Skessuhorn - 11.05.2016, Qupperneq 10

MIÐVIKUDAGUR 11. MAÍ 201610
Styrktarsjóður Kiwanisumdæm-
isins Ísland/Færeyjar og Kiwanis-
klúbbarnir Elliði, Eldey, Esja, Hekla
og Dyngja gáfu í síðustu viku Lu-
cas2 hjartahnoðtæki til notkun-
ar í þyrlum Landhelgisgæslunnar.
Fór afhendingin fram á þyrlupall-
inum við Landspítalann í Fossvogi.
Georg Kristinn Lárusson forstjóri
Landhelgisgæslunnar veitti tækinu
viðtöku fyrir hönd Landhelgisgæsl-
unnar ásamt áhöfnum þyrla Land-
helgisgæslunnar. Tækið sem Kiwan-
is gaf mun skipta sköpum í umönn-
un sjúklinga um borð í þyrlunum.
Tækið sem kostar á þriðju milljón
króna hefur verið í notkun víða um
land með afar góðum árangri, þar
af í sjúkrabifreiðum á Vesturlandi.
Tækið getur leyst af hólmi einn
mann um borð í þyrlunum þeg-
ar endurlífgun á sér stað, sem ann-
ars hefði þurft að sinna hjartahnoði.
Getur hann þá sinnt öðrum málum
í tengslum við umönnun sjúklinga
um borð. Tækið veitir alltaf jafnt
og gott hnoð og þreytist ekki, ólíkt
mannshöndinni. Tækið er færan-
legt milli véla sem eykur enn frekar
notagildi þess. mm
Kiwanis gaf hjartahnoðtæki í
þyrlur Landhelgisgæslunnar
Starfsmenn Landhelgisgæslunnar og Landsspítalans ásamt Kiwanisfólki við TF-
LÍF, eina af þyrlum Landhelgisgæslunnar á þyrlupallinum í Fossvogi.
Starfsfólk Veitna mun á tíma-
bilinu 10. til 20. maí tengja nýja að-
veitustöð rafmagns við rafdreifi-
kerfið á Akranesi. Húsin í bæn-
um verða rafmagnslaus tímabund-
ið meðan spennustöðvar og streng-
ir verða tengdir við nýju aðveitu-
stöðina. Rafmagnslaust getur orð-
ið frá hálfri klukkustund upp í tvo
tíma hjá hverjum viðskiptavini.
Tengingarnar verða gerðar í um 50
áföngum og afmarkað svæði verð-
ur rafmagnslaust við hverja teng-
ingu. Nánari upplýsingar um tíma-
setningu verða veittar á heimasíð-
unni www.veitur.is og á Fésbókar-
síðu fyrirtækisins. Þegar nær dreg-
ur verða einnig send SMS skilaboð
til íbúa hvers svæðis. Fólki er bent á
að skrá farsímanúmer sín á Mínum
síðum á vefnum, hafi það ekki gert
það nú þegar. Þá kveðst fyrirtækið
einnig senda dreifibréf í hús.
„Við vonumst til að truflan-
ir vegna rafmagnsleysis verði sem
minnstar og að Akurnesingar sýni
verkefninu skilning. Nýja að-
veitustöðin er við Smiðjuvelli 24
og leysir af hólmi gömlu aðveitu-
stöðina við Þjóðbraut 44. Hafir
þú spurningar eða ábendingar um
þessa framkvæmd ekki hika við að
hafa samband í síma 516 6000 eða
sendu okkur ábendingu eða fyrir-
spurn á vefnum okkar www.veitur.
is,“ segir í tilkynningu.
mm
Hús á Akranesi tengd við nýja
aðveitustöð rafmagns
Afmælisþing Íþróttabandalags
Akraness fór fram þriðjudaginn
3. maí síðastliðinn. Þingið var
vel sótt en um var að ræða 72.
ársþing ÍA. Á þinginu var Helga
Sjöfn Jóhannesdóttir kjörin for-
maður ÍA og er hún fyrsta kon-
an í 70 ára sögu félagsins til að
gegna því embætti. Helga Sjöfn
er fædd árið 1985, hún er Skaga-
maður í húð og hár og ólst upp á
Akranesi þar sem hún æfði knatt-
spyrnu með ÍA frá unga aldri.
