Morgunblaðið - 25.03.2019, Blaðsíða 13

FRÉTTIR 13Innlent
MORGUNBLAÐIÐ MÁNUDAGUR 25. MARS 2019
Norðlingabraut 8
110 Reykjavík
S: 530-2005
Bíldshöfði 16
110 Reykjavík
S: 530-2002
Tryggvabraut 24
600 Akureyri
S: 461-4800
&530 2000
www.wurth.is
Verkfæri – Festingar – Fatnaður – Persónuhlífar – Efnavara – Bílaperur – Rafmagnsvörur
Skrúfbitasett
• Skrúfbitasett með 12 bitum, bitahaldara,
bitaskralli og beltisklemmu
• Fyrir heimilið og vinnustaðinn
Vnr: 0614 250 013
Verð: 3.708 kr.
Magasín skrúfjárn
• Glæsilegt magasín skrúfjárn
fyrir hvert heimili
• 13 tví-enda bitar
Vnr: 0613 600 10
Verð: 9.500 kr.
*SENDUM UM LAND ALLT
Skoðaðu úrvalið okkar á
W
D8
0N
64
2
Verð 159.900,-
W
W
90
M
64
3
Verð 119.900,-
W
W
80
M
64
2
Verð 139.900,-
DV
80
M
62
53
2
Verð 139.900,-
Settu hana í gang
Með síMaNuM
ByltiNg í þvottaheiminum!
Þvottavél/Þurrkari
Þvottavél
Þurrkari
Þvottavél
Jón Birgir Eiríksson
jbe@mbl.is
Fjármálaáætlun fyrir árin 2020-
2014 var kynnt í fjármála- og efna-
hagsráðuneytinu á laugardag og
byggist hún að mestu á fyrri áætlun
að því er fram kemur á vef stjórnar-
ráðsins. Ráðgert er að á tímabilinu
hægi á hagvexti, en að hann haldist
um 2,5% á tímabilinu. Áfram er gert
ráð fyrir afgangi af rekstri ríkis-
sjóðs á árunum 2020-2024, um
0,8-1% af vergri landsframleiðslu á
hverju ári.
Áætlunin er á vef stjórnarráðsins
sögð endurspegla sterka stöðu og
festu í stjórn opinberra fjármála í
hægari takti hagkerfisins. Ráðgert
er að hún verði tekin til umræðu á
Alþingi á morgun.
4 milljarðar í samgöngumálin
Útgjöld málefnasviða eru með
svipuðu sniði og í fyrri fjármála-
áætlun, en breytingar á rammasett-
um útgjöldum frá fyrri fjármála-
áætlun nema um 2,6 milljörðum
króna til lækkunar á árinu 2019 og
munar þar mest um hliðrun verk-
efna tengdra byggingu nýja Land-
spítalans auk hliðrunar ýmissa
vegaframkvæmda.
Árið 2020 nema breytingar á
rammasettum útgjöldum milli áætl-
ana um 13,3 milljörðum, um 20,2
milljörðum árið 2021, 27,8 milljörð-
um á árinu 2022 og fyrir árið 2023
nema þessar breytingar um 24,3
milljörðum.
Frá gildandi fjármálaáætlun
verður fjögurra milljarða króna við-
bótaraukning til samgöngufram-
kvæmda frá og með árinu 2020.
Fæðingarorlof verður lengt í tólf
mánuði á árunum 2020 og 2021 og
nemur kostnaður af aðgerðinni 900
milljónum króna árið 2020, 2,7 millj-
örðum árið 2021 og 3,8 milljörðum
frá og með árinu 2022.
Í fjármálaáætlun er áhersla lögð
á nýsköpunarmál. Einna þyngst
vegur hækkun um 1,1 milljarð
króna frá og með árinu 2020 vegna
rammaáætlana ESB um menntun,
rannsóknir og tækniþróun, aukin
framlög vegna endurgreiðslu kostn-
aðar til fyrirtækja við rannsóknir og
þróun. Munu þau hækka um 250
milljónir árlega frá og með árinu
2021.
Framkvæmdir við nýjan Land-
spítala vega þyngst í fjárfestingu í
sjúkrahúsþjónustu. Alls nemur fjár-
festing í sjúkrahúsþjónustu ríflega
74 milljörðum króna á tímabilinu.
Nokkrir óvissuþættir eru tilteknir
í fjármálaáætluninni, nánar tiltekið
alþjóðleg efnahagsþróun, þróun á
flugmarkaði næstu misserin og
niðurstöður kjaraviðræðna.
