Morgunblaðið - 01.12.2018, Blaðsíða 4

4 FRÉTTIRInnlent
MORGUNBLAÐIÐ LAUGARDAGUR 1. DESEMBER 2018
VERÐ FRÁ 89.900 KR.
NÁNAR Á UU.IS
SKÍÐAFERÐIR TIL
MADONNA, ÍTALÍU
SÍÐUSTU SÆTIN Á SKÍÐI
Veður víða um heim 30.11., kl. 18.00
Reykjavík 2 alskýjað
Hólar í Dýrafirði -1 alskýjað
Akureyri -1 snjókoma
Egilsstaðir 0 snjókoma
Vatnsskarðshólar 5 alskýjað
Nuuk -4 léttskýjað
Þórshöfn 5 skúrir
Ósló 6 rigning
Kaupmannahöfn 3 skýjað
Stokkhólmur 3 súld
Helsinki 1 léttskýjað
Lúxemborg 7 skýjað
Brussel 10 léttskýjað
Dublin 6 skýjað
Glasgow 5 rigning
London 9 léttskýjað
París 11 léttskýjað
Amsterdam 9 þoka
Hamborg 6 léttskýjað
Berlín 0 rigning
Vín -1 heiðskírt
Moskva -11 heiðskírt
Algarve 17 léttskýjað
Madríd 12 léttskýjað
Barcelona 13 léttskýjað
Mallorca 15 léttskýjað
Róm 12 skýjað
Aþena 7 skýjað
Winnipeg -8 léttskýjað
Montreal 0 snjóél
New York 4 alskýjað
Chicago 1 þoka
Orlando 20 heiðskírt
 1. desember Sólarupprás Sólsetur
REYKJAVÍK 10:46 15:48
ÍSAFJÖRÐUR 11:21 15:23
SIGLUFJÖRÐUR 11:06 15:05
DJÚPIVOGUR 10:23 15:11
VEÐUR KL. 12 Í DAG
Á sunnudag Norðan 5-13 m/s. Él um landið
norðanvert en bjartviðri syðra. Frost 0 til 6 stig en
kaldara um kvöldið.
Norðan 8-15 en 13-18 austast fram eftir degi. Él um norðanvert landið en léttskýjað syðra. Lægir
í kvöld og kólnar í veðri.
Kristján H. Johannessen
khj@mbl.is
„Við höfum gríðarlegar áhyggjur af
ástandinu. Afkomuöryggi 237
starfsmanna á Keflavíkurflugvelli
og 15 starfsmanna WOW air er nú
þegar ógnað. Þá er einnig mjög stór
hópur starfsmanna WOW air með
tímabundna ráðningarsamninga og
það er uppi óvissa um endurnýjun
þeirra,“ segir Drífa Snædal, forseti
Alþýðusambands Íslands (ASÍ), í
samtali við Morgunblaðið.
Greint var frá því í gær að 15
starfsmönnum WOW air hefði verið
sagt upp störfum. Eru flestir þeirra
starfsmenn félagsins á Keflavíkur-
flugvelli og að sögn upplýsingafull-
trúa WOW air tengjast uppsagnirn-
ar fækkun flugvéla í flugflota
félagsins. Ekki er vitað hvort vænta
megi frekari uppsagna á næstunni.
WOW air á nú í viðræðum við fjár-
festingarfélagið Indigo Partners um
kaup á hlut í flugfélaginu. Drífa seg-
ir ASÍ hafa áhyggjur af stöðu starfs-
manna WOW air gangi kaupin eftir.
„Það að Indigo sé að fara þarna
inn eykur ekki bjartsýni um af-
komuöryggi starfsfólks eða að kjör
verði sæmileg. Við höfum því miklar
áhyggjur af því líka, enda snýst við-
skiptamódel margra þessara lág-
gjaldaflugfélaga um að halda laun-
um niðri. Íslenskur vinnumarkaður
gengur út á að fólk byggi upp rétt-
indi og sé ekki í verktöku.“
Stjórnvöld eru undirbúin
Bjarni Benediktsson, fjármála- og
efnahagsráðherra, segir stjórnvöld
fylgjast grannt með gangi mála.
„Við erum mjög vel inni í því sem er
að gerast,“ sagði hann við mbl.is.
„Það sem er slæmt við stöðuna í dag
er óvissan. Ég vona að óvissan víki
fyrir einhverri góðri niðurstöðu í
þessu máli. En þetta verður bara að
hafa sinn gang.“ Þá sagði Bjarni
stjórnvöld vera „eins vel undirbúin
og hægt er varðandi allt sem getur
gerst í framhaldinu“.
Áhugi Indigo mjög jákvæður
Sigþór Kristinn Skúlason, for-
stjóri Airport Associates, tilkynnti í
fyrradag um uppsagnir 237 starfs-
manna sinna á Keflavíkurflugvelli.
Hann segir hægt að draga margar
af uppsögnunum til baka verði af
kaupum félagsins Indigo á WOW
air.
„Á næstu einni til tveimur vikum
fáum við væntanlega að vita hvort
Indigo kemur inn í þetta og þá gjör-
breytast aðstæður og hægt að draga
margar uppsagnir til baka. Eins eig-
um við eftir að sjá hvað þeir ætla að
fljúga mörgum vélum,“ segir hann
og bætir við að viðræður Indigo við
WOW air séu í það minnsta mjög já-
kvæðar fréttir.
