Morgunblaðið - 07.06.2008, Blaðsíða 46
Hér er hann ekki í
skóm predikarans og
er það gott… 49
»
reykjavíkreykjavík
Eftir Ásgeir Ingvarsson
asgeiri@mbl.is
RAGNHEIÐUR Guðfinna Guðna-
dóttir lofar blaði sem er blanda af
For Him, Vogue og Cosmopolitan, en
fyrsta tölublað HFHmagazine kom
út í gær.
Ragnheiður Guðfinna er annar eig-
enda útgáfunnar sem dreift verður
ókeypis fjórum sinnum á ári. „HFH
er tímarit sem spannar allt sem til-
heyrir lífsstíl og er fókusinn á gæði,“
segir hún. „Markhópurinn er fólk
sem hefur nef fyrir góðum lífsstíl.“
Um mjög veglega útgáfu er að
ræða en tímaritið er alls um 200 blað-
síður. Upplag fyrsta tölublaðs er
10.000 eintök og er blaðið skrifað á
ensku. „Ísland er orðið fjölþjóðlegt
samfélag og við reiknum með að þeir
sem vilja lesa blaðið eigi auðvelt með
að lesa enskan texta,“ segir Ragn-
heiður Guðfinna.
Vín, matur, tíska
Meðal efnis í nýja blaðinu er sam-
antekt yfir spennandi ný hótel út um
allan heim og áhugaverða áfanga-
staði. „Efni blaðsins er alls ekki
bundið við Reykjavík og sækjum við
efnivið víðsvegar að úr heiminum,“
segir Ragnheiður. „Matur og vín fá
einnig góða umfjöllun, fjallað er um
góða veitingastaði.“
Þegar blaðinu er flett má einnig
rekast á umfjöllun um undirfatnað,
spennandi listasöfn í Lundúnum,
hraðskreiða lúxusbíla, demanta, góð
ráð við andremmu og húðsnyrtivörur
fyrir herramenn.
Ragnheiður Guðfinna segir blaðið
eiga að vera létt og lítríkt, skemmti-
legt og á jákvæðum nótum. „Við vilj-
um gefa lesendum góða upplifun og
innblástur. Það verður ekkert slúður
eða harmsögur í blaðinu.“
Allt sem snertir lífsstíl
Morgunblaðið/Frikki
Með á nótunum Ragnheiður Guðfinna og Hans F. Hansen ritstjóri.
Tímaritið HFHmagazine er komið út Létt og litríkt
Heimasíða útgáfunnar er
www.hfhmagazine.com.
Heimstón-
leikaferð Sigur
Rósar er hafin en
eins og áður hefur
komið fram hófst
hún í Guadalajara
í Mexíkó á
fimmtudaginn. Sveitin leikur í
kvöld í Mexíkóborg en aflýsa þurfti
tónleikum í hinum goðsagnakennda
landamærabæ Tijuana sem fram
áttu að fara á morgun. Ástæðan ku
vera af praktískum toga því ógern-
ingur þótti að flytja allt hafurtask
sveitarinnar á svo stuttum tíma til
Tijuana, enda rúmir tvö þúsund
kílómetrar sem skilja borgirnar að.
Þess í stað heldur sveitin beinustu
leið til Omaha-borgar í Nebraska
þar sem hún leikur í Orpheum-
leikhúsinu á miðvikudaginn. Sveit-
in leikur svo á fernum tónleikum til
viðbótar í Bandaríkjunum og lýkur
þeim hluta ferðarinnar með sér-
stökum tónleikum í nútíma-
listasafni New York-borgar MoMa
þar sem sýning Ólafs Elíassonar,
Take Your Time, stendur yfir.
Tónleikum Sigur Rósar
í Tijuana aflýst
Tveir þjóðþekktir en jafnframt
ólíkir einstaklingar ganga í það
heilaga um helgina, tónlistarmað-
urinn Bubbi Morthens og borg-
arfulltrúinn Vilhjálmur Þ. Vil-
hjálmsson. Vilhjálmur gengur að
eiga Guðrúnu Kristjánsdóttur í
Grafarvogskirkju og að því búnu
verður boðið til veislu á heimili
þeirra hjóna. Bubbi gengur að eiga
unnustu sína til nokkurra ára,
Hrafnhildi Hafsteinsdóttur, en at-
höfnin og veislan fara fram á
Reynivöllum í Kjós. Ný plata
Bubba, Fjórir naglar, kom út í gær
og fær hún fullt hús í dómi í Morg-
unblaðinu í dag. Það má því leiða
líkum að því að Bubbi verði í miklu
stuði í Kjósinni í kvöld...
