Morgunblaðið - 07.06.2008, Síða 39

aði hann upp stafrétt margt frá Árnes-
sýslu, t.d. kirkjubækur, Bændatalið
1762 og Skiptabókina frá 1750 til 1859,
sem hann afritaði eftir handriti Jóns
Guðmundssonar í Fjalli. Á sínum
yngri árum var Halldór vinnumaður í
Litlu–Sandvík í Flóa og hafði kynnst
þar Páli Lýðssyni, bónda og sagnfræð-
ingi. Þeir unnu lengi saman að bænda-
tali í Árnessýslu. Páll lést í bílslysi í
apríl. Fráfall þeirra er skaði fyrir
sunnlenskt fræðasamfélag.
Valgeir heitinn Sigurðsson, fræði-
maður á Þingskálum á Rangárvöllum
og höfundur Rangvellingabókar, hafði
eitt sinn orð á því við mig, að engu
væri líkara en Halldór hefði sagnar-
anda eins og sagt var í gamla daga.
Halldór hafði þá skrifað Valgeiri bréf
með upplýsingum um fólk, sem hafði
flust vestur yfir Þjórsá og Valgeir ekki
fundið, en þurfti einmitt þá að finna.
Að Valgeiri látnum árið 1994 tók
Ragnar Böðvarsson, fræðimaður á
Selfossi, við ritstjórn bóka um A.-
Landeyjar, Landsveit og Holt. Ég
kom að því verki vorið 1995 og hef
unnið að því með Ragnari síðan, að-
eins er nú eftir að gefa út Holta-
mannabók III. Við Ragnar höfum frá
upphafi leitað til hans eftir upplýsing-
um um fólk, sem kemur þar við sögu.
Þekking Halldórs var ómetanleg.
Ekki má gleyma heldur að nefna
þátt Halldórs í bókunum Árnesingar
I-II, sem eru um Hrunamenn og
Grímsnesinga. Halldór eignaðist fyrir
mörgum árum sína fyrstu PC-tölvu,
og skráði mikið af upplýsingum, sem
voru á pappír, inn í ættfræðiforritið
Espólín eða í Excel-forritið. Hann
leita líka upplýsinga á Internetinu.
Við Halldór töluðum saman síðast
um ættfræði mánudagskvöldið 26.
maí, í Skype-símanum. Er hér aftur
komið á framfæri þakklæti frá okkur
Ragnari Böðvarssyni fyrir alla aðstoð-
ina. Kynni mín af Halldóri voru öll á
einn veg. Hann var vandaður maður
og fræðimaður. Guð blessi minningu
Halldórs Gestssonar.
Þorgils Jónasson.
Nú er vorið hlýrra og fegurra en um
margra áratuga skeið, fuglarnir
syngja sinn ástaróð og keimur er af
sumri. En meðan náttúran dregur lífs-
andann örar og færist í aukana erum
við minnt á að manninum er afmörkuð
stund í þeirri eilífu hringrás. Óvænt
var sú frétt að tími Halldórs Gests-
sonar væri þrotinn en enginn má
sköpum renna.
Með Halldóri er genginn mætur
mannkostamaður, ljúflingur og mikið
prúðmenni sem umgekkst samferða-
fólk sitt af nærgætni og sannri hlýju.
Hann var hlédrægur, lítillátur og hóg-
vær, enginn hávaðamaður en staðfast-
ur og viss. Skopskynið var næmt en
brosið bjart, ósvikið, endurnærandi og
ógleymanlegt. Hann var hvers manns
hugljúfi.
Halldór starfaði í áratugi við Flúða-
skóla. Dagfarsprúður ágætismaður
sem átti vel heima á svo fjölmennum
vinnustað og öllum þótti vænt um.
Halldór var góðum gáfum gæddur,
víðlesinn og fjölfróður. Hann helgaði
sig fræðistörfum og grúski í frístund-
um og var vafalaust í hópi merkustu
ættfræðinga landsins. Áhuginn var
ódrepandi, afköstin mikil en ná-
kvæmnin staðföst. Af þessu ættfræ-
ðigrúski hafði hann mikla unun og lífs-
fyllingu. Samferðamenn hans í
Hrunamannahreppi og víðar nutu
einnig góðs af, sem gleggst kemur
fram í sveitar- og ábúendalýsingu
Hrunamannahrepps. Vonandi koma
fræðistörf hans mörgum til góða um
ókomna tíð og áríðandi að glata ekki
þeim þræði sem Halldór hafði fastatök
á.
