Skessuhorn - 23.09.2015, Síða 4

MIÐVIKUDAGUR 23. SEPTEMBER 20154
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smáaug-
lýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.573 krónur með vsk. á mánuði. Elli- og örorkulífeyrisþegar greiða
kr. 2.230. Rafræn áskrift kostar 2.023 kr. Rafræn áskrift til elli- og örorkulífeyrisþega er 1.867
kr. Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Anna Rósa Guðmundsdóttir arg@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Auglýsingar og dreifing:
Emilía Ottesen, markaðsstjóri emilia@skessuhorn.is
Valdimar Björgvinsson valdimar@skessuhorn.is
Umbrot og hönnun:
Ómar Örn Sigurðsson omar@skessuhorn.is
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Góð fjarskipti eru
byggðaaðgerð samtímans
Líklega er eitt stærsta hagsmunamál hinna dreifðu byggða lagning ljósleiðara
heim á öll lögbýli. Veit ég til þess að margir íbúar sem búa við stopult netsam-
band segja úrbót jafnvel nauðsynlegri en endurnýjun og lagfæringar á vegum.
Þó eru þeir ekki upp á marga fiska eins og við höfum lesið um að undanförnu
í fréttum Skessuhorns. Ríkisstjórnin setti í upphafi kjörtímabilsins á fót starfs-
hóp sem skilaði fyrr á þessu ári áætlun eða sýn sinni um ljósleiðaravæðingu
99% allra lögbýla á fimm árum. Starfshópurinn er nú í viðræðum við dreifi-
aðila raforku um að samnýta lagningu raf- og ljósleiðarastrengja þar sem það á
við. Um það má lesa í fréttaviðtali við Harald Benediktsson þingmann og for-
mann starfshópsins hér til hliðar.
Í fljótu bragði man ég ekki eftir neinni atvinnugrein sem getur í dag þrif-
ist með góðu móti við þær aðstæður þegar net- eða símasamband er óviðun-
andi. Bændur færa bókhald og búfjárskýrslur í gegnum netið, fiskur er seldur
á mörkuðum sem byggja á öruggu netsambandi, skólar reka útibú á fámennari
stöðum sem byggja á fjarskiptum og framleiðendur háþróaðra tækja til mat-
vælavinnslu halda tækjunum við hjá kaupendum þeirra með að tengja sig inn á
stýribúnaðinn í gegnum netið, óháð því í hvaða löndum eða heimsálfum tæk-
in eru. Við skrifum fréttir á netið hjá okkur sem áhugasamur Vestlendingur
staddur í Ástralíu getur lesið í rauntíma. Öryggi ferðamanna og kröfur þeirra
eru einungis uppfylltar ef fólkið kemst á netið í tölvum eða símum. Allt er
þetta háð því að fjarskipti séu í lagi.
Í samanburði við innleiðingu tækninýjunga, svo sem dreifingu sjónvarps-
bylgja á sjöunda áratugnum og uppsetning loftskeytamastra enn fyrr, er ljós-
leiðaravæðingin ódýr miðað við það notagildi sem tæknin býður upp á. Þessu
hafa margir stjórnendur sveitarfélaga og íbúar í dreifbýlinu áttað sig á og setja
ákveðnar kröfur. Hér á Vesturlandi var fyrir mörgum árum byrjað að leggja
ljósleiðara. Á Akranesi og Stykkishólmi var það gert fyrir hrun og á allra síð-
ustu árum hefur dreifing „ljóssins“ átt sér stað í Hvalfjarðarsveit og Helga-
