Skessuhorn - 15.06.2016, Page 30

MIÐVIKUDAGUR 15. JÚNÍ 201630
„Hver er uppáhalds
knattspyrnumaðurinn þinn?“
Spurning
vikunnar
(Spurt á Norðurálsmótinu
á Akranesi)
Sigursveinn Valdimar (KR):
„Cristiano Ronaldo“
Kristján Andri (Afturelding):
„Lionel Messi“
Egill Valur (HK):
„Gylfi Þór Sigurðsson“
Erling Hólm (Valur):
„Zlatan Ibrahimovic“
Einar Örn (Stjarnan):
„Cristiano Ronaldo“
Kári sigraði KFR
Kári spilað sinn fjórða leik í
þriðju deild karla í knattspyrnu
um helgina þegar spilað var
við Knattspyrnufélag Rang-
æinga (KFR). Leikurinn fór
fram á Hvolsvelli og lauk með
sigri Kára 2-1. Það var Bjarki
Axelsson sem kom KFR yfir á
17. mínútu. Kári jafnaði metin
með góðu skoti Jóns Björgvins
Kristjánssonar utan teigs á 28.
mínútu. Það var svo Guðfinnur
Þór Leósson sem skoraði sig-
urmark Kára á 88. mínútu eftir
laglegan undirbúning varnar-
mannsins knáa Sindra Snæfells
Kristinssonar. Sigur Kára hefði
getað verið stærri en Einar Logi
Einarsson klúðraði vítaspyrnu í
leiknum. Kári er eftir leikinn í
fjórða sæti með níu stig. Næsti
leikur Kára er laugardaginn 25.
júní en þá taka þeir á móti liði
Einherja. bþb
Vesturlandsslagur í
fjórðu deildinni
Skallagrímur lék tvo leiki í B-
riðli fjórðu deildar karla síð-
astliðna viku. Fyrir viku síð-
an mætti Skallagrímur liði ÍH
í Hafnarfirði og lauk leikn-
um 3 – 2 fyrir ÍH en það var
fyrsta tap Skallagríms í riðlin-
um. Mörk Skallagríms skor-
uðu Enok Ingþórsson og Vikt-
or Ingi Jakobsson.
Seinni leikur Skallagríms var
sannkallaður Vesturlandsslag-
ur þegar þeir mættu liði Snæ-
fells. Skallagrímur fór býsna
illa með Snæfell og lauk leikn-
um 9 – 0 fyrir Skallagrím.
Mörk Skallagríms skoruðu:
Sigurður Kristján Friðriksson,
Enok Ingþórsson og Viktor
Ingi Jakobsson allir með tvö
mörk og þeir Steinar Har-
aldsson, Sölvi G. Gylfason og
Daníel Ingi Gunnarsson allir
með eitt mark hver. Jóhann-
es Helgi Alfreðsson leikmað-
ur Snæfells fékk rautt spjald í
leiknum. bþb
Manuel Rodriguez hefur ákveð-
ið að framlengja samning sinn sem
þjálfari kvennaliðs Skallagríms í
körfubolta og stýra þeim í úrvals-
deildinni næsta haust. Manuel hef-
ur náð góðum árangri með Skalla-
grím. Hann tók við liðinu síðasta
haust og kom því upp í úrvalsdeild
með sannfærandi hætti. Liðið tap-
aði aðeins tveimur leikjum á tíma-
bilinu. Þetta eru því gleðifréttir fyr-
ir Borgnesinga.