Með Halldóri er genginn góður og
traustur vinur. Nútímatæknin vafðist
ekki fyrir honum og var hann mér afar
hjálplegur í glímunni við tölvutæknina
og úrvinnslu ljósmynda. Á því sviði var
hann sjálfmenntaður, sem í svo fjöl-
mörgu öðru.
Halldór hafði yndi af stangveiði og
margar ferðir fórum við saman til
veiða. Í sumar var ákveðið að fara til
Veiðivatna og á Arnavatnsheiði. Sam-
an munum við ekki sjá svanina hefja
sig til flugs af fjallavötnunum fagur-
bláu og hverfa út í fjarskann.
Aðstandendum Halldórs Gestason-
ar votta ég samúð.
Sigurður Sigmundsson.
Halldór Gestsson var vinur í raun.
Hæverskur en um flesta hluti alvitur,
hljóðlátur en hafsjór af fróðleik, hóg-
vær en sigursæll, ráðgefandi byrjend-
um en afbragðs bridge-spilari, einför-
ull en vinamargur, hlédrægur en
vinsæll. Hans er nú saknað af föld-
anum. Ég hef þekkt til Ásgeirs bróður
hans á Kaldbak í hartnær 30 ár og
kynntist Halldóri á þeim árum sem
reiðtúrar og sumarferðir lágu um
Hreppana. Stuttu fyrir aldamótin
fluttist ég ásamt fjölskyldu minni að
Flúðum og nutum við þar nærveru
Halldórs í störfum hans fyrir skólann.
Bónbetri og hjálpsamari mann áttu
Gullhrepparnir ekki, með þó öllu sínu
mannvali. Ráðgjöf, greiðar, snúning-
ar, hvergi var betra að sækja en til
Halldórs. Spilamennska, ættfræði,
pípulagnir eða dýrahald, jafnvel í
píputóbaksumræðum sló enginn hon-
um við.
Á réttardaginn, þegar söngur og
gleði ríða húsum í eiginlegri merkingu
og hestlausir menn þurfa að sækja
heim bændur og búalið upp um allar
sveitir, belgja sig út af kjötsúpu og
söngolíu, hver bauðst þá ekki til að
aka Gamla-Nóa fram á rauðar nætur.
Það er einkennilegur mælikvarði, en
þegar ég hugsa til þess þá man ég
ekki eftir að hafa leyft öðrum að svífa
um á fimmtugum Víponinum nema
Halldóri. Ætli það segi ekki meira en
mörg orð. Honum var treystandi fram
í fingurgóma.
Það er miklum söknuði að ég nú
kveð þennan gamla hollvin og höfð-
ingja en með hlýju í hjarta yfir þeirri
gæfu að hafa eignast, átt og ræktað
með honum vináttu okkar alla tíð.
Mínar innilegustu samúðarkveðjur til
aðstandenda.
Ólafur B. Schram.
Örfá orð eru einmitt í anda Hall-
dórs. Því langar mig til að skrifa örfá
orð um kæran samstarfsmann sem
hvarf svo skyndilega á braut. „Hvaða
vesen er núna“? spurði hann mig oft,
þegar ég þurfti að leita til hans með,
oftar en ekki, vesen. Vesen okkar
Halldórs gekk oftast út á reddingar
vegna alls konar uppákoma í skólan-
um eða á öðrum vettvangi. Fámáll, lít-
illátur, bóngóður og snöggur til, ef því
var að skipta. Hafði kannski einhver
orð um vesenið á manni alla tíð en
hafði lúmskt gaman af, sérstaklega ef
í kjölfarið var hægt að pæla svolítið í
uppákomunni og staðsetja gesti og
gangandi út frá ættfræði eða hvaðan
af landinu það kom. Mikið þakka ég
Halldóri samferðina og samvinnu alla
í gegnum tíðina. Aðstandendum votta
ég samúð.
Anna Ásmundar.
