Morgunblaðið - 18.07.2019, Blaðsíða 61

Eitt
ogannað
ÍÞRÓTTIR 61
MORGUNBLAÐIÐ FIMMTUDAGUR 18. JÚLÍ 2019
Árið 1896 flutti Björn Þorláksson bóndi áVarmá inn vélar til að
vinna ull og notaði til þess vatnsorku úrÁlafossi. Verksmiðjan
átti stóran þátt í stofnun og vexti byggðar íMosfellsbæ
Álafoss , Álafossvegi 23 Mosfellsbæ, Laugavegi 4-6, alafoss.is
FÓTBOLTI
Jóhann Ingi Hafþórsson
johanningi@mbl.is
Valsmenn eru úr leik í Meist-
aradeild Evrópu í fótbolta eftir
2:0 tap fyrir Maribor frá Slóveníu
á útivelli í 1. umferð undan-
keppninnar í gærkvöldi. Maribor
vann fyrri leikinn á Hlíðarenda
3:0 og einvígið því samanlagt 5:0.
Þær tölur gefa rétta mynd af
gæðamun liðanna. Maribor er
mun sterkara lið, með betri leik-
mannahóp og mun meira fjár-
magn á bak við sig. Heimamenn
skoruðu tvö mörk á fyrsta hálf-
tímanum og var eftirleikurinn
auðveldur. Maribor fór niður í
annan gír og Valsmenn ógnuðu
lítið sem ekki neitt. Maribor
eyddi ekki óþarfa orku í að bæta
við mörkum í einvígi þar sem úr-
slitin voru löngu ráðin. Valsmenn
náðu örfáum ágætum spilköflum í
leiknum en sköpuðu sama og ekki
neitt. Hinum megin hefði Maribor
getað bætt við mörkum.
Bjartsýnir menn vonuðust til að
Valur gæti komist í riðlakeppni í
Evrópukeppni í ár, en liðið er
hvergi nærri tilbúið í þann slag.
Félög eins og Maribor eru mikið
mun sterkari innan og utan vall-
ar. Er nánast óhugsandi að ís-
lensk lið geti slegið lið á borð við
Maribor úr leik í tveggja leikja
einvígi. Það er engin skömm í því.
Valsmenn eru með dýrasta lið Ís-
lands, en hræódýrt lið sam-
anborið við Maribor og önnur lið
víðs vegar um Evrópu. Þetta er
ójöfn keppni.
Sterkir búlgarskir meistarar
Valsmenn eru þó ekki úr leik í
Evrópukeppni í ár. Ludogorets
frá Búlgaríu bíður í Evrópudeild-
inni. Það er hins vegar ekki slak-
ara lið en Maribor, langt því frá.
Búlgarska liðið hefur komist í 32-
og 16-liða úrslit Evrópudeild-
arinnar á síðustu árum og unnið
lið eins og Lazio frá Ítalíu og
þýska liðið Hoffenheim. Ludogo-
rets gerði einnig 2:2-jafntefli við
Liverpool árið 2014. Búlgarska fé-
lagið er með fimm Brasilíumenn á
sínum snærum og fjöldann allan af
landsliðsmönnum frá hinum ýmsu
löndum. Liðið hefur unnið búlg-
arska meistaratitilinn síðustu átta
ár. Ludogorets féll óvænt úr leik
fyrir Ferencváros í Meistaradeild-
inni, samanlagt 5:3, en hefur verið
í riðlakeppni í Evrópu- eða Meist-
aradeildinni síðustu átta ár. Það
verður því væntanlega áfram á
brattann að sækja fyrir Val í Evr-
ópu í ár.
Valsmenn mættu slóv-
enskum ofjörlum sínum
 Valur langt frá riðlakeppni í Meistaradeild Sterkir búlgarskir meistarar bíða
Morgunblaðið/Hari
Stöðvaðir Kenan Piric tekur boltann af tám Ólafs Karls Finsen sem var einkennandi fyrir einvígi Vals og Maribor.
1:0 Rok Kronaveter 11.
2:0 Marcos Tavares 32.
I Gul spjöldVancas Pozeg (Maribor),
Andri Adolphsson, Eiður Aron Sigur-
björnsson (Val).
Maribor: (4-5-1) Mark: Piric. Vörn:
Milec, Ivkovic, Pericic, Viler. Miðja:
Hotic, Cretu, Kronaveter (Pozeg
57.), Vrhovec (Kramaric 73.), Kotnik
(Mesanovic 57.). Sókn: Tavares.
