Morgunblaðið - 07.06.2008, Qupperneq 2
2 LAUGARDAGUR 7. JÚNÍ 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is Daglegt líf
Anna Sigríður Einarsdóttir, annaei@mbl.is, Bergþóra Njála Guðmundsdóttir, ben@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gud-
laug@mbl.is Minningar mbl.is/sendagrein, Stefán Ólafsson, Arnór Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Silju Björk Huldudóttur
silja@mbl.is
„ÉG veit ekki hvort er verra að
lenda í eldgosi eða jarðskjálfta.
Jarðskjálftinn gerir síður boð á und-
an sér en hins vegar er meira heilt á
eftir,“ segir Helga Guðmundsdóttir,
íbúi á Selfossi, en hún og maður
hennar, Ingvar Gunnlaugsson,
misstu allt sitt í Heimaeyjargosinu
árið 1973 og fluttust þá til Selfoss
þar sem þau hafa búið síðan.
Aðspurð segir Helga skemmd-
irnar eftir skjálftann í síðustu viku
langtum meiri en eftir stóra skjálft-
ann 17. júní 2000. „Árið 2000 brotn-
aði aðeins eitt glas hér hjá okkur en
í skjálftanum fyrir viku brotnaði allt
sem brotnað gat, sjónvarpið, stellin,
styttur og skápar,“ segir Helga og
tekur fram að það hafi þó verið
mesta mildi að enginn skyldi slas-
ast.
Erfiðara að missa húsið
„Ég var nýbúin að vera inni í
stofu með barnabörnunum en við
vorum sem betur
fer komin inn í
eldhús þegar
skjálftinn reið yf-
ir. Ef börnin
hefðu verið inni í
stofu þegar hlutir
féllu út úr skáp-
um og sjónvarpið
datt á gólfið þá
hefði ekki þurft
að spyrja að
leikslokum,“ segir Helga.
Spurð hvort erfitt sé að missa
stóran hluta af innbúi sínu aftur
svarar Helga því til að mun erfiðara
hafi verið á sínum tíma að missa
húsið. „Ég er ekki frá því að maður
verði æðrulausari eftir svona upp-
lifun, því allt síðan við misstum hús-
ið í eldgosinu hef ég haft lítinn
áhuga á að safna veraldlegu dóti,“
segir Helga. Undir þetta tekur Gísli
Grímsson, íbúi á Selfossi, en hann
og kona hans, Bjarney Erlends-
dóttir, misstu húsið sitt í eldgosinu í
Heimaey 1973 og fluttust þá um
tíma til Selfoss en þar hafa þau búið
síðan 2001.
„Glerið má alltaf bæta, því það er
alltaf hægt að kaupa gler, en það er
ekki hægt að kaupa líf,“ segir Gísli
og vill lítið gera úr skemmdum þeim
sem urðu á innbúi og húsnæði
þeirra hjóna í skjálftanum. Segir
hann afar vel hafa verið staðið að
öllum björgunarmálum og aðstoð
við fólk á svæðinu eftir skjálftann.
Glerið má bæta
Að mati Vestmannaeyinga sem nú búa á Selfossi skipta
veraldlegir hlutir litlu þegar náttúruhamfarir ganga yfir
RÍKISSTJÓRN Íslands hefur að tillögu viðskiptaráðherra ákveðið að setja
bráðabirgðalög um breytingu á ákvæðum laga um Viðlagatryggingu Ís-
lands þar sem kveðið er á um að lágmark eigin áhættu lækki úr 85.000 kr.
niður í 20.000 kr. Breytingin er gerð í samvinnu við Viðlagatryggingu.
Fram höfðu komið ábendingar um að eigin áhætta vegna tjóns á lausa-
fjármunum, sem Viðlagatrygging skal bæta, væri óeðlilega há. Til sam-
anburðar er eigin áhætta innbústrygginga hjá vátryggingafélögunum yf-
irleitt á bilinu 10 til 20 þúsund krónur. Skýrt er kveðið á um eigin áhættu í
lögum og því var ekki hægt að lækka eigin áhættu vátryggðs hjá Við-
lagatryggingu Íslands nema með lagabreytingu.
Lágmark eigin áhættu lækkað
Ljósmynd/Egill Bjarnason
Hrósa happi Hjónin Bjarney Erlendsdóttir og Gísli Grímsson segja mest um vert að enginn skyldi slasast alvarlega.
Helga
Guðmundsdóttir
KRISTJÁN Árnason flug-
vélaverkfræðingur prufuflaug á
Reykjavíkurflugvelli í gær nýrri
tveggja hreyfla og þriggja sæta
flugvél sem hann hannaði sjálfur
og smíðaði frá grunni. Aðspurður
viðurkennir Kristján að það hafi
fylgt því ákveðin spenna að
prufukeyra vélina, en að allt hafi
gengið eins og í sögu. Spurður
hvað nú taki við segir Kristján
það taka langan tíma að klára að
prufufljúga vél, því safna þurfi 40
flugtímum. Kristján segir kostn-
aðinn talsvert meiri en að kaupa
tilbúna vél, en Kristján hefur
unnið að smíði vélarinnar sleitu-
laust sl. fjögur ár. Kristján hefur
áður hannað og smíðað tvær aðr-
ar vélar. | silja@mbl.is
Hannaði og smíð-
aði eigin flugvél
Ljósmynd/Árni Sigurbergsson
Svíf um loftin blá Flugvélin sem Kristján Árnason hannaði og smíðaði.