Okkur langar að minnast Halldórs
Gestssonar vinar okkar, sem lést svo
snögglega. Erum við enn ekki farnar
að átta okkur á að hann komi ekki oft-
ar í kaffisopa til okkar en það gerði
hann á hverjum morgni og spjallaði
um lífið og tilveruna. Halldór var
mjög fróður maður, ættfræðingur
mikill og var oft spáð í ættir manna við
hann. Halldór var einstaklega barn-
góður, og þó Halldór ætti ekki börn
sjálfur þá hændust öll börn að honum.
Verður hans sárt saknað af börnunum
í skólanum. Það var unun að sjá hann
tala við leikskólabörnin yfir girð-
inguna, flestöll þekktu hann með nafni
og voru svo glöð að sjá hann. Halldór
var ólatur við að fara út í búð fyrir
okkur ef eitthvað vantaði, þá sagði
hann gjarnan brosandi „Á ég ekki að
kaupa rjóma líka?“
Hann naut þess að borða góðan mat
og voru kökur eins og hjónabands-
sæla í sérstöku uppáhaldi hjá honum
og ekki sakaði að hafa rjóma með. Bíl-
ferðin, sem þú varst búinn að bjóða
okkur að fara með þér í, verður ekki
farin. Þú fórst í lengra ferðalag. Við
óskum þér góðrar ferðar og vonum að
þú fáir bæði hjónabandssælu og
rjóma. Kæri Halldór, við þökkum þér
allar ánægjulegu samverustundirnar
sem við áttum með þér í eldhúsinu.
Við söknum þín. Hvíl í friði, kæri vin-
ur.
Ólöf, Katrín, Ingibjörg og Marta.
 Fleiri minningargreinar um Hall-
dór Gestsson bíða birtingar og munu
birtast í blaðinu næstu daga.
MORGUNBLAÐIÐ LAUGARDAGUR 7. JÚNÍ 2008 39
MESSUR Á MORGUN
AKRANESKIRKJA | Guðsþjónusta kl. 11.
AKUREYRARKIRKJA | Guðsþjónusta kl.
11. Prestur sr. Svavar Alfreð Jónsson, fé-
lagar úr Kór Akureyrarkirkju syngja, org-
anisti er Petra Björk Pálsdóttir. Helgistund
kl. 20.30. Sr. Jóna Lísa Þorsteinsdóttir og
Arnór B. Vilbergsson leiðir söng.
ÁRBÆJARKIRKJA | Fjölskylduguðsþjón-
usta kl. 11. Margrét, Davíð og Sigrún sjá
um stundina. Boðið upp á grillaðar pylsur
að stundinni lokinni. Mömmur, pabbar, af-
ar, ömmur hvött til að mæta með börn-
unum.
ÁSKIRKJA | Messa kl. 11. Sóknarprestur
prédikar og þjónar fyrir altari ásamt Mar-
gréti Svavarsdóttur djákna. Kór Áskirkju
syngur, organisti Magnús Ragnarsson.
Kaffisopi í safnaðarheimilinu eftir messu.
BESSASTAÐAKIRKJA | Fjölskylduguðs-
þjónusta kl. 11. Þau börn sem sækja
sumarnámskeið Bessastaðasóknar eru
sérstaklega boðin velkomin ásamt fjöl-
skyldum sínum. Guðsþjónustan markar
upphaf sumarnámskeiðanna. Sr. Hans
Guðberg Alfreðsson leiðir stundina ásamt
Álftaneskórnum sem Bjartur Logi Guðna-
son stýrir.
BREIÐHOLTSKIRKJA | Messa kl. 11.
Prestur sr. Gísli Jónasson, kór Breiðholts-
kirkju syngur, organisti Julian Isaacs.
Kaffisopi í safnaðarheimili eftir messu.
BÚSTAÐAKIRKJA | Guðsþjónusta kl. 11.
Organisti er Skarphéðinn Hjartarson og
prestur sr. Petrína Mjöll Jóhannesdóttir.
Eftir messu er kaffi.
DÓMKIRKJAN | Messa kl. 11. Sr. Hjálmar
Jónsson prédikar, Dómkórinn syngur, org-
anisti er Marteinn Friðriksson.
EGILSSTAÐAKIRKJA | Messa – ferming
kl. 14. Organisti Torvald Gjerde.
FELLA- OG Hólakirkja | Helgistundir kl. 20
og verða þær á þeim tíma í júnímánuði.