„Ég spilaði upp alla yngri flokk-
ana og upp í meistaraflokk. Ég
fór reyndar til Reykjavíkur og
spilaði þar þegar kvennaboltinn
var lagður niður hér en kom svo
aftur til baka og spilaði með fé-
laginu,“ segir Helga Sjöfn sem
síðast lék með meistaraflokki
kvenna árið 2014. Einnig æfði
hún sund fram á unglingsaldur.
Helga Sjöfn er þriggja barna
móðir, búsett á Akranesi og starf-
ar sem sjúkraþjálfari á Reykja-
lundi. Hún kom fyrst inn í stjórn
ÍA fyrir tveimur árum og hef-
ur gegnt hlutverki varaformanns
síðastliðin tvö ár. Hún seg-
ir miklar og jákvæðar breyting-
ar hafa orðið á íþróttastarfinu hjá
félaginu á þessum tveimur árum.
„Sigurður Arnar hristi vel upp
í öllu starfinu eftir að hann tók
við sem formaður. Við höfum
unnið mikið í innra starfinu og
lagt áherslu á að auka samvinnu
milli aðildarfélaga. Við teljum
það mjög mikilvægt að félögin
spili og æfi undir merkjum ÍA og
séu dugleg að halda ÍA merkinu
á lofti,“ segir Helga Sjöfn. Hún
segir að helstu áherslur verði því
að halda áfram með það starf sem
unnið hefur verið að á undan-
förnum árum. „Ég hef líka mik-
inn áhuga á að vinna með barna-
og unglingastarfið, að félögin
vinni bæði með afreks- og upp-
eldisstarf, hvoru tveggja er mjög
mikilvægt. Maður hefur feng-
ið aðra sýn á þetta eftir að hafa
eignast börn sjálfur.“
Breytingar
á Vesturgötu
Af verkefnum sem framundan
eru hjá íþróttabandalaginu nefn-
ir Helga Sjöfn að til standi að ÍA
fari í stefnumótandi vinnu með
Akraneskaupstað. „Þar verð-
ur farið yfir alla gildandi samn-
inga og farið yfir samstarf tengt
íþróttamálum á Akranesi. Það var
haldið afmælisþing núna og því
meira gert úr þinginu en vana-
lega. Þingið var á léttari nótum
en verið hefur, skemmtiatriði og
minna af formlegheitum. Í tilefni
af 70 ára afmælinu var nýverið
opnuð ný heimasíða en sú gamla
var orðin úr sér gengin.“ Þá nefn-
ir hún að töluverðar breytingar
séu framundan í íþróttahúsinu
við Vesturgötu en íþróttahúsið
fagnar einnig afmæli í ár. „Þar
stendur til að gera þjónustumið-
stöð þar sem íþróttafulltrúi okk-
ar mun hafa aðsetur. Svo ætlum
við að lífga upp á Vesturgötuna,
en við erum að vinna í að setja
upp ÍA myndir á veggi. Vonandi
næst að klára þessar breytingar
fyrir næsta haust. Mörg stór mót
verða haldin á Akranesi í sum-
ar, t.d. er Norðurálsmótið hand-
an við hornið og Aldursflokka-
meistaramót Íslands í sundi verð-
ur haldið hér í lok júní en það er
stærsta mót sem sundfélagið hef-
ur haldið,“ segir Helga Sjöfn ný-
kjörinn formaður ÍA.
grþ
Helga Sjöfn kjörin
formaður ÍA fyrst kvenna
Helga Sjöfn Jóhannesdóttir.
