Skessuhorn - 24.08.2016, Blaðsíða 28

MIÐVIKUDAGUR 24. ÁGÚST 201628
Nú hellast yfir okkur fréttir um
að stjórnmálamenn ætli að bæta
kjör eldri borgara og öryrkja.
Félagsmálaráðherra hyggst nú
leggja fram frumvarp þegar aðeins
nokkrar mínútur eru eftir af starfs-
tíma hennar í embætti. Fjármála-
ráðherra fer mikinn þessa dag-
ana. Hann ræðst á fjölmiðlamenn
og pistlahöfunda og sakar þá um
falsanir og að allt sem þeir birti sé
þvættingur.
Bjarni sendi eldri borgurum bréf
í síðustu kosningabaráttu þar sem
hann lofaði að afnema tekjuteng-
ingar í bótakerfinu og rjúfa þá fá-
tæktargildru sem stjórnvöld hefðu
búið lífeyrisþegum og öryrkjum.
Bjarni sagði þar að þetta væri ákaf-
lega ósanngjarnt og vinnuletjandi.
Þetta fyrirkomulag væri algjörlega
í mótsögn við þá stefnu að eldra
fólk væri hvatt til þess að lengja
vinnualdurinn og auka þannig
þjóðartekjurnar. Öllum sem það
hafa reynt er ljóst að atvinnutekjur
aldraðra og öryrkja eru skattlagð-
ar um 80% þegar tillit er tekið til
skerðinga lífeyris. Það sorglega í
málinu er að allir vita hvað þarf að
gera. Þessi tvö ásamt flokksfélög-
um sínum hafa haft allt kjörtíma-
bilið til að laga þetta í samræmi við
þau loforð sem þau gáfu. Hin dap-
urlega staðreynd blasir því við að
það virðist vera einhver þjóðarsátt
um að halda þessum hópum við
hungurmörkin og treysta á flokks-
hollustu þeirra.
Í þessu sambandi er vert að nefna
að á endurreisnarárunum eft-
ir hrun var reynt að hlífa þessum
hópum og lágmarka þær skerðing-
ar sem þeir urðu fyrir. Ekki tókst
það fullkomlega, en allir vissu að
að allt var til fjandans farið. Vild-
arvinir núverandi stjórnarflokka
höfðu fengið gefins alla banka-
starfsemi og höfðu á örfáum árum
rænt þar öllu og ruplað. Innistæð-
ur aldraðra af ævisparnaði voru
horfnar. Eina fjárfestingin sem var
varanleg eftir þessa mestu hneisu
þjóðarinnar voru auglýsingaspjöld
Framsóknarflokksins og prófkjör-
sfjárfestingar Sjálfstæðismanna.
Er nú hægt að kalla það varanlega
fjárfestingu? Mitt svar er já, vegna
þess að í krafti stórra kosningasigra
hefur verið unnið að breytingum
í þágu þeirra efnameiri en hin-
ir skildir eftir. Skattar á láglauna-
fólk hafa verið hækkaðir en lækk-
aðir á hátekjufólk og fjármagns-
eigendur. Það virðist ríkja um það
þjóðarsátt að halda áfram að svelta
gamalt fólk og öryrkja. Það er nóg
að tala um það bara rétt fyrir kosn-
ingar og stóla á minnisleysi kjós-
enda.
Ísland er gott
land, bæði ríkt og
fagurt. Hér býr
fámenn þjóð við
gríðarlega auð-
legð. Hér geta allir haft það gott
ef rétt er gefið. Við skulum ekki
gleyma því að það voru fulltrú-
ar núverandi ríkisstjórnaflokka
sem greiddu atkvæði gegn aft-
urvirkni þeirrar litlu hækkun-
ar sem varð á lífeyri. Á meðfylgj-
andi grafi úr fjárlagafrumvarpinu
fyrir árið 2016 má sjá hvernig og
hvenær ríkissjóður var endurreist-
ur og hver staðan var þegar nú-
verandi ríkisstjórn tók við. Til að
skýra þessa mynd með einföldum
hætti, þá sýnir hún að síðustu rík-
isstjórnar biðu það örlög að verða
hin óvinsælasta en þeirrar núver-
andi að verða sú vinsælasta. Ef þau
hefðu aðeins sett tekjustrikið í lá-
rétta stöðu værum við þar stödd að
búið væri að rétta af alla innviði.
