Morgunblaðið - 07.06.2008, Page 20
20 LAUGARDAGUR 7. JÚNÍ 2008 MORGUNBLAÐIÐ
MENNING
FYRSTA sýningin í sýning-
arröðinnni Sjónheyrn verður
opnuð í dag í menningar-
miðstöðinni Skaftfelli. Það eru
þau Ingólfur Örn Arnarson og
Elísabet Indra Ragnarsdóttir
sem stýra sýningarröðinni. Þar
hyggjast þau tefla saman ung-
um listamönnum sem vinna
með mynd og hljóð.
Gunnhildur Una Jónsdóttir
og Hilmar Bjarnason hefja
leikinn. Gunnhildur sýnir myndbandsverk sem
byggja á frásögnum, teikningum og hreyfimynd-
um, en Hilmar vinnur með hljóðupptökur úr um-
hverfinu ásamt tölvugerðum hljóðum.
Myndlist
Séð og heyrt í
Skaftfelli
Ingólfur Örn
Arnarson
ÞEIR Halldór Ásgeirsson og
Paul-Armand Gette sýna um
þessar mundir verk í í Listasafni
ASÍ sem eru innblásin af hinum
fjölmörgu eldfjöllum Íslands.
Sýningin ber nafnið Hvaða eld-
fjöll? Það myndefni hefur áður
komið við sögu í verkum beggja
listamannanna. Sýningin er hluti
af Listahátíð í Reykjavík.
Á morgun klukkan 15 mun
Halldór spjalla við gesti safns-
ins um verk sín þar sem hann notar logsuðutæki til
að bræða grófgert hraun og umbreyta því. Sýn-
ingin er opin alla daga nema mánudaga frá kl. 13 til
17 og stendur til 15. júní.
Myndlist
Spjall um eldfjöll í
Listasafni ASÍ
Halldór
Ásgeirsson
Eftir Gunnhildi Finnsdóttur
gunnhildur@mbl.is
FRAMLAG Nýlistasafnsins til
Listahátíðar í ár er sýning sænska
listamannsins Karls Holmqvist sem
fjöldi annarra listamanna tekur þátt
í með honum. Holmqvist setti upp
svið inni á safninu þar sem hann fór
með gjörning á opnunarhelginni, en
síðan hafa aðrir stigið á svið og tekið
við hljóðnemanum.
„Þessi hugmynd kom upp í vinnu-
ferlinu að gera einhvers konar svið,
stað í safninu sem hægt er að nýta
yfir sýningartímann fyrir uppá-
komur,“ segir Huginn Arason
myndlistamaður og varaformaður
safnsins. Þar stendur nú yfir mikil
skráningar- og flokkunarvinna í til-
efni af þrjátíu ára afmæli safnsins.
„Okkur vantaði einhvern stað sem
stæði utan við þetta vinnuferli og
væri svolítið frjálsari. Þetta er alveg
í takt við það sem Karl Holmqvist
hefur verið að gera, hann vinnur
alltaf á einfaldasta máta með það
sem er til eða einfalt að ná í.“
Huginn segir að starfsfólk Ný-
listasafnsins hafi fengið frjálsar
hendur með það hvernig það skipu-
lagði uppákomur á sviðinu og þar
séu lítil takmörk sett. „Það eina sem
við biðjum um er að fólk komi fram
á sviðinu og noti röddina. Það hafa
verið lesin ljóð og textar og það er
allt opið.“
Uppákomur eru haldnar á sviðinu
hvern laugardag út sýning-
artímabilið og verður sú síðasta
haldin 21. júní. Síðustu sýning-
arhelgina er ráðgert að vera með
allsérstakt atriði sem Holmqvist á
sjálfur frumkvæðið að. „Það á eftir
að útfæra það nánar, en það stendur
til að vinna eitthvað með Lars von
Trier myndina Dogville. Við gætum
tekið einhverjar senur og endurgert
þær.“
Í dag verða ýmis atriði í boði á
safninu á milli klukkan tvö og fimm.
