Skessuhorn - 26.04.2017, Blaðsíða 20

MIÐVIKUDAGUR 26. APRÍL 201720
Þorsteinn Haukur Harðarson
var nýverið ráðinn framkvæmda-
stjóri Umf. Víkings/Reynis. Mun
hann halda utan um allan dagleg-
an rekstur og íþróttastarf félagsins.
Hann verður yfir meistaraflokkum
karla og kvenna hjá Víkingi Ólafs-
vík, sem og öllu barna- og ung-
lingastarfi Víkings/Reynis. Þá mun
hann einnig koma að Snæfellsnes-
samstarfinu.
Þorsteinn er 27 ára gamall og
hefur starfað nær óslitið við fjöl-
miðla frá árinu 2008. Síðast starf-
aði hann hjá fjarskiptafyrirtækinu
Vodafone. Aðspurður kveðst hann
fullur eftirvæntingar fyrir nýja
starfinu. „Ég er virkilega spennt-
ur. Það hefur alltaf verið draumur
minn að starfa innan íþróttahreyf-
ingarinnar og Ólafsvík fannst mér
spennandi kostur. Ég hef aðeins
kynnst félaginu í gegnum tíðina,
gaf til dæmis út kynningarblað um
knattspyrnulið félagsins fyrir fyrsta
tímabil þeirra í úrvalsdeild karla
árið 2013,“ segir Þorsteinn í sam-
tali við Skessuhorn. „Ég eignaðist
síðan konu af svæðinu, frá Hellis-
sandi, og hefur alltaf þótt vænt um
félagið síðan þá,“ bætir hann við.
Þorsteinn býr með Írisi Rut
Jónsdóttur og eiga þau sitt hvora
stelpuna af fyrri samböndum. Eru
þau búsett í Garðabæ en Þorsteinn
á von á að fjölskyldan flytji vestur
innan tíðar. „Ég reikna með að við
flytjumst alfarið vestur þegar eldri
stelpan er búin í grunnskólanum og
Íris búin í vinnunni,“ segir hann en
Íris vinnur í grunnskóla. „Ég kem
mér vestur sem fyrst og svo koma
þær þegar þær eru búnar með sitt,“
bætir hann við.
Hafa umgjörðina
sem besta
Aðspurður um áherslur sínar segir
Þorsteinn þær fyrst og fremst vera
að halda áfram að byggja ofan á það
góða starf sem þegar hefur verið
unnið. „Hvað varðar meistaraflokk
karla þá vonandi getum við hald-
ið áfram að skapa góða umgjörð í
kringum liðið og stuðningsmenn.
Ég mun leggja mitt af mörkum til
að þetta litla bæjarfélag eigi áfram
lið í efstu deild. Kvennamegin
hefur verið unnið mjög flott starf
undanfarin ár og liðið er í 1. deild
núna. Við munum halda því starfi
áfram með styrkingu yngri flokk-
anna og reyna að skapa hefð fyr-
ir kvennaknattspyrnu í Ólafsvík,“
segir hann. „Hvað varðar aðrar
íþróttir þá á ég eftir að koma mér
betur inn í það góða starf sem þar
hefur verið unnið, er frekar nýtek-
inn við starfi framkvæmdastjóra en
við munum halda áfram að reyna
að hafa umgjörðina sem besta fyrir
iðkendur allra greina. Þó fótbolt-
inn sé stærsta sportið þá má ekki
gleyma að fleiri íþróttir eru stund-
aðar. Þegar er boðið upp á sund,
körfuknattleik og frjálsar íþrótt-
ir. Stefnan er að styrkja það starf,
reyna að fjölga iðkendum og hafa
fjölbreytileikann sem mestan fyrir
unga fólkið,“ bætir hann við. „Ég
hlakka mikið til að byrja og fá að
taka þátt í þessu flotta íþróttastarfi
Víkings/Reynis,“ segir Þorsteinn
Haukur að lokum.
kgk
Keppni í Pepsi deild karla í knatt-
spyrnu hefst sunnudaginn 30. apríl
næstkomandi með þremur leikj-
um.Vesturland á tvo fulltrúa í efstu
deild karla að þessu sinni, ÍA og
Víking Ólafsvík og hefja félögin
bæði leik á sunnudaginn kemur.
Á Akranesvelli tekur ÍA á móti Ís-
landsmeisturum FH, en sá leik-
ur hefst kl. 17:00. Um kvöldið kl.
19:15 mætir Víkingur Ó. síðan liði
Vals á Valsvellinum í Reykjavík.
ÍA hafnaði í 8. sæti deildarinnar
á síðasta ári en Víkingur í 10. sæti.
Þjálfarar beggja liða höfðu á orði í
samtali við Skessuhorn að þeir von-
uðust til að gera betur í sumar en
á síðasta keppnistímabili. Nánar er
rætt við þá Gunnlaug Jónsson hjá
ÍA og Ejub Purisevic hjá Víkingi
Ó., um væntingar liðanna til kom-
andi tímabils, markmiðin í deild-
inni og fleira.
kgk
Boltinn rúllar af stað
Svipmynd frá leik
Vesturlandsliðanna
tveggja á Akranesvelli
síðasta sumar. Bæði
ÍA og Víkingur Ó. leika
í Pepsi deild karla á
sumri komanda.
Ljósm. úr safni/ gbh.
Nýr framkvæmdastjóri
Víkings/Reynis
Þorsteinn Haukur Harðarson, nýr framkvæmdastjóri Víkings/Reynis.