Félagar úr kirkjukór Fella- og Hólakirkju
leiða almennan safnaðarsöng undir stjórn
Guðnýjar Einarsdóttir kantors kirkjunnar.
Prestur sr. Guðmundur K. Ágústsson,
kirkjuvörður og meðhjálpari er Kristín Ing-
ólfsdóttir. Boðið upp á kaffi í safn-
aðarheimili að lokinni helgistund.
FRÍKIRKJAN Hafnarfirði | Guðsþjónusta
fellur niður sunnud. 8. júní.
FRÍKIRKJAN KEFAS | Grillveisla og sam-
vera kl. 17.30. Máltíð og skemmtileg
stund.
FRÍKIRKJAN Reykjavík | Sumarguðsþjón-
usta kl. 14. Hjörtur Magni Jóhannsson
predikar og þjónar fyrir altari, barn borið til
skírnar. Lofum Guð fyrir fegurð sköpunar-
innar og það undur sem lífið er. Tónlist-
astjórarnir Anna Sigga og Carl Möller leiða
tónlistina.
GAULVERJABÆJARKIRKJA | Guðsþjón-
usta kl. 11.
GRAFARVOGSKIRKJA | Guðsþjónusta kl.
11. Sr. Bjarni Þór Bjarnason prédikar og
þjónar fyrir altari, kór Grafarvogskirkju
syngur, organisti er Aðalheiður Þorsteins-
dóttir.
GRENSÁSKIRKJA | Morgunmatur kl. 10,
bænastund kl. 10.15. Messa kl. 11. Alt-
arisganga. Samskot til langveikra barna.
Messuhópur þjónar, kirkjukór Grens-
áskirkju leiðir söng, organisti Ástríður Har-
aldsdóttir, prestur sr. Ólafur Jóhannsson.
Molasopi eftir messu.
GRUND, dvalar- og hjúkrunarh. | Guðs-
þjónusta kl. 14. Prestur sr. Sveinbjörn
Bjarnason, organisti er Kjartan Ólafsson.
HAFNARFJARÐARKIRKJA | Flutt verður
messa nr. 7 í B dúr, „Kleine Orgelmesse“
eftir Josef Haydn. Flytjendur eru Barböru-
kórinn í Hafnarfirði auk Kammersveitar
Hafnarfjarðarkirkju sem Júlíana Elín Kjart-
ansdóttir fiðluleikari leiðir. Einsöngvari er
Þóra Björnsdóttir, kantor Guðmundur Sig-
urðsson. Prestur er sr. Þórhallur Heim-
isson, ræðuefni: Syndari Jesú Krists.
Ritningarlestra lesa Halldóra Björk Jóns-
dóttir og Magnea Þórsdóttir. Meðhjálpari
er Ottó R. Jónsson. Messan hefst kl. 11
og verður útvarpað á Rás 1.
HALLGRÍMSKIRKJA | Messa kl. 11. Sr.
Jón Dalbú Hróbjartsson prédikar og þjónar
fyrir altari ásamt messuþjónum. Félagar
úr Mótettukór Hallgrímskirkju syngja, org-
anisti er Björn Steinar Sólbergsson.
HÁTEIGSKIRKJA | Messa kl. 11. Prestur
sr. María Ágústsdóttir, organisti er Dou-
glas A. Brotchie.
HJALLAKIRKJA | Helgistund kl. 11. Sr.
Sigfús Kristjánsson annast stundina. Fé-
lagar úr kór kirkjunnar sjá um tónlist-
arflutning og leiða safnaðarsöng. Bæna-
og kyrrðarstund á þriðjudag kl. 18.
www.hjallakirkja.is
HJÁLPRÆÐISHERINN Akureyri | Sam-
koma kl. 17. Ingibjörg Jónsdóttir talar.
HJÁLPRÆÐISHERINN Reykjavík | Sam-
koma kl. 20 í umsjá Anne Marie Rein-
holdtsen. Bæn þriðjudag kl. 20. Bæn og
lofgjörð fimmtudag kl. 20. Umsjón Elsa-
bet Daníelsdóttir og Björn Tómas Kjaran.
Opið hús kl. 16-17.30 þriðjudag til laug-
ardags.