Gengið í það heilaga
Eftir Ásgeir Ingvarsson
asgeiri@mbl.is
„LEIKLISTIN getur kennt okkur á mjög
skömmum tíma að bera virðingu fyrir sjálfum
okkur og öðrum og vinna saman í hóp. Við
höfum fylgst með einstaklingum sem máttu
sín lítils félagslega taka stakkaskiptum í
gegnum leiklistina, byrja að hafa gaman af
sjálfum sér og þora að gefa sig í samvinnu við
aðra,“ segir Agnar Jón Egilsson þegar hann
er spurður hvaða gagn er af því fyrir börn og
unglinga að læra leiklist.
Agnar er framkvæmdastjóri Leynileikhúss-
ins og hefur umsjón með sumarnámskeiðum
leikhópsins fyrir 7 til 20 ára börn og ung-
linga.
Haldin eru almenn spunanámskeið fyrir
börn 7 til 15 ára, og sérnámskeið fyrir 12 til
20 ára ungmenni þar sem farið er í saumana
á söngleikjum, ritun leikrita og förðun og
leikgervum.
Úrvalskennarar sem
taka leiklistina alvarlega
Kennsla er í höndum reyndra fagmanna.
Ásamt Agnari annast kennslu þau Bjarni
Snæbjörnsson, Sigríður Eyrún Friðriksdóttir,
Sólveig Guðmundsdóttir, Þóra Karítas Árna-
dóttir, Vigdís Másdóttir, Selma Björnsdóttir,
Þór Tuliníus og Ásta Hafþórsdóttir.
„Fyrst og fremst er þetta gaman, en nám-
skeiðin eru um leið krefjandi,“ segir Agnar.
„Um leið og einhver hluti af námskeiðinu
verður að pössun þá minnkar bilið á milli
leikjanámskeiðs og leiklistarnámskeiðs og þá
er maður ekki að gera listgreininni eða nem-
endum nokkurn greiða. Við höldum okkur við
fjóra tíma á dag sem er sá tími sem hægt er
að halda einbeitingu barnanna.“
Frjó, fyndin og pólitísk
Agnar segir mikla áherslu lagða á persónu-
lega leiðsögn á námskeiðinu og er hver kenn-
ari ekki með fleiri en átta nemendur í sinni
umsjá á hverju námskeiði. „Farið er í gegnum
skemmtilegar og uppbyggjandi æfingar sem
blanda saman leikjum, hreyfingu og ímynd-
unarafli. Við virkjum fantasíuna og sjálfs-
traustið,“ segir hann. „Og það er svo ótrúlegt
hvað börnin reynast frjó, fyndin og pólitísk.“
Leið til að finna rétta hillu
Námskeiðin eru aldursskipt þannig að 7 og
8 ára eru saman, 9 og 10 ára saman og þann-
ig koll af kolli. Sérnámskeiðin í söngleik, leik-
ritun, trúðaleik og förðun og leikgervum eru
einkum ætluð börnum og unglingum sem hafa
einhverja reynslu í leiklist. „Ekki síst eru sér-
námskeiðin ætluð þeim sem vita kannski ekki
alveg hvar í leiklistinni þau eiga heima,“ seg-
ir Agnar að lokum.
Fantasían virkjuð
Leynileikhúsið með sumarnámskeið fyrir börn og unglinga í leiklist, förðun,
söngleikjum og leikritun Valinn hópur leikhúsfólks sér um kennsluna
Morgunblaðið/G.Rúnar
Lífleg Nokkrir leiðbeinenda bregða á leik: Selma með Selmu Rún í fanginu, Bjarni prílandi, Sólveig og
Sigríður Eyrún í kofanum, Agnar Jón brosir sínu blíðasta og Þóra Karítas hlær að öllu saman.
Sumarnámskeið Leynileikhússins fara fram í
Austurbæ. Nánari upplýsingar eru á www.leyni-
leikhusid.is og í síma 864 9373.
Spunanámskeiðin eru haldin kl. 9 til 13 virka daga
en sérnámskeiðin frá 13 til 17.