Skessuhorn - 08.07.2015, Blaðsíða 14

MIÐVIKUDAGUR 8. JÚLÍ 201514
Nýverið stofnaði ung kona í
Reykjavík Skrefið, hóp til að kynn-
ast fólki. Hópurinn er á samfélags-
miðlinum Facebook og er ætlaður
fyrir einstaklinga sem eru félags-
lega einangraðir, vinafáir eða lang-
ar að kynnast nýju fólki. Hópur-
inn hittist einu sinni í viku á kaffi-
húsi og getur fólk því rofið félags-
lega einangrun eða eignast nýja
vini með því einu að mæta á fund-
ina. Bjarna Þór Stefánssyni fannst
vanta framtak af þessu tagi í Borg-
arnesi og ákvað að koma á slíkum
viðburðum þar.
„Mér fannst þetta mjög sniðugt.
Ég bý sjálfur í Borgarnesi og fannst
vanta eitthvað svona hérna. Þetta
er hugsað fyrir fólk sem er vinafátt,
öryrkja og hvern sem er í rauninni.
Bara fyrir þá sem vilja komast út að
hitta fólk og kynnast fleirum,“ segir
Bjarni Þór í samtali við Skessuhorn.
Hann segir sambærilega hópa hafa
skotið upp kollinum um allt land
undanfarnar vikur. „Það eru komn-
ar síður fyrir þetta í öllum lands-
hlutum og líka á Norðurlöndun-
um. Svo sér hver hópur um sitt.
Ég er tengiliðurinn í Borgarnesi og
pælingin er að prófa þetta í nokkur
skipti og sjá hvernig fer.“ Bjarni Þór
segir hópinn vera fyrir alla sem hafa
áhuga á að mæta, óháð aldri. Hóp-
urinn hittist í Edduveröld á fimmtu-
dögum klukkan 18. „Við erum búin
að hittast einu sinni. Mætingin var
ekki alveg nógu góð en ég ætla að
prufa tvo eða þrjá hittinga í viðbót,
ég er ekki búinn að gefast upp enn,“
segir Bjarni Þór vongóður. Hann
segir það ekki koma á óvart að fáir
hafi mætt í fyrsta sinn og hann búist
við því að þetta muni stækka með
tímanum. „Þetta er vinsælt ann-
ars staðar og margir í hópunum.
Hugmyndin er að setjast niður og
byrja á því að spjalla og hafa gam-
an. Svo veit maður aldrei hvert það
leiðir, kannski verður svo eitthvað
meira gert í framtíðinni. Ég vil bara
hvetja fólk til að mæta, það eru all-
ir velkomnir,“ segir Bjarni Þór að
endingu. grþ
Talsverð fjölgun umsókna er í
grunnnám við Háskólann á Bifröst,
en umsóknarfrestur rann út um
miðjan síðasta mánuð. Nemendum
sem sækja um háskólanám á Bif-
röst hefur fjölgað á hverju ári und-
anfarin tvö ár. Fjölgunin núna er
mest í viðskiptalögfræði en sú ný-
breytni verður tekin upp á komandi
skólaári að boðið verður upp á við-
skiptalögfræði í fjarnámi og einnig
sem sérstök námsbraut með vinnu.
Einnig hefja tvær nýjar námsbraut-
ir á félagsvísindasviði göngu sína
í haust, þ.e. BA í byltingafræði og
BA í miðlun og almannatengslum.
Fengu báðar nýju námsbrautirn-
ar góðar viðtökur. Í tilkynningu frá
skólanum kemur fram að umsókn-
artölur í meistaranám voru mjög
góðar og eftirspurn eftir framhalds-
námi á sviði viðskipta og stjórnun-
ar er mikil. „Að þessu sinni voru
flestar umsóknir í MS í forystu og
stjórnun sem hóf göngu sína haust-
ið 2014 og hlaut þá strax gríðarlega
góðar móttökur og höfðu aldrei
fleiri skráð sig í meistaranám á einu
skólaári. MA í menningarstjórnun
var með næstflestar umsóknir en
sú námsbraut er að hefja sitt ellefta
starfsár við Háskólann á Bifröst.“
Auk fjölgunar umsókna að Bif-
röst kemur fram í frétt skólans að
bakgrunnur nemenda er einnig
sterkari en á undanförnum árum.
Eru nemendur með betri einkunn-
ir og grunn úr framhaldsskólum að
sækja um háskólanám. „Sókn Há-
skólans á Bifröst heldur áfram,“
segir Vilhjálmur Egilsson, rekt or
Háskólans á Bifröst. „Við erum
ánægð með umsóknirnar og okk-
ur virðist sem svo að umsækjend-
ur séu nú með betri bakgrunn en
áður. Við hlökkum því til skóla-
starfsins næsta vetur.“
mm
Stórstreymi var um síðastliðna
helgi. Líkt og venja er skilaði
straumurinn einhverjum fiski en þó
ekki eins miklu og búist hafði verið
við. Ekki er þó öll von úti enn, því
hann getur komið nokkrum dög-
um eftir stóra strauminn. Að sögn
Ara Hermóðs Jafetssonar byrjaði
veiðin rólega í Langá á Mýrum en
hann telur ána þó vera að koma til.
