Morgunblaðið - 25.03.2019, Page 15

FRÉTTIR 15Erlent
MORGUNBLAÐIÐ MÁNUDAGUR 25. MARS 2019
VÍKURVAGNAR EHF.
Víkurvagnar ehf. | Hyrjarhöfða 8 | 110 Reykjavík
Sími 577 1090 | vikurvagnar.is | sala@vikurvagnar.is
Einnig mikið úrval varahluta
í Ifor Williams og aðrar gerðir af kerrum,
ásamt úrvals viðgerðarþjónustu.
Kerrur
frá Ifor Williams
í öllum stærðum
og útfærslum
Gerum við hedd
og erum einnig með
ný hedd á flest allar vélar
Er heddið bilað?
Við erum sérfræðingar
í heddum
TANGARHÖFÐA 13
577 1313 - kistufell.com
BIFREIÐAVERKSTÆÐIÐ
Stefán Gunnar Sveinsson
sgs@mbl.is
Pólitískt líf Theresu May, forsætis-
ráðherra Breta, var sagt hanga á
bláþræði í gær, en það mun ráðast í
vikunni hvort neðri deild breska
þingsins samþykkir samkomulag
hennar við Evrópusambandið um
útgöngu Breta úr sambandinu, svo-
nefnt Brexit.
May eyddi mestöllum deginum á
sveitasetri forsætisráðherra, Cheq-
uers, og tók þar á móti helstu for-
kólfum útgöngusinna innan Íhalds-
flokksins til þess að ræða hvort
einhver leið væri að fá þingið til
fylgis við samkomulag May.
Þeirra á meðal voru Jacob Rees-
Mogg, Boris Johnson, fyrrverandi
utanríkisráðherra, David Davis og
Dominic Raab, sem leiddu samn-
inganefnd Breta í málinu, Iain
Duncan Smith, fyrrverandi leiðtogi
Íhaldsflokksins, og svo ráðherrarn-
ir Michael Gove og David Liding-
ton, en breskir fjölmiðlar sögðu í
gær að góðar líkur væri á að annar
hvor þeirra myndi taka við for-
sætisráðuneytinu í vikunni.
„Ekki rétti tíminn“
Báðir lýstu hins vegar yfir stuðn-
ingi sínum við May í gær, og sagði
Gove, sem nú er umhverfisráð-
herra að nú væri „ekki rétti tíminn
til að skipta um mann í brúnni“.
Philip Hammond fjármálaráðherra
tók í sama streng í viðtali við Sky
News, og benti á að það að skipta
út persónum og leikendum myndi
ekki leysa vandamálið.
Breska blaðið Sunday Times
sagðist hins vegar hafa öruggar
heimildir fyrir því að minnst ellefu
ráðherrar í ríkisstjórn May hefðu í
hyggju að neyða hana til að segja
af sér, og að þeir ætluðu að þrýsta
á May á næsta ríkisstjórnarfundi.
Ráðuneyti May á að funda í Down-
ing-stræti 10 í dag kl. 10, en venju-
lega fundar ríkisstjórnin ekki fyrr
en á þriðjudögum.
Leiðtogar Evrópusambandsins
gáfu May í síðustu viku frest fram
til loka þessarar viku til þess að fá
þingið til að samþykkja samkomu-
lagið. May gæti því ákveðið að
leggja frumvarpið fram á þriðju-
daginn eða á fimmtudaginn, að því
gefnu að John Bercow, forseti
neðri deildarinnar, heimilaði það
en hann hafði áður sagt að ekki
væri hægt að leita samþykkis
deildarinnar á samkomulaginu í
þriðja sinn nema efnislegar breyt-
ingar hefðu verið gerðar á því. Vís-
aði hann þar til fordæmis frá árinu
1604 sem ekki hafði verið gripið til
síðan.
Mun þingið taka yfir ferlið?
May hefur hins vegar sjálf sagt
þingmönnum að hún muni ekki
einu sinni reyna að fá samþykki
neðri deildarinnar nema hún telji
einhvern möguleika á að samkomu-
lagið geti fengist samþykkt. Það
þykir hins vegar ólíklegt, þar sem
norðurírski DUP-flokkurinn, sem
styður við minnihlutastjórn Íhalds-
flokksins, hefur alfarið lagst gegn
samkomulaginu.
Þá hafa andstæðingar útgöng-
unnar á þingi látið í veðri vaka að
þeir muni reyna í dag að knýja
fram atkvæðagreiðslur, sem gætu
þá farið fram á miðvikudaginn, til
þess að kalla fram „vilja þingsins“.
Þær atkvæðagreiðslur yrðu ekki
bindandi fyrir ríkisstjórnina, en á
meðal þess sem þar gæti verið
samþykkt er ósk neðri deildarinnar
um að hætt yrði við útgönguna al-
farið, eða að önnur þjóðaratkvæða-
greiðsla yrði haldin um aðildina að
Evrópusambandinu.
Stuðningsmenn Evrópusam-
bandsaðildar Breta hafa lengi talað
fyrir slíkri atkvæðagreiðslu, og tók
um ein milljón manns þátt í kröfu-
göngu í Lundúnum á laugardaginn
þar sem hennar var krafist.
Ríkisstjórnin hefur hins vegar
sagt að slík atkvæðagreiðsla komi
ekki til greina og hefur gefið til
kynna að fyrr verði boðað til al-
mennra þingkosninga í Bretlandi,
reyni þingið að taka völdin af ríkis-
stjórninni hvað þetta varðar.
