Morgunblaðið - 18.07.2019, Blaðsíða 12

12 DAGLEGT LÍF
MORGUNBLAÐIÐ FIMMTUDAGUR 18. JÚLÍ 2019
Kristín Heiða Kristinsdóttir
khk@mbl.is
Það er engin tilviljun hversumargir eru hrifnir af ís-lenska fjárhundinum.Hann hefur aðlaðandi við-
mót, er brosmildur og vinalegur,
félagslyndur og einstaklega barngóð-
ur. Alveg yndislegur fjölskyldu-
hundur,“ segir Linda Laufey Braga-
dóttir. Hún er í vinnuhóp Dags
íslenska fjárhundsins sem haldinn
verður hátíðlegur í dag, fimmtudag-
inn 18. júlí.
Í fjórða sinn
„Þetta er í fjórða sinn sem við
höldum upp á Dag íslenska fjár-
hundsins. Þar sem einnig er nú 50
ára afmæli Hundaræktarfélags Ís-
lands var ákveðið að gera meira úr
þessu. Efna til ljósmyndasamkeppni
þar sem þema keppninnar væri ís-
lenski fjárhundurinn með manneskj-
unni sinni sem er fimmtíu ára eða
eldri. Heilmikið hefur borist af
myndum og verðlaun verða veitt á
deginum sjálfum, 18. júlí,“ segir
Linda Laufey.
Fyrrverandi forsetafrú okkar,
Dorrit Moussaieff, er andlit ljós-
myndakeppninnar. „Forsaga málsins
er skemmtilegur atburður sem átti
sér stað á Þingvöllum í fyrra. Þá var
hátíðarfundur Alþingis í tilefni af 100
ára fullveldisafmæli Íslands og það
vildi svo til að þessi hátíðarfundur
var haldinn á Degi íslenska fjár-
hundsins, 18. júlí,“ segir Linda Lauf-
ey.
Náttúrubarnið tók völdin
„Við vorum nokkur stödd þarna
með hundana okkar eins og við erum
vön á þessum degi. Við sáum prúðbú-
in fyrirmenni koma í skrúðgöngu nið-
ur Almannagjá. Við fylgdumst með
þar sem við sátum í grasinu en þegar
skrúðgangan nálgaðist okkur þá tók
Dorrit sig út úr röðinni á háhæluðum
skóm yfir gras og þúfur eins og henni
einni er lagið, og hún fékk lánaðan
einn íslenskan fjárhund til að ganga
með niður að pöllunum. Þetta vakti
mikla lukku og var myndað í bak og
fyrir og fréttin og myndirnar flugu
um víða veröld. Það er skemmtilegt
hversu alþýðleg Dorrit er og þegar
henni dettur eitthvað skemmtilegt í
hug þá framkvæmir hún það.“ Linda
Laufey segir ennfremur að auðsótt
mál hafi verið að fá Dorrit til að
styðja við bakið á félaginu með því að
sitja fyrir á myndum til kynningar á
þjóðarhundinum.
„Það var henni líkt þegar við
komum út í grasið til að taka myndir
að hún vippaði sér úr skónum og var
á táslunum. Náttúrubarnið í henni
tók völdin.“
Brosmildur og vinalegur
Dagur íslenska fjár-
hundsins er haldinn
hátíðlegur í dag, 18.
júlí. Ekki einvörðungu
á Íslandi, heldur er
þetta hátíðisdagur úti
um allan heim þar sem
hunda af þessu kyni
má finna og þeir eru
ræktaðir.
Vinátta Linda Laufey Bragasdóttir hér með Sunnu, sem er afar falleg fimm ára tík af íslensku kyni.
Dorrit Forsetafrúin fyrrverandi er
frjáls í fasi og frægur hundavinur.
Í tilefni dagsins verður dagskrá í
Árbæjarsafni í Reykjavík í dag, þar
sem íslenski fjárhundurinn verður
kynntur og er það gert í samstarfi
við deild íslenska fjárhundsins.
