Skessuhorn - 22.04.2015, Blaðsíða 8

8 MIÐVIKUDAGUR 22. APRÍL 2015
Skeifudagurinn
á Mið-Fossum
BORGARFJ: Hestamanna-
félagið Grani á Hvanneyri
heldur Skeifudaginn í Hesta-
miðstöð LbhÍ að Mið-Foss-
um í Borgarfirði á sumar-
daginn fyrsta. Það eru nem-
endur í hrossarækt III á bú-
fræðibraut skólans og stjórn
Grana sem sjá um dag-
skrána auk þess að sýna af-
rakstur vetrarstarfsins. Tíu
nemendur hafa í vetur feng-
ið kennslu frá Sigvalda Lár-
usi Guðmundssyni og Heimi
Gunnarssyni í reiðmennsku
og frumtamningu og verð-
ur þeim nemanda sem best
hefur staðið sig í náminu
veitt Morgunblaðsskeifan
því til staðfestingar. Keppt
verður um Gunnarsbikar-
inn, sem gefinn er af Bænda-
samtökum Íslands til minn-
ingar um Gunnar Bjarnason,
fyrrum kennara á Hvanneyri
og hrossaræktarráðunaut.
Þá verða 14 nemendur út-
skrifaðir úr Reiðmanninum,
sem er nám í hestamennsku
á vegum LbhÍ. Þeir nem-
endur keppa um Reynisbik-
arinn sem gefinn er af fjöl-
skyldu Reynis Aðalsteins-
sonar kennara og upphafs-
manns hins vinsæla Reið-
mannsnáms. Þá eru einnig
veitt verðlaun fyrir ásetu og
keppt um Eiðfaxabikarinn.
–þá
Aflatölur fyrir
Vesturland
11. - 17. apríl.
Tölur (í kílóum) frá
Fiskistofu:
Akranes 6 bátar.
Heildarlöndun: 17.9193 kg.
Mestur afli: Ebbi AK: 7.868
kg í tveimur löndunum.
Engin löndun á Arnarstapa í
vikunni.
Grundarfjörður 3 bátar.
Heildarlöndun: 160.413 kg.
Mestur afli: Hringur SH:
65.985 kg í einni löndun.
Ólafsvík 5 bátar.
Heildarlöndun: 56.321 kg.
Mestur afli: Kristinn SH:
31.649 kg í tveimur löndun-
um.
Rif 9 bátar.
Heildarlöndun: 327.446 kg.
Mestur afli: Magnús SH:
114.129 kg í fimm löndun-
um.
Stykkishólmur 1 bátur.
Heildarlöndun: 2.797 kg.
Mestur afli: Fjóla SH: 2.797
kg í fjórum löndunum.
Topp fimm landanir á
tímabilinu:
1. Hringur SH – GRU:
65.985 kg. 14. apríl
2. Grundfirðingur SH –
GRU: 48.432 kg. 11. apríl
3. Tjaldur SH – RIF: 48.113
kg. 11. apríl
4. Örvar SH – RIF: 47.382
kg. 16. apríl
5. Rifsnes SH – RIF: 46.404
kg. 15. apríl
mþh
Mikill fiskafli í
mars
LANDIÐ: Heildarafli ís-
lenskra fiskiskipa var tæp
192 þúsund tonn í mars
2015, sem er nærri 96 þús-
und tonnum meiri afli en í
mars 2014. Munar þar mest
um aukinn loðnuafla í mán-
uðinum, en 128 þúsund tonn
veiddust af loðnu í mars
samanborið við 36 þúsund
tonn í mars 2014. Botnfisks-
afli jókst um þrjú þúsund
tonn í marsmánuði eða um
6,5% miðað við sama mán-
uð 2014. Aflinn í mars, met-
inn á föstu verði, var 32,9%
meiri en í marsmánuði 2014.
Á síðustu 12 mánuðum hef-
ur aflinn hins vegar minnkað
um 2,6%, sé hann metinn á
föstu verði.
–mm
Fundað um
atvinnumál
DALIR: Byggðarráð Dala-
byggðar samþykkti á fundi
sínum síðastliðinn þriðju-
dag að boða til fundar um at-
vinnumál með atvinnurek-
endum í Dalabyggð og öðr-
um áhugasömum. Gert er
ráð fyrir að fundurinn verði
haldinn 28. apríl næstkom-
andi. Á fundi byggðarráðs
var einnig samþykkt að taka
á móti 8-10 manna hópi frá
sjálfboðaliðasamtökunum
SEEDS í tvær vikur á kom-
andi sumri. Slíkir hópar hafa
gjarnan unnið að umhverfis-
verkefnum í þeim sveitarfé-
lögum sem taka á móti þeim
og nokkur umhverfisverk-
efni munu vera á dagskrá
í Dölum næsta sumar. –þá
Ánægja með
þjónustu við
fatlaða
BORGARBYGGÐ: Loka-
skýrsla starfshóps sem skip-
aður var til að móta stefnu í
málefnum fatlaðra í Borgar-
byggð var nýverið kynnt not-
endum þjónustunnar með
samráðsfundi. Á þeim fundi
kom fram að notendur þjón-
ustunnar eru heilt yfir nokk-
uð ánægðir með þjónustuna.
