Morgunblaðið - 29.08.2019, Qupperneq 22

22 FRÉTTIRInnlent
MORGUNBLAÐIÐ FIMMTUDAGUR 29. ÁGÚST 2019
VIÐTAL
Helgi Bjarnason
helgi@mbl.is
Áherslur og starfsaðferðir Skógrækt-
arfélags Kópavogs, eins og annarra
skógræktarfélaga, hafa breyst í takti
við samfélagið í þau 50 ár sem það
hefur starfað. Það hefur sama hlut-
verki að gegna í trjárækt, skógrækt
og landgræðslu í Kópavogi og ná-
grenni en nýting skóganna til útivist-
ar hefur aukist jafnt og þétt. Þar ber
útivistarsvæðið Guðmundarlund í
Vatnsendaheiði hæst.
Skógræktarfélag Kópavogs fagnar
50 ára afmæli um þessar mundir. Af
því tilefni er formlega tekið í notkun
fræðslusetur Kópavogsbæjar og
Skógræktarfélagsins í Guðmund-
arlundi. Athöfnin verður annað kvöld
og er liður í skoðunarferð fulltrúa og
gesta á aðalfundi og þingi lands-
samtakanna Skógræktarfélags Ís-
lands sem haldinn er í Kópavogi um
helgina.
Öflug starfsemi
„Starfsemin hefur alla tíð verið
mjög öflug en hún hefur breyst í
gegnum tíðina,“ segir Kristinn H.
Þorsteinsson, formaður Skógrækt-
arfélags Kópavogs. Félagið vinnur að
skógrækt á allmörgum stöðum í
Kópavogi. Það hefur unnið að land-
græðsluskógaverkefnum og almennri
skógrækt í Lækjarbotnalandi og á
Vatnsendaheiði, á yfir 100 hekturum
lands og síðustu árin hafa bæst við
143 ha í Selfjalli.
Fáum árum eftir stofnun félagsins
keypti það helming jarðarinnar Foss-
ár í Kjós, á móti öðrum skógrækt-
arfélögum, og þar hefur verið plantað
fjölda trjáa. Fyrir 23 árum gaf Guð-
mundur H. Jónsson, stofnandi
BYKO, félaginu skógræktarspildu í
Stórabási í Vatnsendalandi og er
hann kenndur við gefandann.
Skógar og landgræðsluverkefni fé-
lagsins eru nú á um 1400 hektara
svæði og hefur félagið staðið fyrir
gróðursetningu yfir 1,5 milljón trjáa.
Í samræmi við breyttar áherslur
hefur félagið unnið að því að skapa
aðstæður til útivistar í skógum sínum.
„Það gerir það að verkum að fólk lítur
skóga og græna lundi öðrum augum
en áður. Með því erum við að vinna að
markmiðum okkar um að ýta undir
skógrækt,“ segir Kristinn.
Á Fossá er „Opinn skógur“ og þar
hefur verið unnið að gerð göngu-
stíga, merkinga og grillaðstöðu. Það
sama hefur verið gert í Guðmund-
arlundi auk margvíslegrar aðstöðu
til afþreyingar, til dæmis minigolf-
og frisbígolfvalla. Þar var gerður
skrúðgarður, Hermannsgarður, til
minningar um Hermann Lundholm,
fyrrverandi garðyrkjuráðunaut
Kópavogs. „Guðmundarlundur er nú
falleg gróðurvin sem er orðin eft-
irsóttur staður fyrir fjölskyldur og
hópa til að njóta útivistar,“ segir
Kristinn.
Hann tekur fram að unnið hafi ver-
ið að skógræktarverkefnum í landi
Kópavogs og uppbyggingu í Guð-
mundarlundi í mikilli og góðri sam-
vinnu við Kópavogsbæ. Til dæmis er
við vinnu í skógræktinni og Guð-
mundarlundi skólafólk, fólk á vegum
félagsþjónustu Kópavogs og íbúar af
sambýlum.
Aukið fræðslustarf
Um 230 félagsmenn eru nú í Skóg-
ræktarfélagi Kópavogs og vinna þeir
við skógrækt, jólatrjáasölu á Fossá
og fleiri verkefni félagsins. „Við
sjáum fram á að geta eflt félags-
starfið með nýju félagsheimili,
fræðslusetri, sem við höfum byggt
með Kópavogsbæ og erum að taka í
notkun,“ segir Kristinn.
Félagið hefur fyrir nokkru flutt
skrifstofu sína í húsið í Guðmund-
arlundi. Síðustu daga hefur verið
unnið að lokafrágangi innan húss og
utan og tekur Ármann Kr. Ólafsson
bæjarstjóri fræðslusetrið formlega í
notkun annað kvöld, klukkan 18.30.
Guðni Th. Jóhannesson, forseti Ís-
lands, verður viðstaddur athöfnina.
