Skessuhorn - 20.05.2015, Page 16

16 MIÐVIKUDAGUR 20. MAÍ 2015
Regína Ásvaldsdóttir hefur ver-
ið bæjarstjóri á Akranesi í rúm tvö
ár. Áður starfaði hún meðal ann-
ars hjá Reykjavíkurborg í 15 ár,
var lengi vel sviðsstjóri og síðustu
árin skrifstofustjóri borgarstjóra
og staðgengill hans. Hún hefur því
víðtæka reynslu af verkefnum sem
tengjast stjórnsýslu og stjórnun.
Reynslu sem nýtist vel í starfinu
sem bæjarstjóri á Akranesi. Regína
hefur ákveðnar skoðanir á málefn-
um Akraneskaupstaðar en segir að
pólitíkin móti stefnuna og hennar
starf sé að framfylgja henni. Hún
er fylgjandi sameiningu sveitarfé-
laga og vill sjá blandaða byggð á
sementsreitnum, íbúðir og atvinnu-
starfsemi. Metnaður Regínu liggur
í þjónustu við íbúa Akraneskaup-
staðar og hún vill gera langtíma-
áætlanir. Hún er í eðli sínu varkár
í fjármálum og vill hafa borð fyr-
ir báru. Blaðamaður Skessuhorns
ræddi við Regínu um helstu mál-
efni Akraneskaupstaðar og hennar
skoðanir á þeim.
Vantar meiri sérhæfingu
Regína fluttist á Skagann þegar hún
settist í bæjarstjórastólinn í janúar
2013. Hún hefur búið víða um æv-
ina, átti uppvaxtarár sín í Kópavog-
inum, bjó um tíma á Sauðárkróki
en hefur búið í Reykjavík flest sín
fullorðins ár. Þá hefur hún einnig
reynt fyrir sér úti í heimi, lengst af í
Osló en líka í Aberdeen í Skotlandi.
Regínu finnst gott að búa á Skag-
anum, henni líkar vel við umhverf-
ið og finnst staðsetningin á sveita-
félaginu kostur. „Það er mjög fínt
að búa hér. Það er stutt í helstu úti-
vistarperlur, hér er mikið menning-
arlíf og allt til alls. Veitingastöðum
hefur fjölgað og það er frábært. Ég
er með sterkt tengslanet í Reykja-
vík og það er mikill kostur hvað það
er stutt að fara og hitta vini og fjöl-
skyldu. Þetta er draumastaðsetning
á sveitarfélagi,“ segir hún. Regína
segist finna svolítinn mun á því að
lifa og starfa á landsbyggðinni en í
höfuðborginni. „Það er margt sem
mér finnst við ná betur utan um á
minni stað. Við höfum meiri yfirsýn
og boðleiðir eru styttri. Hér er hægt
að vinna betur saman í málunum,“
segir hún. Þó finnst henni ýmislegt
vanta upp á í stjórnsýslu- og skipu-
lagsmálum og nefnir þar helst að
það vanti meiri sérhæfingu.
Skagamenn með
sterkar skoðanir
Þrátt fyrir að Regínu þyki ástæða
til að styrkja stjórnsýsluna þá seg-
ir hún margt betra hér en annars
staðar. „Sú þjónusta sem snýr að
íbúum, til dæmis grunnskólarnir
og leikskólarnir okkar eru algerlega
til fyrirmyndar á landsvísu. Ég veit
ekki hvort fólk gerir sér grein fyr-
ir því hvað við erum að skora hátt
til dæmis í leikskólaþjónustunni,
bæði hvað varðar ánægju foreldra
og starfsmanna. Við höfum tekið á
móti stórum hópum skóla- og frí-
stundasviðs Reykjavíkurborgar þar
sem þeir kynntu sér hvað er verið
að gera á Akranesi í sömu málum.