HRAUNGERÐISKIRKJA í Flóa | Ferming-
arguðsþjónusta kl. 12.30. Ath. breytta
tímasetningu. Söngkór Hraungerði-
sprestakalls undir stjórn Ingimars Páls-
sonar leiðir almennan safnaðarsöng.
Prestur er Kristinn Ágúst Friðfinnsson.
Fermd verða: Guðmundur Bjarnason Túni,
Iðunn Sigurðardóttir Oddgeirshólum 4, Ír-
is Björk Garðarsdóttir Langholti 2 og Krist-
rún Steinþórsdóttir Oddgeirshólum 1.
HVÍTASUNNUKIRKJAN Fíladelfía | Int-
ernetional church service in the cafeteria
kl. 12.30. Almenn samkoma kl. 16.30.
Ræðumaður Ásmundur Magnússon,
Gospelkór Fíladelfíu leiðir lofgjörð. Barna-
kirkjan er í fríi í sumar.
ÍSLENSKA KRISTSKIRKJAN | Samkoma
kl. 20 með lofgjörð og fyrirbænum. Keith
Reed syngur einsöng og predikar.
KAÞÓLSKA KIRKJAN:
Péturskirkja, Akureyri | Messa kl. 11 og
laugardag kl. 18.
Kapúsínaklaustrið á Kollaleiru Reyðarf. |
Messa kl. 11.
Jósefskirkja, Hafnarfirði | Messa kl.
10.30 og virka daga kl. 18.30.
Karmelklaustur, Hafnarfirði | Messa kl.
8.30 og virka daga kl. 8.
Barbörukapella, Keflavík | Messa kl. 14.
Kristskirkja, Landakoti | Messa kl. 10.30
og á ensku kl. 18. Virka daga er messa kl.
18. Mánudaga, miðvikudaga og föstu-
daga er messa á latínu kl. 8.10. Laug-
ardaga er barnamessa kl. 14 að trú-
fræðslu lokinni.
Stykkishólmur | Messa kl. 10 og virka
daga kl. 18.30.
Ísafjörður | Messa kl. 11.
Flateyri | Messa 2. og 3. sunnudag í mán-
uði kl. 16.
Suðureyri | Messa 1. og 4. sunnudag í
mánuði kl. 16.
Maríukirkja við Raufarsel, Rvk. | Messa
kl. 11 og virka daga kl. 18.30. Laug-
ardaga er messa á ensku kl. 18.30.
Riftún í Ölfusi | Messa kl. 16, miðviku-
daga kl. 20.
KEFLAVÍKURKIRKJA | Ef veður leyfir fer
guðsþjónustan fram í garðinum við kirkj-
una. Sungnir verða sumarsálmar og
drukkið kaffi undir heiðum himni. Prestur
er sr. Sigfús Baldvin Ingvason. Helgihaldið
hefst kl. 11.
KÓPAVOGSKIRKJA | Guðsþjónusta kl. 11.
Sr. Ægir Fr. Sigurgeirsson predikar og
þjónar fyrir altari. Félagar úr kór Kópa-
vogskirkju syngja og leiða safnaðarsöng.
Undirleikari Peter Máté. Kaffi eftir messu.
LANDSPÍTALI | Guðsþjónusta í Fossvogi
kl. 10.30 á stigapalli á 4ju hæð. Rósa
Kristjánsdóttir djákni og Helgi Bragason
organisti.
LANGHOLTSKIRKJA | Messa kl. 11. Sr.
Yrsa Þórðardóttir predikar og þjónar
ásamt sóknarpresti sr. Jóni Helga Þór-
arinssyni. Kórinn Vox Academica syngur,
Þóra Passauer syngur einsöng, organisti
er Kári Allansson. Kaffisopi eftir messu.
LAUGARNESKIRKJA | Kvöldmessa kl. 20.
Sóknarprestur þjónar ásamt meðhjálpara,
organista og kór kirkjunnar. Messukaffi.
Ath.: sumartíminn í safnaðarstarfinu og
verður messað fram á mitt sumar kl. 20.
Kyrrðarstundir eru í hádegi alla fimmtu-
daga.
LÁGAFELLSKIRKJA | Guðsþjónusta kl.
