Kraftur - 01.01.2015, Side 22

22
Kraftur
1. tbl. 2015
Stuðningsnet Krafts var formlega sett á laggirnar árið
2009 í þeirri mynd sem það er starfrækt núna. Þegar fimm
ár voru liðin frá stofnun þess hafði engin rannsókn verið
gerð á virkni þess meðal stuðningþeganna sem þá voru
orðnir 119 að tölu. Því var því tekið fagnandi þegar
Hulda Hjálmarsdóttir, formaður Krafts, bauðst til að vinna
þessa rannsókn í lokaritgerð sinni til BS prófs í sál-
fræði við Háskóla Íslands. Ritgerðin, sem ber yfirskrift-
ina Jafningjastuðningur fyrir unga krabbameinsgreinda
og aðstandendur hjá Stuðningsneti Krafts, fjallar að
stærstum hluta um spurningar sem lagðar voru fyrir
stuðningsþega sem höfðu nýtt sér Stuðningsnetið á ár-
unum 2009-2014, úrvinnlu þeirra og útlistun á niður-
stöðum.

Spurt var um upplifun og ávinning af jafningjastuðningi
hjá Krafti og hversu ánægðir stuðningsþegar voru með
hann. Þá var einnig verið að athuga hvort rétt væri staðið
að þjálfun stuðningsfulltrúa í Stuðningsnetinu.
Ekki reyndist unnt að ná til allra stuðningsþeganna þar
sem ekki var heimilt að halda utan um gögn af þessu
tagi fram til ársins 2012. Haft var samband við 38
stuðningsþega sem voru til á skrá og reynt að ná til ann-
arra, sem ekki voru skráðir, með því að hafa samband
við stuðningsfulltrúa Stuðningsnetsins frá þeim tíma en
sú vinna bar lítinn árangur þar sem margir stuðnings-
þega voru látnir, fluttir úr landi eða láðst hafði að halda til
haga nöfnum þeirra. Að endingu voru 37 stuðningsþegar
sem samþykktu að taka þátt í rannsókninni.
Útbúinn var spurningalisti í rafrænu formi og sendur á
þátttakendur í tölvupósti. Hulda naut faglegrar aðstoðar
Gyðu Eyjólfsdóttur, sálfræðings, sem tók þátt í stofnun
Stuðningsnets Krafts og veitti því forstöðu fyrstu árin.Rauði
þráðurinn í spurningunum laut að þáttum í fari stuðnings-
fulltrúanna sem þátttakendur voru beðnir að taka af-
stöðu til. Þar báru hæst spurningar er gengu út á sam-
sömun með stuðningsfulltrúanum, upplifun, samhygð og
hluttekningu, hlustun og skilning og hvort stuðningsfull-
trúinn deildi sinni eigin reynslu á viðeigandi hátt. Þá voru
einnig lagðar opnar spurningar fyrir stuðningsþegana.
Niðurstöður rannsóknarinnar voru að mörgu leyti já-
kvæðar fyrir Stuðningsnet Krafts en rúmlega helming-
ur þátttakenda taldi sig hafa haft ávinning af jafningja-
stuðningnum. Einnig var stór hluti þeirra sem töldu jafn-
ingjastuðninginn hafa hjálpað sér að aðlagast breyttum
aðstæðum í kjölfar krabbameinsgreiningarinnar. Í heild-
ina litið voru 65% þátttakenda frekar eða mjög sáttir með
þá þjónustu sem þeir fengu hjá Stuðningsneti Krafts.
Einnig kom í ljós að þjálfun stuðningsfulltrúa er á réttri
leið en jafnvel má leggja ennþá meiri áherslu á hlustun
og skilning og segja frá reynslu sinni af krabbameini á
viðeigandi hátt á námskeiði stuðningsfulltrúa. Það er að
segja að halda áfram að leggja áherslu á hlutverkaleiki,
virka hlustun og deila af reynslu sinni á viðeigandi hátt.
Sálfræðingur félagsins þarf að leggja ríkari áherslu á það
á námskeiðinu hvað það skiptir miklu máli fyrir stuðning
þegar haft er samband aftur eftir fyrsta skipti stuðnings.
Það kom ítrekað fram að stuðningsþegum þótti eftirfylgd
ábótavant og þarf því sálfræðingur að innleiða betra gæða-
eftirlit og hafa samband eftir að stuðningur hefur farið
fram til að bjóða fram frekari þjónustu. Slík eftirfylgd
kemur sér líka vel fyrir stuðningsfulltrúana sem fá þá
endurgjöf hvað þeir eru að gera vel og hvað má bæta í
stuðningnum.
Ljóst er að margt er vel gert hjá Stuðningsneti Krafts og
alveg ljóst að þörf er á slíkri jafningjafræðslu meðal krabba-
meinsgreindra og aðstandenda þeirra. Engu að síður gefa
niðurstöðurnar til kynna að margt megi bæta. Kraftur mun
rýna vel í niðurstöður rannsóknarinnar og nýta sér þær
upplýsingar sem þar koma fram til að gera gott Stuðnings-
net enn betra.
Rannsókn á
Stuðningsneti
Krafts
Grein
Hulda Hjálmarsdóttir, formaður Krafts,
höfundur BS ritgerðarinnar