Skessuhorn - 27.04.2016, Qupperneq 16

MIÐVIKUDAGUR 27. APRÍL 201616
Kl. 10–12 Hátíðarsalur Snorrastofu
í Héraðsskólahúsi og Nítjándu aldar kirkja
Börn í grunnskólum Vesturlands sýna verk,
sem orðið hafa til í námi þeirra um Snorra
Sturluson og samtíð hans:
Söngur, ljóðalestur, leikþættir, myndlist,
miðaldafatnaður
Kl. 12–13 Hádegishressing
Kl. 13–16 Miðaldasmiðjur úti
og inni í Reykholti
Nemendahópurinn fer á milli og tekur
þátt smiðjustörfum:
Matarsmiðja, ritsmiðja, eldsmiðja, ratleikur
Kl. 16 Heimferð
Snorrastofa í Reykholti
Þriðjudagurinn 3. maí 2016
Miðaldalíf
á Barnamenningarhátíð
Snorrastofa, menningar- og miðaldasetur í Reykholti
Sími 433 8000
www.snorrastofa.is
snorrastofa@snorrastofa.is
Tónlistarfélag Borgarfjarðar var
stofnað árið 1966 og fagnar hálfr-
ar aldar afmæli um þessar mundir.
Af því tilefni verður boðið til tón-
listarveislu í Borgarnesi á upps-
tigningardag 5. maí næstkomandi.
Haldnir verða alls tíu tónleikar
sem allir hefjast á heila tímanum.
Veislan hefst kl. 11 með söng
karlakórsins Söngbræðra í sam-
komusal Brákarhlíðar. Stjórnandi
er Viðar Guðmundsson. Klukkan
12 leikur Birgir Þórisson djass- og
rokkskotna tónlist á barónsflygil-
inn í Safnahúsinu og kl. 13 flytja
kennarar og nemendur kveðju frá
Tónlistarskóla Borgarfjarðar í sal
skólans. Reykholtskórinn tekur
ásamt kór Borgarneskirkju þátt í
guðsþjónustu kl. 14 en þar verður
flutt Þýsk messa eftir Schubert við
íslenskan texta Jóns Björnssonar
fyrrum organista við Borgarnes-
kirkju. Branddís Margrét Hauks-
dóttir og Zsuzsanna Budai flytja
létt sönglög í Landnámssetri kl.
15 og kl. 16 verður söngstund í
Brákarhlíð í umsjón Bjarna Guð-
mundssonar og Snorra Hjálmars-
sonar þar sem m.a. verður boðið
upp á fjöldasöng.
Þá taka við þrennir tónleikar
í Borgarneskirkju. Fjórar ungar
söngkonur, þær Ásta Marý Stef-
ánsdóttir, Hanna Ágústa og Sig-
ríður Ásta Olgeirsdætur og Stein-
unn Þorvaldsdóttir flytja sönglög,
aríur og dúetta við undirleik Jón-
ínu Ernu Arnardóttur í Borgar-
neskirkju kl. 17. Steinunn Árna-
dóttir organisti leikur verk eftir
Jón Ásgeirsson, Buxtehude, Bach
og Mendelssohn kl. 18 og loks
syngja Freyjukórinn og Gleðigjaf-
ar kl. 19 undir stjórn Zsuzsönnu
Budai og við undirleik Sigurðar
Jakobssonar. Dagskránni lýkur svo
með tónleikum sem hefjast kl. 20
í Landnámssetri. Þar flytur Soffía
Björg Óðinsdóttir ásamt hljóm-
sveit sinni frumsamda tónlist.
Aðgangur að tónleikunum er
ókeypis og eru allir velkomnir,
segir í tilkynningu frá félaginu.
Sjá nánar um afmæli Tónlist-
arfélags Borgarfjarðar í viðtali
við Jónínu Eiríksdóttur aftar í
blaðinu.
mm
Tónlistarveisla á hálfrar aldar
afmæli Tónlistarfélagsins
Eva Hlín Alfreðsdóttir hefur verið
ráðin verkefnastjóri Unglingalands-
móts UMFÍ sem fram fer í Borgar-
nesi um verslunarmannahelgina.
Hún mun vinna að skipulagningu
mótsins með Ómari Braga Stefáns-
syni, landsfulltrúa og framkvæmda-
stjóra landsmóta UMFÍ. Eva Hlín
er á heimavelli í Borgarnesi en hef-
ur búið í Borgarbyggð undanfarinn
áratug. Hún lauk námi í viðskipta-
fræði við Háskólann á Bifröst með
áherslu á markaðssamskipti vorið
2015. Þar af var hún eitt ár í skipt-
inámi í Otaru í Japan. Þangað flutti
hún með manni sínum og tveim-
ur börnum. Þriðja barnið fæddist
ytra.
Eva Hlín kveðst spennt fyr-
ir verkefninu. „Það er gaman að fá
tækifæri til að taka þátt í stóru og
mikilvægu innanbæjarverkefni á
borð við Unglingalandsmót UMFÍ.
Það eru mörg tækifæri í Borgarnesi
og nauðsynlegt að fá bæjarbúa til að
taka þátt í þessu skemmtilega og já-
kvæða verkefni,“ segir hún.
Unglingalandsmót UMFÍ er
vímulaus íþrótta- og fjölskylduhá-
tíð sem haldin er um verslunar-
mannahelgina á hverju ári. Mótin
eru haldin til skiptis víðsvegar um
landið. Unglingalandsmót er opið
öllu ungu fólki á aldrinum 11-18
ára. Allir geta tekið þátt í mótinu,
óháð hvort viðkomandi er í ein-
hverju íþróttafélagi eða ekki. Móts-
gjald er 7.000 krónur á hvern ein-
stakling 11-18 ára sem skráir sig
til keppni. Í Borgarnesi er ljóm-
andi góð keppnisaðstaða fyrir all-
ar keppnisgreinar og mörg keppn-
issvæði liggja mjög þétt. Skráning
á mótið hefst 1. júlí 2016 og lýkur
um miðnætti laugardaginn 23. júlí.
mm/jab
Eva Hlín ráðin verkefnastjóri
Unglingalandsmóts
Meistaraflokkur grundfirskra
kvenna í blaki hélt kótilettukvöld í
sal Fjölbrautaskóla Snæfellinga síð-
asta vetrardag. Þetta er liður í fjár-
öflun liðsins og hefur verið haldið
áður við góðan orðstír. Góð mæt-
ing var á samkomuna enda kótilett-
ur í raspi með kartöflum, smjöri og
grænum baunum herramanns mat-
ur. Boðið var upp á grínmyndbönd,
söngatriði og teningaspil þar sem
hægt var að vinna sér inn drykkjar-
föng að eigin vali. Það er því ljóst
að gestir hafi gengið vel mettir til
svefns þennan síðasta vetrardag.
tfk
Kvöddu vetur á
kótilettukvöldi