„Ég held að þetta sé allt að koma
í Langá, síðasti dagurinn gaf 19
laxa,“ sagði Ari Hermóður í sam-
tali við fréttaritara Skessuhorns nú
um helgina. Þverá er enn efsta lax-
veiðiáin, með 330 laxa. Næst á eftir
henni kemur Norðurá með 310.
„Það hefur gengið vel hjá okk-
ur, bæði í Norðurá og Haffjarðar-
ánni,“ sagði Einar Sigfússon í sam-
tali við Skessuhorn, en Haffjarðará-
in hafði um helgina gefið 115 laxa.
Við Flókadalsá hitti fréttaritari
veiðimenn sem sögðu 70 laxa vera
komna á land. Þá hafi Hítará ver-
ið búin að gefa 44 laxa og Grímsá
30. Gunnar Helgason leikari var
við veiðar í Laxá í Leirársveit í lið-
inni viku. Hann sagði heldur rólegt
yfir ánni og er nokkuð til í því hjá
honum.
gb
Tíu prósenta fjölgun í
grunnnám á Bifröst
Þverá hefur gefið vel í sumar. Hér er svipmynd úr Kjarará úr safni Skessuhorns.
Þverá ennþá efsta
laxveiðiáin
Bjarni Þór Stefánsson er forsprakki hópsins í Borgarnesi.
Stofnaði hóp í Borgarnesi
til að kynnast nýju fólki
Guðmunda Wiium og eiginmaður
hennar Sigurður Höskuldsson
keyptu nýverið húsnæði á Ólafs-
braut 19 í Ólafsvík. Hafa þau hjón
gert miklar endurbætur innan-
stokks með hjálp góðra vina eins
og Sigurður orðaði það. Undanfar-
in ár hefur Blómaverk verið í leigu-
húsnæði. Á laugardaginn var svo
nýja húnæðið opnað formlega og
komu um hundrað manns til þess
að kíkja á nýju búðina. Nutu gestir
og gangandi glæsilegra veitinga auk
þess sem S-bandið, sem Sigurð-
ur eiginmaður Guðmundu spilar í,
hélt tónleika úti við.
„Við ákváðum að taka þetta
með trompi og kaupa eigið hús-
næði undir reksturinn,“ sagði Guð-
munda, sem hefur verið viðloðandi
Blómaverk síðan 2002 að 15 mán-
uðum undanskyldum. „Við höf-
um húnæðið sem er 110 fermetr-
ar að stærð, tvískipt. Ég er með 50
fm undir rekstur Blómaverks og
svo köllum við hinn hlutann Klaka-
höllina, en það hefur Sigurður æf-
ingaaðstöðu fyrir Klakabandið sem
hann hefur spilað í í ártugi auk þess
sem að semja eigin lög. Ég mun
hafa reksturinn með sama sniði og
ég var með, en bæti við nokkrum
nýjum vörutegundum,“ sagði Guð-
munda.
Nýr geisladiskur
Huldubarna
Sigurður Höskuldsson hefur því
haft í nógu að snúast að undan-
förnu. Auk þess að vinna að end-
urbótum á húsnæðinu hefur hann
ásamt fjórum systkinum sínum ný-
verið gefið út sinn fjórða geisla-
disk sem ber nafnið „Heimabær.“
Á honum eru tólf lög eftir Sigurð
en textar eru eftir Jón Hjartarson.
Björgvin Gíslason og Ásgeir Óm-
arsson sáu um undirleik ásamt því
að sjá um útsetningar en Sigurð-
ur sjálfur sá um útsetningar á söng.
Þórdís Claussen hannaði umslagið
og ljósmyndir tók Sigurjón Bjarn-
arson.
Sigurður hefur í hyggju að safna
myndum af hljómsveitalífinu í
Ólafsvík og koma upp sýningu um
tónlistarlífið sem var og er mjög
öflugt í Ólafsvík. „Þessa hugmynd
er ég búinn að ganga með í lang-
an tíma og nú hef ég aðstöðu til
þess að gera þetta að veruleika. Ef
fólk á gamlar hljómsveitarmyndir
þá vildi ég endilega fá þær lánaðar
og skanna þær inn,“ segir Sigurð-
ur. Það má koma myndum í Blóma-
verk til Guðmundu, segir sjókokk-
urinn og tónlistarmaðurinn Siggi
Hösk að lokum.
af
Blómaverk í Ólafsvík flutt
í eigið húsnæði
S-bandið; Sigurður og Sveinn Elinbergsynir og Sigurður Höskuldsson á tónleikum í
tilefni opnunar Blómaverks.
Sigurður og Guðmunda í nýju búðinni með nýja disk Huldubarna á milli sín.