Skessuhorn - 22.03.2017, Síða 2

MIÐVIKUDAGUR 22. MARS 20172
Í dag, miðvikudaginn 22. mars, eru
liðin 150 ár síðan Borgarnes varð
löggiltur verslunarstaður. Tímamót-
anna verður minnst með margvís-
legum hætti, bæði í dag sem og
á næstunni, til dæmis opnun ljós-
myndasýningar í Safnahúsi Borg-
arfjarðar og forsölu á ritinu Sögu
Borgarness. Áhugasömum er bent á
að kynna sér umfjöllun um afmælið
í Skessuhorni vikunnar.
Á morgun, fimmtudag, gengur í
sunnan 13-20 m/s, fyrst vestan til
á landinu. Snjókoma eða slydda í
fyrstu, síðan töluverð rigning og
hlýnar. Úrkomulítið á Norðaustur-
landi. Snýst í suðvestan hvassviðri
eða storm um kvöldið með éljum.
Kólnar á ný. Á föstudag er útlit fyrir
suðvestan 15-23 m/s og él, en hæg-
ari og þurrt austanlands. Hiti 0 til 4
stig en svalara inn til landsins. Hæg-
ara og úrkomuminna eftir hádegi.
Vaxandi sunnanátt með rigningu
vestan til um kvöldið og hlýnar í
veðri. Sunnan hvassviðri með rign-
ingu og súld á laugardag, en þurrt
að mestu á norðanverðu landinu.
Hiti 6 til 15 stig, hlýjast á Norðaust-
urlandi. Vestlægari áttir um kvöldið,
skúrir eða él. Kólnar í veðri. Minnk-
andi suðvestanátt og dálítil él á
sunnudag. Léttskýjað á austurhluta
landsins. Hiti 0 til 6 stig að deginum.
Á mánudag er útlit fyrir sunnanátt
með rigningu eða slyddu á Suður-
og Vesturlandi.
Í síðustu viku var spurt á vef Skessu-
horns: „Hver er eftirlætis samfélags-
miðillinn þinn? Meirihluti svarenda
segir Facebook vera sinn eftirlætis
samfélagsmiðil, eða 53% en næst-
flestir, 17%, segjast ekki nota sam-
félagsmiðla. „Snapchat“ svöruðu
11%, „YouTube“ 9%. Aðrir valmögu-
leikar fengu innan við 5% greiddra
atkvæða.
Í næstu viku er spurt:
„Hvernig heldurðu að Svölu Björg-
vinsdóttur muni vegna í Eurovision?“
Marta Magnúsdóttir, 23 ára Grund-
firðingur, var á dögunum kjörin skáta-
höfðingi Íslands. Er hún langyngsti
skátahöfðingi sögunnar og aðeins
önnur konan sem gegnir embættinu.
Marta er Vestlendingur vikunnar.
Spurning
vikunnar
Til minnis
Veðurhorfur
Vestlendingur
vikunnar
Vegna
fermingablaðs
BORGARFJ: Í síðustu viku
var listi yfir væntanleg ferm-
ingarbörn á Vesturlandi. Eitt
nafn misritaðist í vinnslu
blaðsins um fermingar 2017.
Pilturinn á þessari mynd heit-
ir Kristján Sigurbjörn Sveins-
son og býr í Víðigerði í Borg-
arfirði. Hann er beðinn afsök-
unar á misrituninni. Þá var
ritstjórn send ábending um að
þrjú börn vantaði á listann. Þau
tilheyra öll Staðastaðapresta-
kalli og munu verða fermd af
séra Guðjóni Skarphéðins-
syni í Búðakirkja 17. júní kl.
13. Þetta eru þau Embla Sól
Hilmarsdóttir í Lindarbrekku,
Jóhanna Magnea Guðjóns-
dóttir í Syðri-Knarrartungu
og Jökull Gíslason á Álfta-
vatni.