MARIBOR – VALUR 2:0
Valur: (4-3-3) Mark: Hannes Þór
Halldórsson. Vörn: Birkir Már Sæv-
arsson, Orri Sigurður Ómarsson,
Eiður Aron Sigurbjörnsson, Ívar Örn
Jónsson. Miðja: Einar Karl Ingvars-
son, Kristinn Freyr Sigurðsson (Seb-
astian Hedlund 77.), Haukur Páll Sig-
urðsson (Lasse Petry 18.). Sókn:
Andri Adolphsson (Birnir Snær Inga-
son 61.), Patrick Pedersen, Kaj Leo i
Bartalsstovu.
Dómari: João Pinheiro, Portúgal
 Maribor vann einvígið 5:0.
KNATTSPYRNA
Evrópudeild UEFA, síðari leikur:
Meistaravellir: KR – Molde...................... 19
1. deild kvenna, Inkasso-deildin:
Extra-völlur: Fjölnir – Augnablik ...... 19.15
Mustad-völlur: Grindav. – Þróttur R.. 19.15
Kaplakriki: FH – Afturelding ............. 19.15
Hertz-völlur: ÍR – Haukar .................. 19.15
2. deild karla:
Akraneshöll: Kári – Þróttur V. ............19.15
Í KVÖLD!
Stjarnan stendur best að vígi ís-
lensku liðanna þegar kemur að
seinni leikjunum í 1. umferð und-
ankeppni Evrópudeildarinnar í
knattspyrnu sem fram fara í dag.
Garðbæingar unnu mikilvægan 2:1-
sigur gegn eistneska liðinu Levadia
Tallinn í fyrri leik liðanna í Garða-
bæ þar sem Þorsteinn Már Ragn-
arsson skoraði bæði mörk Stjörn-
unnar sem komst í 2:0 í leiknum en
Nikita Andreev skoraði dýrmætt
útivallarmark fyrir Eistana á 78.
mínútu. Garðbæingum dugar hins
vegar jafntefli og þeir geta því leg-
ið til baka í Tallinn og freistað þess
að beita skyndisóknum.
Breiðablik stendur einnig ágæt-
lega að vígi fyrir seinni leik sinn
gegn Vaduz frá Liechtenstein en
liðin gerðu markalaust jafntefli á
Kópavogsvelli í fyrri leiknum. Blik-
ar voru sterkari aðilinn í leiknum
og sóttu meira en gekk illa að
skapa sér afgerandi marktækifæri.
Leikmenn Vaduz lágu vel til baka
og ógnuðu úr skyndisóknum og það
má gera ráð fyrir því að leikplan
liðsins verði svipað á heimavelli. Ef
Blikar koma inn marki snemma í
leiknum gæti róðurinn orðið þung-
ur fyrir liðið frá Liechtenstein sem
sýndi samt sem áður lipra takta í
Kópavogi.
KR galt algjört afhroð gegn
norska liðinu Molde á útivelli þar
sem 7:1-tap reyndist staðreynd.
Einvígið var svo gott sem búið í
hálfleik þar sem Molde leiddi með
fjórum mörkum gegn engu. Vestur-
bæingum gekk illa að verjast föst-
um leikatriðum Norðmannanna og
það verður að teljast nánast úti-
lokað að íslenska liðið sé á leið í
aðra umferð undankeppninnar.
bjarnih@mbl.is
Möguleikarnir mest-
ir í Tallinn og Vaduz
Morgunblaðið/Árni Sæberg
Vaduz Guðjón Pétur Lýðsson og lið
Breiðabliks eru í Liechtenstein.
 Cloé Lacasse, leikmaður ÍBV í knatt-
spyrnu, er samkvæmt heimildum
Morgunblaðsins að skoða möguleika
sem henni hafa boðist hjá erlendum fé-
lögum. Í gær greindi fotbolti.net svo
frá því að Cloé, sem nú er gjaldgeng í
íslenska landsliðið, myndi yfirgefa ÍBV í
ágúst, en ekki væri ljóst hvert hún færi.
 Færeyski sóknarmaðurinn Jákup
Thomsen leikur ekki meira með FH í
sumar en í ljós hefur komið að hann er
með slitið krossband í hné og verður af
þeim sökum frá næstu mánuði. Hann
meiddist í sigri FH gegn ÍBV um síð-
ustu helgi, en hann hafði komið við
sögu í 11 deildarleikjum FH á tíma-
bilinu.
 Kolbeinn Sigþórsson er í liði um-
ferðarinnar í sænsku úrvalsdeildinni í
knattspyrnu hjá sænska blaðinu Ex-
pressen. Kolbeinn skoraði tvö marka
AIK í 3:0-sigri á Elfsborg; hans fyrstu
mörk fyrir félagslið í um þrjú ár.
 Hedvig Lindahl, landsliðs-
markvörður Svía í knattspyrnu, er orð-
in liðsfélagi Söru Bjarkar Gunn-
arsdóttur hjá þýska meistaraliðinu
Wolfsburg. Hún kemur frá Chelsea eftir
að hafa unnið brons með Svíum á nýaf-
stöðnu heimsmeistaramóti.