Kraftur - 01.01.2015, Qupperneq 9

Berglind Þóra Haraldsdóttir, 20 ára, greindist með eitla-
krabbamein árið 2013. Hún hefur nú lokið meðferð og æfir
með FítonsKrafti. Berglind stundar nám í félagsráðgjöf
við Háskóla Íslands. „Mér fannst þetta vera eitthvað fyrir
mig. Hér hitti ég fólk með svipaða reynslu og ekki sakar
að þetta er hinn besti félagsskapur,“ segir Berglind sem er
félagi í Krafti og sótti ráðstefnu í Noregi í fyrra þar sem hún
kynntist félagsskapnum „Young survivors“, þ.e. ungu fólki
sem greinst hefur með krabbamein. Berglind segir það líka
veita sér öryggistilfinningu að þjálfarinn, Atli, sé sérhæfður
í þjálfun krabbameinsgreindra. „Mér finnst líka fjölbreytnin
í FítonsKrafti mjög spennandi. Nú erum við t.d. að prófa
Boot Camp og um helgina göngum við á Helgafellið,“ segir
hún og bætir við að fleira spennandi sé á döfinni.
Alexander Lárusson er 23 ára Tækniskólanemi sem lengi
hefur starfað með Styrktarfélagi krabbameinssjúkra barna
og Ungliðahópnum sem SKB rekur með Krafti og Ljósinu.
Hann greindist með krabbamein 10 ára og segist fyrir
löngu hættur að leiða hugann að því. „Ég hafði lengi ætlað
að koma mér af stað í einhvers konar hreyfingu og þegar
ég sá auglýsingu frá FítonsKrafti dreif ég mig af stað og sé
ekki eftir því,“ segir Alexander sem er sérstaklega hrifinn af
fjölbreytninni. „Hér erum við alltaf að reyna eitthvað nýtt
og gaman að geta fléttað saman endurhæfingu, líkams-
rækt og útiveru af ýmsu tagi.“
Páll Axel Gunnarsson, 23 ára, greindist með krabbamein
árið 2007. Hann var þá í Tækniskólanum en varð að hætta
námi þegar hann greindist. Hann hefur alltaf verið virkur
þátttakandi í Ungliðahópnum og Krafti og stundað ein-
hvers konar líkamsrækt af og til. „Mér finnst FítonsKraftur
spennandi valkostur sem býður uppá eitthvað nýtt og
spennandi,“ segir hann og bætir við að ekki saki að félags-
skapurinn sé frábær undir handleiðslu reynslumikils þjálfara.
Alexnder Lárusson
Berglind Þóra Haraldsdóttir
Páll Axel Gunnarsson
KOMDU Í
FÓTBOLTA