Morgunblaðið - 07.06.2008, Síða 18
18 LAUGARDAGUR 7. JÚNÍ 2008 MORGUNBLAÐIÐ
ERLENT
Eftir Kristján Jónsson
kjon@mbl.is
FJÖLMÖRG ríki og alþjóðastofnan-
ir hafa gagnrýnt harkalega þá
ákvörðun stjórnar Roberts Mugabe,
forseta Simbabve, að banna starf-
semi allra frjálsra félagasamtaka og
stofnana, þ.á.m. erlendra mannúðar-
hópa, í landinu áður en seinni umferð
forsetakosninga fer fram 27. júní.
Stjórnvöld skýrðu frá ákvörðun-
inni á fimmtudag og sökuðu ýmsar
hjálparstofnanir um að vinna fyrir
stjórnarandstöðuna og brjóta lög og
reglur landsins. Milljónir manna í
landinu reiða sig á mataraðstoð frá
hjálparstofnunum.
„Þetta er hörmuleg ákvörðun, sem
er tekin á versta tíma fyrir íbúa Sim-
babve,“ sagði John Holmes, yfirmað-
ur mannréttindamála hjá Sameinuðu
þjóðunum. „Ég hvet ríkisstjórnina
eindregið til þess að endurskoða
þessa ákvörðun og ógilda hana sem
fyrst,“ sagði Holmes. Barnahjálp SÞ,
UNICEF, varaði við því að 185.000
börn, sem eru háð aðstoð af hálfu
stofnunarinnar, væru í hættu og
sagði að um brot á réttindum barna
væri að ræða.
Mugabe varð forseti þegar stjórn
hvíta minnihlutans hrökklaðist frá
árið 1980. Stjórnarfar Mugabes hef-
ur verið með þeim hætti að landið,
sem er gjöfult frá náttúrunnar hendi,
er á vonarvöl og atvinnuvegir í rúst.
Stjórn Simbabve bannar
starfsemi hjálparstofnana
Reuters
Ódeigur Stjórnarandstæðingurinn og forsetaframbjóðandinn Morgan
Tsvangirai á gangi í Harare, höfuðborg Simbabve, í gær.
UNICEF óttast
um hag 185.000
skjólstæðinga Er lýðræði í Simbabve?
Þing- og forsetakosningar hafa
verið haldnar reglulega í landinu í
tíð Mugabe. En mjög hefur verið
þjarmað að stjórnarandstæð-
ingum. Einnig hefur verið beitt
kosningasvikum.
Hverjir hafa mest fylgi?
Er kosið var í vor hlutu flokkar
stjórnarandstæðinga meirihluta á
þingi. Stjórnarandstaðan telur að
forsetaefni hennar, Morgan
Tsvangirai, hafi fengið hreinan
meirihluta strax í fyrstu umferð.
Stjórnvöld neituðu því. Þess
vegna verður önnur umferð.
Hvor er líklegri til að sigra?
Jafnvel stjórnin viðurkennir að
Tsvangirai hafi aðeins vantað
herslumuninn á hreinan meiri-
hluta. Verði rétt talið er því líklegt
að hann vinni.
S&S
ALÞJÓÐLEGRI ráðstefnu um al-
næmi, sem haldin er í Kampala,
höfuðborg Úganda, og hefur staðið
yfir síðustu vikuna, lýkur í dag.
Lögregla handtók 13 félaga úr
samtökum samkynhneigðra sem
mótmæltu bágum réttindum við
ráðstefnusalinn. Samtök samkyn-
hneigðra í Úganda hafa gagnrýnt
heilbrigðisyfirvöld fyrir að snið-
ganga samkynhneigða og neita
þeim um meðferðarúrræði í barátt-
unni við alnæmi.
Mótmælendurnir gerðust að sögn
lögreglu sekir um „ónáttúrulega
hegðun“ og að reyna að hvetja til
samkynhneigðar. Samkynhneigð er
bönnuð með lögum í Úganda og
talsmaður lögreglunnar, Simeo
Nsubuga, sagði að mótmælend-
urnir gætu hlotið lífstíðardóm fyrir
hegðun sína.
Stjórnvöld í Úganda þykja hafa
náð góðum árangri í baráttunni við
alnæmi miðað við önnur Afríkuríki.
Efasemdir hafa þó verið uppi um að
tölur sem stjórnvöld gefa upp um
fjölda alnæmissmitaðra séu að öllu
leyti réttar. | sigrunhlin@mbl.is
„Ónáttúru-
leg hegðun“
Reuters
Sýni Starfsmaður á rannsóknastofu
í Úganda við bakka með blóðsýnum.
Samkynhneigðir
beittir grimmilegu
misrétti í Úganda
ÞESSIR kátu otrar í Sjávarlífsmiðstöðinni við Timmen-
dorf-ströndina í Norður-Þýskalandi myndu líklega
gera hvað sem er til að fá eitthvað gott í gogginn. Otrar
eins og þessir lifa villtir í Asíu sunnanverðri og hafa
stuttar, bitlausar klær. Þeir eru álíka langir og tennis-
spaði, með búk á stærð við keilukúlu.
