Skessuhorn - 16.11.2016, Page 22

MIÐVIKUDAGUR 16. NÓVEMBER 201622
Nýlega héldu eigendur Hótels
Rjúkanda á Vegamótum súpufund
fyrir ferðaþjónustuaðila á Snæfells-
nesi. Þar fengu þátttakendur tæki-
færi til að segja stuttlega frá sinni
þjónustu með það að markmiði að
hugsa saman næstu skref í sam-
vinnu á Snæfellsnesi. Að sögn Sig-
rúnar Erlu Eyjólfsdóttur, hótel-
stjóra á Rjúkanda, er mikilvægt að
samstarf sé gott í greininni enda
hafi verið mikil fjölgun ferðamanna
á svæðinu og sú tala fari enn hækk-
andi. Þess vegna hafi verið ákveðið
að halda þennan samhristing. „Við
teljum að það skipti máli að við get-
um myndað gott tengslanet á Snæ-
fellsnesi, við erum eitt lítið samfé-
lag. Ef við styrkjum þetta tengsla-
net getum við unnið betur saman
og verðum sterkari sem ferðaþjón-
ustuaðilar. Í svona litlu samfélagi
skiptir líka máli að vita hvað er í
boði hjá öðrum og að þekkja fólkið
í kringum okkur,“ segir Sigrún Erla
í samtali við Skessuhorn. Hún segir
það vera samvinnuverkefni að hlúa
að ferðamönnum. „Við erum samt
ekkert að finna upp hjólið. Það hef-
ur verið unnið mikið saman áður
og það þarf að halda því við. Hér er
fullt af gamalgrónum fyrirtækjum
sem eru að vaxa en einnig fullt af
nýjum fyrirtækjum með nýju fólki
sem er gott að sjá og kynnast.“
Endurvekja Ferðamála-
samtök Snæfellsness
Vel var mætt á súpufundinn þar sem
yfir 40 ferðaþjónustuaðilar komu
saman, auk markaðs- og kynning-
arfulltrúa úr Grundarfirði og Snæ-
fellsbæ, Ragnhildar Sigurðardóttur
frá Svæðisgarðinum Snæfellsnesi og
Margrétar Bjarkar Björnsdóttur at-
vinnuráðgjafa SSV. Sigrún Erla seg-
ir það hafa verið einkennandi hversu
mikill kraftur var í fólki og samhug-
ur. „Allir vilja mynda þessi tengsl
og vera í samvinnu. Eins og í svo
mörgu, þegar mest er að gera hjá
fyrirtækjum eru allir uppteknir. Þess
vegna skiptir máli að nota rólegri
tíma til að kynnast. Þarna var mikil
samkennd og áhugavert að sjá aðra
í sömu atvinnugrein. Þarna vorum
við til dæmis að sjá þriðju kynslóð
ferðaþjónustuaðila,“ segir hún.
Sigrún Erla segir að ákveðið hafi
verið að endurvekja Ferðamálasam-
tök Snæfellsness og að í stjórn félags-
ins verði einn fulltrúi úr hverju sveit-
arfélagi á Snæfellsnesi. Fulltrúi Snæ-
fellsbæjar verður Kári Viðarsson úr
Frystiklefanum í Rifi, Hulda Hildi-
brandsdóttir frá Hákarlasafninu í
Bjarnarhöfn er fulltrúi Helgafells-
sveitar, Ólöf Eyjólfsdóttir á Hótel
Rjúkanda er úr Eyja- og Miklaholts-
hreppi, Gísli Ólafsson, eigandi Láki
Tours, er fulltrúi Grundarfjarðar og
Nadine Walter, sölu- og markaðs-
stjóri Sæferða, er fulltrúi Stykkis-
hólms. „Þetta er fólkið sem bauð sig
fram til að vera í stjórninni. Nadine
og Gísli hafa verið í öðrum sam-
tökum áður og það er gott að hafa
svona reynslubolta með okkur,“ seg-
ir Sigrún Erla. Hún segir samhrist-
inginn hafa verið árangursríkan og
að ýmislegt hafi verið rætt. Það sem
stóð upp úr var hins vegar samhugur
allra sem mættu. „Fólk vill kynnast
og fólk var tilbúið að vekja Ferða-
málasamtök Snæfellsness. Svo voru
tveir tilbúnir að taka við keflinu
varðandi fleiri samhristingsfundi og
vonumst við til þess að þeir verði
haldnir tvisvar á ári eða jafnvel oftar.