-mm
Stefnt að
útboði í maí
BORGARNES: Íbúafundur
fór fram í fyrrakvöld á vegum
sveitarstjórnar Borgarbyggð-
ar um fyrirhugaða viðbygg-
ingu og breytingar á húsnæði
Grunnskólans í Borgarnesi.
Samkvæmt deiliskipulags-
breytingu sem sveitarstjórn
hefur samþykkt og er nú í um-
sagnarferli, er gert ráð fyr-
ir matsal og mötuneyti í nýju
viðbyggingunni sem verður
650 fermetrar. Salinn verð-
ur einnig hægt að nýta sem
samkomusal. Um leið verður
álma þar sem smíðastofa hef-
ur verið á undanförnum árum
rifin. Það er arkitektastof-
an Zeppelin sem hefur unn-
ið að hönnun nýju viðbygg-
ingarinnar fyrir Borgarbyggð.
Að sögn Geirlaugar Jóhanns-
dóttur forseta sveitarstjórnar
var um góðan fund að ræða á
mánudagskvöldið sem um 50
manns sóttu. „Viðbygging-
in verður fyrsti áfangi í breyt-
ingum á innra skipulagi skóla-
byggingarinnar sem stefnt
er að vinna að í áföngum á
næstu árum. Næstu skref eru
að ljúka við endanlega hönn-
un en eftir að deiliskipulags-
breyting gengur í gegn í apríl
verður farið í verkfræðihönn-
un. Í kjölfarið verður útboð en
vonir standa til að það geti átt
sér stað í maí,“ segir Geirlaug
sem vonast til að framkvæmd-
ir geti hafist þegar skólinn fer
í sumarfrí. „Bjartsýnustu spár
okkar gera ráð fyrir því að taka
viðbygginguna í notkun í upp-
hafi næsta árs. Við erum stolt
af því að þetta er að verða að
veruleika og að við séum að
forgangsraða í þágu barnanna
okkar.“
-hlh

STYÐJUM
FRAMLEIÐSLU Á
VESTURLANDI

OPIÐ DAGLEGA
12-17

Ljómalind Sveitamarkaður, Brúartorgi 4, Borgarnesi.
Sími 437-1400. Netfang: ljomalind@ljomalind.is
Nýtt fimleikahús á Akranesi mun
verða byggt við hlið núverandi
íþróttahúss við Vesturgötu. Á fundi
bæjarráðs síðastliðinn fimmtudag
var ákveðið að mæla með því í bæjar-
stjórn að velja þennan stað frekar en
Jaðarsbakka. Ákvörðun sína byggir
bæjarráð meðal annars á umsögnum
skóla- og frístundaráðs og skipulags-
og umhverfisráðs. Fulltrúar Sam-
fylkingar í bæjarstjórn eru fylgjandi
staðsetningu hússins á Jaðarsbökk-
um og greiddu atkvæði gegn þessari
staðsetningu.
Kristinn Hallur Sveinsson fulltrúi
Samfylkingar í skóla- og frístunda-
ráði greiddi atkvæði gegn þessari af-
greiðslu á fundi ráðsins og lét bóka
að brýnt væri að bæta aðstöðu fim-
leikafélagsins og fagnaði því að ráðist
verði í byggingu fimleikahúss. „Sam-
fylkingin á Akranesi vill hins vegar að
uppbygging fimleikahúss verði á Jað-
arsbökkum. Við tökum undir sjón-
armið Íþróttabandalags Akraness
um að byggja Jaðarsbakka upp sem
íþróttamiðstöð Akraness og að þar
verði lífleg íþrótta- og menningar-
miðstöð sem þjóni fjölbreyttum hóp-
um með ólíkar þarfir. Samfylkingin á
Akranesi telur að með byggingu fim-
leikahúss við Vesturgötu tefjist nauð-
synleg uppbygging á Jaðarsbökkum
og tækifæri til samnýtingar fjármagns
glatist,“ segir í bókun Kristins.