Sérstök ánægja er með starf-
semi Fjöliðjunar/Hæfingar
eftir að Borgarbyggð tók við
starfseminni í fyrra. Einnig
mælist ánægja með Starfs-
braut Menntaskóla Borgar-
fjarðar þó nokkuð vanti upp
á aðstöðu. Það sem betur
mætti fara er að fá fjölbreytt-
ari atvinnuúrræði fyrir fatl-
aða. –eha
Leifsbúð verður
máluð í sumar
DALIR: Minjastofnun Ís-
lands hefur samþykkt að veita
Dalabyggð hálfrar milljónar
króna styrk til utanhúss mál-
unar á Leifsbúð. Byggðarráð
þakkaði styrkloforðið á fundi
sínum þriðjudaginn 14. apríl
og samþykkti að gera ráð
fyrir allt að einni milljón
króna til framkvæmdarinnar
á viðaukaáætlun fyrir þetta
rekstrarár. Gert er því ráð
fyrir að Leifsbúð verði mál-
uð að utan í sumar.
–þá
Fjölmennur íbúafundur var hald-
inn sunnudaginn 19. apríl í
Skemmunni á Hvanneyri. Tilefni
hans var að endurvekja íbúasamtök
sem nú hafa legið í dvala til nokk-
urra ára. Íbúar staðarins og sveit-
arinnar í kring vilja sameinast í því
að standa vörð um Hvanneyri og
finna leiðir til að efla staðinn sem
búsetukost til lengri tíma. „Mikl-
ar og góðar umræður fóru fram á
fundinum og ljóst er að fólk hefur
miklar hugmyndir um hvað hægt
er að gera. Fundurinn skipaði nýja
stjórn og mun hún leiða vinnuna,“
segir í tilkynningu vegna fundar-
ins.
Í undirbúningshópnum eru eft-
irtaldir: Álfheiður Sverrisdótt-
ir, Birgitta Sigþórsdóttir, Borgar
Páll Bragason, Bryndís Geirsdótt-
ir, Hallgrímur S. Sveinsson, Sig-
urður Guðmundsson og Sólrún
Halla Bjarnadóttir. Netfang íbúa-
samtakanna er ibuasamtokhve@
gmail.com
mm
Á verkalýðsdaginn 1. maí verða sex
til átta af fyrstu íbúðunum í íbúða-
blokkinni við Sólmundarhöfða 7 á
Akranesi afhentar nýjum eigend-
um. Að sögn Ragnars Ragnarsson-
ar hjá SH-7, eiganda hússins, hill-
ir nú undir að framkvæmdum ljúki
við allar íbúðirnar. Búið er að koma
fyrir innréttingum, flísaleggja og
málningarvinna er langt komin.
Ragnar segir að búið sé að selja tíu
íbúðir af 31 í húsinu og kveðst hann
bjartsýnn á sölu hinna enda fram-
undan þensluskeið á Akranesi og
nágrenni.
mm
Stjórn dvalar- og hjúkrunarheim-
ilisins Fellaskjóls í Grundarfirði
sótti nýlega um framlag frá Fram-
kvæmdasjóði aldraða vegna fyrir-
hugaðrar stækkunar heimilisins. Að
sögn Hildar Sæmundsdóttur, for-
manns stjórnar Fellaskjóls, er húsa-
kostur heimilisins í dag ekki nægj-
anlegur og þörf á að bæta aðstöðu
til hjúkrunar á heimilinu, en nú eru
26 ár liðin síðan heimilið var tekið
í notkun. Ávallt er nokkur biðlisti
eftir rýmum en í Grundarfirði eru
búsettir samtals 29 íbúar 80 ára og
eldri. Hildur segir að yfirvofandi sé
vaxandi þörf fyrir hvíldarinnlagnir
á heimilið og að fleiri muni þurfa
að flytjast þangað til frambúðar.
Í Fellaskjóli eru nú tólf rými fyrir
heimilisfólk en áformað er að bæta
við sex fullkomnum hjúkrunarrým-
um. Hverju um sig tæplega 30 fer-
metra að stærð og alls er viðbygg-
ingin áætluð eitt hundrað sjötíu og
fimm fermetrar. „Þannig gætum
við haft alla heimilismenn á ein-
um gangi, sem skapar heildstæð-
ar vinnuaðstæður og samfelld gæði
í þjónustunni allri,“ segir Hild-
ur. Dvalar- og hjúkrunarheimilið
Fellaskjól í Grundarfirði er sjálfs-
eignarstofnun og rekin sem slík
fyrir rekstrarfé frá ríkinu án að-
komu bæjarsjóðs. Ekki eru skuldir á
heimilinu vegna húsnæðis og stofn-
unin að því leyti vel í stakk búin að
ráðast í stækkun, að sögn Hildar.
þá
Ragnar Ragnarsson stendur hér uppi á svölum íbúðar á 8. hæð hússins.
Fyrstu íbúðirnar afhentar
í blokkinni við Sólmundarhöfða
Hjúkrunar- og dvalarheimilið Fellaskjól í Grundarfirði.
Sótt um stækkun Fellaskjóls í Grundarfirði
Búið að endurvekja íbúasamtök á Hvanneyri