May hangir á bláþræði
 May fundaði með helstu stuðningsmönnum útgöngunnar í Chequers  Gove
segir ótímabært að skipta um „manninn í brúnni“  Ríkisstjórnin fundar í dag
AFP
Brexit Stuðningsmenn Evrópusambandsaðildar Bretlands fjölmenntu á
Trafalgar-torgi í Lundúnum á laugardaginn og kröfðust atkvæðagreiðslu.
Skemmtiferðaskipið Viking Sky
komst í gær til hafnar í Molde fyrir
eigin vélarafli um þrjúleytið að ís-
lenskum tíma. Skipið bilaði á laugar-
dagseftirmiðdegi eftir að það lenti í
stormi og stórsjó og hafði um þriðj-
ungur farþega verið fluttur af skipinu
með þyrlu.
Skipið var á leiðinni suður frá
Tromsö til Stavanger þegar það missti
allt vélarafl og fór að reka um tvo kíló-
metra undan ströndum Noregs við
svæði sem kallast Hustadvika, en það
hafsvæði þykir háskasamt. „Það er
hættulegt að lenda í vélarbilun á þessu
svæði, þar sem fjöldi rifa leynist,“
sagði Tor Andre Franck, sem stýrði
aðgerðum norsku lögreglunnar.
Sendu Norðmenn þyrlur og dráttar-
báta þegar í stað á vettvang.
Aðstæður við björgunaraðgerðirnar
voru með versta móti, og var um tíma
talið öruggara fyrir þá sem verið var
að sækja af skipinu að stökkva í sjóinn
og bíða björgunar þar, heldur en að
vera um kyrrt í skipinu, þar sem öldu-
gangurinn var svo mikill. Þá tafði
einnig fyrir aðgerðum að flutninga-
skipið Hagland Captain lenti einnig í
vandræðum á svipuðum slóðum. Stóðu
aðgerðir langt fram á nóttina og höfðu
um 460 farþegar af 1.373 verið fluttir
til lands þegar þeim var hætt.
Samkvæmt upplýsingum frá
norsku lögreglunni þurfti að flytja 17
af farþegunum á sjúkrahús. Þar af
höfðu þrír farþegar fengið alvarleg
beinbrot þegar skipið fór að velkjast
um, en þeir voru á áttræðis- og tí-
ræðisaldri. Leikfimisal var breytt í
móttökustöð fyrir farþegana, en þeir
voru flestir frá Bandaríkjunum og
Bretlandi. Þá voru ríkisborgarar 14
annarra ríkja um borð.
Í gær tókst að gera við þrjár af fjór-
um vélum skipsins og drógu tveir
dráttarbátar það frá rifunum, áður en
það lagði af stað til Molde fyrir eigin
vélarafli.
Farþegarnir skelkaðir
Myndskeið sem birtust frá skipinu
meðan á mesta óveðrinu stóð sýndu
húsgögn og skrautplöntur fljóta fram
og til baka um skipið á meðan hluti af
þaki þess brotnaði.
„Ég hef aldrei upplifað aðra eins
skelfingu,“ sagði farþeginn Janet
Jacob við norska ríkisútvarpið NRK,
en hún var á meðal þeirra sem flutt
voru í land með þyrlu. „Ég fór að biðja
til Guðs. Ég bað fyrir öryggi allra um
borð,“ sagði Jacob og bætti við að
þyrluferðin hefði verið skelfileg, þar
sem vindurinn hefði minnt hana á felli-
byl. sgs@mbl.is
Komst til öruggrar hafnar
 Skemmtiferðaskipið Viking Sky sigldi til Molde fyrir eigin
vélarafli  Um þriðjungur farþega fluttur í land með þyrlu
AFP
Á reki Skemmtiferðaskipið Viking Sky sést hér á reki á laugardeginum við Noregsstrendur eftir að vélarnar biluðu.
Donald Trump
Bandaríkja-
forseti sagði í
gær að skýrsla
Roberts Mueller
um það hvort
framboð Trumps
til forseta hefði
átt í ólöglegu
samráði við rúss-
nesk yfirvöld fyr-
ir kosningarnar
2016 hreinsaði sig algjörlega af öll-
um ávirðingum þess efnis.
Loft var lævi blandið í Washing-
ton-borg um helgina eftir að Muell-
er skilaði skýrslu sinni til dóms-
málaráðuneytisins, en efni hennar
hefur ekki verið gert opinbert í
heild sinni.
Bill Barr, dómsmálaráðherra
Bandaríkjanna, sendi Bandaríkja-
þingi útdrátt um helstu niðurstöður
Muellers, en þar kemur fram að
enginn af starfsfólki Trumps hafi
átt þátt í árás rússneskra hakkara á
tölvur Demókrataflokksins í að-
draganda kosninganna.
Barr sagði hins vegar að Mueller
hefði ákveðið að skera ekki úr um
það hvort forsetinn hefði reynt að
hindra framgang réttvísinnar við
rannsókn málsins. Tekur Mueller
sérstaklega fram að hann hreinsi
Trump ekki af þeim ásökunum, þó
hann segi ekki sérstaklega að for-
setinn hafi framið glæp.
Bandaríkjaþing mun nú fara yfir
niðurstöður skýrslunnar og er talið
líklegt að demókratar muni reyna
að ýta á eftir frekari rannsókn um
þennan þátt skýrslunnar.
Segir ekkert
samráð haft
við Rússa
Donald
Trump