Meirihluti skóla- og frístunda-
ráðs færði þau rök fyrir ákvörð-
un sinni um staðsetningu fimleika-
húss við Vesturgötu að brýnt væri að
bæta aðstöðu fimleikafélagsins. „Það
fjármagn sem þegar er gert ráð fyr-
ir í fjárhagsáætlun þessa árs og þess
næsta, eða samtals 450 milljónir,
fjármagnar að stærstum hluta þann
kostnað sem áætlaður er við bygg-
ingu fyrirhugaðs fimleikahúss miðað
við staðsetningu á Vesturgötu.“ Þá
segir meirihlutinn að ljóst sé að nýtt
fimleikahús geti haft jákvæð áhrif
á skólastarf í Brekkubæjarskóla og
fyrir íbúa í þeim bæjarhluta. „Skóla-
og frístundaráð leggur jafnframt til
að hafin verði vinna sem allra fyrst
við þarfagreiningu, hönnun og gerð
uppbyggingaráætlunar um framtíð
íþróttamiðstöðvar á Jaðarsbökkum
og tryggt verði fjármagn til þeirrar
vinnu.“ Eins og fyrr segir samþykkti
svo bæjarráð síðastliðinn fimmtudag
að leggja til við bæjarstjórn að fim-
leikahúsið verði byggt á Vesturgötu,
sbr. meðfylgjandi teikningu.
mm
Meirihluti með staðsetningu
nýs fimleikahúss við Vesturgötu
Teikning af fyrirhuguðu fimleikahúsi sem verður sambyggt íþróttahúsinu við Vestur-
götu.
Ný reiðskemma var vígð í Stykkis-
hólmi við hátíðlega athöfn á laug-
ardaginn. Skessuhorn greindi frá
því þegar framkvæmdir hófust við
skemmuna en fyrsta skóflustung-
an var tekinn í byrjun júní á síðasta
ári og hafa byggingaframkvæmdir
gengið að óskum, að sögn Nad-
ine Elisabeth Walter formanns
Hesteigendafélags Stykkishólms.
Notagildi skemmunar hefur nú
þegar sýnt sig en þar hefur fyrsta
reiðnámskeiðið þegar farið fram
auk þess sem hundaeigendur hafa
fengið þar inn til að námskeiða-
halds. Húsnæði af þessu tagi býð-
ur upp á fjölbreytta notkun og
ólíka viðburði. Nýja reiðskemman
er 38*16 metrar og hin glæsileg-
asta bygging, byggð úr einingum
frá Límtré Vírneti. Að sögn Nad-
ine var kostnaður við bygginguna
undir áætlun. „Það var mikil sam-
vinna við þetta verkefni og dugn-
aður félagsmanna sem gerði það
að verkum að við erum ánægð
með fjárhagslega niðurstöðu,“
sagði Nadine.
Margt var um manninn við
vígsluna og mikið um dýrðir.
Lokkadísirnar léku listir sínar og
sýndu hvað skemma á borð við
þessa hefur upp á að bjóða fyrir
lipra hestamenn. Þá mátti hlýða á
ávörp og gæða sér á kaffi og kök-
um. Síðar um daginn fóru hesta-
menn í sameiginlegan reiðtúr
með þátttöku á fjórða tug en um
kvöldið grilluðu þeir og snæddu
saman í skemmunni. Eftir það var
lifandi tónlist fram eftir kvöldi.
-jse/mm
Reiðskemman í Stykkishólmi vígð
Klippt á borðann til merkis um formlega vígslu hússins. Nadine Elisabet Walter
formaður Hesteigendafélagsins Stykkishólms og Sigþór Hallfreðsson formaður
byggingarnefndar hússins. Ljósm. sá.
Gestir njóta sýningar og samveru. Ljósm. jse.
Sturla Böðvarsson bæjarstjóri óskar hestamönnum til hamingju. Ljósm. jse.
Lokkadísirnar léku listir sínar. Ljósm. sá. Hestamenn sem staðið hafa í framvarðarsveit þessa verkefnis. Ljósm. sá.