Í fræðslusetrinu verður hægt að
taka á móti skólafólki sem kemur í
fræðsluferðir í lundinn, ef þannig
viðrar, en Kristinn segir að þúsundir
nemenda grunnskóla og leikskóla í
Kópavogi og nágrannsveitarfélögum
komi í Guðmundarlund á hverju ári.
Hann segir einnig að félagið geti auk-
ið fræðslustarf sitt í þágu fé-
lagsmanna og almennings og húsið
auki einnig aðdráttarafl Guðmund-
arlundar því hægt sé að leigja það út
til margskonar mannfagnaða.
„Mikil aðsókn er að Guðmund-
arlundi, sérstaklega á sumrin. Þá
þurfa svæðin stöðugt viðhald. Við er-
um með fastan starfsmann allt árið,
framkvæmdastjóra, sem sér um dag-
legan rekstur,“ segir Kristinn.
Aðstaða til útivistar í skógunum
 Skógræktarfélag Kópavogs leggur áherslu á bætta aðstöðu í skógum sínum  Guðmundarlundur
í Vatnsendaheiði er orðinn vinsælt útivistarsvæði  Fræðslusetur verður tekið í notkun á morgun
Morgunblaðið/Eggert
Guðmundarlundur Bernhard Jóhannesson framkvæmdastjóri og Kristinn
H. Þorsteinsson formaður Skógræktarfélags Kópavogs við brjóstmynd af
Guðmundi H. Jónssyni, stofnanda BYKO, sem gaf skógarlundinn.
Morgunblaðið/Eggert
Leiðarendi Fræðslusetur Skógræktarfélags Kópavogs og Kópavogsbæjar í Guðmundarlundi bætir mjög alla að-
stöðu til fræðslustarfs og reksturs skógarlundsins. Pallur við húsið er tilbúinn og lóðin í kring orðin fín.
„Skógar gegna margvíslegu og
mikilvægu hlutverki í okkar dag-
lega lífi,“ segir Kristinn H. Þor-
steinsson, formaður Skógrækt-
arfélags Kópavogs. „Þeir binda
koltvíoxíð úr andrúmsloftinu,
halda jarðveginum föstum,
geyma mikið vatn og miðla, veita
skjól og eru mikilvægir í menn-
ingu okkar, sögu og samfélagi.“
Bernhard Jóhannesson, fram-
kvæmdastjóri Skógræktarfélags
Kópavogs, bætir því við að kjörið
sé fyrir fjölskyldur að kolefn-
isjafna heimilin með því að
kaupa jólatré á Fossá. Fyrir and-
virði hvers jólatrés sé hægt að
gróðursetja fimmtíu skógar-
plöntur.
Kolefnisjafna
heimilin
SKÓGAR MIKILVÆGIR
Áætlanir um aukningu skógræktar
og ný lög um skógrækt verða með-
al helstu mála á aðalfundi Skóg-
ræktarfélags Íslands sem haldinn
verður í Kópa-
vogi um helgina.
„Okkur vantar
meira land til
skógræktar en
það þarf að vera
gert með skipu-
legum hætti og í
sátt við um-
hverfið. Það þarf
að byggjast á
áætlun um hvað
eigi að gera og
hversu lengi því skógrækt er lang-
tímaverkefni,“ segir Jónatan Garð-
arsson formaður.
Fundurinn verður haldinn í
Fagralundi í Fossvogsdal og hefst
í fyrramálið með ávörpum for-
manns, formanns Skógræktar-
félags Kópavogs, skógræktarstjóra
og bæjarstjóra Kópavogs. Auk
hefðbundinna aðalfundarstarfa
verða flutt fræðsluerindi og farið í
skoðunarferð um skóglendi Kópa-
vogs.
Jónatan segir að ný skógrækt-
arlög verði til umræðu og hvaða
breytingar þau hafi í för með sér.
Tvöföldun skógræktar
Hann segir að fjallað verði um
nýja áætlun um aukningu skóg-
ræktar. Sameiginlegar tillögur
Skógræktarfélags Íslands, Skóg-
ræktarinnar og Landssamtaka
skógarbænda hafi miðað við fjór-
földun skógræktar. Bendir hann á
að plöntun trjáa hafi minnkað um
helming eftir hrun.
Loftslagmálin eru ofarlega á
baugi og skógrækt er hluti af
þeim. Hann segir þess vegna
áhyggjuefni að stjórnvöld hafi
dregið úr áformum um aukningu
en eigi að síður jákvætt að skóg-
ræktin verði tvöfölduð frá því sem
nú er og nái fyrra stigi.
Mörg skógræktarfélög vantar
aukið land og leiðbeiningar um
notkun þess lands sem þau eiga
eftir. Einnig þarf Kolviður land til
plöntunar. Segir Jónatan þess
vegna mikilvægt að Skógræktin sé
að hefja vinnu við landsáætlun
skógræktar. Allt landið verði skil-
greint, hvað hafi verið gert og
hvar megi gera betur. helgi@mbl.is
Rætt um aukna
skógrækt
 Skógræktarfélag Íslands fundar
Jónatan
Garðarsson