Kvennalið Skallagríms mun spila
í úrvalsdeildinni á næsta tímabili
í fyrsta sinn í 40 ár. Í tilkynningu
sem Skallagrímur sendi frá sér seg-
ir að búast megi við frekari fréttum
af liðinu á næstu vikum. Spennandi
verður að fylgjast með hvað Skalla-
grímur gerir á leikmannamarkaðn-
um í sumar.
bþb
Manuel Rodriguez
áfram í Borgarnesi
Vagnstjórar Strætó bs. sigruðu í
liðakeppninni á árlegu Norður-
landamóti í ökuleikni strætisvagna-
bílstjóra sem fram fór í Reykjavík
um helgina. Íslenskir vagnstjór-
ar hafa með þessum sigri unnið
keppnina tólf sinnum auk þess sem
þeir hafa unnið ellefu silfurverð-
laun og ein bronsverðlaun frá upp-
hafi. Vagnstjórar Norðurlanda hafa
att kappi í ökuleikni síðan 1976 en
reykvískir vagnstjórar hófu þátt-
töku 1983. Finnar urðu í öðru
sæti á mótinu og lið Noregs hlaut
bronsið. Liðið var skipað vagn-
stjórunum Sigurjóni Guðnasyni,
Þórarni Söebech, Andrési B Bergs-
syni, Pétri G.Þ Árnasyni, Einari
Árnasyni og Bjarna Tryggvasyni. Í
einstaklingskeppninni varð Finn-
inn Timo Kettunen Norðurlanda-
meistari, Sigurjón Guðnason hlaut
silfur og Þórarinn Söebech brons.
Liðsstjórn, framkvæmd og skipu-
lag var í höndum stjórnar Akst-
ursklúbbs; Harðar Tómassonar,
Kristjáns Kjartanssonar og Jóhanns
Gunnarssonar. mm
Lið Strætó Norðurlandameistarar 2016
Indriði Ragnar Grétarsson formað-
ur Bogveiðifélags Íslands hélt ný-
verið kynningu fyrir meðlimi Skot-
félags Snæfellsness á bogfimi. Indr-
iði kom bogfimi inn sem keppnis-
grein á Unglingalandsmót UMFÍ
og hefur verið virkur í að hvetja til
iðkunar bogfimi. Félagsmenn Skot-
félagsins voru þónokkuð áhugasam-
ir um þessa grein en nokkrum sinn-
um hefur það verið í umræðunni að
kynna sér bogfimina nánar. tfk
Indriði leiðbeinir hér áhugasöm-
um meðlimum Skotfélagsins.
Hreindýrið stendur álengdar
skjálfandi á beinunum!
Bogfimikynning hjá Skotfélagi Snæfellsness
Í gamla fjósinu á Vatnabúð-
um í Grundarfirði var starf-
ræktur gamaldags sveita-
markaður um liðna helgi.
Þar kenndi ýmissa grasa og
hægt að gera reifarakaup á
handverki, notuðum vörum
eða bara girnilegum veiting-
um. Vel tókst til og var góð
mæting um helgina en mark-
aðurinn var opinn frá klukk-
an 12 til 16 bæði laugardag
og sunnudag. Stefnt er að
því að halda markaðinn aftur
í sumar og þá aðra helgina í
júlí og svo aftur aðra helgina
í ágúst. Þeir sem hafa áhuga
á að taka þátt geta sett sig
í samband við Hrafnhildi
Jónu hjá Gallery Krums í
Grundarfirði og skráð sig.
Aðstaðan í gamla fjósinu er
mjög góð og setur skemmti-
legan blæ á markaðinn.
tfk
Sveitamarkaður á Vatnabúðum
Sölukonurnar á markaðnum stilltu sér upp fyrir fréttaritara Skessuhornsins í gamla
fjósinu.
Nú þegar sumarið er
komið má sjá krakk-
ana í Vinnuskóla Snæ-
fellsbæjar að störfum á
ýmsum stöðum í bæj-
arfélaginu. Vinna þau
fjölbreytt verkefni við
að snyrta til, svo sem
slá garða, reyta arfa og
fleira. Krakkarnir sem
ljósmyndari hitti í góða
veðrinu voru á fullu við
verkefni sín. Þau gáfu
sér þó tíma til að sitja
fyrir á mynd.
þa
Fjölbreytt verkefni Vinnuskóla Snæfellsbæjar