Já, alla þá innviði sem skornir voru
inn að beini þegar engir peningar
voru til. En nei, þeim lá svo á að
bæta í sjóði ríka fólksins. Æ, vesa-
lings fólkið, hvers virði er að vera
ríkur á Íslandi ef geyma þarf pen-
ingana í útlöndum?
Ingi Hans Jónsson,
Grundarfirði
Ég syng í kór Akraneskirkju. Samt
er ég eins og flestir Íslendingar, al-
veg trúlaus. Ég hef hins vegar allt-
af haft gaman að því að syngja. Í
gamla daga sungum við „Hlíðin
mín fríða“ í réttunum. En í kirkj-
unni er það „Konungur lífsins“, við
sama lag. Þegar ég syng sálmana
í kirkjunni, get ég alveg lifað mig
inn í þá. Fyrir mér er „konungur
lífsins“ ekki gráhærður, almáttug-
ur og töluvert hefnigjarn og ósann-
gjarn öldungur. Frekar bara fram-
rás lífsins, eða lífið sjálft, eða samfé-
lagið sem við búum í. Eitthvað sem
stjórnar lífinu, hvort það er tilvilj-
un, ég sjálfur, fólkið í kringum mig
eða tíminn. Við fullorðna fólkið
erum búið að læra að lifa með Guði,
kirkjunni og biblíunni. Við tökum
hæfilega mikið mark á því. Margir
prestar leggja líka mesta áherslu á
jákvæða boðskapinn í biblíunni, og
minni áherslu á það óræða, óskilj-
anlega, gerræðislega og mannfjand-
samlega sem er þar líka.
Fermingarbarn
Nú er fermingarfræðslan byrjuð.
Þegar ég syng við fermingar, fylg-
ist ég oft með krökkunum. Sum
hlæja og flissa og finnst þetta asna-
legt. Ég var svoleiðis. Hef áreiðan-
lega verið frekar bjánalegur í minni
fermingu. „Fermingarbarn, til
fylgdar þig hann kveðjur“ syng ég,
og seinna „Styrki þig Guð að velja
veginn rétta, viskan og náðin sveig
úr rósum flétta“. Ég hugsa um
Guð í óeiginlegri merkingu, og get
þannig sungið textann með innlif-
un. En fermingarbarninu gæti ekki
verið meira sama.
„Ég trúi á guð föður
almáttugan“
Er það ekki bara eins gott að ferm-
ingarbarninu standi alveg á sama?
Hvað ef það virkilega trúir því sem
presturinn er að
segja. Erum við
að gera rétt, þegar
við förum fram á við óhörnuð ung-
menni að þau lýsi því yfir frammi
fyrir öllum söfnuðinum að þau vilji
„leitast við að hafa Jesú krist að
leiðtoga lífsins“. Þau eru nýbúin að
fatta að jólasveinninn er bara plat,
en núna er sagt við þau í fullri al-
vöru að það sé annar jólasveinn sem
er jafn óskiljanlegur og sá í rauða
gallanum, en hann eigi þau að trúa
á. Alveg sama hvað þau eru búin
að læra í skólanum, um siðfræði,
mannréttindi og uppruna alheims-
ins.
Er fermingin
beinlínis skaðleg?
Við förum fram á að ungmennin
varpi frá sér skynseminni, og fylgi
hinum sterka leiðtoga í blindni. Er
það gott ef þau ákveða að gera það
í alvöru?
