvikmyndaverðlaunin
Halldóra Geirharðs
í Kona fer í stríð
Sverrir Guðnason í
Borg/McEnroe