Skessuhorn - 09.03.2016, Blaðsíða 2

MIÐVIKUDAGUR 9. MARS 20162
Skagamenn af erlendu bergi brotnir tóku til
máls á Rótarýdeginum á Akranesi og deildu
reynslu sinni af landi og þjóð, eins og sagt
er frá í Skessuhorni vikunnar. Bakgrunnur
framsögumanna var jafn ólíkur og þeir voru
margir. Fjölbreytileiki getur aðeins verið til
þess fallinn að auðga mannlífið. Munum að
taka fjölbreytileikanum fagnandi.
Það eru umhleypingar í kortunum. Spáð er
hvassviðri, suðaustan 18-23 m/s á morg-
un fimmtudag. Talsverð slydda eða rign-
ing fylgir þessu og hiti 0-7 stig. Snýst í suð-
vestan 13-18 m/s með snjókomu og síðan
éljum eftir hádegi og kólnar, fyrst vestan-
lands. Áframhaldandi suðvestanátt á föstu-
dag. 10-18 m/s og él, en úrkomulítið norð-
austanlands. Hægari sunnanátt og dregur
úr úrkomu með kvöldinu. Hiti nálægt frost-
marki. Á laugardag er útlit fyrir suðaustan
hvassviðri eða storm og talsverða rigningu.
Hiti 0-6 stig. Vestlægari átt um kvöldið með
éljum og kólnar í veðri. Ört vaxandi sunnan-
og suðaustanátt á sunnudag með rigningu
og hlýindum. Minnkandi suðvestanátt með
éljum á sunnudag. Kólnar í veðri.
Í síðustu viku var spurt á vef Skessuhorns:
„Hversu löngum tíma á dag verð þú á sam-
félagsmiðlum?“ Flestir, eða 39,72% sögðu
„0-1 klst.“ en „2-3 klst.“ sögðu 31,14%. „4-5
klst.“ sögðu 22,68% en 2,82% sögðu „6 klst.
eða lengur“. 3,64% þeirra sem tóku afstöðu
sögðust ekki skoða samfélagsmiðla.
Í næstu viku er spurt:
Hvernig ferðast þú til vinnu eða skóla á
morgnana?
Sigurfari - Sjósportsfélag Akraness var
stofnað síðastliðinn fimmtudag. Klúbburinn
var stofnaður að forgöngu Eyjólfs M. Eyjólfs-
sonar og sameinar í einu félagi áhugamenn
um hvers konar sjósport. Fyrir framtaks-
semi Eyjólfs er hann útnefndur Vestlending-
ur vikunnar.
Til minnis
Veðurhorfur
Spurning
vikunnar
Vestlendingur
vikunnar
Margir sækja um
starf sveitarstjóra
BORGARBYGGÐ: Á vef
Borgarbyggðar er greint frá því
að umsóknarfrestur um starf
sveitarstjóra er út runninn. 26
sóttu um starfið. Unnið verð-
ur úr umsóknum í samstarfi
við Hagvang sem hefur umsjón
með ráðningarferlinu. Um-
sækjendur eru: Ásgerður Drífa
Stefánsdóttir, Birgir Finn-
bogason, Einar Örn Thorla-
cius, Finnur Guðmunds-
son, Freyr Einarsson, Gunn-
ar Kristinn Þórðarson, Gunn-
ar Tr. Halldórsson, Gunnlaug-
ur Auðunn Júlíusson, Gunn-
ólfur Lárusson, Hermann Ott-
ósson, Hrannar Björn Arnars-
son, Inga Birna Ólafsdóttir,
Jón Pálmi Pálsson, Kristberg-
ur Ómar Steinarsson, Lárus
Páll Pálsson, Magnús Jóhann-
esson, María Sæmundsdóttir,
Ólöf Guðmundsdóttir, Sigur-
björg Kristmundsdóttir, Sig-
urður Már Eggertsson, Stein-
unn Guðmundsdóttir, Viðar
Viðarsson, Þorsteinn Gunn-
arsson, Þorsteinn Þorsteins-
son, Þórarinn Egill Sveinsson
og Þórey S Þórisdóttir.
-mm
Keppa í Skóla-
hreysti í dag
VESTURLAND: Grunn-
skólarnir á Vesturlandi taka
sem fyrr þátt í Skólahreysti,
hreystikeppni íslenskra grunn-
skólanemenda. Undankeppni
Vesturlandsriðilsins fer fram í
Garðabæ í dag, miðvikudag-
inn 9. mars klukkan 13. Ókeyp-
is er inn og mega allir sem vilja
mæta í Íþróttahús Stjörnunn-
ar í Garðabæ og hvetja sitt fólk.
