Fréttabréf Ættfræðifélagsins - 01.02.2014, Blaðsíða 2

2http://www.ætt.is
Fréttabréf Ættfræðifélagsins í febrúar 2014
aett@aett.is
Útgefandi:
© Ættfræðifélagið
Ármúla 19, 108 Reykjavík.
= 588-2450
aett@aett.is
Heimasíða:
http://www.ætt.is
Ritnefnd Fréttabréfs:
Guðfinna Ragnarsdóttir
= 55 10430
gudfragn@mr.is
Ragnar Böðvarsson
= 482-3728
grashraun@gmail.com
Ritstjóri
Fréttabréfs:
Guðfinna Ragnarsdóttir
Laugateigi 4, 105 Reykjavík
= 55 10430
gudfragn@mr.is
Ábyrgðarmaður:
Anna K. Kristjánsdóttir
for mað ur Ætt fræði fé lags ins
annakk@simnet.is
Umbrot:
Þórgunnur Sigurjónsdóttir
Efni sem óskast birt í
blaðinu berist umsjónar­
manni á rafrænu formi
(tölvupóstur/viðhengi)
Prentun: GuðjónÓ
***
Fréttabréf Ættfræði-
félagsins er prentað í 450
eintökum og sent öllum
skuldlausum félögum. Verð
í lausasölu er 500 kr. Allt
efni sem skrifað er undir
nafni er birt á ábyrgð
höfundar. Annað er á
ábyrgð ritstjórnar.
Hólmfríður Gísladóttir:
Að vera örvhentur
Það er margt sem erfist annað en sjúkdómar. Öll berum við einhver einkenni
forfeðranna. Ég er örvhent og á mjög bágt með að gera nokkurn hluta nema
með vinstri hendi. Ég fór fyrir stuttu að athuga hvernig þetta erfðist. Ég á
fimm börn og þar af tvo syni örvhenta og eina sonardóttur. Ég hafði lengi vit-
að að ég ætti afabróður sem var örvhentur og hann átti son örvhentan. Ég fór
að spyrja frændfólkið um þessar erfðir og það var býsna margt fólk í föðurætt
minni örvhent. Þá var að vita, kom þetta frá langafa eða langömmu? Hvernig
var hægt að komast að því? Gísli langafi átti son framhjá henni langömmu, þá
var að gera útilokunaraðferð. Gísli launsonur langafa átti tvær dætur, önnur
þeirra er á lífi og ég spurði hana og hún sagði að systir sín hefði verið örvhent
og hún sjálf ætti dótturson örvhentan. Þá vissi ég það að þetta var úr Gísla ætt.
Þarna gerði hann langafi minn mér greiða með því að eiga þennan launson en
svo mætti athuga hvort faðir eða móðir Gísla var örvhent eða eitthvert þeirra
fólk. Ég hallast að því að örvhent fólk sé ekki síður handlagið en rétthent.
Hagyrðingar
Ég hef skrifað um hann Gísla langafa minn, sem átti launson með Þóru
Valgerði Sæmundsdóttur. Þóra var kaupakona á Vatnabúðum eftir að hún
átti soninn með afa. Um vorið var hún úti á túni að mylja áburð ofan í svörð-
inn. Túnin á Vatnabúðum og Móabúð lágu saman. Þá kemur Jón í Móabúð
út á hlaðið og sér Þóru og segir:
Þóra út á þúfu sat
með þögult sinni
kalt var henni klofs í mynni.
Þóra svaraði:
Kaldar finndust kloflendur
kætast mundi lundin prúð
þær svo vermdi þýðlyndur
þrekinn Jón í Móabúð.
Heimild: Gísli Karel Elísson
Kirkjuævintýri
Það var við messu á Setbergi 1925, það var verið að messa og taka til altaris.
Það var drengur á Setbergi sem hét Geirharður Jósep Antoníus Jónsson, f. 9. júlí
1912 á Garðsenda í Eyrarsveit, d. 31. desember 1990 í Reykjavík. Þegar langt
var komið með altarisgönguna, fer prestur að benda meðhjálpara á Geirharð og
hann tók það svo að prestur ætlaðist til að Geirharður kæmi til altaris. En strák-
ur þráaðist við og varð úr þessu stímabrak milli meðhjálpara og Geirharðs. Við
messu var Einar Skúlason verkamaður á Kvíabryggju, síðar í Grafarnesi, hann
var vel hagmæltur og varð þessi atburður honum að yrkisefni.
Hér er kominn kynjaþrár
kvöldmáltíðargestur
Fyrst mér tókst að togast á
taktu á móti prestur.
Heimild: Nói Jónsson
Prestur á þessum tíma var séra Jósep Jónsson og meðhjálpari sennilega
Finnur Sveinbjörnsson á Spjör í Eyrarsveit. Geirharður Jónsson varð fisk-
sali í Reykjavík.
Mér er Geiri minnst til gagns
máltíðar hjá gestum
Ég sagð‘ yður að senda hann strax
að siga í burtu hestum.