Morgunblaðið - 06.08.2019, Side 18

✝ Sigurður H.Dagsson fædd-
ist 27. september
1944. Hann lést 25.
júlí 2019 á Landa-
koti.
Sigurður var
kjörsonur Sigfríðar
Sigurðardóttur, d.
1972, og Dags
Hannessonar járn-
smiðs, d. 2006.
Foreldrar hans
voru Esther Þorfinnsdóttir og
Einar Gíslason, systkini hans
eru Róbert, Birgir (látinn), Gísli,
Einar Emil og Emilía Hildur.
Sigurður kvæntist 31. maí
1969 Ragnheiði Lárusdóttur, f.
4. apríl 1949. Foreldrar hennar
voru Þórunn Kjartansdóttir, d.
2015, og Lárus Blöndal bóksali,
d. 2004. Ragnheiður og Sig-
urður bjuggu lengst af í Efsta-
sundi. Þau eignuðust þrjá syni,
þeir eru: 1) Lárus Blöndal
stjórnmálafræðingur, f. 25. apríl
1971, sambýliskona hans er
Anna María Ragnarsdóttir
snyrtifræðingur, f. 1976. Börn
Lárusar eru: a) Daði, f. 1998, b)
Ragnheiður Eva, f. 2001, og c)
Áslaug Sara, f. 2007, móðir
þeirra er Heba Brandsdóttir, f.
1971, sonur Hebu og stjúpsonur
Lárusar: Andri Jónsson, f. 1993.
Sonur Önnu Maríu er Ragnar
Alex Ragnarsson, f. 2000. 2)
Dagur, landsliðsþjálfari Japans í
handbolta, f. 3. apríl 1973, eig-
inkona hans er Ingibjörg Pálma-
dóttir kennari, f. 1973, börn
þeirra: a) Sunna, f. 1997, b)
Birta, f. 1999, og c) Sigurður, f.
2002. 3) Bjarki, markaðs-
sérfræðingur hjá
Símanum, f. 26.
sept. 1980, sam-
býliskona hans er
Kolbrún Franklín
kennari, f. 1982,
synir þeirra: a)
Tjörvi, f. 2011, b)
Snorri, f. 2014, og
c) Stefán Darri, f.
2017.
Sigurður lauk
kennaraprófi 1966
og íþróttakennaraprófi 1967.
Hann kenndi við Álftamýr-
arskóla 1967-78 og við FB frá
1979 og var þar deildarstjóri
íþróttabrautar. Einnig starfaði
hann fyrir Knattspyrnufélagið
Val á Hlíðarenda um tíma og
var í stjórn knattspyrnufélags-
ins Vals 1977-79.
Hann stundaði frjálsar íþrótt-
ir, lék handknattleik og síðar
knattspyrnu í mörg ár með
meistaraflokki í Knattspyrnu-
félaginu Val sem markmaður,
hann varð Íslands- og bik-
armeistari með félaginu og
keppti marga Evrópuleiki með
Val. Hann lék einnig 18 lands-
leiki fyrir Ísland á árunum 1966-
77. Þau hjónin ferðuðust víða
erlendis, m.a. til að fylgjast vel
með barnabörnunum sínum sem
þar bjuggu. Þau áttu sumarhús í
Mosfellsbæ frá 1979-2005 og
fjölskyldan bjó þar yfir sum-
artímann á þessum árum. Þau
reistu sér sumarhús í Kiðjabergi
árið 2006 og spiluðu golf á
Kiðjabergsvelli.
Útför Sigurðar fer fram frá
Bústaðakirkju í dag, 6. ágúst
2019, klukkan 13.
Þótt sólin nú skíni á grænni grundu,
er hjarta mitt þungt sem blý.
Því burt varst þú kölluð á örskammri
stundu,
í huganum hrannast upp sorgarský.
Fyrir mér varst þú ímynd hins göfuga og
góða,
svo gestrisin, einlæg og hlý.
En örlög þín ráðin – mig setur hljóða,
við hittumst ei framar á ný.
Megi algóður Guð þína sálu nú
geyma,
gæta að sorgmæddum, græða djúp
sár.
Þó komin sért yfir í aðra heima
mun minning þín lifa um ókomin ár.
(Höf. ók.)
Þín eiginkona og besti vinur,
Ragnheiður.