Kristín Ómarsdóttir og Gunnhildur
Hauksdóttir lesa valin ljóð eftir
Jelaluddin Rumi og hafa þær gefið
þeim gjörningi nafnið „Dagurinn
sem finnst ekki á almanaki.“ Mystic
Foley les í lófa áhorfenda, Hug-
leikur Dagsson fer með ljóð og tón-
listarkonan Sigurlaug Gísladóttir
stígur á stokk. Sviðið er jafnframt
opið öllum þeim sem vilja koma ein-
hverju á framfæri á þessum vett-
vangi.
Uppákomur á vegum Karls Holmqvist og Nýló halda áfram í dag
Allir velkomnir á svið
Morgunblaðið/Frikki
Glimmer Huginn Arason, varaformaður Nýló, mátar sviðið þar sem lista-
menn verða með margvíslegar uppákomur á morgun.
BANDARÍSKI leikstjórinn Clint
Eastwood neitar ásökunum leik-
stjórans Spike Lee þess efnis að
hann noti ekki nógu marga svarta
leikara í myndum sínum, en Lee
nefndi máli sínu til stuðnings kvik-
myndina Flags of Our Fathers.
Eastwood segir hins vegar í samtali
við dagblaðið Guardian að myndin
sé sagnfræðilega rétt, enda hafi
blökkumenn ekki komið nálægt því
að reisa hinn fræga fána í Iwo Jima.
„Ef ég hefði notað svarta leikara
hefði fólk haldið að ég væri orðinn
eitthvað klikkaður,“ sagði leikstjór-
inn góðkunni í viðtalinu.
Þá sagði hann að vissulega hafi
nokkrir blökkumenn tekið þátt í
bardögum í síðari heimsstyrjöldinni,
en þeir hafi hins vegar ekki komið
nálægt þeim þáttum stríðsins sem
Flags of Our Fathers fjallaði um.
Eastwood
neitar ásök-
unum Lee
Segir svarta her-
menn ekki hafa
verið í Iwo Jima
Clint Eastwood Spike Lee
SONARSONUR brotamálmssafn-
ara varð 7,5 milljónum króna ríkari
í vikunni þegar gullbikar sem afi
hans fann á víðavangi var boðinn
upp í Bretlandi.
John Webber fékk bikarinn að
gjöf frá afa sínum þegar hann var
lítill. Kaupandinn er óþekktur safn-
ari frá Somerset. Talið er að bik-
arinn hafi verið búinn til fyrir 2.300
árum í Mið-Austurlöndum og svip-
aður bikar sem gerður er úr silfri
er í British Museum.
Webber veitti bikarnum fyrst at-
hygli fyrir alvöru á síðasta ári þeg-
ar hann stóð í flutningum og þurfti
að fara rækilega í gegnum allar
eigur sínar. Hann lét rannsaka bik-
arinn og komst þá að því að hann
væri úr skíragulli.
Milljónir fyrir
brotamálm
Eftir Gunnhildi Finnsdóttur
gunnhildur@mbl.is
ANNAÐ kvöld verða haldnir tón-
leikar í minningu tónlistarmanns-
ins Árna Scheving sem lést í lok
síðasta árs. Það má segja að öll
framvarðasveit djasstónlistar á Ís-
landi komi fram á tónleikunum,
því alls spila og syngja þar um 40
manns.
Árni lék aðallega á víbrafón, en
líka á bassa, harmónikku, óbó,
saxófón og píanó. Hann byrjaði að
spila á víbrafón um sextán ára ald-
ur og var fljótlega beðinn að
ganga til liðs við KK sextettinn. Í
gegnum árin lék hann m.a. með
Sinfóníuhljómsveit Íslands, Hljóm-
sveit Ragnars Bjarnasonar og Út-
lendingaherdeildinni, þar sem
hann og félagar hans léku klass-
ískan djass.
„Við Árni kynntumst upphaflega
í Laugarnesskólanum í gegnum
tónlistina en við lékum þar á ýms-
um skólaskemmtunum,“ segir
Reynir Sigurðsson slagverksleik-
ari sem varð Árna að hluta til
samferða á tónlistarferlinum og
einn þeirra sem heiðra minningu
hans annað kvöld.