Hugmyndin hjá okkur var sú að ein-
hver þyrfti að byrja en svo köstuðum
við keflinu í hópinn og tveir aðilar
tóku við því og ætla að halda næsta
samhristing.“
grþ
Samhristingur ferðaþjónustuaðila var á Hótel Rjúkanda
Systurnar Ólöf Eyjólfsdóttir ferðamálafræðingur og Sigrún Erla Eyjólfsdóttir
hótelstjóri.
Vel var mætt á samhristingarfundinn á Hótel Rjúkanda.
Skíðaráð Snæfellsness stendur í
ströngu þessa dagana og er mik-
ið um að vera hjá félaginu. Á dög-
unum fjárfesti félagið til að mynda
í Pisten Bully 200D snjótroðara.
Mikið hefur verið um sjálfboðaliða
sem hafa verið að vinna við skíða-
lyftu og skíðaskála félagsins. Búið
er að endurnýja nánast alla skíða-
lyftuna en skipt var um vír, diska
og reimar svo eitthvað sé nefnt.
Svo hefur mikið verið unnið við
skíðaskálann eins og að endur-
nýja glugga, klæðningu og fleira. Í
vor komu svo forsvarsmenn Sport-
víkur frá Blönduósi færandi hendi
með nýtt efni í öryggisgirðingu við
lyftuna. Sportvík kom svo aftur um
liðna helgi með hinar ýmsu skíða-
vörur sem Grundfirðingar og nær-
sveitungar gátu fjárfest í en fyrir-
tækið er með úrval hjálma, gler-
augna og annars búnaðar til sölu.
Nú vantar bara snjóinn í brekkurn-
ar svo hægt verði að opna en nánast
allt annað er klárt. tfk
Mikið um að vera hjá
Skíðaráði Snæfellsness
Snjótroðarinn bíður átekta eftir snjó en í baksýn má sjá auðar brekkurnar í
skíðasvæði Grundirðinga.
Það voru góð tilboð á skíðavörum hjá Sportvík í Sögumiðstöðinni á laugardaginn.
Á næstu þremur árum munu Isavia
ohf. og Slysavarnafélagið Lands-
björg sameinast um að bæta veru-
lega búnað sem auðveldar björgun-
arsveitum víða um land að bregð-
ast við hópslysum sem hugsanlega
verða á þjóðvegum landsins, utan
alfaraleiðar eða við vinsæla ferða-
mannastaði. Samningur þess að
lútandi var kynntur í síðustu viku.
Samkvæmt honum verða útbún-
ar sérstakar kerrur með sérhæfðum
búnaði sem björgunarsveitir geta
með lítilli fyrirhöfn tekið með sér
á slysstað. Isavia leggur 12 milljónir
króna á ári til verksins, samtals 36
milljónir króna. Slysavarnafélagið
Landsbjörg sér um að velja búnað-
inn, hanna kerrurnar og velja þeim
stað miðað við hugsanlega hættu á
hópslysum og þar sem viðbragð er
takmarkað. Búnaðurinn í kerrun-
um miðast við að björgunarsveita-
fólk geti veitt skjól og aðhlynningu
á slysstað utan alfaraleiðar á stöð-
um þar sem langt er í heilbrigðis-
þjónustu og aðrar bjargir. Við val á
staðsetningu kerranna verður tek-
ið mið af fjölda ferðamanna, við-
bragðsaðilum á viðkomandi svæði,
áhættugreiningu almannavarna og
hópslysaskýrslu Isavia.
mm
Setja upp færanlegan búnað til að
bregðast við hópslysum
Björn Óli Hauksson forstjóri Isavia og Smári Sigurðsson formaður Landsbjargar við undirritun samningsins.
Mikið vatnsveður undanfarnar vik-
ur hefur haft hin ýmsu áhrif og taf-
ið ýmsu verk hjá bændum. Agn-
ar Gestsson sem á og rekur ferða-
þjónustuna á Lýsuhóli í Staðarsveit
pakkaði heyi í tæplega 1000 rúllur
í sumar. Var hann byrjaður að aka
rúllunum heim en náði ekki að ljúka
verkinu vegna anna, meðal annars
við reiðhallarbyggingu. En túnin
eru mjög blaut eftir vatnsveðrin í
haust og því ekki hægt að aka um
þau með þung tæki. Nú á næstunni
mun verða farið í að ná rúllunum
af túnunum, en Agnar á mikið verk
fyrir höndum því rúllurnar sem eft-
ir eru gætu verið í kringum 800. Til
gamans fyrir þá sem vilja er hægt
að telja rúllurnar á myndinni en á
henni má sjá um þriðjung rúllanna
á bænum. Tíðin var góð í sumar og
heymagn næstum helmingi meira
en venjulega. þa
Vatnsveður hamlaði að hægt
væri að aka rúllum heim