Þráinn Bertelsson sagði eft-
ir kosningarnar 2009 að Sjálfstæð-
isflokkurinn hefði unnið stærsta
kosningasigurinn. Hann hélt heil-
um 25% af atkvæðunum þrátt fyr-
ir að hafa algerlega rústað fjármála-
kerfinu, kallað yfir þjóðina risa-
skuldbindingar og komið á hafta-
stefnu, svipaðri og var um miðja
síðustu öld. Meira en helmingur
fyrirtækja var tæknilega gjaldþrota.
Getur verið að fermingin hafi áhrif
hérna? Stjórnmálaflokkar eru þau
öfl sem stjórna aðstæðum okk-
ar í nútímanum, Guð gerði það í
fortíðinni. Hafa þeir sem trúðu á
fermingarheitið, ákveðið að trúa á
flokkinn sinn, sama hvað allri skyn-
semi og staðreyndum um efnahags-
mál líður?
Það má velta því fyrir sér.
Kveðja,
Reynir Eyvindsson, Akranesi
Ja hérna hér!
Guð allsherjar,
alls staðar
Pennagrein
Pennagrein
Að Höfðagötu 11 í Stykkishólmi
er starfrækt gistiheimilið Höfða-
gata Gisting. Má segja að það sé
elsta starfandi gistiheimilið í bæn-
um. „Eftir því sem ég best veit var
hér fyrst Heimagisting Maríu, rek-
in af Maríu Bæringsdóttur frá 1992.
María ákvað að hætta 2010, árið sem
hún varð áttræð,“ segir Birna Elín-
björg Sigurðardóttir rekstrarstjóri,
betur þekkt sem Ella Birna. Árið
sem María hætti keypti fyrirtæk-
ið Gistiver ehf. húsnæðið og nafn-
inu var breytt í Höfðagata Gisting
sem er gistiheimili með svokölluðu
„bed & breakfast“ fyrirkomulagi.
Hefur Ella Birna verið rekstrarstjóri
gistiheimilisins allar götur síðan.
„Það hefur verið nóg að gera síðan
við tókum við rekstrinum og fjöldi
ferðamanna hefur vaxið jafnt og
þétt. Þegar við tókum við árið 2010
náði háannatíminn frá miðjum júní
og fram í miðjan ágúst, um það bil.
Síðan þá hefur ferðamönnum fjölg-
að, aðsóknin aukist og háannatíminn
lengst um mánuð eða svo í báðar átt-
ir. Nú er háannatíminn frá miðjum
maí og fram í miðjan september og
nánast fullbókað allan tímann,“ seg-
ir hún. Bókun var að sögn Ellu Birnu
mjög góð á liðnu sumri og bókanir
fyrir næsta ár fara vel af stað. „Það
var nánast fullt hjá okkur á hverjum
degi og þegar komið fullt af bókun-
um fyrir næsta sumar,“ segir hún.
Vetrarferðamennska
að aukast
Opið er allt árið um kring á Höfða-
götu Gistingu og segir Ella Birna
að gestum sem komi að vetri sé
alltaf að fjölga. „Það er í stuttu máli
aukning milli ára í öllum mánuð-
um og jafnt og þétt yfir vetrarmán-
uðina líka,“ segir hún. „Ég held að
margir komi hingað að vetrinum til
að freista þess að sjá Norðurljós-
in og íslenska náttúru í vetrarbún-
ingi,“ segir hún þegar blaðamaður
spyr hverjar hún telji skýringarn-
ar vera. „Einnig er Stykkishólmur í
þægilegri fjarlægð frá Reykjavík og
margir koma hingað í langar helg-
arferðir. Enda held ég að það hafi
verið almenn aukning í gistingu hér
í bæ síðustu tvö ár, meira og minna
fullt allt sumarið og stöðugt fleiri
að vetrinum,“ segir hún.
