Kraftur - 01.01.2015, Síða 8

8
Kraftur
1. tbl. 2015
FítonsKraftur
endurhæfing
og hreyfing
FítonsKraftur er nýjasta afurðin í þjónustu Krafts. Um er
að ræða endurhæfingu í formi hreyfingar og útvistar fyrir
ungt fólk á aldrinum 18 - 40 ára sem greinst hefur með
krabbamein. Hugmyndin að FítonsKrafti er fengin frá
danska félaginu Proof of life sem var stofnað árið 2006.
Stofnendum Proof of life fannst vanta endurhæfingu fyrir
ungt fólk eftir krabbameinsmeðferð og stofnuðu hópinn
sem einbeitti sér af hlaupum og útvist. Hugmyndin hefur
síðan verið heimfærð til Noregs þar sem Sjukt sprek var
stofnað árið 2012. Báðir hóparnir hafa haldið úti öflugu og
góðu starfi með því að bjóða upp á fjölbreytta endurhæf-
ingu fyrir ungt fólk sem greinst hefur með krabbamein
bæði í formi hreyfingar og útivistar.

FítonsKraftur er undir handleiðslu Atla Más Sveinsonar
íþróttafræðings. Atli útskrifaðist frá Háskóla Íslands vorið
2011 sem íþrótta- og heilsufræðingur og lauk meistara-
gráðu í íþróttafræðum frá University of Northern Colorado
vorið 2013 með sérhæfingu í þjálfun fólks með krabbamein.
Hluti af námi hans fór fram í The Rocky Mountain Cancer
Rehabilitation Institude (RMCRI) sem er fyrsta krabba-
meins endurhæfingarstöð sinnar tegundar í Bandaríkjun-
um þar sem hann öðlaðist réttindi sem Cancer Excercise
Specialist. Meðfram meistaragráðunni lauk hann einnig
réttindum sem Health Fitness Specialist frá American
College of Sports Medicine (ACSM).

Þegar einstaklingur byrjar í FítonsKrafti fer hann í viðtal
og þolpróf hjá þjálfara. Staðfestingargjaldið er 5000 kr. og
innifalið er líkamsræktarkort í Heilsuborg, æfingar í
Heilsuborg undir handleiðslu þjálfara, gestaæfingar, úti-
vist o.fl. sem hópnum dettur í hug að gera. Skipulagðar
æfingar eru í Heilsuborg tvisvar í viku á þriðjudögum
kl. 18:30 og föstudögum kl. 16:30.
Æfingarnar eru fjölbreyttar og farnar eru óhefðbundnar
leiðir í endurhæfingu. Lagt er upp með að félagar Fítons-
Krafts fái að kynnast öðrum þjálfunaraðferðum og íþrótt-
um eins og t.d. BootCamp, Mjölni og Crossfit svo eitthvað
sé nefnt. Útivist eða önnur hreyfing er stunduð í hverjum
mánuði svo sem fjallgöngur, útihlaup, hjólreiðar o.fl.

Nánari upplýsingar er hægt að finna á heimasíðu Krafts
kraftur.org undir FítonsKraftur.
Til að skrá sig í FítonsKraft er best að senda tölvupóst á
fitonskraftur@kraftur.org eða hringja í síma 663 – 2252
og mun Atli þjálfari svara öllum fyrirspurnum með glöðu
geði. Hópurinn er einnig með Facebook síðu sem heitir
FítonsKraftur.

Grein
Atli Már Sveinsson
Ragnheiður Davíðsdóttir
Útivera er stór þáttur í starfsemi FítonsKrafts.