Dagblaðið Vísir - DV - 10.05.2019, Síða 22

22 UMRÆÐA
Sandkorn
10. maí 2019
Spurning vikunnar
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds. Öll viðtöl blaðsins eru
hljóðrituð. Notkun á efni blaðsins er óheimil án samþykkis.
Aðalnúmer: 512 7000
Auglýsingar: 512 7050
Ritstjórn: 512 7010
Útgáfufélag: Frjáls fjölmiðlun ehf. Stjórnarformaður: Sigurður G. Guðjónsson
Framkvæmdastjóri: Karl Garðarsson Ritstjóri: Einar Þór Sigurðsson
Fréttastjóri: Kristinn Haukur Guðnason Prentun: Landsprent Dreifing: Árvakur
Suðurlandsbraut 14
2. hæð
108 Reykjavík
FRÉTTASKOT
512 7070
ABENDING@DV.IS
Auðvelt að hlunnfara þann sem maður ekki þekkir
Þ
að er auðvelt að hlunnfara
þann sem þú þarft aldrei
að horfa framan í. Þetta
er til að mynda ein helsta
ástæðan fyrir því að verr er farið
með starfsfólk stórra fyrirtækja en
smárra. Ákvarðanir eru teknar af
forstjórum og stjórnarformönn­
um, jafnvel staðsettum í öðru
landi, um kjör og aðstæður þeirra
lægst settu. Pennastrik og svo er
haldið á golfvöllinn. Yfirmaður
sem starfar daglega með undir­
mönnum sínum, grínast með
þeim og deilir sínu persónulega
lífi, á mun erfiðara með að hegða
sér á jafn miskunnarlausan hátt og
höfuð stórfyrirtækis. Hann myndi
finna fyrir því á eigin skinni.
Sama lögmál gildir um hið
opin bera. Það er engin ástæða til
að ætla að stjórnmálamenn bjóði
sig fram til starfans til þess að gera
samfélaginu gott. Að eintómt hug­
sjónafólk sitji á Alþingi, í sveitar­
stjórnum og öðrum opinberum
stöðum. Þetta eru fínar og mjög
vellaunaðar stöður. Stjórnmála­
menn verða frægir og vel er hugs­
að um þá af samflokksmönnum
þegar þeir hætta. Ekki er heldur
hægt að líta fram hjá því að margir
þeirra stunda beina hagsmuna­
gæslu fyrir ákveðin öfl í samfé­
laginu, bæði stór og smá fyrirtæki,
fólk sem það þekkir persónulega.
Ísland er ríkt land og hér
ætti að vera hægt að halda uppi
mannsæmandi þjónustu fyrir alla,
sérstaklega okkar minnstu bræð­
ur og systur sem mest þurfa á því
að halda. Sagt er að samfélög séu
dæmd eftir því hvernig þau koma
fram við þá sem minnst mega
sín. Ekki hver verg landsfram­
leiðsla sé eða hversu margar flott­
ar byggingar eru reistar.
Í vikunni greinir DV frá baga­
legum aðstæðum mannana í Víði­
nesi. Sumir þeirra eiga við áfengis­
vanda að stríða, aðrir hafa misst
heimili vegna annarra ástæðna.
Í gólfinu er fastur saur, mygla í
loftum, nagdýr éta allt sem tönn
á festir og vegurinn svo slæm­
ur að þegar hefur einn týnt lífinu.
Geymsla sem enginn nennir að
taka til í og enginn þarf að hugsa
um. Sennilegasta ástæðan er sú að
þessir menn hafa engin vensl inn
í borgarstjórn eða stjórnir annarra
sveitarfélaga. Þeir sitja ekki í köku­
boðum með ráðamönnum og
deila ekki persónulegum sorgum
og sigrum. Þeir eru nafnlausir í
augum þeirra sem fara með fjár­
veitingarvaldið og taka ákvarðan­
irnar.
Sömu sögu má segja um Kópa­
vog og önnur sveitarfélög sem
trassað hafa að innleiða NPA­lög­
gjöfina um réttindi fatlaðs fólks.