Gistiheimilið er fimm herbergi
auk lítillar íbúðar sem innréttuð var
í bílskúrnum. „Það eru fimm her-
bergi hér í húsinu auk bílskúrs sem
við breyttum fljótlega í litla íbúð.
Eitt herbergið í húsinu hefur sér
baðherbergi og fjögur herbergi hafa
tvö sameiginleg baðherbergi,“ segir
hún. Þá bætir hún því við að boðið
sé upp á morgunmat allra morgna að
sumrinu en að morgunverður sé val-
kvæður að vetrinum. „Gestir hafa þá
aðgang að eldhúsinu en það er ekki
hægt að bjóða upp á slíkt á sumr-
in þegar húsið er fullt af fólki alla
daga,“ segir Ella Birna.
„Húsið er á góðum stað í bænum,
aðeins fimm mínútna gangur niður
á höfn og upp að íþróttamiðstöðinni
og stutt í alla veitingastaði,“ segir
Ella Birna. „Þá stendur það tiltölu-
lega hátt í bænum. Útsýnið úr stof-
unni er alveg dásamlegt og gestirn-
ir eru mjög hrifnir af því. Enda erum
við ekki með nein gluggatjöld. Við
blasir bara þetta fallega málverk sem
aldrei er eins,“ segir hún og bendir
út um gluggann.
Áframhaldandi fjölgun
Auk Ellu Birnu rekstrarstjóra er einn
starfsmaður á Höfðagötu Gistingu í
fullu starfi við þrif, móttöku og ann-
að tilfallandi allt árið um kring. Þar
að auki er bætt við starfsmanni yfir
sumartímann, einnig í fullu starfi.
„Það er nóg að gera, sérstaklega
yfir sumartímann og jákvætt að geta
skaffað atvinnu,“ segir Ella Birna.
Koma aftur
Aðspurð um verkefni komandi tíð-
ar segir Ella Birna að til standi að
fjölga bílastæðum fyrir framan gisti-
húsið og taka garðinn í gegn. Þó sé
ekkert ákveðið hvenær hafist verði
handa við þær framkvæmdir, þessi
verkefni séu aðeins á dagskrá. „Ann-
ars sjáum við bara fram á frekari
aukningu í fjölda ferðamanna, sér-
staklega yfir veturinn þannig að
ferðamannatímabilið lengist enn
frekar,“ segir hún og bætir því við að
varla hafi liðið sá dagur síðasta vet-
ur að ekki hafi einhver verið í húsi.
„Gestir sem koma hingað að sumri
hafa margir haft á orði að þá langi að
koma líka að vetri og margir þeirra
hafa gert það. Raunar höfum við
orðið vör við að gestir komi oftar
en einu sinni til okkar. Það er mjög
ánægjulegt og gefur vísbendingu um
að við séum að gera eitthvað rétt,“
segir Ella Birna ánægð, enda mikið
lagt upp úr því að gestunum líði vel.
„Við leggjum áherslu á að gestirn-
ir finni að þeir eru velkomnir og að
þeim líði eins og heima hjá sér. Að
þeir eigi hér nokkurs konar heimili
að heiman, ef svo má að orði kom-
ast,“ segir Ella Birna að lokum.
kgk
„Leggjum áherslu á að gestirnir
finni að þeir eru velkomnir“
-segir Ella Birna Sigurðardóttir, rekstrarstjóri
Höfðagötu Gistingar í Stykkishólmi
Þegar verið var að undirbúa myndatöku vildi svo skemmtilega til að María Bærings-
dóttir átti leið hjá. Hún rak heimagistingu að Höfðagötu 11 þar til 2010, árið sem
hún varð áttræð. „Það var svo gaman í gistingunni að mér datt ekki í hug að hætta
fyrr,“ sagði María sem munað ekkert um að stilla sér upp á mynd með Ellu Birnu
Sigurðardóttur, rekstrarstjóra gistiheimilisins Höfðagata Gisting.
Höfðagata Gisting að Höfðagötu 11 í Stykkishólmi.