fellssveit. Nú er unnið að þessu þarfaþingi í Eyja- og Miklaholtshreppi, hluta
Dala og á norðanverðu Snæfellsnesi. Einna minnst er að frétta af þessu máli í
landstærsta sveitarfélagi Vesturlands; Borgarbyggð. Mér er þó kunnugt um að
forsvarsmenn sveitarfélagsins hafa fylgst með málinu en engar ákvarðanir hafa
enn verið teknar. Fjárhagsstaðan leyfir ekki framkvæmdir af þessari stærðar-
gráðu og því miður er staðan auk þess afar viðkvæm þegar hluti íbúa er upp á
kant við sveitarstjórn sem ekki hyggst hnika ákvörðun sinni um fækkun grunn-
skóla og boðar jafnvel enn meiri niðurskurð. Í Skessuhorni hefur á síðustu
vikum mikið verið rætt og ritað um það mál. Nú eru farnar að heyrast raddir
þeirra sem skora á íbúa að slíðra sverðin og sætta sig við orðinn hlut. Ég get vel
sett mig í spor beggja hópa og skil málstað þeirra sem vilja hagræða ekki síður
en þeirra sem vilja verja grunnþjónustuna. Í þessu máli sem mörgum öðrum
verður hins vegar enginn einn sigurvegari. Það er því von mín að íbúar minnar
gömlu heimasveitar geti farið að slíðra sverðin til að ráðrúm gefist til að hefja
uppbyggingu, horfa fram á veginn. Síðustu mánuðir hafa verið slæmir á ýmsa
lund fyrir héraðið og ég er þess fullviss að búið er að vinna ímyndarskaða sem
talsverðan tíma tekur að bæta. En eftir því sem lengri tími líður án þess að sátt
náist, því lengri tíma mun það taka að hefja þá uppbyggingu sem héraðið og
íbúar þess sannarlega verðskulda.
Það er mín skoðun að fyrirheit um lagningu ljósleiðara heim á öll lögbýli
landsins verði með allra skilvirkustu byggðaaðgerðum síðari tíma. Nútímafólk
beinlínis krefst þess að slíkt sé í lagi og hefur engan áhuga á búsetu á svæðum
þar sem net- og símasambandi er ábótavant. Það á við Borgarfjörð eins og öll
önnur dreifbýl svæði þessa lands.
Magnús Magnússon.
Í síðustu viku kynntu nemendur
af umhverfisskipulagsbraut Land-
búnaðarháskóla Íslands landslags-
greinigarverkefni sem þeir unnu
um Hvalfjarðarsveit fyrir skipulags-
nefnd sveitarfélagsins. Þá leiddu
nemendur nefndina í gegnum hug-
myndir þeirra af möguleikum og
sóknarfærum í sveitarfélaginu.
„Það er áhugavert að eiga samtal
samfélags og háskóla, á því græða
allir,“ segir Helena Guttormsdótt-
ir brautarstjóri við umhverfisskipu-
lagsbraut LbhÍ. Á myndinni má sjá
hluta nemenda ásamt skipulags-
nefnd og umhverfis- og skipulags-
fulltrúa Hvalfjarðarsveitar. Hug-
myndir nemendanna má sjá í bak-
sýn. mm
Kynntu landslagsgreiningu í Hvalfjarðarsveit
Í ágústmánuði setti innanríkisráð-
herra af stað vinnu við að koma
í framkvæmd tillögum sem fram
koma í skýrslunni „Ísland ljóstengt
- landsátak í uppbyggingu fjar-
skiptainnviða“. Skýrslan var unn-
in af starfshópi um alþjónustu í
fjarskiptum og útbreiðslu háhraða
nettenginga hér á landi og er Har-
aldur Benediktsson alþingismaður
Sjálfstæðisflokksins í Norðvestur-
kjördæmi formaður starfshópsins.