Keppnin verður svo sýnd á RUV
í mars og apríl. Aðalstyrktarað-
ili Skólahreysti er Landsbank-
inn.
-mm
Upplýstu
innbrot hratt
og örugglega
HVALFJ.SV: Brotist var inn á
nokkrum stöðum í Hvalfirði í
liðinni viku og munum þar stol-
ið og unnar töluverðar skemmd-
ir á húsnæði. Í samvinnu hafa
lögreglan á Vesturlandi og lög-
reglan á Suðurlandi náð að upp-
lýsa hverjir voru þarna að verki
en viðkomandi höfðu einnig
brotist inn í hús á Suðurlandi.
-mm
Úrkoma og asa-
hláka þegar líður
á vikuna
LANDIÐ: Spáð er talsverðri
rigningu á sunnanverðu land-
inu á fimmtudag. Á laugardag
hlýnar mjög ört með suðaustan
stormi og talsverðri rigningu.
Því má gera ráð fyrir vatna-
vöxtum á sunnan- og vestan-
verðu landinu. Almannavarna-
deild ríkislögreglustjóra bið-
ur fólk um að sýna aðgát í ná-
grenni vatnsfalla og sérstaklega
ef fara þarf yfir ár, þar sem vöð
geta orðið varhugaverð. Þetta
verður fyrsta asahláka ársins
með mikilli úrkomu og leysing-
um svo að líklegt er að afrennsli
verði mjög mikið. -mm

STYÐJUM
FRAMLEIÐSLU Á
VESTURLANDI

OPIÐ DAGLEGA
12-17

Ljómalind Sveitamarkaður, Brúartorgi 4, Borgarnesi.
Sími 437-1400. Netfang: ljomalind@ljomalind.is
Síðdegis þriðjudaginn í liðinni
viku varð umferðaróhapp á Hey-
dalsvegi skammt sunnan við Bíld-
hól þegar bíl var ekið utan í hand-
rið á einbreiðri brú yfir Þverá.
Hreinsaði bíllinn handriðið með
sér við höggið. Bifreiðin endaði
á hliðinni og lokaði veginum um
stund. Dráttarbíll úr Búðardal var
fenginn til að sækja bifreiðina sem
er ónýt. Ökumaðurinn var einn í
bílnum og var hann fluttur á Heil-
brigðisstofnun Vesturlands í Búð-
ardal til aðhlynningar, marinn og
lítið eitt skorinn, en ekki alvarlega
slasaður.
sm
Ók á einbreiða brú á Heydalsvegi
Bíllinn hafnaði á hliðinni og þveraði veginn. Ljósm. Kristinn R. Guðlaugsson.
Á stjórnarfundi í Framfarafélagi
Borgfirðinga nýverið voru sam-
þykktar tvær áskoranir. Annars veg-
ar um fjarskiptamál og hins vegar
um íbúalýðræði.
Í uppsveitum Borgarfjarðar hef-
ur fátt gerst í fjarskiptamálum og
sjónvarpsmálum í mörg ár. Víða
um svæðið, Reykholtsdal og nær-
sveitir, liggur ljósleiðari og hefur
gert það í hálfan annan áratug án
þess að verða tengdur til gagns fyr-
ir íbúana. „Framfarafélagið og fleiri
aðilar á svæðinu hafa árum saman
minnt stjórnvöld á málið og reynt
að þrýsta á aðgerðir án árangurs.
Sömuleiðis hefur félagið reynt að
fá sveitarfélagið til liðs við íbúana
í þessu málefni. Á síðasta kjörtíma-
bili mun sveitarstjórn hafa tek-
ið upp viðræður við Mílu, en ekk-
ert hefur heyrst frekar af gangi
málsins. Bæði fyrirtæki og heim-
ili á svæðinu líða fyrir slæmt ástand
í fjarskiptamálum. Hér er litið svo
á að aðgangur að upplýsingasam-
félaginu og tengingar við umheim-
inn séu forsenda fyrir framþróun
nýrra atvinnutækifæra og heyri til
mannréttinda í nútíma samfélagi -
en því fari fjarri að íbúar landsins
njóti jafnræðis til þessara lífsgæða.
