Morgunblaðið - 24.08.2019, Blaðsíða 50

50 ÍÞRÓTTIR
MORGUNBLAÐIÐ LAUGARDAGUR 24. ÁGÚST 2019
KÖRFUBOLTI
Kristján Jónsson
kris@mbl.is
Eftir útreiðina í Sviss á miðviku-
dagskvöldið varð ljóst að íslenska
karlalandsliðið í körfuknattleik
myndi ekki leika í undankeppni EM
2021. Eftir að hafa komist í loka-
keppni EM tvisvar í röð liggur nú
fyrir að Ísland
nær ekki þremur
lokakeppnum í
röð. Fyrir vikið
hafa margir
íþrótta-
áhugamenn velt
því fyrir sér hvort
landsliðið fái ein-
hver verkefni á
næstunni þar sem
eitthvað er í húfi.
Hannes S. Jóns-
son, formaður Körfuknattleiks-
sambandsins, upplýsti Morgunblaðið
um að Íslandi mundi spila alvöru
landsleiki strax næsta vetur, þegar
haft var samband við hann.
„Þetta keppnisfyrirkomulag hjá
FIBA er skemmtilega flókið við
fyrstu sýn en þegar maður kynnir
sér það þá er það nokkuð einfalt.
Maður þarf kannski helgarnámskeið
til að átta sig,“ sagði Hannes og hló.
Hann heldur áfram. „Nú tekur við
forkeppni fyrir HM sem fram fer ár-
ið 2023. Lokakeppni HM mun hefj-
ast í næstu viku í Kína en í vetur
hefst forkeppnin fyrir HM 2023. Að
lokinni forkeppni hefst síðan und-
ankeppnin fyrir HM 2023 í nóv-
ember 2021.“
Tap fyrir Búlgaríu svíður
Ísland var með í undankeppninni
fyrir HM 2019 og var þá í riðli með
Tékklandi, Finnlandi og Búlgaríu.
Þrátt fyrir að liðið ynni frábæra
sigra gegn Tékkum og Finnum hér
heima þá hafnaði það í neðsta sæti í
riðlinum sem reyndist býsna jafn. Ís-
lenska liðinu tókst ekki vel upp í
leikjunum gegn Búlgaríu og tapaði
þeim báðum. Hafði það afdrifaríkar
afleiðingar því fyrir vikið féll Ísland
niður um styrkleikaflokk. Var það
þess valdandi að Ísland þurfti að fara
í nýafstaðna forkeppni fyrir EM sem
ekki tókst að komast í gegnum eins
og frægt er orðið.
Þá komst Ísland inn í und-
ankeppni HM vegna þess að liðið
komst í lokakeppni EM 2015. Nú
þegar það missir af undankeppninnii
fyrir EM 2021 þá er liðið þó ekki
verkefnalaust því forkeppni HM
2023 hefst í febrúar.
Samhliða undankeppni EM
„Dregið verður í riðla fyrir for-
keppnina í vetur. FIBA hefur ekki
ákveðið hvort það verði í lok október
eða í byrjun desember. Því fyrr því
betra fyrir okkur því við vitum að
þátttakan kallar á ferðalög og betra
að hafa meiri tíma en minni til að
skipuleggja þau. Þjóðir sem við get-
um mætt eru Hvíta-Rússland, Alb-
anía, Austurríki og Armenía svo ein-
hver séu nefnd. Forkeppni HM mun
hefjast í febrúar á næsta ári en einn-
ig verður leikið í nóvember á næsta
ári og í febrúar árið 2021. Tveir leikir
verða spilaðir í hvert skipti og því
mun Ísland spila sex leiki,“ útskýrði
Hannes. Forkeppni HM er því í raun
leikin samhliða undankeppni EM
sem Ísland reyndi að komast í. Sömu
landsleikjahléin eru notuð.
„Þótt það sé mikið bakslag og
svekkelsi að hafa ekki náð að komast
í undankeppni EM þá eru alvöru
verkefni framundan. Þarna stefnum
við á að vinna riðilinn og koma okkur
í undankeppni HM eins og síðast.“
Allt opið í þjálfaramálum
Spurður um þjálfaramálin þá segir
Hannes að KKÍ muni væntanlega
gefa sér nokkrar vikur til að taka
ákvarðanir um framhaldið. Samn-
ingur Craig Pedersen rennur út um
áramót eða áður en kemur að fyrstu
leikjunum í forkeppni HM.
„Þau mál verða rædd í september,
mögulega í október. Samningurinn
við Craig rennur út um áramót og
hann er landsliðsþjálfari þangað til.