Skarphéðinn Berg Steinarsson
ferðamálastjóri segir lausafjár-
vanda WOW air enn óleystan.
„Þessir menn eru ekkert búnir að
borga neitt inn,“ segir hann við
mbl.is og vísar til Indigo. Þá segir
hann það einnig vekja athygli að
gert sé ráð fyrir að Skúli Mogensen
verði áfram stærsti eigandi flug-
félagsins gangi kaupin eftir.
Morgunblaðið/Eggert
WOW Fjárfestingarfélagið Indigo Partners á nú í viðræðum við WOW air um hugsanleg kaup á hluta flugfélagsins.
Óvissa vegna WOW
air veldur áhyggjum
 ASÍ óttast aukna verktöku með inngöngu Indigo
Morgunblaðið/Eggert
Á hlaupum Fjölmiðlar biðu Skúla Mogensen, forstjóra WOW air, eftir fund
hans með starfsmönnum á fimmtudag. Sagðist hann m.a. vera bjartsýnn.
Kristján H. Johannessen
khj@mbl.is
„Þetta eru grjóthörð lággjaldafélög,
bæði gagnvart viðskiptavinum sín-
um og starfsfólki,“ segir Örnólfur
Jónsson, formaður Félags íslenskra
atvinnuflugmanna (FÍA), í samtali
við Morgunblaðið og vísar í máli sínu
til þeirra flugfélaga sem fjárfest-
ingarfélagið Indigo Partners hefur
fjárfest í. Á félagið meðal annars í
WizzAir, Frontier Airlines, Volaris
Airlines og JetSMART, en í fyrra-
kvöld var greint frá áhuga þeirra á
að fjárfesta í WOW air.
Indigo Partners er þekkt fyrir
fjárfestingar í lággjaldaflugfélögum
og hefur lagt allt kapp á að takmarka
kostnað, meðal annars með því að
draga úr þeirri þjónustu sem við-
skiptavinir greiða ekki sérstaklega
fyrir og launakostnaði starfsmanna.
„Það er engin áhersla lögð á
stéttarfélög eða kjarasamninga.
Áhafnir eru verktakar,“ segir Örn-
ólfur og vísar til að mynda til ung-
verska flugfélagsins WizzAir. „Það
er ekkert sem heitir stéttarfélag þar,
það er búið að brjóta allt slíkt niður
og kjör starfsmanna þykja ekki
góð.“
Starfsmenn trúa mjög á Skúla
Flugmenn WOW air eru ekki fé-
lagsmenn FÍA. Þess í stað eiga þeir
aðild að stéttarfélagi sem nefnist Ís-
lenska flugmannafélagið og er Vign-
ir Örn Guðnason formaður þess.
Hann segir flugmenn WOW air ekki
hafa áhyggjur af því að staða stéttar-
félagsins veikist gangi kaup Indigo á
WOW air eftir.
„Við höfum mikla trú á þessu fé-
lagi, það sérhæfir sig í sams konar
rekstri og WOW air er í. Og við höf-
um mikla trú á Skúla [Mogensen],“
segir Vignir Örn og bætir við að
starfsmenn WOW air séu mjög sam-
stiga hópur. „Við erum með honum í
þessu frá A til Ö, mörg okkar hafa
fylgt honum frá upphafi.“
Vignir Örn segir einstakan anda
einkenna WOW air og starfsfólk þar
og í ljósi þess hefur hann „engar
áhyggjur“ af því að grafið verði
undan stéttarfélögum við kaupin.
„Við eigum í mjög nánu samstarfi
við fyrirtækið og um það snýst andi
WOW, þessi samvinna og drif-
kraftur sem hefur haldið svona
lengi,“ segir Vignir Örn.
Þá sagðist varaformaður Flug-
freyjufélagsins, sem einnig er starfs-
maður WOW air, ekki geta tjáð sig
um sýn stéttarfélagsins á hugsanleg
kaup Indigo og vísaði þess í stað á
eiganda WOW air.
Engin áhersla
lögð á stéttarfélög
 Formaður FÍA segir flugfélög tengd
Indigo vera „grjóthörð lággjaldafélög“
Morgunblaðið/Eggert
Samgöngur Hugsanlegt er að
rekstur WOW breytist við kaupin.
Fjárfestingarfélagið Indigo Partners, sem nú hyggst
festa kaup á hlut í WOW air, hefur starfsstöð sína í
Phoenix í Arizona í Bandaríkjunum. Var það m.a. stofn-
að af William (Bill) Augustus Franke árið 2003 og er
hann jafnframt stjórnandi félagsins. Bloomberg segir
frá því í fyrra að Franke sé sjálfkrýndur konungur lág-
gjaldaflugferða og að hann hafi sérhæft sig í rekstri
slíkra flugfélaga. Er Franke sagður hafa varið síðustu
árum í að leita leiða til þess að forðast hækkandi
rekstrarkostnað, sem hann kallar „veginn til helvítis“.
Franke er fæddur árið 1937 og útskrifaðist hann með BA-gráðu í sagn-
fræði frá Stanford-háskóla 1959 og gráðu í lögfræði frá sama skóla árið
1961. Hefur hann m.a. gegnt stöðu forstjóra American West Airlines.
Konungur lággjaldaflugferða
STJÓRNANDI INDIGO PARTNERS
William Franke