Til afa.
Nú sefur þú í kyrrð og værð
og hjá englunum þú nú ert.
Umönnun og hlýju þú færð
og veit ég að ánægður þú sért.
Ég kvaddi þig í hinsta sinn
Ég kveð þig nú í hinsta sinn.
Blessun drottins munt þú fá
og fá að standa honum nær.
Annan stað þú ferð nú á
sem ávallt verður þér kær.
Ég kvaddi þig í hinsta sinn
Ég kveð þig nú í hinsta sinn.
Við munum hitta þig á ný
áður en langt um líður.
Sú stund verður ánægjuleg og hlý
og eftir henni sérhvert okkar bíður.
Við kveðjum þig í hinsta sinn
Við kvöddum þig í hinsta sinn.
(Þursi)
Sunna, Daði, Birta,
Ragnheiður Eva, Sig-
urður, Áslaug Sara,
Tjörvi, Snorri, Stefán
Darri og Andri.
Fallinn er frá mágur okkar og
svili, Sigurður H. Dagsson
íþróttakennari, langt fyrir aldur
fram.
Það hefur örugglega verið erf-
itt fyrir Sigga Dags að koma inn í
þennan hávaðasama hóp okkar
systkinanna fimm í Barmahlíð á
sínum tíma, komandi úr hinni stó-
ísku ró sem einbirni úr Efstasund-
inu, þótt hann hafi aldrei haft orð
á því. En þannig var hann, frekar
hlédrægur að eðlisfari en gat ver-
ið hrókur alls fagnaðar þegar það
átti við.
Það var því góður fengur fyrir
fjölskylduna að fá Sigurð í okkar
hóp enda drengur góður og vand-
aður í alla staði og af góðu fólki
kominn. Það má því segja að fram-
lag Sigga til okkar fjölskyldu hafi
meðal annars einkennst af rólyndi
og þolinmæði. Hann reyndist föð-
ur okkar einkar vel við verslan-
arekstur hans og foreldrum okkar
báðum um árabil við trjárækt og
fleira í sumarbústað þeirra í Mos-
fellssveit, enda var hann greiðvik-
inn og góður verkmaður.
Sigga var alla tíð umhugað um
velferð sinnar fjölskyldu og
reyndar stórfjölskyldunnar allrar
og lagði metnað sinn í að skapa
samstöðu enda maður friðsemdar
og vináttu. Þau hjónin áttu lengi
vel sumarbústað rétt við hlið for-
eldra okkar þar sem fjölskyldan
dvaldi sumarlangt og var það mik-
ill styrkur fyrir foreldra okkar að
hafa þau svo nærri sér. Var það
vinsæll viðkomustaður okkar og
barnanna. Þar gróðursetti Sigurð-
ur mikið magn trjáa sem nú bera
framsýni hans gott vitni. Íþróttir
voru snar þáttur í lífi hans og
reyndar allrar hans fjölskyldu alla
tíð og voru tengsl þeirra við Vals-
heimilið afar sterk. Allir synir
þeirra, Lárus, Dagur og Bjarki,
fetuðu í fótspor foreldra sinna og
léku með meistaraflokkum Vals á
sínum tíma. Eftir að synirnir voru
fluttir að heiman eignuðust þau
sumarhús við golfvöllinn á Kiðja-
bergi og áttu þar margar góðar
stundir saman enda bæði forfalln-
ir golfarar.
Margar skemmtilegar minn-
ingar koma upp í hugann nú þegar
við minnumst hans sem deyfa
sáran söknuð. Fráfall Sigga er
mikill missir fyrir fjölskylduna
alla. Hann var traustur og
skemmtilegur samferðamaður
okkar í meira en hálfa öld og var
allra hugljúfi. Hann skilur eftir sig
skarð í fjölskyldunni, sem verður
vandfyllt. Okkur þótti öllum mjög
vænt um Sigga og minnumst hans
með þakklæti og mikilli hlýju.
Guð blessi minningu Sigurðar
H. Dagssonar.
Kristín, Kjartan,
Guðmundur, Steinn og
fjölskyldur.
Nú er Siggi Dags vinur okkar
fallinn frá. Hans verður sárt sakn-
að af okkur öllum en minningarn-
ar lifa um frábæran íþróttamann,
mikinn grínista en fyrst og fremst
góðan mann og vin.