Ég vil taka skýrt fram að ég er þeirr-
ar skoðunar að þjálfarateymið hafi
unnið mjög gott starf og hafi einnig
starfað vel saman. Eins og staðan er
núna er allt opið en að sjálfsögðu
munum við setjast niður og fara yfir
stöðuna. Bæði stjórn KKÍ og afreks-
nefnd sambandsins. Formaður af-
reksnefndar mun hafa þetta á sinni
könnu ásamt mér. Við skulum alla
vega segja að við verðum búin að
leggjast vel yfir þetta fyrir fyrsta
vetrardag,“ sagði Hannes ennfremur
í samtali við Morgunblaðið en hann
kom heim frá Sviss á fimmtudaginn.
Landsliðið ekki verkefnalaust
 Forkeppni HM hefst í febrúar hjá karlalandsliðinu í körfuknattleik
Morgunblaðið/Kristinn Magnússon
Þjálfarinn Craig Pedersen ásamt Herberti Arnarsyni formanni afreksnefndar KKÍ.
Hannes S.
Jónsson
Nýliðar Aston Villa unnu sinn
fyrsta leik í ensku úrvalsdeildinni á
leiktíðinni þegar liðið fékk Gylfa
Þór Sigurðsson og lið Everton í
heimsókn í fyrsta leik þriðju um-
ferðar í gær. Lokatölur urðu 2:0
fyrir Villa.
Brasilíumaðurinn Wesley skoraði
fyrra markið á 22. mínútu og Anw-
ar El Ghazi hið síðara á 90. mínútu.
Gylfi Þór byrjaði inn á en var tek-
inn af velli eftir rétt rúman klukku-
tíma þegar Everton bætti í sóknina,
en liðinu gekk enn illa að skapa sér
færi. sport@mbl.is
Nýliðarnir í Villa
unnu Everton
AFP
Tap Gylfi Þór Sigurðsson í leiknum í
Birmingham í gær.
Haraldur Franklín Magnús, kylf-
ingur úr GR, hafnaði í 3. sæti á móti
á Nordic-mótaröðinni í golfi í Es-
bjerg í Danmörku í gær. Haraldur
lék hringina þrjá á samtals höggi
yfir pari en vindasamt var meðan á
mótinu stóð og einungis einn kylf-
ingur lék 54 holur undir pari.
Haraldur lék hringina á 74, 69 og
71 höggi og var átta höggum á eftir
sigurvegaranum. Axel Bóasson úr
Keili hafnaði í 32. sæti á samtals
tólf höggum yfir pari en Andri Þór
Björnsson úr GR komst ekki í gegn-
um niðurskurðinn. kris@mbl.is
Haraldur Franklín
í 3. sæti í Esbjerg
Morgunblaðið/Kristinn Magnússon
3. sæti Haraldur Franklín hélt
dampi við erfiðar aðstæður.
England
Aston Villa – Everton.............................. 2:0
 Gylfi Þór Sigurðsson fór af velli eftir
klukkutíma hjá Everton.
Þýskaland
B-deild:
Darmstadt – Dynamo Dresden .............. 0:0
 Guðlaugur Victor Pálsson spilaði allan
leikinn með Darmstadt.
Frakkland
B-deild:
Le Havre – Grenoble ............................... 3:1
 Kristófer Ingi Kristinsson var ekki í
leikmannahópi Grenoble.
Holland
B-deild:
Telstar – Excelsior .................................. 3:0
 Elías Már Ómarsson spilaði síðustu tíu
mínúturnar hjá Excelsior.
Pólland
Jagiellonia – Wisla Kraków ................... 3:2
 Böðvar Böðvarsson var ónotaður vara-
maður hjá Jagiellonia.
Katar
Al-Arabi – Al Ahli Doha.......................... 3:1
 Aron Einar Gunnarsson lék allan leikinn
með Al-Arabi. Heimir Hallgrímsson þjálfar
liðið.
 Þau mistök urðu í blaðinu í gær að
Arna Sif Ásgrímsdóttir, miðvörður
Þórs/KA og leikmaður 14. um-
ferðar, var ekki inni í liði umferðar-
innar. Arna á þar auðvitað skilið
sæti og fær það á kostnað Lilju
Daggar Valþórsdóttur úr KR. Arna
Sif hefur þar með tvívegis verið
valin í lið umferðar í blaðinu í
sumar.
Arna í liði umferðar
í annað sinn
HANDBOLTI
Danmörk
Bikarkeppni 16-liða úrslit:
Kolding – Aalborg............................... 19:25
 Árni Bragi Eyjólfsson skoraði eitt mark
fyrir Kolding en Ólafur Gústafsson var ekki
í leikmannahópi liðsins að þessu sinni.
 Janus Daði Smárason skoraði tvö mörk
fyrir Aalborg en Ómar Ingi Magnússon var
ekki í leikmannahópi liðsins að þessu sinni.
Arnór Atlason er aðstoðarþjálfari Aalborg.