Skessuhorn - 27.04.2016, Page 4

MIÐVIKUDAGUR 27. APRÍL 20164
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.700 krónur með vsk. á mánuði. Elli- og örorkulífeyrisþegar greiða
kr. 2.340. Rafræn áskrift kostar 2.120 kr. Rafræn áskrift til elli- og örorkulífeyrisþega er 1.960 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Auglýsingar og dreifing:
Lísbet Sigurðardóttir lisbet@skessuhorn.is
Valdimar Björgvinsson valdimar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Þórarinn Ingi Tómasson toti@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Að öðlast betra líf
Síðastliðinn föstudag tók forseti Íslands fyrstu skóflustunguna að nýrri
tæplega þrjú þúsund fermetra meðferðarstöð sem reisa á að Vík á Kjal-
arnesi. Auk þeirra húsa sem fyrir eru verður eftir stækkunina rými fyrir
61 sjúkling. Allt er þetta jákvætt og ber að fagna, ef frá er talið að sam-
hliða því að framkvæmdum lýkur mun SÁÁ hætta starfsemi á Staðar-
felli í Dölum. Þrátt fyrir að ekki tapist mörg störf þá munar um hvert
eitt í ekki fjölmennara samfélagi. Það verður einnig eftirsjá af Stað-
arfelli fyrir fólkið sem þar hefur fengið bót meina sinna. Ég hef rætt
við nokkra karla sem á undanförnum árum hafa dvalið þar og láta þeir
afar vel af staðnum. Þar hafa þeir lært á tiltölulega afskekktum stað
úti í sveit að lifa lífinu upp á nýtt án Bakkusar. Umhverfið og ekki síst
náttúran hefur þar skipað veigamikið hlutverk enda hvar er betra að
efla hið jákvæða í sér til að vinna á því neikvæða, en einmitt úti í fal-
legri sveit fjarri ys og þys? Vonandi felast ný tækifæri í því að húsakost-
ur gamla húsmæðraskólans á Fellsströndinni verði nýttur undir annað.
Breytingar fela yfirleitt í sér tækifæri.
Margir eiga Samtökum áhugafólks um áfengis- og vímuefnavandann
mikið að þakka og þúsundir hafa farið í gegnum meðferð þar á þeim
tæplega fjóru áratugum sem liðnir eru frá því samtökin voru stofnuð. Á
þessum tíma hefur þekking á áfengissýki og vímuefnafíkn vaxið hröðum
skrefum. Munar þar mestu um undraverðar framfarir í þekkingu á upp-
byggingu og starfsemi heilans og áhrifum vímuefna á hann. Í kjölfarið
hefur áhugi heilbrigðisstarfsmanna á fíkn aukist sem aftur hefur leitt til
mikilla framfara í meðferð. SÁÁ hefur notfært sér þetta og miklar breyt-
ingar hafa orðið til batnaðar í áfengis- og vímuefnameðferðinni sem
samtökin bjóða upp á. Hjá samtökunum má segja að fólk endurheimti
lífið. Þar fá alkóhólistar stuðning til að vinna á áfengissýkinni. Ekki síður
geta aðstandendur þeirra einnig leitað hjálpar eftir sambúð með fárveik-
um einstaklingi. Hjálp sem alls ekki er sjálfgefið að sé yfir höfuð í boði. Á
Íslandi höfum við öll jafnan aðgang að áfengismeðferð hver svo sem stétt
okkar eða þjóðfélags staða er. Þar eru allir jafnir; þingmenn og þjónar,
bændur og bílstjórar, sjómenn og snyrtifræðingar. Á nokkrum stofnun-
um SÁÁ, til dæmis á Vogi og Vík, hafa nefnilega allir jafna möguleika á
að komast í meðferð og sækja sér hjálpar. Það eina sem þarf er viljinn til
að hætta að drekka eða nota þau efni sem viðkomandi hefur ánetjast.
Jafnvel þótt menn komist í gegnum þann pakka sem felst í edrú-
mennsku er það sjaldnast dans á rósum, frekar en lífið sjálft. Gengur
fólki því misjafnlega vel eftir að hinni eiginlegu meðferð lýkur og vissu-
lega tekst ekki öllum að ná tökum á sjálfum sér og tilverunni. Alkóhól-
ismi er svo flókið fyrirbæri. Bataleiðir þarf því að feta með stuðningi og
aðstoð annarra sem verið hafa í sömu sporum og skilja vandamálið. Það
er m.a. gert í gegnum AA samtökin sem líklega eru ein bestu mannrækt-
arsamtök sem til eru. Það eru forréttindi að geta leitað aðstoðar frá því
að vera virkur sjúklingur í að verða virkur þjóðfélagsþegn, með bæld-
an sjúkdóm. Batinn í tilfelli alkóhólistans er nefnilega aldrei endanleg-
ur. Miklu frekar lífsstíll sem fólk velur en þarf sífellt að minna sig sjálft á
það sem á undan er gengið. Fólk getur hins vegar lært að elska lífið upp
á nýtt. Að verða á ný nýtir þjóðfélagsþegnar en ekki byrði á sér og sín-
um. Af þessum sökum gleðst ég yfir því að SÁÁ hafi þrótt til að bæta að-
stöðu sína og leggja áfram grunn að bata þúsunda einstaklinga til að þeir
og fjölskyldur þeirra öðlist betra líf. Kaupum því álfinn næst þegar okk-
ur er boðinn hann.