„Það er komin eftirvænting í
hópnum eftir mótinu, það eina
sem mætti lagast fyrir mót er veðr-
ið. Það hefur ekki verið eins og
við vildum helst hafa það, en það
breytir því ekki að flautað verð-
ur til leiks á sunnudaginn og við
hlökkum til,“ segir Gunnlaugur
Jónsson, þjálfari ÍA, í samtali við
Skessuhorn. Síðdegis á sunnudag-
inn hefst keppni í Pepsideild karla
í knattspyrnu með þremur leikj-
um. Einn þeirra er leikur ÍA og Ís-
landsmeistara FH á Akranesvelli.
Því næst mætir liðið Val og síðan
KR í þriðju umferðinni. Aðspurð-
ur um markmið sumarsins segir
þjálfarinn eitt markmiðanna vera
að byrja mótið betur en undanfar-
in tvö ár.
„Þó prógrammið fyrstu umferð-
irnar virðist erfitt fyrirfram þá get-
ur það verið kostur líka. Þessi lið
eru rétt eins og við að byrja mót-
ið og gætu átt eftir að finna takt-
inn sinn, veðrið eins og það er og
vellirnir eru ekki orðnir tilbúnir
í fyrstu umferðunum. Ég held að
það sé alveg klárlega tækifæri fyrir
okkur til að stríða þessum sterku
liðum í upphafi móts. Við erum
hvergi bangnir þó það líti kannski
þannig út á pappírum að fyrstu
leikirnir verði erfiðir,“ segir hann.
„Önnur markmið sumarsins eru að
halda áfram að bæta og þróa liðið
og ná meiri stöðugleika eftir svo-
lítið kaflaskipt tímabil í fyrra. Von-
andi mun að skila sér í því að við
komumst ofar á töfluna en síðasta
sumar,“ segir Gunnlaugur, en ÍA
hafnaði í 8. sæti í deildinni á síð-
asta ári.
Ánægður með hópinn
Gunnlaugur kveðst ánægður með
leikmannahópinn. „Hann hefur tek-
ið meiri breytingum en maður hefði
helst viljað, við höfum lent í áföll-
um í vetur og þurft að bregðast við
þeim og þess vegna hafa breyting-
arnar verið fleiri en við hefðum ósk-
að okkur. En það er ekkert við því að
gera, við verðum að bregðast við því
og ég er ánægður með hópinn,“ seg-
ir hann. „Hópurinn hefur slípast vel
saman. Við spiluðum til dæmis fínan
æfingaleik gegn Breiðabliki á laugar-
daginn þar sem við gerðum afar vel í
fyrri hálfleik. Þannig að þetta virðist
allt vera að smella saman á hárrétt-
um tíma,“ segir Gunnlaugur.
Liðið stígi upp
Fyrirliði liðsins til margra ára, Ár-
mann Smári Björnsson, tilkynnti
fyrr í vor að hann væri hættur knatt-
spyrnuiðkun. Gunnlaugur segir erf-
itt að fylla skarð hans. „Ármann hef-
ur verið óumdeildur leiðtogi liðsins
síðustu ár, fyrirliði og hefur spilað
vel, sérstaklega átti hann gríðarlega
gott sumar í fyrra. Það gefur augað
leið að það er ekki auðvelt að finna
leikmann sem stígur í hans spor, og
ég held að hans skarð verði ekki fyllt
eingöngu með því að finna mann í
stöðuna hans. Það finnst ekki týpa
eins og Ármann, hann hefur mót-
ast í liðinu og samfélaginu svo lengi,
hafði mikla reynslu að miðla. Ég tel
að til að fylla hans skarð þurfi liðið
sem heild þarf að stíga upp og þjappa
sér saman,“ segir Gunnlaugur.
ÍA varð fyrir öðru áfalli skömmu
fyrir áramót þegar markvörðurinn
Árni Snær Ólafsson sleit krossband
í æfingaleik. Óvíst er hversu mikið
Árni getur leikið með liðinu í sumar.
Til liðsins var fenginn reynslumik-
ill markvörður, Ingvar Þór Kale og
mun hann berjast við Pál Gísla Jóns-
son um stöðuna á milli stanganna.
Hann var áður talinn í hópi bestu
markvarða deildarinnar en átti erf-
itt uppdráttar á síðasta ári. „Síðasta
tímabil hjá Ingvari gekk ekki upp
eins og hann vildi. Hann veit það
sjálfur að hann þarf að stíga upp og
sanna sig. Ég lít á það sem kost fyr-
ir okkur að hafa leikmann sem vill
ólmur sína hvað í hann er spunnið,
auk þess sem það er mikill kostur að
hafa tvo reynda markmenn að stóla
á,“ segir Gunnlaugur.
Hlakkar til að sjá
fólk á vellinum
Það er auðheyrt á þjálfaranum að
hann bíður mótsins með eftirvænt-
ingu og hefur trú á sínu liði. Hann
vill hvetja Skagamenn til að fylkja
sér á bakið liðið í sumar. „Ég hlakka
til að sjá fólk á vellinum og hvet
Skagamenn til að styðja við bakið
á liðinu í blíðu og stríðu. Við mun-
um lenda í áföllum í sumar eins og
gengur og gerist í boltanum og þá
er stuðningurinn strákunum mikil-
vægur, bæði innan vallar og úti í bæ.
En ég vona að við náum að búa til
meiri stöðugleika og vonandi skil-
ar það okkur ofar í töfluna að móti
loknu,“ segir Gunnlaugur Jónsson
að lokum. kgk
„Allt að smella saman á
hárréttum tíma“
Gunnlaugur Jónsson, þjálfari ÍA.
Markahrókurinn Garðar Gunnlaugsson fagnar marki í leik gegn Val síðasta
sumar. Ljósm. úr safni/ gbh.