Skessuhorn - 27.04.2016, Qupperneq 26

MIÐVIKUDAGUR 27. APRÍL 201626
Knattspyrnusumarið 2016 er í þann
mund að hefjast. Sunnudaginn 1.
maí rúllar boltinn af stað þegar fjór-
ir leikir verða leiknir í Pepsí deild
karla. Vestlendingar eiga tvo fulltrúa
í efstu deild karla þetta sumarið; ÍA
og Víking Ólafsvík. Bæði hefja leik
á útivelli á sunnudagskvöld. Víking-
ar fara í Kópavoginn og heimsækja
Breiðablik en Skagamenn halda út
til Eyja þar sem þeir mæta ÍBV.
Víkingar áttu frábært tímabil í 1.
deildinni í fyrra, hrifsuðu efsta sæt-
ið þegar þrjár umferðir voru eftir
og tryggðu sér þar með öruggt sæti
í deild þeirra bestu. Nú leika Ólafs-
víkingar í efstu deild öðru sinni á
fjórum árum og jafnframt í annað
sinn í sögu félagsins.
Skagamenn eru á sínu öðru tíma-
bili í Pepsí deildinni. Þeir höfnuðu í
7. sæti síðasta sumar og höfðu tryggt
áframhaldandi veru sína í deild
þeirra bestu þegar tveir leikir voru
eftir af mótinu. Það voru hins veg-
ar FH-ingar sem hömpuðu Íslands-
meistaratitlinum.
Getspakir gera sér það gjarnan að
leik að reyna að skyggnast inn í fram-
tíðina. Víða hafa birst spár um gengi
liða á komandi Íslandsmóti. Alla
jafnan sjá spámennirnir Vesturlands-
liðin nær botninum en fjær; nýlið-
um Víkings er víðast hvar spáð falli
en ÍA fallbaráttu. En enginn þess-
ara spámanna er Nostradamus sjálf-
ur og því geta Vestlendingar leyft sér
að vona að bæði Víkingur og ÍA geri
betur en spámenn þykjast sjá. Þjálf-
arar liðanna eru í það minnsta stað-
ráðnir í að gera vel í sumar og bíða
komandi tímabils með eftirvænt-
ingu. Skessuhorn ræddi við þá Ejub
Purisevic, þjálfara Víkings og Gunn-
laug Jónsson, þjálfara ÍA.
kgk
Boltinn rúllar af stað
um næstu helgi
Knattspyrnusumarið 2016 hefst
formlega sunnudaginn 1. maí næst-
komandi þegar leiknir verða fjórir
leikir í Pepsí deild karla. ÍA er á sínu
öðru tímabili í deild þeirra bestu, en
liðið hafnaði í 7. sæti í fyrra og þyk-
ir það góður árangur hjá nýliðum.
Skagamenn mæta ÍBV á Hásteins-
velli í Vestmannaeyjum í fyrsta leik
sumarsins. Gunnlaugur Jónsson,
þjálfari Skagamanna, var bjartsýnn
þegar blaðamaður Skessuhorns
heyrði í honum hljóðið á mánu-
dag. „Mér líst bara vel á þetta. Það
er alltaf gaman þegar stutt er í mót
og við hlökkum til að taka slag-
inn,“ segir Gunnlaugur og mark-
mið sumarsins er skýrt. „Markmið-
ið er að festa okkur enn betur í sessi
í þessari deild. Við náðum 7. sætinu
síðast og vonandi getum við byggt
ofan á það og lagt grunn að frek-
ari velgengni Skagaliðsins á næstu
árum,“ segir Gunnlaugur.
Sáttur með
undirbúningstímabilið
Þjálfarinn kveðst heilt yfir sáttur við
gengi liðsins á undirbúningstíma-
bilinu, liðið vann til að mynda þrjá
af fimm leikjum Lengjubikarsins,
gerði eitt jafntefli og tapaði einum.
„Ég er nokkuð sáttur við Lengju-
bikarinn en auðvitað ósáttur að við
skyldum glutra niður frábæru tæki-
færi til að vinna Hauka. Þar vorum
við 3-0 yfir og það var klaufaskap-
ur að missa þann leik í jafntefli. Það
gerði vonir okkar um að komast í
átta liða úrslit heldur veikari. Við
snerum þó við taflinu, unnum Vík-
ing R. í síðasta leiknum og það var
aðeins á betri markatölu sem KR
fór áfram en ekki við,“ segir Gunn-
laugur. „En heilt yfir er ég ánægð-
ur með spilamennsku liðsins á und-
irbúningstímabilinu. Þó við höfum
tapað síðasta æfingaleiknum á móti
Selfossi þá voru hlutir í þeim leik
sem voru í fínu lagi. Við sköpuð-
um okkur mikið af færum og sigur-
markið þeirra var mjög ódýrt,“ seg-
ir hann.
Nokkur meiðsli hafa hrjáð hóp
ÍA á undirbúningstímabilinu.
Gunnlaugur á hins vegar ekki von
á að menn verði lengi frá til viðbót-
ar og mæti klárir í fyrsta leik eða
snemma móts. „Eins og hjá fleiri
liðum hafa leikmenn okkar átt í
nokkrum meiðslum undanfarið.