Magnús Magnússon
Leiðari
Framkvæmdir við sundlaug Grund-
arfjarðar ganga vel þó að þær séu
lítillega á eftir áætlun. Gerðar voru
smávægilegar breytingar eftir að
verkið hófst. Það styttist þó í opn-
un og geta sundþyrstir Grundfirð-
ingar og ferðamenn fljótlega skellt
sér í nýja vaðlaug og potta og von-
andi baðað sig í sólinni innan tíðar.
Stefnt er á að hefja skólasund um
miðjan maí og að sundlaugin verði
opnuð almenningi í kringum 20.
maí, en það gæti þó breyst.
tfk
Styttist í lok framkvæmda
við Sundlaug Grundarfjarðar
Íbúðalánasjóður undirritaði í síð-
ustu viku samning við leigufélagið
Heimavelli um kaup fyrirtækisins á
139 fasteignum af sjóðnum í einu
lagi. Þar af eru 33 íbúðanna á Vest-
urlandi og Vestfjörðum. Heima-
vellir áttu hæsta tilboðið í íbúðirn-
ar í opnu söluferli sem hófst í des-
ember síðastliðnum. Í heild aug-
lýsti Íbúðalánasjóður 504 fasteignir
til sölu samtímis og skipti þeim upp
í fimmtán eignasöfn. Gátu allir sem
vildu boðið í eignirnar. „Alls bárust
kauptilboð frá 43 ólíkum aðilum í
eignirnar. Gengið verður frá sölu á
fleiri eignum á næstu dögum. Sala
íbúðanna 139 til Heimavalla mun
hafa jákvæð áhrif á afkomu Íbúðal-
ánasjóðs en söluverðmæti þeirra
nemur alls um 1,8 milljarði króna,“
segir í tilkynningu frá sjóðnum.
Jákvæð merki sjást á
landsbyggðinni
Eignirnar sem Heimavellir hafa
nú keypt af Íbúðalánasjóði eru í
fjórum eignasöfnum á Austfjörð-
um, Vestfjörðum og Vesturlandi.
Langflestar þeirra eru á Austfjörð-
um. Tilboðsgjafar í eignirnar hafa
talið að jákvæð merki sem nú sjá-
ist á landsbyggðinni, breyting-
ar í atvinnurekstri, fjölgun ferða-
manna og meira framboð afþrey-
ingar muni styðja við þessi svæði.
Innkoma traustra leigufélaga mæti
mikilli eftirspurn sem verið hefur
eftir leigueignum á þessum stöðum
að undanförnu. Það hefur verið yf-
irlýst stefna Íbúðalánasjóðs að losa
um meirihluta fasteigna sjóðsins á
þessu ári. Sjóðurinn fór í framhald-
inu í frekari samningaviðræður við
tilboðsgjafa sem áttu hæstu tilboð
í önnur eignasöfn. Nú þegar hef-
ur verið gengið að tilboðum í 356
eignir af þeim 504 sem auglýstar
voru og er söluverð þeirra um 6,4
milljarðar króna.
„Þessi samningur er afar jákvæð-
ur fyrir nokkur bæjarfélög á lands-
byggðinni. Með honum er leyst úr
því óvissuástandi sem verið hef-
ur um þessar eignir nú þegar þær
komast í hendur framtíðareigenda.
Ég fagna því hve mikil þátttaka var
af hálfu fjárfesta og okkur virðist
Íbúðalánasjóður fá gott verð með
því að selja eignirnar í opnu sölu-
ferli. Þá er mikilvægt að þessi sala
hefur jákvæð áhrif á afkomu sjóðs-
ins,“ segir Hermann Jónasson, for-
stjóri Íbúðalánasjóðs.
mm
Heimavellir kaupa 33 íbúðir á
Vestfjörðum og Vesturlandi
„Auka má öryggi ferðafólks mik-
ið með uppsetningu og kynningu
björgunarlykkju, svokölluðu Björg-
vinsbelti, við áfangastaði þar sem
hætta getur verið á drukknun, svo
sem við sjó, vötn og ár. Því hefur
Slysavarnafélagið Landsbjörg, auk
tryggingafélagsins Sjóvár og Vega-
gerðinni, tekið höndum saman um
að setja upp slíkan öryggisbúnað
víða. Í fyrsta áfanga á 100 stöðum
í sumar. Vinnuhópur hefur áhættu-
greint og forgangsraðað stöðum
við þjóðvegi landsins með tilliti til
drukknunarhættu. Þessir 100 stað-
ir, sem fjölsóttir eru af íbúum og er-
lendu sem innlendu ferðafólki, voru
settir í fyrsta forgang og hafist verð-
ur handa við að setja upp björgun-
arlykkjur á þeim í þessum mánuði.
Vegagerðin mun taka að sér upp-
setninguna. Einnig er í bígerð að
gefa búnað í lögreglubifreiðar og til
slökkviliða. mm
Björgunarlykkjur settar upp á hundrað stöðum
Notkun björgunarlykkjunnar sýnd við Jökulsárlón í síðustu viku þegar verkefnið
var kynnt.
Það vakti athygli þegar bygginga-
krana nokkrum var komið fyrir
niðri á hafnarsvæði í Grundarfirði
í vikunni sem leið. Þetta mun vera
í fyrsta skipti í sögu Grundarfjarð-
ar að slíkt verkfæri verður brúkað.
Kraninn verður settur upp við nýju
spennustöðina fyrir ofan iðnaðar-
svæðið þar sem hann mun gegna
sínu hlutverki meðan bygginga-
framkvæmdir standa yfir. Gárung-
arnir segja að nú loksins sé góðær-
ið komið til Grundarfjarðar, enda
mæla margir slíkt með fjölda bygg-
ingakrana á lofti.
tfk
Góðærið komið í Grundarfjörð