Árangurinn í skólamálum hér er
eitthvað sem Reykjavík er að sækj-
ast eftir að fá upplýsingar um. Þeir
vilja vita hvernig við gerum þetta,“
segir Regína. Hún segir íbúana á
Skaganum vera mjög vakandi fyrir
umhverfi sínu. „Það er kannski erf-
itt að bera þetta saman við Reykja-
vík þar sem samskiptamiðlum hefur
fjölgað og það tekur núna svo stutt-
an tíma að koma skoðunum sín-
um á framfæri. En íbúarnir hér eru
áhugasamir og hafa sterkar skoð-
anir. Það er mikilvægt að hlusta á
íbúana en líka að muna að stundum
fara ekki hagsmunir allra saman. Þá
þarf líka að gæta að þeim sem eiga
sér ekki eins sterka málsvara.“
Fylgjandi sameiningu
sveitarfélaga
Regína segist mjög hugsi yfir því
að á Íslandi séu 74 sveitarfélög og
myndi vilja hafa þau mun færri.
„Ég hélt nýlega fyrirlestur á lands-
þingi Sambands íslenskra sveitar-
félaga þar sem ég gagnrýndi okkur
sem stöndum í forsvari fyrir sveit-
arfélögin fyrir að taka þetta mál
ekki föstum tökum. Við erum að
eyða yfir 12 milljörðum í nefnda-
kerfi og yfirstjórn sveitarfélaga. Í
mínum huga eiga ekki að vera fleiri
en tíu til tólf sveitarfélög á Íslandi.
Það er algerlega mín skoðun,“ seg-
ir Regína ákveðin. Hún telur nú-
verandi fyrirkomulag meðal ann-
ars veikja samkeppnisstöðu landsins
í baráttunni um vinnuafl. „Ætlum
við að halda fólkinu okkar á Íslandi,
eða ætlum við að missa það yfir til
Norðurlandanna eða landa þar sem
atvinnuúrræði eru fjölbreyttari og
lífsgæði jafnvel meiri? Þá getum við
ekki látið gamlar hefðir og hreppa-
ríg stjórna okkur.“ Draumur Reg-
ínu er að sveitarfélög hafi úr meiru
að spila til að þjónusta íbúana bet-
ur en að minni peningum væri var-
ið í stjórnsýslu og nefndakerfi allra
þessara sveitarfélaga.
Hún segir Reykjavíkurborg vera
á margan hátt aðeins of stóra ein-
ingu hvað varðar daglegan rekstur
og stjórnun skóla og leikskóla en að
sveitarfélögin á landsbyggðinni séu
að sama skapi full lítil. „Drauma-
stærðin á sveitarfélagi er á bilinu 20
til 30 þúsund manns sem er nægi-
lega stór eining til að sinna skóla-
og velferðarþjónustu og menning-
ar- og umhverfismálum. Mörgum
finnst Akranes stórt sveitarfélag,
allavega hér á Vesturlandi. Akranes
er níunda stærsta sveitarfélag lands-
ins með rúmlega 6.700 íbúa. Mér
finnst það ekki fjölmennt sveitar-
félag og það eru margir hlutir sem
ég vildi geta gert betur en hef ekki
mannskap til.“ Regína vann að því
hjá Reykjavíkurborg að gera hverf-
in í Reykjavík sjálfstæðari og segist
hugsi yfir því að þar töldu menn að
til dæmis væri ekki hægt að sinna
skipulagsmálum og barnavernd í 20
þúsund manna hverfum. ,,Svo erum
við með 41 af 74 sveitarfélögum
með færri en eitt þúsund íbúa. Þetta
er ekki rökrétt.“
Standa betur en mörg
önnur sveitarfélög
Að sögn Regínu er núverandi staða
hjá Akraneskaupstað ágæt. Sveit-
arfélagið skilaði nýverið ársreikn-
ingi og kom árið 2014 betur út en
áætlanir sögðu til um, sveitarfélagið
skilaði meiri rekstrarafgangi en gert
var ráð fyrir. „En við höfum ekki
úr miklu að spila. Það eru auðvi-
tað vaxandi kröfur um bætta stjórn-
sýslu, aukna skilvirkni og verk-
ferla- og gæðakröfur ásamt kröf-
um í mannauðsmálum sem sveit-
arfélag af þessari stærð á óneitan-
lega erfiðara með að uppfylla en
stærri samfélög. Svo er komin rík
viðhaldsþörf á byggingar bæjarins
og á gatnakerfið,“ útskýrir Regína.