„Ef það verða miklar breytingar í
hagkerfinu verðum við að aðlaga
okkur að því, það er alveg klárt,“
sagði Bjarni Benediktsson fjármála-
ráðherra í samtali við mbl.is.
Morgunblaðið/Kristinn Magnússon
Kynning Bjarni Benediktsson, fjármála- og efnahagsráðherra, kynnti
blaðamönnum áætlunina í fjármála- og efnahagsráðuneytinu á laugardag.
Endurspegli festu
í fjármálunum
 Kynntu fjármálaáætlun 2020-2024
Útgjaldabreytingar
» Meðal annars verður 4 millj-
örðum veitt til samgöngumála
til viðbótar frá árinu 2020.
» Útgjöld vegna lengingar
fæðingarorlofs nema 900
milljónum króna á næsta ári.
» Gert er ráð fyrir fjárfestingu
í sjúkrahúsþjónustu sem nem-
ur 74 milljörðum á tímabilinu.
Stefán Gunnar Sveinsson
sgs@mbl.is
Komur skemmtiferðaskipa til landsins
skapa 920 heilsársstörf og færa
þjóðarbúinu um 16,4 milljarða króna í
tekjur ef marka má niðurstöður könn-
unar sem Cruise Iceland lét gera í
samstarfi við Hafnasamband Íslands
á áhrifum af komu skipanna til lands-
ins. Könnunin var gerð á tímabilinu
júní-ágúst á síðasta ári og fólst í því að
spyrja farþega í skipum sem höfðu
viðdvöl á Ísafirði, Akureyri og í
Reykjavík um neyslu þeirra hér á
landi.
Í könnuninni kom í ljós að 92% far-
þega á skipunum, eða sem nemur um
427.500 manns, fara í land á við-
komustöðum á Íslandi og eyddi hver
sá farþegi að meðaltali um 145 evrum,
eða um 18.000 krónum í hverri höfn.
Þá hefðu tæplega 80.000 skipverjar
einnig stigið hér í land. Bein efnahags-
áhrif af komu gestanna til landsins eru
þá talin um 70,6 milljónir evra eða sem
nemur um 8,8 milljörðum króna. Þá
segir í tilkynningu um niðurstöðurnar
að ætla megi að þjóðhagslegur ávinn-
ingur sé um 16,4 milljarðar í heildina
þegar óbein áhrif eru reiknuð með.
Búbót fyrir landsbyggðina
„Það er alveg ljóst að þetta er farið
að skipta máli fyrir hagkerfið,“ segir
Pétur Ólafsson, formaður Cruise Ice-
land, um niðurstöður könnunarinnar
og bætir við að þær hafi komið
skemmtilega á óvart. Pétur segir að
framtíðarhorfurnar séu góðar, en nú í
sumar sé gert ráð fyrir yfir 20% fjölg-
un þeirra farþega sem komi til lands-
ins og einnig séu góðar bókanir þegar
komnar fyrir árið 2020. Þá séu bók-
anir fyrir 2021 farnar að berast.
Pétur segir að áhrifanna af komu
skipanna gæti ekki síst úti á landi, og
áætlar að um 30% af ávinningnum
sem skapist komi í Reykjavík og af-
gangurinn úti á landi, þar sem á bilinu
12-13 hafnir taki á móti skipunum auk
Ísafjarðar og Akureyrar.
Koma skipanna hafi því reynst
nokkur lyftistöng fyrir landsbyggðina.
„Fyrir okkur hér á Akureyri hefur
þetta gert okkur auðveldara að
byggja upp okkar innviði og gera end-
urbætur á okkar hafnarmannvirkjum
en einn af kostum þessarar ferðaþjón-
ustu er að verið er að nýta þau hafn-
armannvirki sem eru til staðar þannig
að litla uppbyggingu þarf,“ segir Pét-
ur og nefnir sem dæmi að nýr og öfl-
ugur dráttarbátur hafi verið keyptur
norður í fyrra, sem hefði eflaust ekki
verið fenginn nema fyrir tilkomu
skemmtiferðaskipanna, en sá nýtist
einnig í mörg önnur verkefni. „Þetta
lítur vel út og skiptir greinilega miklu
máli, og kannski víða úti á landi er
þetta nánast eins og stóriðja fyrir
sveitarfélögin, það skapast svo mörg
störf,“ segir Pétur að lokum.
Um 16,4 milljarðar í tekjur
 Koma skemmti-
ferðaskipanna
sögð á við stóriðju
Morgunblaðið/Ómar
Búbót Skemmtiferðaskipin færa um
16,4 milljarða króna í þjóðarbúið.