Framfarafélagið beinir þeim ein-
dregnu tilmælum til sveitarstjórnar
að leggjast nú af þunga á sveif með
íbúunum og knýja viðkomandi fyr-
irtæki og stjórnvöld til athafna.“
Áskorun um
lýðræðismál
Hins vegar skorar stjórn Fram-
farafélags Borgfirðinga á sveitar-
stjórn Borgarbyggðar að efna til
íbúaþinga og reglubundins samráðs
við íbúa í hinum dreifðu byggð-
um Borgarfjarðar um sameiginleg
hagsmunamál. „Félagið telur brýnt
að stigin verði skref í átt að nær-
lýðræði í héraðinu til að efla ein-
drægni og samheldni í sveitarfé-
laginu og koma í veg fyrir félagsleg
slys. Margt bendir til þess að ferða-
mennska stóreflist á næstu miss-
erum og víða í sveitum fjölgi ný-
framkvæmdum. Margvíslega breyt-
ingar munu óhjákvæmilega verða í
byggðunum og algerlega nauðsyn-
legt að samfélagið gangi allt í takt
við þarfir íbúanna. Þessar breyt-
ingar ættu að geta orðið öllu sveit-
arfélaginu til góðs og styrkt alla
innviðu – ef rétt er á spilum hald-
ið,“ segir í ályktun stjórnar Fram-
farafélags Borgfirðinga. mm
Ljósleiðari hefur m.a. verið lagður á tveimur stöðum í Reykholtsdal, en legið
ónotaður í meira en áratug. Þessi mynd var hins vegar tekin í Hvalfjarðarsveit en
þar var ljósleiðari tengdur öllum heimilum fljótlega eftir lagningu hans.
Skora á sveitarstjórn vegna
fjarskiptamála og íbúalýðræðis
„Samtökin Betra Akranes, óform-
leg samtök íbúa um betri byggð
á Akranesi, furða sig á ósamræmi
í stefnu bæjaryfirvalda Akraness.
Samtökin segja það skjóta skökku
við að láta skipuleggja glæsileg-
an miðbæ á Sementsreitnum svo-
kallaða, með áætlunum um íbúa-
byggð, útivistarsvæði, hótel og
nýtt ráðhús, en á sama tíma liggi
fyrir breytt deiliskipulag fyrir lykt-
armengandi hausaþurrkunarverk-
smiðju í næsta nágrenni. Samtökin
skora á bæjarstjórnina að ganga nú
þegar til samninga við HB Granda
um að leita lausna um annað stað-
arval fyrir verksmiðjuna, inn-
an bæjarfélagsins en fjarri íbúa-
byggð,“ segir í fréttatilkynningu
frá samtökunum.
„Betra Akranes fagnar nýgerð-
um samningi bæjarstjórnar við
ASK arkitekta um deiliskipulagn-
ingu Sementsreitsins, sem og þeim
metnaði og framtíðarsýn sem ljós
eru í áformum um uppbyggingu
í miðbænum. Að sama skapi lýsa
samtökin yfir furðu sinni á þeirri
ákvörðun bæjaryfirvalda að leggja
samtímis fram breytt deiliskipu-
lag á Breið, aðeins spölkorn frá
Sementsreitnum. Verði sú tillaga
samþykkt mun HB Grandi reisa
þar nýja og stærri lyktarmengandi
hausaþurrkunarverksmiðju í stað
þeirrar eldri, Laugafisks, sem hef-
ur verið umkvörtunarefni bæjarbúa
í hartnær fimmtán ár vegna lyktar-
mengunar. Vitað er að engin tækni
ræður við að gera slíka starfsemi
lyktarlausa. Það staðfesta óháðar
matsskýrslur sem bæði Akranesbær
og HB Grandi hafa látið vinna fyr-
ir sig. Gangi áætlanir HB Granda
eftir mun þessi verksmiðja verða
með þeim afkastamestu sinnar teg-
undar á Íslandi, með möguleika á
enn meiri stækkun.
Betra Akranes skorar því á bæj-
arstjórn að ganga nú þegar til
samninga við HB Granda að leita
lausna um annað staðarval fyrir
verksmiðjuna, innan bæjarfélags-
ins en fjarri íbúabyggð. Hafin er
undirskriftarsöfnum á vefnum
betraakranes.org þar sem bæjarbú-
ar eru hvattir til að lýsa stuðningi
sínum við þá áskorun samtakanna.
Aðstandendur Betra Akraness lýsa
yfir áhyggjum sínum af framtíð
bæjarins ef hausaþurrkunin fær að
starfa áfram í næsta nágrenni íbúa-
byggðar. Nær væri að leita lausnar
sem allir íbúar bæjarins gætu verið
sáttir við,“ segir í fréttatilkynningu
frá samtökunum Betra Akranes, en
ábyrgðarmenn þess eru skráðir
þeir Hörður Ó Helgason og Krist-
inn Pétursson.
mm
Vilja að bæjaryfirvöld leiti
lausna um annað staðarval