Hún nefnir einnig að framundan
séu háar greiðslur af lífeyrisskuld-
bindingum, bæði hjá Akraneskaup-
stað og hjá Höfða. „Þannig að það
þarf í raun og veru að taka erfið-
ar ákvarðanir varðandi reksturinn.
Ef ekkert breytist og útsvarstekjur
aukast ekki, þá blasir þetta við. En
við stöndum engu að síður betur
en mörg önnur sveitarfélög,“ bæt-
ir hún við.
Vilja greiða
niður skuldir
„Kröfurnar eru auðvitað miklar og
skiljanlegar, til dæmis um gatna-
kerfið og bætta íþróttaaðstöðu en
það hefur verið stefna bæjaryf-
irvalda að halda áfram að greiða
niður lánin og taka ekki ný. Þetta
mjakast í rétta átt, við erum búin
að borga niður milljarð á síðustu
árum,“ segir Regína um skuldamál-
in. Það verður því svo að draum-
urinn um bætta þjónustu og nýtt
íþróttahús bíður enn. ,,Það er auð-
vitað pólitíkin sem mótar stefnuna,
mitt hlutverk er að framfylgja þeirri
stefnu sem bæjarstjórn setur. Ég
er samt þannig þenkjandi að ég vil
ekki vinna í umhverfi með viðvar-
andi halla í rekstri og skuldasöfnun.
Ég vil hafa borð fyrir báru og fara
frekar varlega heldur en hitt,“ segir
Regína. Þó að stefnan hjá Akranes-
kaupstað sé að spara og borga nið-
ur skuldir, þá verða framkvæmdir á
Skaganum í sumar, aðallega vegna
viðhalds. „Við ætlum að fara í við-
hald og endurbætur á leikvöllum
og svo munum við halda áfram að
endurbæta götur. Einn kílómet-
er af malbiksframkvæmdum kost-
ar um 50 milljónir króna þannig
að við munum taka þetta smátt og
smátt. Svo er fyrirhugað að auka við
græn svæði, til dæmis fyrir framan
verslunarmiðstöðina við Dalbraut-
ina, klára stíginn niður á Sólmund-
arhöfða, gera endurbætur á kart-
öflugörðunum, fara í viðhaldsfram-
kvæmdir á Íþróttamiðstöðinni við
Jaðarsbakka og laga græn svæði
þar og áframhaldandi framkvæmd-
ir við vitann á Breiðinni,“ útskýr-
ir bæjarstjórinn. Einnig skýrir hún
frá því að sett hafi verið fjármagn
vegna kaupanna á Dalbraut 6 sem
er hugsuð sem félagsmiðstöð fyrir
eldri borgara og til að breyta hús-
næðinu að Vesturgötu 102 í litl-
ar íbúðir fyrir fatlaða einstaklinga.
„Loks hefur verið samþykkt að
veita styrki til endurbóta á húsum í
miðbænum og ef það verkefni skilar
árangri með bættri ásýnd bæjarins
er markmiðið að halda verkefninu
áfram en mörg gömlu húsanna á
Akranesi þarfnast sárlega upplyft-
ingar,“ heldur hún áfram.
