Skessuhorn - 22.04.2015, Blaðsíða 16

16 MIÐVIKUDAGUR 22. APRÍL 2015
Freisting vikunnar
Brátt rennur sumarið formlega
upp á dagatalinu og ekki seinna
vænna en að undirbúa sig og hafa
ísinn kláran í frystinum. Hægt
væri að kaupa rjómaís úti í næstu
verslun en hér er leið til að nýta
afgangs banana og búa til holl-
an og bragðgóðan rjómaís. Hægt
er að kaupa vel þroskaða banan-
ana á niðursettu verði í mörg-
um verslunum. Þá er gott að af-
hýða og brytja bananana, smella
í frysti og geyma til síðari tíma
notkunar.
Ísinn:
1-2 dl rjómi
4-8 þroskaðir frosnir bananar
1-2 tsk vanillukorn
Aðferðin
Hlutfall uppskriftar fer eftir stærð
og gerð heimilisblandarans. Ef
blandarinn ræður ekki við klaka
er ráðlegt að taka frosnu ban-
anana út rúmum hálftíma áður
en hafist er handa. Það hjálpar
blandaranum að vinna á banön-
unum. Ef gera á mikið magn þá
er gott að skipta uppskriftinni og
blanda í tveimur eða þremur um-
ferðum og hræra öllu svo saman
í lokin. Blandið þar til er silki-
mjúkt og setjið í boxi inn í frysti.
Ef blandan er ekki mjög fros-
in þarf að hræra upp í ísnum að
minnsta kosti tvisvar til að brjóta
upp ískristallana. Berið fram í fal-
legu glasi með uppáhalds íssós-
unni ykkar og jarðarberjum. Það
má líka bæta við þeyttum rjóma
og skreyta eftir smekk.
Bananaís
Nafn: Hulda Birgisdóttir.
Fjölskylduhagir/búseta: Gift
Jóni Jakobssyni sem starfar hjá
Borgarverki. Við eigum þrjú
börn; Jakob Orra fornleifafræð-
ing, Lilju Rún nema í HR og
Svövu Kristínu nema í grunn-
skóla Borgarness.
Starfsheiti/fyrirtæki: Iðju-
þjálfi, forstöðumaður búsetu-
þjónustu Borgarbyggðar.
Áhugamál: Ég prjóna mikið og
sauma smá bútasaum. Á sumr-
in erum við fjölskyldan mikið
í Breiðafirðinum en þar á fjöl-
skylda Jóns eyjajörð.
Dagurinn: Miðvikudagurinn
15. apríl 2015.
Klukkan hvað vaknaðirðu og
hvað var það fyrsta sem þú
gerðir? Ég vaknaði um kl. 7,
fór í sturtu og borðaði morg-
unmat.
Hvað borðaðirðu í morgun-
mat? Ég fékk mér AB-mjólk
með múslí.
Hvenær fórstu til vinnu og
hvernig? Fór á bílnum í vinn-
una rétt fyrir klukkan 8.
Fyrstu verk í vinnunni: Fá mér
tesopa og spjalla við næturvakt-
ina um hvernig nóttin gekk fyr-
ir sig. Settist svo við tölvuna og
vann í vaktaplani sumarsins.
Hvað varstu að gera klukkan
10? Klukkan 10 til 13 var starfs-
mannafundur og er það eini
dagurinn sem allir starfsmenn
borða saman í hádeginu.
Hvað varstu að gera klukk-
an 14? Fór að hitta yfirmann
minn Hjördísi Hjartardóttur
félagsmálastjóra í Ráðhúsinu.
Ég þurfti að ræða eitt og annað
við hana, m.a. var ég að athuga
hvort að einhver hefði leitað
eftir vinnu hjá henni því að það
vantar starfsmann í búsetuþjón-
ustuna í sumar og jafnvel áfram
í vetur.
Hvenær hætt og það síðasta
sem þú gerðir í vinnunni?
Einn íbúanna sem er í þjónustu
hjá búsetuþjónustunni kom til
að spjalla. Eftir það náði ég að-
eins að vinna meira í vaktapl-
ani sumarsins. Það síðasta sem
ég gerði áður en ég fór heim var
að hitta kvöldvaktina og kveðja
dagvaktina.
Hvað gerðirðu eftir vinnu?
Þegar ég kom heim var mitt
fyrsta verk að mála gólfið í
þvottahúsinu. Síðan fór ég út í
búð að versla í matinn.
Hvað var í kvöldmat og hver
eldaði? Ég eldaði lærissneiðar,
borðaði og gekk frá í eldhúsinu.
Hvernig var kvöldið? Kvöldið
var hálfgert letikvöld. Ég horfði
á fréttir, straujaði þvott og svo
sat ég og prjónaði.
Hvenær fórstu að sofa? Ég var
komin inn í rúm upp úr kl. tíu
og las smá áður en ég sofnaði.
Hvað stendur uppúr eft-
ir daginn? Frekar góður dag-
ur, skemmtilegur og gagnlegur
starfsmannafundur.
