Morgunblaðið - 07.06.2008, Síða 55

MORGUNBLAÐIÐ LAUGARDAGUR 7. JÚNÍ 2008 55
EM vEislan
hEfst í dag!
4 riðlar, 16 lið, hrikalEg spEnna,
vönduð uMfjöllun fyrir og Eftir lEik.
júní Er tíMinn!
ÞAÐ er engu líkara en Rúnar Eff
hafi dottið af himnum ofan. Hér er á
ferðinni alls óþekktur tónlistarmaður
en í farteskinu er fullbúin og fag-
mannlega unnin plata og meira eins
og hann sé að stíga sitt sjötta eða sjö-
unda skref
fremur en þau
fyrstu. Undur
alnetsins færðu
ritara inn á vef-
síðuna runar.is
og í ljós kemur
að Rúnar á
nokkuð fróðleg-
an feril að baki. Hann hefur gutlað á
gítar frá tólf ára aldri (fæddur 1978)
og náði þeim árangri að koma lagi
sínu, „Crush“, inn á topp tíu lista ak-
ureyrsku útvarpstöðvarinnar Frost-
rásarinnar árið 1994. Rúnar er enda
frá Akureyri, platan var tekin upp
þar og komu norðlenskir garpar eins
Kristján Edelstein og trymbillinn
Benedikt Brynleifsson (200.000 nagl-
bítar) m.a. að plötunni. Rúnar á þá
farsælan íshokkíferil að baki og lék
m.a. með íslenska landsliðinu. Í fyrra
ákvað hann hins vegar að leggja
skautunum og einhenda sér í tónlist-
ina en hann leggur og stund á söng-
nám í Danmörku.
Farg vísar væntanlega í að fargi sé
af Rúnari létt, fyrsta sólóplatan orðin
að veruleika eftir áralangt hark. Plat-
an ber þess líka merki að mikið er í
hana lagt, umslagshönnun er til fyr-
irmyndar, hljóðfæraleikur vandaður
og hljómur góður. En plötuna vantar
sárlega nokkuð sem skiptir á end-
anum meira máli en það sem upp hef-
ur verið talið. Góð lög. Það er ekki
nóg að geta raðað saman viðlögum og
versum eftir kúnstarinnar popp-
reglum þannig að eftir standi þriggja
mínútna lag. Nei, eins og við vitum öll
þarf eitthvað meira að koma til, ein-
hver aukavídd, einhver djús sem
glæðir smíðarnar lífi og lit. Í engu
laganna er að finna merki þess að
Rúnar hafi getu til þessa. T.d. eru
lögin einkennilega mónótónísk,
byggjast nær öll á einu versi og við-
lagi sem er síðan endurtekið, af giska
mikilli ósmekkvísi, í ca. þrjár mín-
útur. Það vantar tilfinnanlega það
sem kallað er „brú“ í dægurlagafræð-
unum, stuttan kafla til að brjóta
framvinduna upp, og svo er hægt að
skella sér aftur í viðlög og vers. Þetta
eru ekki flókin vísindi, en þegar rétt
er haldið á spöðum getur þetta svín-
virkað, einfaldar stemmur geta öðlast
töfrablæ eins og mýmörg dæmi úr
dægurtónlistarsögunni sanna. Slíku
er ekki að heilsa hér. Rokkararnir
rokka ekki, ballöðurnar tosa ekki í
hjartastrengi og þessi hefðbundnu,
millitempós popplög … tja … gera
bara ekki neitt.
Rúnar syngur vel, er tenór í dýpri
kantinum en á það til að teygja á
sönglínum og rembast fullmikið. Til-
gerðarlegir stælar úr gruggsöng-
skóla Eddie Vedder sem þarf að
svara fyrir ansi margt í þeim efnum
þegar hann mætir Drottni sínum.
Rúnar er bestur í rólegri lögunum, þá
nær hann að slaka á (t.d. „Leave the
light on“).
Útsetningar laga eru þá stundum
furðulegar. Of mikið af gítarflúri
eyðileggur stundum, og sum lögin
eru í einhvers konar fönkskotnum,
sýrópspoppsgír sem var móðins við
enda níunda áratugarins. Hljóðmynd
sem fór yfir síðasta söludag fyrir
löngu, löngu síðan. Þannig er hinu vel
meinta og einlæga „Heiddi minn“,
sem fjallar um fallinn félaga, bók-
staflega drekkt í hetjugíturum og illa
til fundinni dramatík. Útsetningin
gjöreyðileggur annars sæmilegasta
lag. Óskiljanlegt dómgreindarleysi.
Hér er hægt að gefa prik fyrir ytri
umgjörð, eins og áður segir er um-
slag vel heppnað og hljómur, hljóð-
færaleikur og söngur er í lagi, svo
langt sem það nær. En þegar engin
eru lögin duga þessir þættir skammt.
Nostur við
(nánast)
ekki neitt
Arnar Eggert Thoroddsen
TÓNLIST
Geisladiskur
Rúnar Eff – Farg bbnnn
RAPPARINN 50 Cent tók sig nýverið til og gaf
leikaranum Val Kilmer bifreið sem kostaði um
100.000 dollara, eða um 7,6 milljónir íslenskra
króna.
Rapparinn og Kilmer urðu nýverið góðir vinir
þegar þeir léku báðir í kvikmyndinni Streets of Blo-
od, en báðir hafa þeir brennandi áhuga á gömlum
bílum. Þegar tökum á myndinni var lokið keypti 50
Cent, sem heitir í raun Curtis Jackson, forláta
Chevy Impala-bifreið, árgerð 1965, og gaf Kilmer.
„Val trúði vart sínum eigin augum. 50 er frábær
náungi og sérstaklega gjafmildur,“ sagði félagi
rapparans um málið.
Leiðinlegri fréttir bárust af 50 Cent fyrr í þessari
viku, en þá var hann sakaður um að reyna að myrða
son sinn og fyrrum kærustu.
50 Cent gaf
Val Kilmer
rándýran bíl
Reuters
Heppinn Val Kilmer.Gjafmildur 50 Cent.