11. Kór Lágafellskirkju syngur og leiðir
safnaðarsöng, organisti Guðmundur Óm-
ar Óskarsson, prestur sr. Ragnheiður
Jónsdóttir.
LINDASÓKN í Kópavogi | Sameiginleg
guðsþjónusta Linda- og Digranessafnaða
í Digraneskirkju kl. 11. Sr. Magnús Björn
Björnsson þjónar.
LÖGMANNSHLÍÐARKIRKJA | Ferming-
armessa verður laugardaginn 7. júní kl.
16. Messa sunnudag kl. 14. Sr. Gunn-
laugur Garðarsson þjónar, félagar úr Kór
Glerárkirkju syngja, organisti Hjörtur
Steinbergsson.
NESKIRKJA | Messa kl. 11. Félagar úr Kór
Neskirkju leiða safnaðarsöng, organisti
Sigríður Steingrímsdóttir. Rúnar Reyn-
isson starfsmaður Neskirkju prédikar. Sr.
Sigurður Árni Þórðarson þjónar fyrir altari.
Kaffi og spjall eftir messu.
NJARÐVÍKURKIRKJA Innri-Njarðvík |
Guðsþjónusta kl. 11. Sr. Kjartan Jónsson
héraðsprestur prédikar og þjónar fyrir alt-
ari, organisti er Dagmar Kunakova og
meðhjálpari er Kristjana Gísladóttir.
ÓHÁÐI SÖFNUÐURINN | Árleg göngu-
messa í samvinnu við Hornstrandafara FÍ
verður í dag laugardag kl. 9. Byrjað er á
messu í kirkjunni og að henni lokinni er
haldið í rútu að fjallinu Þorbirni að norð-
anverðu þar sem gangan hefst. Staldrað
verður við Eldvörpin og „Tyrkjabyrgin“.
Gangan er u.þ.b. 10 km. Farið verður í
sund í Grindavík að göngu lokinni og
snætt í Salthúsinu.Verð fyrir rútu, kvöld-
verð og sund er 6.000 kr. og greiðist í rút-
unni í reiðufé. Lesmessa verður á sunnu-
dag kl. 11.
SALT kristið samfélag | Samkoma kl. 17,
,,Dauðasek eða hvað?“ Ræðumaður er
Guðlaugur Gunnarsson, lofgjörð.
SELFOSSKIRKJA | Messa kl. 11. Léttur
hádegisverður eftir messu. Morguntíðir
þriðjud.–föstud. kl. 10. Sr. Kristinn Ágúst
Friðfinnsson.
SELJAKIRKJA | Guðsþjónusta kl. 20. Sr.
Valgeir Ástráðsson prédikar, kirkjukórinn
leiðir sönginn, organisti Jón Bjarnason.
Altarisganga. seljakirkja.is
SELTJARNARNESKIRKJA | Kyrrðarstund,
kl. 11, í umsjón Kristjáns Einarssonar.
Ritningarlestrar, hugleiðing og bæn.
SKÁLHOLTSDÓMKIRKJA | Messa kl. 11.
Sr. Eiríkur Jóhannsson prófastur í Hruna
annast prestsþjónustuna.
VEGURINN, kirkja fyrir þig | Bænastund
kl. 18.30. Samkoma kl. 19. Björgvin Ósk-
arsson predikar. Lofgjörð, fyrirbæn og
samfélag í kaffisal á eftir.
VÍDALÍNSKIRKJA | Messa kl. 11. Sr. Jóna
Hrönn Bolladóttir predikar og þjónar fyrir
altari, kór Vídalínskirkju syngur undir
stjórn Jóhanns Baldvinssonar. Hressing í
safnaðarheimlinu að lokinni messu.
www.gardasokn.is
VÍÐISTAÐAKIRKJA í Hafnarfirði | Helgi-
stund kl. 20. Kór Víðistaðasóknar syngur
létta söngva undir stjórn Arngerðar Maríu
Árnadóttur.
ÞINGVALLAKIRKJA | Messa kl. 14. Sr.
Irma Sjöfn Óskarsdóttir predikar og þjónar
fyrir altari, organisti er Guðmundur Vil-
hjálmsson.
Morgunblaðið/Sigurður ÆgissonIngjaldshólskirkja.
ORÐ DAGSINS:
Hinn týndi sauður.
(Lúk. 15)