Dag ur í lífi...
Iðjuþjálfa
Í hrygningarstoppinu sóttu bátar
frá Ólafsvík og Rifi í steinbít í
opið hólf norður undir Bjarg en
þar var frekar dræm veiði. Þá fóru
þeir á Kristni SH með 48 bala og
lögðu vestur af Patreksfirði en þar
voru Vestfirðingarnir að mokveiða.
Gerðu þeir góða ferð þangað því
þeir komu að landi þann 16. apríl
með 29,7 tonn sem var á 46 bala
því tveir balar töpuðust. Fengu þeir
því 646 kíló á bala. Er þetta mesti
afli sem þeir á Kristni hafa fengið í
einni veiðiferð og voru þeir að bæta
sitt eigið aflamet í þriðja skiptið á
þessari vertíð, en fyrra metið var
25.900 kíló sem einnig var á 48 bala
en það met sló Þorsteinn Bárðar-
son skipstjóri þegar hann var með
bátinn. Skipstjóri í þessum róðri
var Bárður Guðmundsson.
þa
Þeir á Kristni SH slógu eigið aflamet
Borgfirskir briddsunnendur spiluðu
síðustu lotu Opna Borgarfjarðar-
mótisins í Logalandi á mánudags-
kvöldið. Eftir tvær lotur voru það
Hvanneyringarnir Sveinbjörn og
Lárus sem leiddu mótið. Skemmst
er frá því að segja að lokakvöld-
ið héldu þeim engin bönd og upp-
skáru þeir 66% skor. Þetta var
hæsta kvöldskorið og tryggðu þeir
efsta sætið tryggilega með því.
Skagamennirnir Einar og Sigur-
geir fundu loksins „fjölina“ sína og
skoruðu næstmest, rúmlega 59%.
Hvalstrendingarnir Hallgrímur og
Guðmundur voru þeir einu sem
sýndu toppparinu einhverja alvöru
keppni og náðu þeir 3. sæti kvölds-
ins og öðru sætinu í mótinu öllu.
En bikarinn góði verður geymdur á
Hvanneyri næsta árið eftir ársveru í
Hvalfjarðarsveitinni.
Næst á dagskrá hjá borgfirsk-
um briddsspilurum er keppni við
Krummaklúbbinn á Hótel Hamri
næstkomandi laugardag. Keppni
hefst klukkan 11:00 og stendur
fram að kvöldmat. Ennþá er laust
fyrir nokkur pör eða sveitir og veit-
ir Ingimundur Jónsson nánari upp-
lýsingar í síma 861-5171. Loka-
kvöld Briddsfélags Borgarfjarð-
ar verður svo mánudaginn fyrsta í
sumri í Logalandi. Eftir það tekur
við sauðburður og aðrar vorannir.
ij
Sveinbjörn og Lárus varðveita bikarinn næsta árið
Svipmynd frá öðru keppniskvöldi. Þarna eigast við Einar og Ingimundur og Guð-
mundur og Elín.
Sigurvegarar Opna Borgarfjarðarmót-
sins eru þeir Sveinbjörn Eyjólfsson og
Lárus Pétursson.
Laugardagin 18. apríl var haldið svo-
kallað „Benchrest“ riffilmót í inniað-
stöðu Skotfélags Vesturlands í Borg-
arnesi. Keppt var með 22 cal rifflum
á 25 metrum. Skotið var 25 skotum
á 30 mínútum. Nota mátti tvífót eða
stuðning undir forskepti og allir sjón-
aukar leyfðir. Hægt var að fá max 250
stig. Þátttakendur voru 13.
Úrslit voru þessi:
1. Guðmundur Símonarson með 248 stig.
2. Ómar Jónsson með 245 stig.
3. Jón Sigurðsson með 244 stig.
Þess má geta að Jón Sigurðsson
og Kristján Vagn Pálsson voru jafn-
ir að stigum eftir keppnina og fóru
þeir í bráðabana en varla mátti á milli
sjá. Verðlaun gáfu Hlað, Vesturröst,
Byssusmiðja Agnars og Ísnes. ebm
Benchrest mót
hjá Skotvest
Verðlaunahafar: Ómar, Guðmundur og Jón.
Nemendafélag Fjölbrautaskóla
Snæfellinga stóð fyrir góðgerð-
arviku dagana 13. - 17. apríl. Þá
stóðu nemendur fyrir allskyns
fjáröflunum þar sem þeir létu
ágóðan renna til góðgerðarmála.
Til dæmis tók starfsbrautin að sér
garðatiltekt, einhver lét krúnu-
raka sig og safnaði áheitum með
því, annar lét aflita á sér auga-
brúnirnar og þar fram eftir göt-
unum. Einnig stóð nemenda-
félagið fyrir komu Unicef í skól-
ann þar sem haldinn var fyrirlest-
ur um starfsemi félagsins. Með-
fylgjandi mynd var tekin við það
tilefni.
tfk
Nemendafélag FSN hélt góðgerðarviku