Ræðir Sundabrautina
Regínu finnst skipta miklu máli að
hugsað sé til langframa, bæði varð-
andi fjármálin og annað. „Og að við
hefjum okkur svolítið upp úr dæg-
urþrasinu og gerum langtímaáætl-
anir. Til dæmis varðandi hvern-
ig Akraneskaupstaður á að líta út
og þróast.“ Þá eru samgöngumálin
henni líka mikið hugðarefni. „Ég
á fund með borgarstjóra í byrjun
júní til að ræða skýrslu frá innan-
ríkisráðuneytinu um Sundabraut-
ina. Reykjavíkurborg hefur ekki
sett þetta verkefni í forgang en það
skiptir mjög miklu máli fyrir okk-
ur,“ segir Regína. Hún myndi einn-
ig vilja sjá Samtök sveitarfélaga á
Vesturlandi einbeita sér að sam-
göngumálum. „Þetta er sameig-
inlegt hagsmunamál okkar allra á
Vesturlandi. Breikkun Vesturlands-
vegar er eitthvað sem við þurf-
um að huga að. Það þarf að huga
að vegabótum á Kjalarnesi, en veð-
ur eru þar válynd og þung umferð.
Samgöngumálin eru eitt af mikil-
vægustu málunum hér og þar vil
ég nota samtakamátt Vesturlands,“
segir Regína.
Ásýnd Sements-
reitsins slæm
Framtíð Sementsreitsins er eitthvað
sem brennur á mörgum Skaga-
mönnum. Haldinn hefur verið
íbúafundur um málið en ekki hef-
ur enn verið ákveðið hvað verður
gert á reitnum. „Við fengum skila-
boð frá íbúum um að flýta okkur
hægt þegar kemur að þessu svæði
og við erum að því. Það er verið að
vanda undirbúninginn,“ segir hún.
Sjálf segist hún vilja sjá blöndu af
íbúðabyggð og fyrirtækjum á svæð-
inu. Þegar ný bæjarstjórn tók við í
fyrra var skipaður starfshópur til að
fara yfir þær hugmyndir sem komu
fram á íbúafundinum í janúar á síð-
asta ári og vinna með þær áfram.
Stefnt er að því að tillögum verði
skilað í haust og í framhaldi af því
verða þær kynntar íbúum. Að mati
Regínu væri gott að byrja á hluta
svæðisins og byggja það upp smátt
og smátt en hafa skýra heildarsýn.
„Ég var nýlega á ferð í Malmö og
skoðaði meðal annars umbreytingu
á gömlum iðnaðarsvæðum sem hafa
byggst mjög skemmtilega upp með
því að hluta niður svæðin og gera
upp í áföngum. Ásýnd Sements-
reitsins er mjög slæm í dag og mér
finnst að við þurfum að hefja ein-
hverja uppbyggingu þar sem fyrst.“
Skiptar skoðanir
um uppfyllingu
Það eru fleiri mál en Sementsreit-
urinn sem brenna á fólki. Uppfyll-
ingin og athafnasvæði HB Granda
er eitt af umdeildum málum sem í
kortunum eru á Akranesi. „Það eru
auðvitað skiptar skoðanir um þetta
mál en mér finnst mjög jákvætt að
HB Grandi vilja efla starfsemi sína
á Akranesi. Við höfum átt góðar
viðræður við þá um uppfyllinguna
ásamt Faxaflóahöfnum og erum að
reyna að ná saman um þá lágmarks-
stærð sem þarf að vera á uppfyll-
ingunni. Í dag eru menn mjög vak-
andi fyrir umhverfinu, að ráðast
ekki í stærri framkvæmdir en nauð-
syn ber til,“ segir Regína. Hún seg-
ist skilja áhuga fyrirtækisins á að
„Pólitíkin mótar stefnuna, mitt hlutverk er að framfylgja henni“
Rætt við Regínu Ásvaldsdóttur bæjarstjóra á Akranesi
Regína Ásvaldsdóttir bæjarstjóri á Akranesi myndi vilja sjá sveitarfélögum á Íslandi fækkað niður í tíu til tólf.
Ljósm. grþ.
Regína á fund von bráðar með Degi B. Eggertssyni borgarstjóra til að ræða
skýrslu um Sundabrautina.