„Fyrirmynd okkar beggja var
Gunnar Reynir Sveinsson víbra-
fónleikari og tónskáld. Hann var
þá í KK sextettinum, hafði byrjað
þar kornungur og var þá eini
víbrafónleikarinn á landinu. Síðan
byrjaði Árni að spila á víbrafón og
varð eftirmaður Gunnars í KK
sextettinum og vann þar þangað
til að sextettinn var lagður niður
um 1962. Þeir urðu báðir mín fyr-
irmynd, fyrst Gunnar og svo Árni,
því ég byrjaði að spila á víbrafón
nokkru síðar.“
Þegar þeir Árni og Reynir voru
að hefja störf sem tónlistarmenn á
sjötta áratugnum var skemmt-
analífið með talsvert öðrum brag.
„Upp úr 1950 og nokkur ár þar
á eftir var djassinn eiginlega dans-
músík. Þegar við vorum að byrja
voru danshljómsveitirnar oft skip-
aðar mönnum sem gátu líka spilað
djass. Þá voru böllin yfirleitt frá
níu til eitt og oft spilaður djass
svona fyrsta klukkutímann og síð-
an tók danstónlistin við. Þá kom
oft fólk sem vildi hlusta á djassinn
og gat gengið að honum þarna.
Reynir segir hæfileika Árna
hafa komið snemma í ljós. „Hann
var afbragðs músíkant í hljóm-
sveit. Á þessum tíma spiluðu menn
oft á mörg hljóðfæri sem þótti
hentugt svo hægt væri að breyta
um hljóðfæraskipan eftir stílteg-
undum.“
Meðal þeirra fjölmörgu sem
fram koma annað kvöld eru Stór-
sveit Reykjavíkur, Ragnar Bjarna-
son, Sigurður Flosason, Jón Páll
Bjarnason, Andrea Gylfadóttir,
Tómas R. Einarsson og Einar
Scheving.
Tónleikarnir fara fram í Súlna-
sal klukkan átta annað kvöld. Að-
gangseyrir er 1.500 krónur og
rennur óskiptur í minningarsjóð
Árna, sem mun styrkja efnilega
tónlistarmenn til framhaldnáms.
Miðasala fer fram á midi.is og við
innganginn.
Fremsta djasstónlistarfólk landsins
leikur saman í Súlnasal annað kvöld
Djassveisla í minningu Árna Scheving
Ljósmynd/Guðmundur Albertsson
Vanur Árni Scheving í kunnuglegum stellingum með sleglana í hönd.
MYNDLISTARSÝNINGIN
Lóan er komin eftir Steingrím
Eyfjörð var framlag Íslend-
inga til Feneyjatvíæringsins í
fyrra. Í dag klukkan 14 verður
opnuð sýning á völdum verkum
úr henni í Ljósafossstöð í Sog-
inu. Verkin eru af ýmsu tagi,
bæði myndefni og þrívíðir
gripir sem minna á hugarheim
Íslendinga.
Listamaðurinn Steingrímur
Eyfjörð hefur haldið fjölda einkasýninga hér
heima og erlendis og einnig tekið þátt í mörgum
samsýningum. Listasafn Íslands hélt yfirlitssýn-
ingu á verkum hans árið 2006.
Myndlist
Lóan kemur í
Ljósafossstöð
Steingrímur
Eyfjörð
Einn þeirra
sem treður
upp á sviði
Karls
Holmqvist í
Ný-
listasafninu
í dag er
Hugleikur
Dagsson.
Flestir
þekkja hann sem mynda-
sögusmið en í dag ætlar hann
að flytja frumsamin ljóð.
„Ég hef svolítið verið að
fikta við að búa til rímur,“ seg-
ir Hugleikur. „Ég tel mig ekki
vera neitt sérstaklegar gott
ljóðskáld, þannig séð. En mér
finnst gaman að ríma, það er
svo pottþétt regla. Mér finnst
ljóð ekki einu sinni þurfa að
vera góð, ef þau eru rímuð.“
Hann segir sitt helsta yrk-
isefni vera kynlíf. „Eða
kannski gredda frekar. Ég bý
til alls konar persónuleika
þegar ég skrifa þetta til þess
að þurfa ekki að bera ábyrgð á
því sem sagt er í ljóðunum.
Það er oft annaðhvort mjög
hallærislegt eða dónalegt og
þarna fæ ég útrás fyrir leik-
arann í mér.“
Hallærislegt eða
dónalegt