Við höfum þekkt Sigga Dags og
fjölskyldu í áratugi og ferðast með
þeim erlendis á fótboltaárunum
þegar leikið var í Evrópukeppn-
um sem enduðu yfirleitt sem
skemmtiferðir fyrir okkur strák-
ana, eiginkonur og kærustur.
Þetta voru fjörugar og frábærar
ferðir með vinum í liðinu og góð-
um þjálfurum og fararstjórum.
Siggi Dags var hrókur alls fagn-
aðar með brandara og uppákomur
á hraðbergi.Við spiluðum við
mörg góð lið og hittum skotfasta
leikmenn sem dúndruðu á Sigga
Dags, sem varði oft ótrúlega og
alltaf með stíl svo maður gleymdi
sér og gerðist áhorfandi. Það kom
ekki að sök því það var lítið að
gera í fámennri framlínunni.
Eftir að fótboltaferlinum lauk
héldum við fjölskyldurnar hópinn
og gerðum margt skemmtilegt.
Við fórum eitt árið til Taílands í
ævintýraferðalag sem Hemmi
Gunn hjálpaði okkur að skipu-
leggja. Það stóðst allt eins og staf-
ur á bók og við komumst klakk-
laust heim. Siggi og Svenni með
klæðskerasaumaða smókinga sem
þeir notuðu í mörg ár og þóttu
myndarlegir í þeim flíkum.
Svo gerðist það eitt árið að vinir
okkar, Bergsveinn og Þura heitin,
fóru að fitla við golfkylfur ásamt
Ragnheiði og Sigga, þetta var árið
1992. Það varð til þess að þau
ánetjuðust golflistinni algjörlega
og voru ekki viðræðuhæf næstu
árin. Við Helga byrjuðum löngu
seinna að spila golf og fengum þá
skilning á þessari skemmtilegu
íþrótt.
Siggi og Ragnheiður eignuðust
land við Kiðjaberg þar sem þau
komu sér upp fallegum sumarbú-
stað. Þar undu þau sér vel með
fjölskyldunni sem óðum stækkaði.
Við Helga komum oft þangað í
gistingu ásamt fleiri vinum, spil-
uðum golf og grilluðum, gerðum
góðan dag með góðum vinum.
Lífið tekur enda eins og allt
annað í þessum heimi. Siggi Dags
fékk hægt andlát í faðmi fjölskyld-
unnar.
Við kveðjum góðan vin í dag.
Hugur okkar er hjá Ragnheiði og
fjölskyldu á þessari sorgarstundu.
Alexander og Helga.
Einn ástsælasti íþróttamaður
Knattspyrnufélagsins Vals hefur
kvatt þessa jarðvist eftir erfið
veikindi. Sigurður Dagsson var
flottasti markvörður íslenskrar
knattspyrnusögu og hann var
einnig mjög góður handboltamað-
ur.
Ég man fyrst eftir Sigga Dags í
Hálogalandi, svífandi uppi undir
rjáfri áður en hann lét skotin ríða
af. Í framhaldinu skellti hann á sig
markmannshönskum í fótboltan-
um og varð strax hetja og átrún-
aðargoð okkar sem yngri vorum.
Mér þótti mikið til þess koma
þegar hann þjálfaði mig og félaga
mína í 3. flokki í handboltanum.
Fáum árum síðar lékum við sam-
an í meistaraflokki Vals í knatt-
spyrnu og í nokkur ár með lands-
liðinu. Siggi var vinsæll meðal
liðsfélaga enda yndislegur maður,
skemmtilegur húmoristi og
drengur góður. Siggi Dags var
hrókur alls fagnaðar meðal lands-
liðsmanna þegar við komum sam-
an til undirbúnings landsleikja,
gistum á Valhöll og æfðum á
Laugarvatni fyrir heimaleikina.
Ég minnist þess sérstaklega hvað
Marteinn Geirsson og Guðgeir
Leifsson dáðust að Sigga og húm-
ornum hans. Siggi mátti varla
opna munninn, þá hlógu þessir
kappar og fleiri þangað til tárin
láku í stríðum straumum niður
kinnarnar. Þeir dýrkuðu Sigga
Dags og það gerði ég líka.