Þriðjudaginn 3. maí var 72. ársþing
Íþróttabandalags Akraness hald-
ið. Var það vel sótt, enda fagnar ÍA
70 ára afmæli á þessu ári. ÍA kórinn
söng tvö lög í tilefni stórafmælis-
ins, sem og Símon Orri Jóhannsson
og Halla Margrét Jónsdóttir. Sig-
urður Arnar Sigurðsson og Helga
Sjöfn Jóhannesdóttir gerðu í sam-
einingu grein fyrir ársskýrslu ÍA og
fóru yfir það helsta í starfinu á liðnu
ári. Heildarvelta ÍA nam rúmlega
385 milljónum króna á síðasta ári og
er reksturinn í jafnvægi. Hagnaður
varð á rekstri íþróttabandalagsins
sem nemur tæpum 7,8 milljónum
króna. Auk þess á ÍA um 30 millj-
ónir króna í sjóði. Verður rekstraraf-
komu síðasta árs ráðstafað til endur-
bóta og viðhaldi á húsnæði og tækja-
kosti aðildarfélaga en fé úr sjóðum
ÍA verður ráðstafað til tækjakaupa
þegar til nýframkvæmda kemur.
Framkvæmdastjórn ÍA ákvað í til-
efni af 70 ára afmælinu að veita öll-
um sínum aðildarfélögum afmælis-
styrk að upphæð 70 þúsund krón-
ur. Einnig voru veittir afreksstyrk-
ir að upphæð 150 þúsund krón-
ur til Ágústs Júlíussonar, Valdísar
Þóru Jónsdóttur og Egils G. Guð-
laugssonar, en þau höfnuðu í þrem-
ur efstu sætunum í kjörinu á íþrótta-
manni Akraness fyrir árið 2015.
Klifurfélag ÍA var samþykkt sem
18. aðildarfélag ÍA og einnig var
samþykkt að Sigurfari - Sjósports-
félag Akranses færi í umsóknarferli
um aðild að íþróttabandalaginu.
Fyrsta konan
kjörin formaður
Á ársþinginu var Helga Sjöfn Jó-
hannesdóttir kjörin formaður ÍA
og er hún fyrsta konan í 70 ára sögu
félagsins til þess að gegna því emb-
ætti. Hér á síðunni má einmitt lesa
stutt viðtal við Helgu Sjöfn. Aðrir í
framkvæmdastjórn ÍA eru Sigurð-
ur Arnar Sigurðsson, Karitas Jóns-
dóttir, Svava Huld Þórðardóttir og
Marella Steinsdóttir. Til vara voru
kjörnir Þráinn Haraldsson og Pálmi
Haraldsson.
Ingi Þór Ágústsson, fulltrúi ÍSÍ,
ávarpaði þingið og færði ÍA afmæl-
isgjöf frá ÍSÍ. Hann notaði tækifærið
og sæmdi Halldór Fr. Jónsson gull-
merki ÍSÍ fyrir áratuga störf hans í
þágu íþróttahreyfingarinnar á Akra-
nesi.
Þá voru eftirtaldir sæmdir banda-
lagsmerki ÍA fyrir langt og farsælt
starf tengt íþróttamálum á Akra-
nesi: Laufey Sigurðardóttir, Erna
Sigurðardóttir, Anna Guðbjörg
Lárusdóttir, Guðmundur Sigurðs-
son, Jónína Magnúsdóttir, Katr-
ín Leifsdóttir, Heiðbjört Kristjáns-
dóttir, Grétar G. Guðnason, Hild-
ur Karen Aðalsteinsdóttir, Ólaf-
ur Óskarsson, Jóhannes Helgason,
Jón Þór Þórðarson, Petrea Emilía
Pétursdóttir og Gunnlaugur Sölva-
son.
Regína Ásvaldsdóttir bæjarstjóri
ávarpaði einnig þingið og færði ÍA
gjöf frá Akraneskaupstað að verð-
mæti 500 þúsund krónur. Rennur
gjöfin í Minningarsjóð Guðmund-
ar Sveinbjörnssonar til styrktar efni-
legu íþróttafólki og þjálfurum hjá
ÍA.
jþþ/kgk
Rekstrarafkoma ÍA jákvæð
um tæpar átta milljónir
Halldór Fr. Jónsson var sæmdur gullmerki ÍSÍ fyrir áratugastarf í þágu íþróttahreyf-
ingarinnar á Akranesi.
Ársþingið var afar vel sótt.
ÍA kórinn tók lagið í tilefni sjötugsafmælis íþróttabandalagsins.