Dagblaðið Vísir - DV - 19.07.2019, Blaðsíða 41

Rafíþróttir 19. júlí 2019 KYNNINGARBLAÐ
ICEPHONE KRINGLUNNI
Markmiðið er hröð og
jákvæð þjónustuupplifun
Fyrirtækið Icephone opnaði árið 2015 og býður upp á hraða þjónustu í símaviðgerðum á
öllum símum, símafylgihluti og eldri
uppgerða síma. Einnig býður fyrir-
tækið upp á tölvu- og iPadviðgerðir.
„Hjá Icephone er þetta spurning um
að veita góða, hraða og ekki síst
gegnsæja þjónustu. Okkar markmið
er að viðskiptavinurinn gangi héðan
út ánægður og hefur það gengið
eftir alveg síðan við opnuðum, af
umsögnum á Facebook og Google að
dæma,“ segir Halldór S. Steinssen,
framkvæmdastjóri Icephone.
Slagorðið er 90 mínútna viðgerðir
Snjallsímar eru viðkvæmir og al-
gengt að þeir lendi í vatnsskaða eða
höggskemmdum. Hvorutveggja er
yfirleitt utan ábyrgðar framleið-
anda. „Við fáum talsvert af slíkum
tilfellum til okkar, auk þess sem við
sjáum mikið af símum sem eru með
slappa rafhlöðu. Margir sjá fyrir sér
að vera símalausir í marga daga,
jafnvel vikur þegar kemur að því að
fara með símann í viðgerð. Það er
allt í símanum hjá fólki í dag, vinirnir,
vinnan og samfélagsmiðlarnir þannig
að viðskiptavinurinn má alls ekki við
því að missa tækið í marga daga.
Við fórum því af stað með
slagorðið 90 mínútna viðgerðir,
þannig að fólk getur jafnvel sinnt
erindum sínum í Kringlunni á meðan
við gerum við símann. 90 mínútna
viðgerðir þarf þó að panta fyrirfram.
En ef við fáum til dæmis iPhone, sem
þarf skjáviðgerð, inn fyrri part dags,
þá erum við oftast að klára viðgerð
á tækinu sama dag. Við erum mest
að gera við iPhone og Samsung,
enda eru það algengustu símarnir
á markaðinum. Okkar markmið er
að vera sneggri en hinir og reyna að
klára viðgerð samdægurs eða daginn
eftir.“
Ekkert skoðunargjald hjá Icephone
„Við höfum tekið eftir því að viðskipta-
vinir eru oft stressaðir yfir hvað
viðgerð kostar. Kosturinn við okkar
starfsemi er að við tökum ekkert
skoðunargjald. Við tökum einfaldega
við símanum, greinum hann fyrir
viðskiptavininn og höfum síðan
samband og segjum honum hvað
sé að tækinu og hvað viðgerð muni
kosta. Þá getur viðskiptavinurinn
ákveðið hvort hann vill láta gera við
símann eða ekki. Íhlutir eru þó oft
dýrir og skjáir eru dýrir. Við notum
original Samsung-íhluti, en það er
meira framboð af íhlutum frá þriðja
aðila í iPhone. Við erum með ágætis
reynslu af okkar birgjum þannig að
við treystum okkur til að bjóða sex
mánaða ábyrgð á þeim íhlutum sem
við notum,“ segir Halldór.
Umhverfisvænn kostur
„Einnig bjóðum við viðskiptavin-
um, sem koma til okkar með nýlega
Samsung eða iPhone-síma í skoðun
vegna rafhlöðuvandamála, brotins
skjás eða annarra vandamála sem
getur verið kostnaðarsamt að gera
við, að kaupa af þeim símana. Þá
gerum við símana upp og seljum
aftur. Þetta er umhverfisvænn kostur
fyrir þá sem vilja kaupa notaða síma
á lækkuðu verði, en hentar líka þeim
sem vilja frekar kaupa sér nýjan síma
en að láta gera við gamla símann.
Við erum mörg hver svolítið gíruð í að
vera alltaf með nýjustu týpuna þó að
ekkert sé að eldri símanum, en með
þessu höldum við símanum lengur í
notkun. Uppgerðu símunum fylgir 6
mánaða ábyrgð.“
Ýmsir símafylgihlutir til sölu
Icephone selur einnig fylgihluti fyrir
síma. „Við seljum hulstur, skjáfilmur,
hleðslutæki, fyrirframgreidd símakort,
vatnshelda poka, höggvarnarsnúrur
og margt fleira. Auk þess erum við
með Popsocket, sem er mjög vinsælt
í dag, en það er sett aftan á símann
til að halda betur á honum eða tylla
honum á borð,“ segir Halldór.
Nánari upplýsingar má finna á
icephone.is
Icephone er staðsett í Kringlunni á
bíóganginum og verkstæðið er á
þriðju hæð
Sími: 546-5444
Opnunartími er frá kl. 10–18 alla
daga nema sunnudaga
Facebooksíða: IcePhone Viðgerðir