Garðar Gunnlaugs spilaði reyndar
90 mínútur í síðasta leik og það er
mikilvægt að fá hann inn fyrir mót.
Hann hafði verið dálítið frá þar á
undan. Ásgeir Marteins var óhepp-
inn að handarbrotna um daginn en
hann ætti að vera kominn á fulla
ferð í næstu viku. Svo styttist óðum
í Hall Flosa en að öðru leyti eru lítil
meiðsli í hópnum,“ segir hann.
Leita að miðjumanni
Kjarni ÍA liðsins er sá hinn sami og
síðasta sumar. Liðið heldur lykil-
mönnum sínum frá því í fyrra en
hefur ekki bætt við mörgum leik-
mönnum utan frá. Áfram verð-
ur því lögð áhersla á að sækja leik-
menn í yngri flokka starfið. „Við
höfum fengið öfluga stráka upp
í vetur sem hafa staðið sig feyki-
lega vel. Þannig höfum við styrkt
hópinn og það er okkar trú að þeir
muni fá sénsinn í sumar og geti
sett pressu á þá sem fyrir eru,“ seg-
ir Gunnlaugur. Einu leikmenn-
irnir sem koma frá öðrum liðum
eru miðvörðurinn Andri Geir Al-
exandersson, sem gengur aftur til
liðs við uppeldisfélagið frá HK,
og norski sóknarmaðurinn Mart-
in Hummervoll sem kemur á láni
frá Viking í Stafangri. „Þeir munu
að sjálfsögðu styrkja liðið,“ segir
Gunnlaugur, „en við höfum gefið
það út að við erum að leita að ein-
um miðjumanni,“ bætir hann við
en segir ekkert benda til þess að sá
leikmaður bætist við hópinn fyrir
mót, eins og staðan er í dag. „Það
er alveg skýrt að við viljum ekki
taka inn mann bara til að taka inn
mann. Hann þarf að styrkja liðið og
koma með eitthvað nýtt. Við höf-
um skoðað marga leikmenn en ekki
fundið þann rétta. Félagaskipta-
glugginn lokar ekki fyrr en 15. maí
og við verðum bara að sjá til hvort
við finnum rétta leikmanninn fyrir
þann tíma,“ segir Gunnlaugur.
Uppleggið svipað
og síðast
Skagamenn lögðu upp með það
síðasta sumar að liggja til baka og
beita löngum spyrnum fram völl-
inn. Liðið býr vel að eiga mark-
vörðinn Árna Snæ Ólafsson, sem
er að öðrum ólöstuðum einn af
betri spyrnumönnum deildarinnar.
Gaf leikstíll liðsins góða raun heilt
yfir, 7. sætið var staðreynd sem
er betri árangur en bjartsýnustu
menn þorðu að spá þáverandi ný-
liðum. Gunnlaugur segir að á kom-
andi sumri verði uppleggið af svip-
uðum toga. „Við höfum auðvitað
reynt að þróa leik liðsins en vissu-
lega erum við með mjög öflugan
markmann sem er dálítið öðruvísi
en gengur og gerist í þessari deild.
Hans styrkleika munum við klár-
lega nýta áfram. Hinum megin á
vellinum erum við með Garðar,
sem er að mínu mati besti „target“
maðurinn í þessari deild. Þegar vel
tekst til skapar það mikinn usla að
hann fái boltann framarlega á vell-
inum. Síðan erum við með öfluga
leikmenn í kringum hann sem geta
brotið leikinn upp,“ segir Gunn-
laugur. „Við munum því byggja
áfram á öflugum varnarleik og
reyna að stríða andstæðingum okk-
ar með skyndisóknum. Það reynd-
ist vel í fyrra og hefur gefið góða
raun á undirbúningstímabilinu, lið-
ið hefur skorað mikið í vetur. Þann-
ig að við erum bara brattir og von-
andi getum við að auki komið and-
stæðingum okkar á óvart með nýj-
um hlutum,“ bætir hann við.
Gunnlaugur vill að lokum hvetja
Skagamenn til að fylkja sér á bak-
við liðið í sumar. „Ég vona að það
skapist stemning í kringum lið-
ið, að fólk mæti á völlinn og styðji
strákana áfram í blíðu og stríðu.
Við gerum okkur grein fyrir að
það getur komið bakslag. Þess
vegna þurfum við að eiga gott bak-
land í fólkinu í bænum og stuðn-
ingsmönnum liðsins,“ segir Gunn-
laugur Jónsson, þjálfari Skaga-
manna.
kgk/ Ljósm. Guðmundur Bjarki.
Gunnlaugur Jónsson þjálfari ÍA:
„Markmiðið er að festa okkur enn
betur í sessi í þessari deild“
Gunnlaugur Jónsson.
Garðar Gunnlaugsson er einn af lykilmönnum ÍA. Hann hefur glímt við meiðsli á
undirbúningstímabilinu en útlit er fyrir að hann verði klár í slaginn þegar deildin
hefst á sunnudaginn.
Ármann Smári Björnsson fyrirliði átti frábært tímabil í fyrra í hjarta varnarinnar.