Þótt samskipti okkar hafi
minnkað með árunum, eins og
gerist og gengur, gleymast aldrei
góðar minningar frá yndislegum
tíma. Dagsson hafði mikil áhrif á
mitt lífshlaup, því það var ekki síst
vegna hans að ég ákvað að fara í
Kennaraskólann og verða kenn-
ari, en Siggi var mjög virtur
íþróttakennari í áratugi. Siggi
Dags var mikill gæfumaður í
einkalífinu. Ragnheiður kona
hans var frábær íþróttamaður,
margfaldur Íslandsmeistari með
Val í handbolta og í landsliðinu í
mörg ár. Synir þeirra, Lárus,
Dagur og Bjarki, eru eins og for-
eldrarnir miklir Valsmenn og hafa
ritað nöfn sín feitu letri í sögu
Vals. Þeir bera foreldrum sínum
gott vitni, eru eðalmenn. Missir
Röggu og fjölskyldunnar allrar er
mikill og ég og fjölskylda mín
sendum þeim okkar innilegustu
samúðarkveðjur. Guð blessi minn-
ingu Sigurðar Dagssonar. Minn-
ing hans mun lifa á Hlíðarenda á
meðan íþróttir eru stundaðar þar.
Hörður Hilmarsson.
Mjög kær félagi, vinur og sam-
kennari til fjölda ára er látinn.
Hvernig getur maður sætt sig
við að töffari eins og vinur minn
Sigurður Dagsson sé farinn úr
okkar hópi?
Við Sigurður kynntumst laus-
lega í Gagnfræðaskóla Austur-
bæjar en fyrir alvöru er við sett-
umst hlið við hlið í Kennaraskóla
Íslands þegar við hófum þar nám
ungir menn. Þar vorum við í námi
í fjögur ár. Þvílíkir tímar og vin-
átta í okkar góða bekk. Fyrir til-
viljun ákváðum við að hefja nám
við Íþróttakennaraskóla Íslands
haustið 1966. Í fimm ár unnum við
saman að því að verða kennarar
og íþróttakennarar. Við höfðum
báðir fengið vinnu við Álftamýr-
arskóla í Reykjavík nokkrum
misserum fyrr. Hófst þar mjög
farsælt og gott samstarf við al-
menna kennslu og íþróttakennslu.
Sigurður var næmur á líðan nem-
enda og leiðbeindi þeim af næm-
leik en þó af festu. Hann var afar
góður kennari. Aldrei hávaði né
læti, aðeins virðing fyrir verkefn-
inu. Að kenna og leiðbeina nem-
endum til þroska á lífsins leið.
Ég þakka honum fyrir sam-
starfið. Það var svo gefandi. Eftir
mörg góð ár flutti Sigurður sig um
set og hóf störf við Fjölbrauta-
skólann í Breiðholti.
Örsaga frá kennaraskólaárun-
um. Við kennaranemar kepptum
stundum við aðra skóla í íþróttum.
Eitt sinn var ákveðinn leikur í
knattspyrnu við Verslunarskól-
ann. Í báðum liðum voru meist-
araflokksmenn. Og svo við hinir
sem vissum nokkurn veginn í
hvort markið við ættum að skora.
Kennaranema sárvantaði mark-
mann. Eftir smá fortölur sam-
þykkti Siggi Dags að verja mark
okkar. Í liði mótherjanna voru
miklir markaskorarar. Meðal
annarra Hermann Gunnarsson.
Siggi Dags varði stórkostlega í
þessum leik og telja menn að
þarna hafi knattspyrnumarkmað-
urinn verið uppgötvaður og hvatt-
ur til að mæta á æfingu hjá Vals-
mönnum. Sigurður æfði
handknattleik á þessum tíma.
Kennó vann.
Árið á Íþróttakennaraskólan-
um var að mörgu leyti sérstakt og
einangrað. Fólk kynntist því vel.
Þessi hópur hefur hist reglulega
árum saman og borðað hádegis-
verð á veitingahúsi. Um síðustu
jól hittumst við öll með mökum.
Mjög svo ánægjuleg stund og gef-
andi. Anton, Björn, Edda, Friðrik,
Guðrún, Ingibjörg, Sigrún, Theó-
dóra og ég vottum Ragnheiði og
fjölskyldum þeirra Sigurðar okk-
ar dýpstu samúð. Minningin um
góðan dreng mun lifa með okkur
öllum. Hvíl í friði ljúfi vinur.