AP
Soltnir otrar á bæn
SKANDINAVÍSKA flugfélagið SAS,
sem mun senn hefja reglubundið
flug milli Danmerkur og Indlands,
hyggst ráða indverska flugþjóna á
indverskum launum til starfa á nýju
leiðinni, að sögn Aftenposten.
Danska þingið setti nýlega lög
sem heimila SAS að ráða Indverja til
starfans en félagið varð eitt sinn að
greiða milljónasekt fyrir að ráða
Kínverja án heimildar danskra yfir-
valda. „Þetta verður ekki leyft með-
an ég tóri,“ segir talsmaður samtaka
danskra flugáhafna, Verner Lund-
toft. Hann telur að SAS sé með þess-
ari ráðabreytni að grafa undan
kjarasamningum. | kjon@mbl.is
Á indverskum
láglaunum
HÆGT er að
nota mælingar á
magni nikótíns í
tánöglum til að
spá fyrir um lík-
urnar á að kona
fái hjartaáfall,
segir í frétt á
vefsíðu BBC.
Vísindamenn í
Bandaríkjunum hafa rannsakað
afskurð af tánöglum 62.500
kvenna og kom í ljós að nikótín-
magnið var tvöfalt hjá þeim kon-
um sem voru með hjartasjúk-
dóma.
Segja vísindamennirnir að nið-
urstöðurnar séu ef til vill traust-
ari en þær sem fást með því að
spyrja þátttakendur um reyk-
ingavenjur. Til eru aðferðir til að
mæla magnið í munnvatni eða
þvagi en þá er aðeins hægt að
mæla hvort líkaminn hafi nýlega
með einhverjum hætti fengið í sig
sígarettureyk. | kjon@mbl.is
Táneglur
segja frá
VÍSINDAMENN á rannsóknar-
stofum tölvufyrirtækisins IBM í
Sviss hafa þróað aðferð til að kæla
þrívíddarkísilflögur með vatni. Um
er að ræða nýja kynslóð kísilflagna
sem fyrirtækið hefur unnið að á
síðustu árum.
Þessum kísilflögum er staflað
saman í stað þess að raða þeim á
samsíða flöt. Þannig þurfa gögnin
ekki að ferðast eins langa vega-
lengd yfir flögurnar og komast því
hraðar. Þær þurfa auk þess minna
pláss þegar þeim er raðað á þenn-
an hátt.
Þrívíddarflögur IBM eru nettari
og samþjappaðri en áður hefur
þekkst og því stóð fyrirtækið
frammi fyrir því að finna öflugt
kerfi til að kæla þær en þetta er
eitt stærsta vandamálið í fram-
leiðslu kísilflagna. Hitinn sem flög-
urnar gefa frá sér eykst eftir því
sem þær verða smærri, flóknari og
hraðvirkari. Því var gripið til þess
ráðs að þróa kerfi örsmárra pípna,
sem leitt er milli flagnanna í stafl-
anum.
Þessi uppgötvun er stórt skref í
þróun fullkomnari kísilflagna en að
sögn IBM verða slíkar flögur
komnar í vörur þeirra innan fimm
ára. | sigrunhlin@mbl.is
Vatnskæld
kísilflaga
Eftir Kristján Jónsson
kjon@mbl.is
KEPPINAUTARNIR Barack
Obama og Hillary Clinton áttu
óvænt einnar stundar fund í
Washington á fimmtudags-
kvöld að frumkvæði Clinton. Í
sameiginlegri fréttatilkynningu
var sagt að þau hefðu átt „gagn-
legar viðræður um það mikil-
væga starf sem inna þarf af hendi til að tryggja
sigur í nóvember“.
Frekari upplýsingar voru ekki gefnar opinber-
lega um fundinn sem fór fram á heimili Dianne
Feinstein, öldungadeildarþing-
manns frá Kaliforníu, sem stutt
hefur Clinton. Feinstein sagð-
ist hafa skilið þau eftir í hæg-
indastólum við arineldinn en
farið sjálf upp á næstu hæð til
að vinna. „Þegar þau voru búin
kallaði hann á mig, ég kom nið-
ur og bauð góða nótt. Meira var
það ekki,“ sagði hún.
Obama, sem var á fullu í
kosningabaráttu sinni í Virginíu, frestaði flugferð
heim til Chicago vegna fundarins. Margvíslegur
orðrómur hefur verið á kreiki um að Obama muni
ef til vill bjóða Clinton að verða varaforsetaefni
sitt. Sumir stuðningsmenn Clinton hvetja hana
ákaft til að fara fram með Obama, þá sé öruggt að
flokkurinn sigri.
„Hún sækist ekki eftir að verða varaforsetaefni
og enginn talar fyrir munn hennar [í þeim efnum]
annar en hún sjálf. Valið er í höndum Obamas öld-
ungadeildarþingmanns og einskis annars,“ sagði í
yfirlýsingu frá framboðskrifstofu Clinton. Ekki
var sagt neitt um það hvort hún myndi þiggja boð-
ið ef það yrði að veruleika.
Obama hefur sagt að Clinton myndi vera á lista
allra yfir hugsanleg varaforsetaefni. En hann hafi
mikla trú á því að fólk eigi að vanda sig vel við mik-
ilvægar ákvarðanir „ekki taka þær í flýti og ekki
heldur undir þrýstingi“.
Óvæntur samráðsfundur
Barack Obama Hillary Clinton