HÉRAÐSDÓMUR Norðurlands
eystra hefur dæmt rúmlega tvítugan
karlmann í 20 mánaða fangelsi fyrir
að stinga þrjá menn með hnífi og
sparka í andlit fjórða mannsins. Þá
var hann dæmdur fyrir að selja
fíkniefni og aka undir áhrifum fíkni-
efna og var sökum þess sviptur öku-
réttindum í tvö ár frá birtingu dóms-
ins.
Hnífaárásirnar voru framdar á
Akureyri að morgni laugardags í
nóvember á síðasta ári. Í niðurstöðu
dómsins segir að maðurinn hafi
sveiflað hnífi og slegið frá sér hingað
og þangað, þar sem mikill atgangur
var og hefði hæglega getað farið
verr. Hann hafi ekkert gert til að
bæta fyrir þessi brot sín gagnvart
brotaþolum.
Við refsiákvörðun var hins vegar
horft til þess að maðurinn var til-
tölulega ungur að árum þegar brotin
voru framin, en hann var þá tvítug-
ur. Þá hafi hann á síðustu vikum leit-
ast við að snúa lífi sínu til betri veg-
ar, gengið til geðlæknis, tekið lyf og
sæki viðtöl á vegum SÁÁ. Hins veg-
ar er í dóminum tekið fram að mað-
urinn hafi ekki tekið upp þessa lífs-
háttabreytingu fyrr en ákærur tóku
að birtast honum, ein af annarri, og
þannig hafi hann gerst sekur um lík-
amsárás í lok janúar 2008, þremur
mánuðum eftir hnífsstunguárásirn-
ar.
Maðurinn var dæmdur til að
greiða einu fórnarlambanna 600 þús-
und krónur í bætur, öðru 200 þúsund
og því þriðja 150 þúsund. Einnig var
hann dæmdur til að greiða Ólafi
Rúnari Ólafssyni, réttargæslumanni
þremenninganna, 200 þúsund í
þóknun og Sigmundi Guðmundssyni,
skipuðum verjanda sínum, 750 þús-
und í málsvarnarlaun. Málið dæmdu
Þorsteinn Davíðsson, Erlingur Sig-
tryggsson og Ólafur Ólafsson.
20 mánaða dómur
fyrir hnífaárásir
INGIBJÖRG Sólrún Gísladóttir, ut-
anríkisráðherra, segir í yfirlýsingu að
hún telji bersýnilegt að umfang rann-
sóknar og ákæra sem upphaflega
voru gefnar út í Baugsmálinu séu alls
ekki í samræmi við tilefnið.
„Víðfeðmasta opinbera rannsókn
síðari ára sem hófst í tilefni af tiltekn-
um kreditreikningi, hefur nú verið til
lykta leidd í Hæstarétti Íslands eftir
sex ára meðferð í réttarkerfinu sem
kostað hefur ógrynni fjár. Hæstirétt-
ur veitti öllum sem komu að útgáfu
þessa tiltekna reiknings sýnilega
jafna og réttláta málsmeðferð. Ber-
sýnilegt er að
dómstólar kveða
upp úr um að um-
fang rannsóknar-
innar og ákær-
anna sem gefnar
voru út upphaf-
lega var alls ekki í
samræmi við til-
efnið. Óhjá-
kvæmilega hljóta
íslensk stjórnvöld
að draga lærdóma af þessari út-
komu,“ segir í yfirlýsingu Ingibjargar
Sólrúnar. | egol@mbl.is
Er ekki í sam-
ræmi við tilefnið
Ingibjörg Sólrún
Gísladóttir
Yfirlýsing Ingibjargar um Baugsmálið
Sumar í Svartaskógi
og dvöl við Bodenvatn
19.–30. ágúst
Fararstjóri: Lilja Hilmarsdóttir
Innifalið: Flug með sköttum, akstur til og frá flugvelli, gisting á 4* hótelum með
ríkulegum morgunverði í 11 nætur, eftirmiðdagssnarl á Hotel Baren og þrí- til
fjórréttaður matur á hverju kvöldi í 10 kvöld. Íslensk fararstjórn allan tímann.
Sumarferð til Berlínar
21.–26. ágúst
Fararstjóri:
Óttar Guðmundsson
Innifalið: Flug með sköttum, gisting á 4* hóteli með ríkulegum morgunverði í
fimm nætur, akstur til og frá flugvelli og íslensk fararstjórn.
Nánar á expressferdir.is
eða í síma 5 900 100
78.900 kr.
Verð á mann í tvíbýli
Nokkur
sæti
laus! 118.800 kr.
Verð á mann í tvíbýli
ÞESSI heiðlóa lét ljósmyndara ekki
hrekja sig af eggjunum, enda er
stutt í að ungarnir fari að gægjast
út. Það er hins vegar ekki auðvelt
að koma auga á lóuna því segja má
að hún sé í felulitunum. Varp lóunn-
ar hefst um miðjan maí og tekur út-
ungun um það bil 27-34 daga. Ung-
arnir verða fleygir um eins mánaða
gamlir. | egol@mbl.is
Ungarnir
að koma
úr eggjum
Ljósmynd/Sigurður Ægisson