Þórhallur Runólfsson,
íþróttakennari.
Sá mæti piltur Sigurður Dags-
son kom stálpaður inn í Knatt-
spyrnufélagið Val og lét fljótt til
sín taka. Fyrst sem handknatt-
leiksmaður með óhemju stökk-
kraft og síðar sem markvörður
sem átti eftir að gleðja knatt-
spyrnuáhugamenn um margra
ára skeið. Hinn fjaðurmagnaði
Siggi með jötungripið sveif stang-
anna á milli og hjálpaði Val til
stórra sigra. Í handboltanum var
þetta orðað sem svo að þegar
Siggi stökk upp fyrir framan
varnir andstæðingana stukku þeir
Sigurður H.
Dagsson
18 MINNINGAR
MORGUNBLAÐIÐ ÞRIÐJUDAGUR 6. ÁGÚST 2019
Elsku pabbi minn og afi okkar,
HELGI SIGURÐUR HÓLMSTEINSSON
sjómaður
frá Raufarhöfn,
lést á Skjóli 25. júlí.
Útförin fer fram frá Raufarhafnarkirkju
8. ágúst klukkan 14.
Aðalbjörg Jóhanna Helgadóttir
Védís Kolka Jónsdóttir
Helgi Leó Jónsson
Hrafnhildur Ása Svavarsdóttir
Elskuleg móðir okkar,
KRISTÍN GUÐMUNDSDÓTTIR,
Sléttuvegi 23,
er látin.
Útförin fer fram frá Dómkirkjunni í Reykjavík
miðvikudaginn 7. ágúst klukkan 13.
Jóhann Guðmundsson Guðrún G. Kristinsdóttir
Helga Guðmundsd. Sördal
Bjarnfríður Guðmundsdóttir Guðmundur Ingi Haraldsson
Ófeigur Guðmundsson Friðgerður María Friðriksd.
barnabörn og barnabarnabörn
Okkar ástkæri
JÓHANN SIGURÐSSON
tæknifræðingur,
Seljuskógum 14,
lést á Heilbrigðisstofnun Vesturlands 26.
júlí. Útför hans fer fram frá Akraneskirkju
miðvikudaginn 7. ágúst klukkan 13.
Blóm og kransar vinsamlega afþakkaðir en þeim sem vilja
minnast hans er bent á að styrkja heimahjúkrun HVE á
Akranesi, rkn. 0186-05-100006, kt. 040888-2419, verndari
reiknings er Þórhildur Orradóttir.
Sigurrós Ingimarsdóttir
Þórhildur Einar Gestur
Guðný Sigurrós
Sigurður Kai
Sigurður Björgvinsson Jenný Jóhnnsdóttir
og fjölskyldur
Elskulegur faðir, tengdafaðir, afi, langafi
og langalangafi,
RAGNAR JÓN JÓNSSON,
sem lést á Vífilsstöðum þriðjudaginn 23.
júlí, verður jarðsunginn frá Lindakirkju
fimmtudaginn 8. ágúst klukkan 13.
Hilmar Ragnarsson
Jón G. Ragnarsson Guðrún H. Ágústsdóttir
Ágúst Ragnarsson Bergljót Benónýsdóttir
Bjarni Ó. Guðmundsson Þórdís K. Einarsdóttir
Ólafur Ragnarsson Guðbjörg Pétursdóttir
Ragnar H. Ragnarsson Katrín Ragnarsson
Heiðrún Ragnarsdóttir Ragnar F. Magnússon
barnabörn, barnabarnabörn
og barnabarnabarnabarn
Ástkær faðir okkar, tengdafaðir og afi,
ELVAR BJARNASON
pípulagningameistari,
Herjólfsgötu 38, Hafnarfirði,
lést miðvikudaginn 31. júlí.
Útför fer fram frá Fossvogskirkju miðvikudaginn 14. ágúst kl.
11.00.
Ásgeir Rafn Elvarsson Hanna Jóna Skúladóttir
Elva Björk Elvarsdóttir Pétur N. Lúkasson
Sólrún Adda Elvarsdóttir Sófus Gústavsson
og barnabörn