Morgunblaðið - 25.03.2019, Blaðsíða 12

12 DAGLEGT LÍF
MORGUNBLAÐIÐ MÁNUDAGUR 25. MARS 2019
Skeifunni 8 | Sími 588 0640 | casa.is
360° snúningur
Leður
Verð frá 249.000.-
WAVE Soft
Sigurður Bogi Sævarsson
sbs@mbl.is
É
ljagangur og þoka eins
og stundum hafa
komið stoppa mig
ekki. Mér er fyrir öllu
að hreyfa mig og
halda mér í formi og því eru fjall-
göngurnar fastur liður í mínu dag-
lega lífi,“ segir Magnús Öfjörð Guð-
jónsson á Selfossi. Hann er
útivistargarpur og gengur nánast
daglega á Ingólfsfjall sem er bæj-
arfjall Selfossbúa. Trimm þetta hóf
hann að stunda árið 2012, þá í þeim
aðstæðum að þurfa meiri hreyfingu,
blóðið á hreyfingu og súrefni í lung-
un. Fjallið blasti við og svo fór að
Magnús batt á sig gönguskóna og
lagði á brattann. Síðan þá eru ferð-
ir hans á fjallið orðnar alls 1.157.
Þrír tímar í trimmið
„Upphafið á þessum göngu-
ferðum kom ekki til af góðu. Ég
fann fyrir doða víða í líkamanum og
leitaði vegna þess til lækna, sem
hver á fætur öðrum rannsökuðu
mig og komust að því að ég væri
með tvö göt á hjartanu, milli hólfa.
Það kallaði á skurðaðgerð á sjúkra-
húsi sem ég fór í 20. janúar 2014.
Áður var ég með gönguferðunum
búinn að kominn mér í þokkalegt
form sem væntanlega hefur hjálpað
mikið, því opin skurðaðgerð er
mikið inngrip,“ segir Magnús.
Ingólfsfjall er á vinstri hönd
þegar ekið er austur skömmu áður
en komið er að Selfossi. Við malar-
námur í fjallinu, í svonefndum
Djúpadal, er greiðfarin leið upp á
fjallið, en hækkunin frá bílastæði
upp á brún er alls 470 metrar. „Ég
fer á reiðhjólinu héðan að heiman á
Selfossi um klukkan hálffimm á
daginn og er hálftíma upp að fjalli,“
segir Magnús. „Gangan af jafn-
sléttu upp á fjallið er tæp klukku-
stund fram og til baka og þegar
niður er komið hjóla ég til baka og
fer í sundlaugina. Oftast eru þetta
því tæplega þrjár klukkustundir á
dag sem ég tek í trimmið; gæðatími
sem skiptir mig miklu. Mér finnst
þetta miklu skemmtilegra og betra
en fara á líkamsræktarstöð og þó
er ég með árskort þar.“
62 ferðir frá áramótum
Í 62. sinn frá áramótum gekk
Magnús í gær, sunnudag, á Ingólfs-
fjall, það er á 83. degi ársins. „Að-
stæður til gönguferða voru ágætar í
allt haust og nú eftir áramótin
langt fram í febrúar. Síðan þá hefur
verið vetrarveður á svæðinu og að-
stæður stundum leiðinlegar en ég
hef ekkert látið það stoppa mig. Ef
hált er set ég bara á mig broddana
og er með staf og auðvitað alltaf
klæddur í samræmi við hvernig
vindur blæs hverju sinni,“ segir
Magnús, sem hefur í huga að slá
met sitt frá 2015 þegar hann gekk
alls 255 sinnum á fjallið. Hafði þá
upphaflega í huga að gera betur en
göngufólk sem sagt var frá í hér-
aðsblöðum er hafði árið áður náð
155 sinnum á fjallið.
„Ég toppaði þau með 100 ferð-
um og fannst ég góður. En svo hafa
auðvitað komið ár hjá mér þar sem
ferðirnar hafa verið talsvert færri,
rétt eins og gengur,“ segir Magnús,
sem á undanförnum árum hefur
reynt við ýmis fleiri fjöll. Má þar
nefna Þríhyrning í Rangárvalla-
sýslu, Esjuna og eins fjöllin við
Laugarvatn, en þar hafa Magnús
og fjölskylda hans hjólhýsið sitt og
eru þar löngum stundum yfir
sumarið.
Hefur gengið 1.157 sinnum á Ingólfsfjall
Fjallræðan! Flesta daga
hvernig sem viðrar arkar
Magnús Öfjörð Guðjóns-
son á Selfossi á bæjar-
fjallið. Eitt árið urðu
ferðirnar 255 talsins. Að
fá blóðið á hreyfingu og
fylla lungun af súrefni er
nauðsynlegt!
Morgunblaðið/Sigurður Bogi
Bæjarfjall Ingólfsfjall og Selfossbær í forgrunni. Fjallið sést víða að og er auðkleift. Miklar malarnámur eru í sunnanverðu fjallinu. Austan við þær, til
hægri á myndinni, er greiðasta leiðin upp á fjallið og er þá farið um svonefndan Djúpadal. Hækkunin frá jafnsléttu og upp á brún er um 470 metrar.
Göngugarpur Magnús Öfjörð á Ingólfsfjalli í síðustu viku, hér við vörðuna á
fjallsbrún þar sem er gestabók sem geymd er í öruggum járnkassa.
Á dögunum tóku fimm þernur frá
CenterHotels við hæfniskírteini eftir
að hafa lokið raunfærnismati frá Ið-
unni fræðslusetri. Matið, sem Iðan
fræðslusetur býður í samstarfi við
Fræðslumiðstöð atvinnulífsins, er
mælikvarði á þá færni og þekkingu
sem öðlast má á vinnumarkaði. Mark-
miðið er að efla starfshæfni þeirra
sem hafa litla formlega menntun og
opna þeim þannig leiðir til að halda
áfram námi og þróa sig frekar í starfi.
Matið, sem starfsmenn Center-
Hotels fóru í gegnum, er fyrsta verk-
efnið sem Iðan fræðslusetur býður
upp á og tekur mið af hæfniskröfum
viðkomandi starfs. Hingað til hefur
eingöngu boðist raunfærnimat á
móti námskrám, sem hefur leitt til
mögulegrar styttingar á námi. Matið
er einnig hið fyrsta sinnar tegundar
sem tengist mati á starfi þerna í
ferðaþjónustu á Íslandi.
„Við erum himinlifandi með hópinn
okkar sem brautskráðist með glæsi-
brag. Matið er mjög mikilvægur þátt-
ur í fræðslustarfi okkar hjá Center
Hotels og er hluti af starfsþróunar-
stefnu okkar. Starfsþróunarstefna
okkar snýr að því að starfsmenn fái
að vaxa og dafna með því að fá jöfn
tækifæri,“ segir Eva Jósteinsdóttir,
framkvæmdastjóri rekstrarsviðs
hótelanna.
Menntun fyrir hótelþernur nýmæli í starfi Iðunnar
Starfsfólk dafni og fái tækifæri
Fræðsla Nýútskrifaðar þernur, stjórnendur CenterHotels og fræðarar
Iðunnar við brautskráningarathöfn sem efnt var til nú á dögunum.