Þetta kemur illa niður þeim sem
reiða sig á löggjöfina og skapar
ójöfnuð á milli búsetusvæða. Að
innleiða þetta ætti að vera auðvelt
mál, því annars væru öll sveitarfé­
lög í sömu sporum. En sinnuleys­
ingjarnir eiga sennilega ekki ætt­
ingja og vini sem reiða sig á þessa
löggjöf.
Hver er lausnin? Kannski er hún
sú að skikka opinbera stjórnend­
ur til að verja meiri tíma með fólki
sem þarf á aðstoð að halda. Festa
það í lög að þeim beri að heim­
sækja það, borða með því og horfa
á Landann. Það væri að minnsta
kosti fróðlegt að sjá kjörna borgar­
fulltrúa matreiða pasta í Víðinesi
á gólfi og innréttingum þar sem
saur úr rotþró er fastur á öllu. Og
kannski myndi sýn þeirra breytast.
En eins og með geymslur almennt,
það er auðvelt að láta þær gleym­
ast þegar maður þarf ekki að fara
niður í þær. n
Örvænting Ingu
Inga Sæland fer nú mikinn í um­
ræðunni um frumvarp heil­
brigðisráðherra um rýmkun
fóstureyðinga. Samkvæmt
frumvarpinu verður fóstur­
eyðing heimil fram að 22. viku
auk annarra réttarbóta fyrir
konur.
Guðmundur Ingi Kristinsson hefur
mætt í viðtöl til að tala gegn
frumvarpinu og Inga Sæland
hélt eldræðu í þinginu um mál­
ið og var skömmuð af Steingrími
J. Sigfússyni þingforseta.
Flokkur fólksins hefur átt erfitt
undanfarið, misst tvo þing­
menn og mikið fylgi. Sam­
kvæmt skoðanakönnunum
undanfarna mánuði myndi
flokkurinn ekki ná inn manni.
Hinum fámenna flokki hefur
ekki tekið að gera sig gildan í
umræðunni um þriðja orku­
pakkann en í þessu máli ætla
Inga og Guðmundur að gera sig
gild. Með málflutningi sínum
gætu þau náð til kjósendahóps
sem hefur verið afskiptur lengi
í stjórnmálunum, hóps sann­
kristins fólks.
Þjóðóhollusta
Miðflokksmanna
MMR gerði nýlega könnun á
því í hvaða sæti landsmenn
telja að Hatrið
mun sigra, fram­
lag Íslands lendi
í Eurovision. Um
24 prósent telja
að lagið hafni í
efstu fimm sæt­
unum og helmingur lands­
manna telur að lagið hafni í
einu af efstu tíu sætunum. Að­
eins 13 prósent telja að lagið
hafni í einu af neðstu sætun­
um.
Þegar litið er til stjórnmála­
skoðana þátttakenda í könnun­
inni vekur athygli að kjósendur
Miðflokksins svara á allt annan
hátt en aðrir. Um 35 prósent
telja að lagið endi í námunda
við botninn þrátt fyrir að allt
bendi til annars, bæði veð­
bankar og umtal. Þessi þjóð­
óhollusta Miðflokksmanna er
athyglisverð. Íslandi ekki allt?
Er einhver matur sem þú borðar alls ekki?
„Ég er í ketó núna þannig að ég borða
ekkert kolvetni.“
Kristófer Viðarsson
„Nei, ég borða
allan venjulegan heimilismat.“
Guðlaug Helga Ásgeirsdóttir
„Já, svínakjöt.“
Helga Rúna Gústafsdóttir
„Já, allur matur með lauk í.“
Eggert Ólason
Leiðari
Kristinn Haukur Guðnason
kristinn@dv.is
„Eins og með geymslur al-
mennt, það er auðvelt að
láta þær gleymast þegar maður
þarf ekki að fara niður í þær.
Ugla sat á kvisti Ætla mætti að hún fylgdist
vökulum augum með yfirráðasvæði sínu, en augu
þessarar uglu sjá ekkert.
M
Y
N
D
: H
A
N
N
A
/D
V