„Þetta þýðir að ráðherra vill láta
reyna á hvernig mögulegt er að
koma af stað landsátaki í uppbygg-
ingu ljósleiðara sem kjarna í þings-
ályktunartillögu um fjarskipta-
áætlun til næstu fjögurra ára,“ seg-
ir Haraldur í samtali við Skessu-
horn. Eftir að skýrslunni var skil-
að snemma á þessu ári hefur ver-
ið unnið að því að skoða ávinning
af því að leggja ljósleiðara í sam-
starfi við raforkufyrirtæki lands-
ins. „Núna er þessi starfshópur
sem ég leiði að láta reyna á vilja
orkufyrirtækja að vinna með okk-
ur. Ef það verður ekki mun þurfa
að endurmeta stöðuna.“ Harald-
ur segir þó verða stutt við lands-
átak um uppbyggingu ljósleiðara
með einhverjum hætti. „Þá getur
regluverk fjarskiptamarkaðarins
létt undir, en að sama skapi getur
það líka tafið ef ekki er unnið eftir
þeim reglum.“
Í undirbúningi að tengja
fleiri byggðarlög
Lagning ljósleiðara er nú þegar haf-
in víðsvegar á Vesturlandi. Eyja- og
Miklaholtshreppur hefur lagt af stað
með lagningu og er vonast til að því
verki ljúki um áramótin. Þá er búið
að ljósleiðaravæða Hvalfjarðarsveit
og Helgafellssveit af sveitarfélögum
hér á Vesturlandi. Að sögn Harald-
ar er einnig að hefjast lagning ljós-
leiðara í Dalabyggð og á norðan-
verðu Snæfellsnesi. „Það er hluti af
svokölluðu hringtengiverkefni og
á lagnaleiðinni verður heimtauga-
kerfi byggt um leið, sem er þá af
frumkvæði íbúa og sveitarfélags og
í takti við tillögur Ísland ljóstengt.“
Hann bætir því við að nú sé í und-
irbúningi að tengja byggðarlög sem
hafa fleiri en fimmtíu íbúa með
ljósleiðara, samkvæmt eldri fjar-
skiptaáætlun. „Þannig verður aug-
lýstur styrkur til að tengja til dæmis
Rif og Drangsnes. Það verður von-
andi til þess að heimtaugar á þeirri
lagnaleið verði lagðar. Í fjárlaga-
frumvarpi eru tillögur um að leggja
300 milljónir í ljósleiðaraátak, það
eru kannski ekki miklir peningar en
við bíðum eftir umfjöllun um frum-
varpið og tillögum ráðherra um
átakið,“ segir Haraldur Benedikts-
son að endingu.
grþ
Látið reyna á samstarf við
raforkufyrirtæki í lagningu ljósleiðara
Haraldur Benediktsson, bóndi og alþingismaður, er formaður starfshóps um
alþjónustu í fjarskiptum. Ljósm. fh.
Skessuhorn greindi nýverið frá að
stofnuð hafi verið nokkurs konar
meistaradeild hestaíþrótta á Vest-
urlandi. Verkefnið er ekki á vegum
hestamannafélaganna í landshlut-
anum heldur er það hópur knapa af
svæðinu sem stendur að því. Verk-
efnið fékk í upphafi vinnuheitið
„Best of the best in the West“ en al-
mennt tala menn nú um Meistara-
deild Vesturlands. Deildin er hugs-
uð sem vettvangur fyrir sterkustu
hesta og knapa á svæðinu. Gerð er
krafa um að keppendur hafi náð 18
ára aldri og séu búsettir og/eða starfi
á Vesturlandi.
Stofnfundur deildarinnar var
haldinn mánudaginn 7. september
síðastliðinn þar sem framkvæmda-
nefnd var skipuð. Henni var falið að
gera kostnaðaráætlun, leita styrktar-
aðila og skipuleggja starfið. Nú þeg-
ar undirbúningur er hafinn hefur
Meistaradeild Vesturlands í hesta-
íþróttum óskað eftir að þeir sem
kunna að hafa áhuga á þátttöku í
deildinni í vetur setji sig í samband
við Arnar Ásbjörnsson á netfang-
ið arnarasbjorns@gmail.com fyr-
ir 1. október nk. Stefnt er að keppni
í fimm greinum hestaíþrótta á fjór-
um kvöldum í febrúar og mars. Fyr-
irhugaðar keppnisgreinar eru fjór-
gangur V1, fimmgangur F1, Tölt
T1, gæðingafimi og flugskeið.
mm
Meistaradeild Vesturlands stefnir á
keppni í febrúar og mars
Þar sem Meistaradeildin hefur ekki verið haldin áður, fylgir hér mynd af Fjórðungsmóti á Kaldármelum sumarið 2005. Hér
eru sigurvegararnir í töltkeppni.