„Þarna verða nokkrir fjárhundar á
staðnum í ýmsum litum og af báð-
um kynjum. Formaður deildarinnar,
Stefanía Sigurðardóttir, ætlar að
leiða kynninguna og lýsa íslenska
fjárhundinum. Þetta hefst kl. 14
fimmtudaginn 18. júlí og allir eru
velkomnir að koma og fræðast og
kynnast þessum yndislega hundi
sem íslenski fjárhundurinn er,“
segir Linda Laufey.
Á Norðurlandi verður einnig
haldið sérstaklega upp á daginn á
Byggðasafni Skagfirðinga,
Glaumbæ, þangað munu íslenskir
fjárhundar mæta til að gleðja gesti.
„Við hvetjum alla eigendur ís-
lenskra fjárhunda til að vera sýni-
legir á Degi íslenska fjárhundsins,
hvar sem þeir eru á landinu. Gaman
væri ef fólk skreytti þá með ís-
lenska fánaborðanum og tæki
myndir af hundunum og sendu inn
á Facebook-síðuna Dagur íslenska
fjárhundsins,“ segir Linda Laufey
og bætir við að ekki einvörðungu Ís-
lendingar haldi þennan dag hátíð-
legan, heldur sé þetta hátíðisdagur
út um allan heim þar sem íslenski
fjárhundurinn býr og er ræktaður.
Hundar í ýmsum litum
KYNNING Á ÁRBÆJARSAFNINU Í DAG
Íslenskur Með uppsperrtu eyrun.
Svonefndir Miðaldadagar verða á Gás-
um við Eyjafjörð um helgina, 20.-21.
júlí, frá kl. 11.00 til 17.00. Á hátíðinni
færist árlega líf og fjör yfir verslunar-
staðinn sem er endurskapaður á til-
gátusvæði með tilheyrandi miðalda-
mannlífi; eins og lífið var í kringum
árið 1033.
Gásir, þar sem miklar rústir hafa
verið grafnar upp, voru helsti versl-
unarstaður á Norðurlandi á miðöldum
og hvergi á landinu hafa fundist jafn
miklar minjar um verslunarhætti fyrri
tíma. Miðaldadagar hafa verið haldnir
árlega frá árinu 2003.
Gestum gefst tækifæri til þess að
fylgjast með lífi og störfum fólks á
miðöldum og kaupa miðaldavarning af
handverksfólki. Kaupstaðurinn iðar af
lífi þessa helgi og í boði verður fjöl-
breytt dagskrá. Á svæðinu má finna
bogfimi, grótkast, knattleik, kaðla-
gerð, smjörgerð, bókfellsgerð, leir-
muni, miðaldasöng, nýbakað súr-
deigsbrauð og margt fleira. Leiðsagnir
um fornleifasvæðið verða einnig í
boði.
Gásir eru 11 km norður af Akureyri
og er beygt af þjóðvegi 1 við Hlíðarbæ.
Gleði á Gásum
Miðaldadagar
Hestamaður Farið á feti í miðaldabæ.
Söngvararnir Geir Ólafsson og Krist-
ján Jóhannsson halda um þessar
mundir skemmtanir á Hótel Gríms-
borgum í Grímsnesi undir heitinu Itali-
an and American songbook. Þar
syngja flytja þeir ýmis þekkt lög, til
dæmis úr söngleikjum og önnur sem
fólk tengir við Ítalíu eða Broadway. Má
þar nefna Volare, May May, Blue Span-
ish Eyes, O Sole Mio og Fly Me To The
Moon svo eitthvað sé nefnt. Geir og
Kristján, sem syngja við undirleik Þór-
is Baldurssonar, hafa þegar komið
fram í tvígang í Grímsborgum og
verða þar næst 27. júlí og 10. ágúst.
Áður hafa þeir skemmt og sungið við
ýmis tilefni á undanförnum árum og er
góður rómur að því gerður.
Söngur í Grímsborgum
Söngvarar Geir og Kristján taka lagið.
Úr söngbókinni
SKRIFSTOFUHÚSGÖGN
Síðumúli 35 | 108 Reykjavík | S. 568 2828 | www.holmris.is
Bjóðum uppá húsgögn
eftir marga fræga
húsgagnahönnuði.
Mörg vörumerki.